5% Cafe

營業中

休息中

上個週末同小朋友去旺角，我個細女話要去呢個Cafe，因為有K pop 嘅照片及poster。因為我哋啱啱先至飲完嘢所以諗住上去四個人嗌兩杯嘢飲，坐一陣就走。埋單時才發覺原來有最低消費，每位60 ，但係員工一直都沒有提醒我們，在進場時及點餐時都沒有提醒，因為就算我們叫四杯飲品都是唔夠最低消費的。事後員工堅持要收取最低消費，但係我們只是坐了15分鐘，而店內有大量吉枱，並不是繁忙時間，但最後亦無可奈何照俾。佢曾經話平少少俾我哋但係計完條數只係平$15 ，我同佢講唔好搞咁多嘢你照收$240就算啦。都唔知好嬲定好笑。好似細路仔做生意咁平$15都唔知算乜。我真係祝福佢長做長有。講到食物或飲品，我個細路叫咗杯凍朱古力佢說不錯，但我哋叫嘅凍咖啡就真係好難飲，我哋兩個大人飲一杯都飲唔晒到一半簡直係唔想飲。環境方面梳化坐落去好似有個大窿咁樣而且感覺上好似好唔乾淨。簡直周身唔聚財總結，飲品以及環境質素差，老闆不了解客人感受，有被騙感覺

行開旺角個頭，見到佢好似幾特別，有個好靚嘅打卡位添🤣於是今晚一於去試試先！！佢都幾近㗎，過條馬路就到！好方便！走嘅時候，一落樓下有巴士返屋企添😚好靚嘅真係!!!仲要唔算好多人，啱唒班朋友去傾偈，仲要有board game玩，可以留一晚都得呀🤣見menu價錢又唔算好貴咼！cafe黎講叫性價比高👍🏼👍🏼佢有個鐘仔，想叫野食可以噤鐘仔！好方便！！叫咗2個set dinner黑椒牛肉芝士漢堡薯條 $148薯條超新鮮熱辣辣炸起，好好食！！而且個漢堡好大個，包有烘過！略略覺得如果多啲菜會開心啲🤣不過佢都有小小沙律菜做伴碟，都開心！天婦羅蝦卡邦尼意粉 $108超大份！！開頭以為細嘅，因為視覺隻碟大only!但原來入面好深，食咗一半已經飽🤣好彩朋友大食，食得唒！！不過醬多啲會開心啲🙈但佢嘅炸蝦好正！！！芒果百香果梳打 +$4飲品一律包38蚊多咗就補就得！都幾清，好好飯！refreshing 之選👍🏼👍🏼👍🏼Chocolate smoothie +$18So rich!!!不過飲要小心啲，好易滴到周圍都係🤣但好味！！最後食咗個梳化里蛋糕！都幾好食㗎！！下面係海棉蛋糕，上面係cheesecake 黎🤣👍🏼

究竟要啲嘢有幾好食，要個地方有幾好玩，先會成日 囉囉攣想去呢， 自從上次同個仔嚟玩過一次之後，佢成日都會同我講我要再去上次嗰度， 食薯條玩，叮叮叮😂😂， 今次阿姨都得閒 就一行四人再同佢去玩多次食多次， 今次去到同上次好唔同 多咗好多年青人 仲有好多韓式擺設 但對於我個仔嚟講🤭乜嘢都冇變過，最緊要佢要玩嘅 遊戲仲喺度😂😂， 今次我哋叫咗⭐黑椒雞扒拼司華力腸配薯條估唔到黑椒雞扒 勁脆 仲要唔“鞋”有肉汁👍🏻👍🏻， 薯條卜卜脆 司華力腸有咬口⭐5%黑松露手打牛肉芝士漢堡配薯條牛肉鬆軟多汁 配上淡淡黑松露味 真係非常之夾👍🏻👍🏻⭐雙重芝士焗肉醬意粉呢個勁讚 芝士焗肉醬意粉👍🏻可以焗到脆邊味道香濃， 好食到停唔到口 一間小小嘅cafe有咁嘅水準,下次我哋一定會再嚟#5percentcafe #mkcafe #cafe #旺角美食 #樓上cafe

旺角樓上cafe味道參差，通常只講求有一個地方和朋友聊天，網上見到這間樓上cafe食物味道不錯，而且堂食還有boardgame玩，值得一試，不過今天先試外賣，下次再來堂食加玩boardgame。Impossible植物肉芝士漢堡配薯條 （連餐飲）HKD 158 - 沒想到這裏也有素肉選擇，最近吃得太多肉，而且之前在素食店吃過Impossible植物肉也不錯，今次再試試。味道少了肉的香味，但口感和牛肉漢堡很像，不油膩，推介健康之選！配上芝士生菜，不錯！薯片正常發揮。美式洋蔥圈 HKD 48 - 因外賣關係，有點硬但也還脆，洋蔥夠新鮮，味道不錯！熱芒果百香果紅茶 （跟餐）- 有驚喜選擇！很香濃的紅茶，配上芒果和百香果的甜味，味道有層次，很推介！總括服務很好，地方不是很大但食物不錯，可以一試。

🍴5% 黑松露手打牛肉芝士漢堡配薯條 158 蚊🍔🧀 可配38 蚊或以下飲品 點左 56 蚊既 chocolate smoothie 🍫朱古力 smoothie外表幾靚 有 d朱古力刮邊 底層有香濃既朱古力奶 中間就打成冰 夠哂冰凍❄️ 上層有香滑既 cream同 朱古力碎 味道同外觀度都十分唔錯#朱古力 #沙冰 #cafe #burger #漢堡 #牛肉 #芝士 Score 平均分 <7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻👍🏻~~~~~~~~~~~~~5% cafe#5%cafe旺角彌敦道577 號高氏大廈2 樓 bc鋪~~~~~~~~~~

上次同個仔嚟食過玩過，估唔到4歲人仔咁好記性，成日嚷著要再嚟玩，約埋姨仔4人出動!今次佈置到偶像化，對於我地呢D年紀就唔覺什麼，但隔離班後生仔女就線興奮，係咁喺D佈置前面影相，等同當年我鍾意哥哥一樣，哈哈!個仔最想玩嘅小遊戲就係“甜品大師”，4個人鬥快跟咭上圖案擺籌碼，籌碼有底面兩個圖案，有時都唔容易㗎!食嘢方面今次點咗“5%黑松露手打牛肉芝士漢堡配薯條”，牛肉味道較淡，反而突顯咗黑松露嘅味道，即場食連埋薯條都會好味!“黑椒雞扒拼司華力腸配薯條”估唔到塊雞扒真係炸得出色，外脆內軟，肉汁豐盈，好味!“雙重芝士焗肉醬意粉”濃厚芝士覆蓋整碟意粉，適量嘅肉醬更加配合，不錯!飲品方面今次點咗“Rainbow”同“HoneyButterfly”，仲有上次試過嘅“ChocolateSmoothie”，前兩者顏色繽紛，飲落清新，好適合夏天飲，透心涼!比起上次，食物水準有顯著進步，職員服務態度亦一流，令感覺親切，上嚟食吓玩吓可以放鬆心情，開心一晚!

去到旺角呢個咁煩囂嘅地區，好想搵一個寧靜嘅空間同朋友好好傾偈，或者自己休息下😌呢間樓上cafe 絕對好選擇，位置就腳，裝潢簡約，有舒適又寬敞嘅梳化，亦有意想不到的寧靜🥰 除咗提供餐飲外，仲可以玩吓board game 🥳雙重芝士焗肉醬意粉 $108食物質素好高，好有誠意，完全唔馬虎。看似common 嘅焗肉醬意粉🍝非常出色👍🏻用雙重嘅芝士🧀🧀，既香口又做到拉絲效果。芝士完完整整嘅覆蓋意粉，所以意粉唔會焗到好硬，堅韌度啱啱好。肉醬味道濃郁又唔會太酸😋Chocolate Smoothie $56賣相好吸引😍明顯見到一層層嘅沙冰及朱古力🤩 沙冰口感綿綿，冰涼解暑🧊，朱古力甜絲絲的，上面加上幼滑嘅忌廉及朱古力脆粒🥰🥰朱古力控大叫爽呀🤣

5% cafe dinner set 睇ig知係一間主打應援嘅cafe 所以覺得食物質素應該麻麻但之後見到有 @ms.momopig 推廣加上可以一齊挽board game所以黎但係食物質素有啲強差人意😅利申食開嘉寶黑松露牛肉burger $158👎🏻價錢進取但同質素不成正比👎🏻牛肉漢堡好乾冇肉汁👎🏻包好細份👎🏻薯條微脆唔熱👍🏻包有烘過雙重芝士焗肉醬意粉 $108面落睇好多芝士 但芝士味唔重肉醬都唔係好夠味 印象同大快活大家樂啲肉醬意粉質素差唔多😅可能仲好食過佢龍利柳配長通粉 $118好彩有比沙律醬 如果唔係乾到食唔落overall 0回頭衝動 比五折我都唔會去食sorry

今日難得出開旺角，搵間Cafe 舒舒服服坐下食下野。咁啱係見到附近有5% Cafe，上去試下先😋。.💚日式天婦羅蝦卡邦尼煙肉意粉🍝天婦羅蝦🦐炸得香脆乾身，一啲都唔油膩。卡邦尼意粉夠Creamy 香滑。💛黃金炸物拼盤(麥樂雞、薯條、泰式魚餅)🍟麥樂雞外層脆卜卜，內裏啖啖肉。薯條金黃香口夠粗身，泰式魚餅彈牙爽口。💙蜂蜜梳打🍹濃厚香甜嘅蜂蜜梳打，飲落滋潤又冰爽。.餐廳服務員態度好好，好細心💕又有禮貌。環境舒適，又有好多桌上遊戲提供，啱哂一大班人去開Party🥳🎉。.好味指數：😋😋😋😋4/5推介指數：😋😋😋😋😋5/5抵食指數：😋😋😋😋4/5.🍽 5% Cafe (旺角)📍旺角彌敦道577號高氏大樓2樓BC號舖

餐廳係油麻地靜靜的一角，望住樓下人來人往，對住彌敦道。平日6點半唔多人任坐，播住潮流韓國音樂，同朋友傾計完全無壓力，坐位全部都係sofa, 坐下坐下唔覺又一晚。食物正常，叫左個咸窩夫🧇聽落幾特別就試下，好少食咸窩夫又幾好食，似pizza 但又有味過普通pizza，加埋芝士拉芝同肉醬，好豐富。叫左個紅酒牛舌做主食，可以揀意粉或薯條，咁兩個女仔當然係配薯條🍟；牛舌好淋簿切得黎又夠味，薯條都脆卜卜唔油，唯一缺點係紅蘿蔔🥕太硬，唔算食唔到但就係鐘意食淋身又入味既紅蘿蔔。

放假約咗朋友帶我去旺角樓上5% cafe食下午茶，位置非常方便。係油麻地地鐵站出口，登高氏大樓，入到餐廳店員服務態度有禮貌，地方唔算大環境舒適。裝修得好有特色唔會覺得拘謹感覺，見到食客玩緊唔同種類遊戲牌，好似去咗playground，想放鬆一下，可以選擇嚟個地方唔錯。雙重芝士焗肉醬窩夫薄餅(8吋) ($108)窩夫外脆內軟，肉醬配上芝士好似肉醬意粉味道，一口一口食過不停好好味。黃金炸物拼盤 ($68)泰式魚餅有少少辣、麥樂雞外脆雞肉嫩好juicy、薯條熱辣辣卜卜脆好香口。

今日上左黎一間鬧市中既商廈cafe，環境優靜，又有打卡位，岩哂閏蜜聚餐，仲有好多games可以借玩，可以一大班人一齊邊食邊玩。不得不說呢度服務好好，由我入座，雖然menu有得睇哂，但職員都好耐心咁講有咩選擇同介紹返餐牌內容，亦都全程保持微笑，老實講有幾可有餐廳有真係「用心」既服務態度去招呼客人。所以我雖然逗留時間不長，但全程用餐愉快。荔枝梳打So fresh~~~透心涼💕唔會太甜，係打開左味覺咁。日式天婦羅🍤卡邦尼煙肉意粉一間餐廳既質素能在簡單菜式上演繹出。天婦羅🍤鬆脆，蝦肉飽滿爽口。卡邦尼意粉醬料絕不馬虎，入哂味且creamy！意粉又唔會煮到太軟，煙韌有口感，會想一口接一口食。炸物拼盤有泰式魚餅，麥樂雞同薯條。泰式魚餅微辣夠惹味，最中意佢個冬蔭公味。其餘的麥樂雞同薯條炸到脆卜卜，不油膩，食多也不怕啦💕日式梳乎厘芝士蛋糕呢個cheese cake 好好味，非常新鮮鬆軟，入口即化。

星期六夜晚人都唔多，有board game玩，每星期都會慶祝(?)韓星/出名明星出道/生日之類，我果日係慶祝N.flying，有好多海報同相貼晒出嚟。*炭燒雞扒漢堡配薯條 $138 包$40之內飲品意外的迷你，可能細過我個手掌添，其實少失望，麵包望落好乾，實際上咬落外脆內軟，雞扒juicy唔乾，醃得好夠味，偏少少甜，不過就食唔出炭燒味，夠厚但好細舊，仲細過個麵包，仲有片車打芝士，番茄同生菜。薯條好脆，但同時好油，冇薯仔味，中間半空心，基本上得個薯條殼。不出所料，食完唔會飽，sad🥲

呢間cafe本身係以boardgames做主打，所以對佢嘅食物無咩期望，不過食完又覺得質素其實唔錯，選擇亦頗多。再加上佢啲位大部分都係梳化，嗰日星期四夜晚去到都唔算多人，幾適合同朋友傾下計慢慢食。；chocolate smoothie (snow style) $56平時好少飲甜嘢，今次偷咗朋友嗰杯黎飲，朱古力味濃得黎唔會過甜，配埋cream一齊飲特別滑，最上面仲有啲脆脆嘅coco pops添，好味。；新豬肉漢堡 $128 (??) forgot hahaha新豬肉食落幾可亂真，係口感散少少，成個包一齊食就唔覺。個包無咩特別，反而配菜番茄同生菜好新鮮，食落非常refreshing。薯條 超 好 食 ！！！熱辣辣又夠多，雖然唔係我最鍾意嘅粗薯條不過依然滿意～• 用eatigo book有半價，更加抵食呀• 店員非常有禮貌，服務態度認真( ˘ω˘ )

朱古力蛋糕外形做得好精緻，佢個口感做得好綿滑，有朱古力香濃同埋cream香味。雙重芝士焗肉醬意粉，由於有兩層芝士，所以芝士味好足夠。意粉係屬於粗小小，咬落去好有口感。呢度啲意粉係即叫，即刻局出嚟，熱辣辣。朱古力沙冰，朱古力味香濃，朱古力同沙冰比例剛剛好，上面有一層幼滑cream。餐廳環境好舒服，俾人有一種家嘅感覺。另外顏色，用咗啡色，同埋用咗木地板，俾人一種溫暖嘅感覺。窗邊擺放咗啲公仔，用嚟做裝飾和陪襯。