5% Cafe

營業中

休息中

旺角好多cafe選擇，今次揀選左5%cafe。咁啱撞正有board game party所以同男朋友兩個坐左係個靜靜地既角落。好肚餓所以一坐低就即刻睇有咩食，最後叫左兩個set，一個雙重芝士焗肉醬意粉同埋一個手打牛肉芝士漢堡配薯條，跟餐配兩杯40蚊以內飲品，不過我地就叫左特飲補差價。首先上左男朋友杯virgin mojito，佢就話都幾清新同埋份量好大杯，越底薄荷味就越重。之後就到意粉，上面鋪左好多芝士！肉醬份量亦非常多而且唔會過鹹，每一條麵都吸到醬汁，食到最後都仲有肉醬剩，唔會好似某d餐廳意粉咁乾爭爭，同埋芝士有d係粉有d係一塊塊芝士，自己好鍾意一塊塊芝士食落好滿足！ 另外漢堡唔算好大舊，不過舊牛驚足料超級厚，咬落少少汁唔乾都幾香肉味，加埋芝士同蔬菜同包食落幾多層次。薯條係粗身款，正常幾脆口。另外朱古力smoothie都好大一杯面頭滿滿既cream，有少少薄荷味，都幾好飲。本來以為會唔夠飽但食完再加兩大杯野飲原來好飽。另外餐廳有唔少board game可以拿黎玩，不過同男朋友得兩個人就無玩，但聽到隔離開board game party玩得好開心好想玩，下次同fd黎都打算試下。埋單28

旺角食肆多，想搵間靜靜地飲吓嘢，呢度環境唔錯，地方大，坐位舒適，上到去見到有一班人開緊party。好開心另外一邊就好靜，一枱枱人飲嘢食嘢傾計，感覺舒適，環境仲好靚全部坐位都對住窗口，都可以望到街景............😊百香果綠茶🍹——-百香果清甜，果味濃郁草莓🍓梳打🍹——-草莓🍓甜甜酸酸，醒胃醒神好味道⋯⋯紅酒燴牛脷🍝意粉——-紅酒🍷加上鮮茄🍅🍓🥕🥔🧅多款蔬菓配制，配上意粉做醬汁，味道特別又有各款蔬菓的維他命，營養之選⋯⋯雞🐔扒司華力腸🥖意粉🍜伴黑椒汁——-雞扒🐔司華力腸大大件，抵食又大件......見到另一邊D人開party食同玩都好開心，又捉棋，又玩又食，如果一班人開party或者生日，不愧為一個好地方之選⋯⋯

呢日去左一間唔錯既咖啡上到比好多人 比客人包左一半場都幾多board game 比客人選擇店員仲要幾熱心教你玩 服務加分呢日叫左 午市套餐⭐️紅酒燴牛脷意粉$128呢個好食 牛脷小爽有咬口意粉軟硬岩岩好 個汁似味道紅湯⭐️自家製蛋糕跟餐加$28今日蛋糕係⭐️斑蘭慕絲椰子蛋糕唔會過甜 食多2舊都唔會濟淡淡既班蘭香味 加埋幾滑既cream 蛋糕幾軟熟偏實跟餐可以選擇$40以下既飲品⭐️荔枝紅茶$36⭐️芒果百香果綠茶$365% Cafe (旺角)地址：旺角彌敦道577號高氏大樓2樓BC號舖

Cafe既佈局裝修同同一大廈既其他cafe 都係差不多，但佢有個靚靚燈牌，可以有個打卡位😛Set menu啲野食睇落都好吸引，我地叫左香脆龍利柳配長通粉。等待食物既同時可以玩下佢啲Board game, 啲game都Keep待幾新鄭，店員仲會好有耐性咁介紹一下唔同Game既玩法，仲同我地試玩一次！服務真係一流！魚煎得好香脆，份量剛好～薯條都香口～飲品Rainbow 好有睇頭，仲有幾層既味道，就咁飲啲味唔會混合曬，等同飲左幾層既味道～朱古力奶冰都香朱古力味～

同朋友食餐飯吹水我都幾鍾意揀cafe, 揀旺角區就最方便大家今次就黎到5% CAFE, 大家記得睇清楚門口先好入丫, 因為同層有另一間餐廳餐廳環境都幾大, 座位都幾舒適餐廳仲有供應唔同種類既board game約埋一大班朋友黎就最好不過晚市有套餐供應, 價錢合理我就叫左個雙重芝士肉醬意粉, 分別用左2款唔同既芝士舖係面食到拉絲芝士, 肉醬汁味道調得幾好, 唔會過甜或過酸另外就叫左個雞朳飯, 個飯係心型架雞朳即叫即煎, 唔係預先整定, 配埋瑞士汁黎食都唔錯套餐仲包括左一杯$40或以下既飲品, 選擇都幾多係旺角休息hea下都係一個唔錯既選擇

係旺角的鬧市，四週圍都有不同的cafe，今日同好耐無見的朋友行完街就黎左5%cafe坐底傾下計喇🥰一入門口就有兩隻豬仔歡迎你🎉🎉Cafe入面全部都係呢類梳化椅坐得都幾舒服入面仲要有好多不同類型的card games如果唔識玩仲可以叫店員教你添👍🏻👍🏻雪梨花茶～ 正常味道👍🏻Chocolate Smoothie 呢杯野真係超級無敵好飲，仲有少少薄荷的味道添瑞士汁雞扒拼司華力腸配薯角賣相都幾靚，雞扒皮炸得好脆，雞肉好Juicy ，比想像中有驚喜，薯角份量都算多5%黑椒手打牛肉芝士漢堡配薯條肉質係幾好食，不過肉量就細左D，如果塊肉大塊少少賣相都好睇D啦🤭🤭薯條份量十足，仲要熱辣辣添👍🏻牛肉下面仲有蕃茄同芝士墊底6:00pm前埋單及離座會有8折折左都係$231，有得食，有得玩，又可以座下傾下計，一個字：值

今晚一早約咗好朋友嚟旺角食飯食完就過去旺中行街街今次我哋就嚟咗呢一間新嘅Cafe呢間Cafe嘅主題應該係玩遊戲一入到門口就已經擺咗好多唔同種類嘅board game細心嘅大家應該見到有好多號碼燈！令我即刻諗返起玩最近好Hit嘅狼人殺正呀！雖然今日係禮拜四 但係都有唔少人我哋唔係好肚餓 所以就點左一個小食一個正餐再加兩杯嘢飲share🤔🤓試咗呢個5%主題芝士手打牛肉漢堡朋友呢就試咗杯朱古力特飲！呢個朱古力好有層次！！！旺角黎講有個可以玩遊戲同食嘢嘅地方都幾唔錯 如果一大班人嘅話記住book位啊

Mk距離食飯時間仲有排就貢上間cafe到飲下野吹水，意想不到ne間cafe 位置都幾大架bo, 聚會十人內應該都有位塞入去。 全部都係梳化位店家播住柔和的輕音樂，叫左2杯野飲再忍唔住叫多個手打牛漢堡食。 熱朱古力黎左先睇到巧大一杯然後fd表示整到咁靚唔知點飲好，然後我杯凍薄荷朱古力朱味濃之餘上面有層cream架，仲有可可米tem增加佢個口感。 個漢堡到左先攻d薯條，炸得皮脆之餘又唔多油然後就狼曬lu, 手打漢堡牛食得出係手打的原因係塊肉排唔係平時漢堡排個款壓到好實，配埋生菜shok shok蕃茄juicy有d洋蔥match埋佢地個汁岩曬填一填肚又唔會太飽食（p.s:2人一漢堡情況下）。 不過ne度讚的係有board game 提供比我地一班fd圍圍喂tem沒話題由board game 破冰丫

最鍾意去旺角嘅樓上Cafe食野，順便玩下boardgame，有朋友推薦左呢一間適合一大班朋友聚會之選，喺旺角嘅高氏大廈入邊，即係Cafe嘅集中地🤣🤣可以一邊食一邊玩board game! 唔好見佢廚房細細，但係食物選擇都幾多喎。啲坐位都好闊落，一邊食一邊玩嘅時候都唔會覺得好迫，好適合成班friend去聚會。.今次就叫咗一個瑞士汁雞扒司華力腸配飯、5%黑椒手打牛肉芝士漢堡配薯條、雞柳配炸手指魚⭐️瑞士汁雞扒司華力腸配飯（$108）由於嗰日好肚餓所以就想食個飯，首先一上到黎已經比佢哋買相吸引左，好有心思將飯併成心形🧡之後再俾佢嘅雞扒吸引左， 外表煎到好脆，但其實內裏真係好滑嫩又夠入味 ，司華力腸我就覺得佢有啲少，食得唔夠喉呀，如果多啲就咁正啦！😍😍再配埋甜甜鹹鹹嘅瑞士汁，都幾撈飯！⭐️5%黑椒手打牛肉芝士漢堡配薯條（$128）好大份！漢堡扒非常之厚實，厚實得來又唔會乾，有𡁻口有Juicy，係用新鮮嘅牛肉去做嘅，食得出好足料！配上半溶嘅芝士同埋生菜蕃茄，好Fresh!⭐️雞柳配炸手指魚（$48）炸物都好出色，炸雞柳類似麥x勞嘅麥樂雞，但唔同嘅事呢度嘅雞柳食得出個口感係有雞絲，同埋雞味濃😍炸手指魚配

今次去旺角發掘到一間新開嘅樓上cafe，即興約朋友食飯，嚟咗呢一間Cafe，CP值幾高。環境來講都幾舒服，佢嘅坐位都係梳化，好好彩雖然我哋人少少，但都分到張大枱，坐得好舒服，有大啲空間玩board game！.肉醬意粉 $98🍝賣相嚟咁佢睇落同其他出邊嘅肉醬意粉冇乜分別，但係食落去竟然係甜酸嘅感覺，應該落咗啲糖去帶出蕃茄嘅酸甜味，味道啱啱好，意粉嘅軟硬度都恰到好處，整體來講都幾好味😋.芒果百香果綠茶跟餐包左一杯$40嘅嘢飲，Over咗就補差價，平時好驚喺Cafe飲到啲味道假嘅飲品，呢一杯入口味道自然，酸酸甜甜，入邊仲有一啲百香果籽，好開胃解膩！.5%黑椒手打牛肉芝士漢堡配薯條($128)一上到黎都俾佢嘅份量嚇親，薯條多，手打牛肉大，切開係綿得來又依然有啲口感，每一啖都好香油香味，好juicy!😋😋擺咗車打芝士係面，雖然仲未溶得哂，但係香濃嘅芝士味搭救啦！🤣🤣薯條夠粗身，配上茄汁。

*今日eatmug9 #78Cafe畀人嘅感覺一般係好舒服好靜嘅呢間喺旺角開咗冇幾耐既5% cafe將cafe呢一種氣質完全表現出來毛絨嘅梳化 窗邊一盤盤嘅小盆栽同埋一首首小提琴嘅melody令到個人好放鬆 好似返咗去自己間房咁上去嗰陣時係tea time人客唔多 店員安排咗個隱蔽少少嘅位我哋坐雖然有tea set 但係連lunch都未食 所以點咗個 lunch抹茶朱古力沙冰份量就full 抹茶味夠濃 夾雜一啲細小嘅朱古力同埋冰粒有口感有味道相當唔錯海鮮肉醬意粉意粉夠彈牙雖然啲肉醬唔多 但係味道相當濃郁比一般茶餐廳嘅肉醬意粉更有質素補充返少少除咗有得食之外佢側邊仲有個架放咗好多board game適合一班朋友一齊上呢一邊食一邊玩

星期天喜歡約朋友上cafe，享受下休閒嘅時光。因為可以慢慢坐，食下嘢，玩下board game。今次來到登打士街嘅 5% cafe 了，這裏交通方便，環境也不錯，坐在窗邊嘅梳化位幾舒適。咁啱今日嚟到佢哋搞緊board game party，負責想人話如果有興趣都可以join埋一齊玩，不過我就同朋友玩多啲。負責人好好有善，細心咁介紹我哋玩適合我哋嘅遊戲，仲好詳細咁介紹玩法，佢介紹的遊戲真係好好玩呀。食物方面，價錢都合理，因為下午茶時間，所以我哋只係嗌咗一個套餐兩份食，再加個小食。我哋叫咗黑椒牛肉漢堡配薯條，飲品就係熱榛子朱古力。另外跟餐有一件班蘭椰汁蛋糕，再額外叫多份瑞士汁雞翼。漢堡包嘅漢堡扒非常juicy，爆曬汁，漢堡扒好有份量，厚度十足。另外，我都好鍾意瑞士汁雞翼，有屋企媽媽整嘅感覺，家的味道。😋🤤

5% Cafe旺角彌敦道577號高氏大樓2樓BC號無論係香港或者世界各地，自己都好鐘意幫襯d特式既cafe, 今日黎到呢間cafe位於旺角同油麻地之間，搭港鐵兩個站落都咁方便，約朋友聚會岩晒呢間cafe 叫 5%, 好鐘意呢間餐廳老闆既理念，意思就係鼓勵我地每日用5%既時間同身邊既朋友見下面或者認識下新朋友我覺得呢到就係最好同朋友聚頭既好地方啦，鋪頭好闊落，而且每個座位都係軟淋淋嘅梳化好舒服，最岩同朋友傾計，坐到唔捨得走呀建議大家可以揀set meun入面既食物，價錢合理而且係包左一杯$40或以下既飲品，如果over $40 只需要補返差額就可以啦好欣賞既牛脷，柔嫩脆韌食落好有口感，配合埋用紅酒燴，好match望落已經覺得好吸引，牛肉係餐廳手打既，所以入口鮮嫩多汁，而且仲好厚tim呀，必試飲品方面都幾出色，好濃既朱古力味，餐廳好有心思，連杯邊都鋪滿朱古力碎，加上面層既cream, 雖然好邪惡但一定要試下，無介紹錯除左飲飲食食之外，餐廳仲有好多boardgame可以借比食客玩，約埋朋友，三五知己黎到真係可以消磨大半日，真心推介

地點算係幾方便，内裏都好寬敞同舒服，非常適合傾計聊天！不過食物方面，真係唔得同有待改進！食物選擇兩隻手數得曬，仲要基本上全部都係炸野，唔係炸野得一個選擇。本身以爲樓上café D野食會比較平，但都要$130一個餐。仲要D食材好明顯唔值$130，係其他café用$60~$70就食到。香煎龍利柳配牛肝菌長通粉：我宜家先知原來炸係【香煎】禁解🙄，成條魚係炸，仲要無咩肉、因爲唔食得炸野，全部炸皮整走左之後無咩肉食！點解炸魚要寫作香煎呢？牛肝菌長通粉個名就好聼，牛咩肝菌啊，咪罐頭蘑菇湯！又淡又無味！黑椒手打牛肉芝士漢堡配薯條：成個漢堡又乾又hea，我食$50幾既港式漢堡仲好食過佢。D薯條仲要凍曬霖曬！餐果個飲品就算啦，超稀超淡。早知唔叫餐要飲品，仲可以俾少$20!禁既野食真心無動力影，hea影算！

同男朋友出旺角食飯，揀咗間樓上Cafe靜靜地坐下傾吓計~環境幾warm，有無數board games，店主仲好好人咁推介左二人board games俾我地玩，但我哋最後都係揀咗最經典嘅層層疊😋飲品幾特別，食物選擇雖然不多，但質素卻很驚喜~5%黑椒手打牛肉芝士漢堡配薯條~賣相唔錯，見到熱溶嘅芝士滿滿地包住手打牛肉漢堡，整個感覺好吸引，漢堡包焗得香脆，牛肉漢堡最為驚喜，自家製手打嘅口感確實比較厚實，調味啱啱好，沒有美式漢堡般的過鹹，仍然食到濃濃既牛肉香味😋香煎龍利柳配牛肝菌汁長通粉~好驚喜，有大大塊無骨魚柳，Size有手臂咁長，同樣是啱啱新鮮濺起，外皮仍然保持香脆，肉質夠嫩滑，配合少許嘅調味，點埋千島醬食感覺非常滿足~雞塊拼魚手指~新鮮炸起，外皮香脆，加上啖啖魚肉和雞肉，點埋沙律醬十分滿足~斑蘭椰子慕絲蛋糕~最喜愛嘅甜品之一，自家製蛋糕質感比較厚實，整個蛋糕甜度控制得宜，不會過甜，淡淡既斑蘭香味佈滿整個口腔，配合椰子慕絲味道又二想不到地夾~Pure  colada~但係菠蘿汁，椰漿，雲呢拿雪糕嘅組合，聽落好似有點奇怪，但係飲落其實味道非常特別，仲有酸酸甜甜幾開胃咁，亦有雲呢拿嘅香甜同嫩滑，