影片
營業時間
今日營業
08:00 - 21:30
星期一至四
08:00 - 21:00
星期五至日
08:00 - 21:30
以上資料只供參考, 請與餐廳確認詳情
上星期日（8/6/25）打算與小朋友去試一下這間新開的餐廳，我們有一個兩歲多小朋友，有一架BB車。公公先入去問有沒有位，有個女侍應態度已經不太耐煩。說等一下啦，然後我們就仍然傻傻選擇等待。等待期間，她態度很不耐煩叫我們行借開啲啦，唔好阻住地方，但沒有指明應該在什麼地方等。個時有個卡位吉出嚟，我們就問可否入座，因為有BB，如果坐卡位食嘢比較方便。但她完全沒有理啋，等了3分鐘都沒有客人入座卡位，再查詢可否坐卡位，他說不能，要等坐圓枱。我跟他解釋BB用圓枱比較難食嘢，因為餐廳沒有預備BB凳，Bb根本唔夠高食到，那個女人態度極度非常十分之惡劣大聲說係咁難食㗎啦，係咁難食㗎喇，於是我們立即走人。我不明白為何他服務態度會那麼差，如果不接受小朋友應該一早說明。
繼續閱讀
馬來西亞肉骨茶配飯 $78份量ok，雖奉上三塊厚實排骨與整顆蒜頭，油豆腐塊吸飽湯汁後仍保持彈性，醇厚藥膳香卻未滲透湯底。泰式金邊粉配雞翼 $48金邊粉配炸雞翼屬穩妥之選，半顆琥珀色滷蛋頗為搶眼，湯粉甜辣平衡卻缺乏記憶點。飛天通菜 +$18搭配的飛天通菜質地偏軟，醬汁未能挽救過度汆燙的菜莖。凍薏米水 +$3➡️推薦料足薏米水😋熱羅漢果冬瓜茶 +$0 味道偏甜，愛健康人士則需提醒減糖。合共：$147，嚐遍星馬風味，性價比尚可但未見鋒芒。
繼續閱讀
路過淘大商場見開左唔少新食肆，呢間前身都係做泰菜，唔知係咪同一間改左名，但見價錢OK 就試下！店內掛左多張泰國風景大相，都有泰國feel! 一行二人點左以下主食、小食及飲品：泰式青咖喱雞 $78，配白飯及優惠價飲品$22，再點班蘭紅豆冰 $18。青咖喱個汁幾開胃，唔會話好辣，又有好香椰漿味，撈飯一流！雞肉都算嫩滑，肉質及味道幾好！👍本人好鍾意飲紅豆冰，但好少飲到班蘭紅豆冰，好香班蘭及椰子味，杯飲品反而最吸引到我！😋小食拼盤 $108，一共有10件蝦餅唔錯，彈牙及會咬到原隻蝦肉粒，材料新鮮，其他小食味道都好正路，但略為細件，感覺呢碟只值$70-80，價錢平返少少會更抵食！母親節優惠，$1一隻煎餃子，點左兩隻，都煎得幾香，唔錯！最開心係唔使加一，即刻覺得抵左！👍😌
繼續閱讀
這間餐廳之前係馬來西亞娘惹菜，最近改咗名，但裝修跟之前還是差不多。看見這間餐廳新的食評都是麻麻地，但今日lunch 周圍都非常多人，所以入來這一間試吓。泰式豬手泰式船河 $70船河就是牛肉味湯河，牛肉湯牛肉味道十分濃郁，泰式豬手非常厚切，配上泰式汁味道唔錯。餐飲：馬拉奶茶少甜，奶茶茶味香濃，入口香滑，順暢。泰式紅咖喱蝦 配 白飯 $82紅咖喱味道非常香濃，配上濃濃椰汁味，配飯一流。蝦仁就是普通的雪藏蝦仁🍤，但入口爽口。雖然有加一服務費，但是服務和味道還是OK的。
繼續閱讀
平日去食下午茶，茶餐時間去到5:45 ，食完之後超過六點，埋單已經要計加一，取巧前身係峇峇娘野，改咗名，不過食品類型差不多，價錢差不多。但係取巧要加一。之前食過嘅巴東牛肉幾正宗，而家加咗好多洋蔥落去，比較多油，啲汁比較稀，冇咁正宗。滲滲喇沙味道不錯，可以自選餸菜加分。比之前個碗大啲，份量鬆動啲，好過之前。飲品選擇都多，叫咗羅漢果冬瓜茶偏甜，洋蔘菊花茶亦都少少甜，不過選擇較多取勝。總括就係不滿明明係平日食下午茶，居然要收加一，取巧。
繼續閱讀