30Fx (已結業)

《30FX》相信大家對叁拾士多 唔陌生🙌我地自己係疫情期間都會系佢哋網站到買啲食材翻屋企🤣燒賣‼️依架叁拾士多系觀塘開左外賣小食店🙈收工系附近去試下佢先---🍡魚肉燒賣($15@8粒)同平時網站買果一包是一樣的🤣皮簿 肉質偏淋彈牙，魚香吾重，但口感好好會令您食吾停口😹 🍡爆茜魚肉燒賣($15@6粒)芫荽味好重🤣💚相比下個人喜歡這款多點質感味道同原味係一樣，但多左一陣重重嘅芫荽味 🦑紫菜魷魚天婦羅($20@8條)新鮮炸起 外脆內軟‼️魷魚好嫩滑🤪淋上酸汁，酸酸甜甜幾好食，但反而食唔出紫菜味 🦆鵝腸火雞腎chok 麵($45)杯裝冷撈麵🤣老闆有創意👍鵝腸火雞腎爽口彈牙，而且處理得好好 乾淨chok完之後😂每一條麵都掛上醬汁🤞🏻成個麵好惹味，重蒜香辣🤣就系細個食膠袋裝冷撈面嘅味道---(5🧸為滿分)賣相：🧸🧸🧸味道：🧸🧸🧸價錢：🧸🧸🧸服務：🧸🧸🧸🧸---30Fx 地址: 觀塘開源道68號觀塘廣場地下8號舖

下午有D餓，有新小店咪試吓囉，見個價錢都略為貴，應該有返少少水準掛，40蚊碗銀針粉，張圖影到好鬼靚ga，出嚟完全圖文不符，個碗細得可憐，買完2分鐘內食，D銀針粉一拮就散晒，直程爛煳咁樣，咁都賣得出黎有冇少少良心㗎！味道十分普通，啲蘿蔔絲係切得幾細嘅。買時要多份魚肉燒賣，又黏又粉，15蚊唔會值得，租金可能係貴，但真係唔好咁低質數，良心小小，性價比高小小呀，份量細，品質低，價錢貴，全部有整晒，唔會再幫襯！

本來一心打算支持下本港小店，在觀塘大熱天氣下都從人群中走到這間新開的店鋪，但價錢與食物份量有極不相稱的落差，完全無可能食得飽，而且已經係選擇店員推介的主食，我揀嘅係佢嘅鵝腸火雞腎chok麵，所以一拎上手感覺極失望，拎到返公司想打開佢食，但杯面嘅封口極難撕撕開，令到所有感覺極差。另外炸物嘅甜酸醬可否另上，外賣已經令炸魷魚未必香脆，但竟然放在一起將甜酸醬。所以不會再幫襯了。可能連平日幫襯開他們的燒賣蔥油等等產品都要思考下再買了

叄拾士多最近喺觀塘廣場地下開咗外賣店，除咗名物魚肉燒賣，仲有其他小食、點心、主食🤤。✨米王及第餃Fx $50大大隻水餃皮薄又飽，餡料係豬肉+豬肝+豬粉腸。三款配料嘅鮮味濃縮晒，超強味覺衝擊🤩。湯底就係清甜嘅米湯，真係會令人諗起及第粥。✨邪惡銀針粉 $25銀針粉撈埋蘿蔔🥕、洋蔥🧅、蛋🥚、鹹蛋炒成一大兜。銀針粉幾有咬口，淋上辣醬超惹味，好有舊式酒樓風味。✨鵝腸火雞腎chok麵 $45麵條由🍜泓一拉麵🍜供貨，比起平時嘅撈麵更加彈牙有咬口。鵝腸火雞腎煮得入味，亦夠有𡁻勁。✨不一樣點心set $40邪惡牛肉球+四寶雞扎+魚肉燒賣牛肉球比起酒樓食到嘅冇咁軟綿，有咬口啲，肉味都重啲。四寶雞扎大件足料。不過最好食都係魚肉燒賣😋，彈牙又有魚肉香。✨好大隻雞髀 $30雞髀滷得入味，再經火槍炙燒。雞皮即刻多咗份焦香。📍30Fx (觀塘)觀塘開源道68號觀塘廣場地下8號舖

平時放工返屋企都會經過叁拾士多，最出名係佢地既燒賣同碗仔翅，最近佢地係觀塘開左外賣小食店 30Fx，今日放假當然要去支持下啦😍🐄蘭王蛋拌沙茶碎牛撈米通粉 ($35)人氣推介既沙茶碎牛米通粉，上面有個橙紅色既蘭王蛋，蛋味濃郁，用沙茶醬代替沙嗲醬，三種食材撈埋一齊食，口感豐富🍝鵝腸火雞腎chok麵 ($45)之前係30士多買過chok麵，而今日試埋佢地好快賣哂既鵝腸火雞腎chok麵，麵底係由「泓一拉麵」特別定製，再加入咗自家調配嘅蒜辣醬，仲有鵝腸同火雞腎，鵝腸爽口彈牙，火雞腎切成絲，夏天食個咁正既冷麵就最好不過🥟米王及第餃 ($40)餃子方面佢地最出名就係米王及第餃，之前連飲食男女都報導過，將豬肉、豬肝同豬粉腸切碎拌成餃子餡，皮薄餡靚既餃子，湯底用上日本珍珠米同泰國香米熬成既米湯，唔需要太多調味已經好好食🥰🥰🥰🐓不一樣點心set ($40)早排見到30士多推出左點心系列有雞扎同牛肉球已經想試，呢個點心set一次過試齊三寶: 魚肉燒賣、牛肉球同雞扎，魚肉燒賣好彈牙，牛肉球食得出好足料，牛味香濃，值得一讚既係佢個四寶雞扎真係好好食😋同出面酒樓飲茶食到既雞扎好唔同，用料上乘，大大塊腐皮包住嫩滑既

叄拾士多外賣小食店🥡30Fx🥡叄拾士多由網店變身實體店再開外賣小食店，就係觀塘B出口真落就到喇，超級方便！叄拾士多最出名既係佢自家製燒賣，小食店除左有燒賣之外仲有好有多創新港式小食🍢☝🏻今次我大推鵝腸火雞腎CHOK麵🍜🥢首先佢用左紅磡人氣雞白湯拉麵店「泓一」拉麵既特製麵條，咬落有嚼頭。鵝腸用叄拾士多既自家製「夠抽」豉油醃製，爽口兼入味！個麵用膠杯裝住，俾你CHOK匀啲醬汁😆特製醬汁有麻醬、蒜香味等等，好惹味😍最正係佢啲麵雪得夠凍🌬啱夏天食！超爽😍💯另外都想講下個蘭王蛋拌沙茶碎牛撈米通粉，都係比較有特色既item，米通粉唔係到到都有！加左蘭王蛋就蛋香味重啲，不過沙茶醬可以再落重手啲，個人鐘意重口味少少😚仲有多款港式小食，點心set同雞髀都正正常常，及第餃係第一次食，個湯底有啲豬潤、菜譜，幾特別，有興趣可以黎試試❗️🔸 好大隻雞髀🍗🔸米王及第餃FX🥟🔸鵝腸火雞腎CHOK麵🍜🔸 不一樣點心Set🥟邪惡牛肉球Fx、四寶雞扎、魚肉燒賣🔸蘭王蛋拌沙茶碎牛撈米通粉🐮

有時食嘢真係唔介意畀貴啲, 餐廳食飯可能換好啲嘅環境, 街邊外賣小店可以係多啲嘅份量, 或者特別好食. 可惜呢間專做外賣嘅小店可惜冇一樣嘢係達標, 40蚊嘅點心拼盤 以為自己食緊公仔點心, 魚肉燒賣完全冇彈性, 粉狀的, 牛肉球細細粒, 味道真係以為自己食緊公仔點心, 至於王牌25蚊一件嘅雞扎, 雞肉帶有少許的雪藏味, 配料味道很淡, 唐記 / 包點先生更加好食.另外最精彩嘅係40蚊五粒餃子, 水餃皮 已經淋bet bet 爛曬, 完全冇水餃皮應該有嘅咬感, 餡料有啲內臟, 算係比較特別嘅地方? 但其中有一粒有沙石, 味道仍無特別, 以我多年食急凍水餃嘅經驗, 我可以話市面上大部分急凍水餃更加好食.如果你想食兩盒急凍點心, 唔使排隊有人幫你翻熱, 呢間舖頭80蚊幫到你

好難食真係超級失望，茜賣$15有四粒定五粒，我唔知因為幾粒痴埋咗，完全係over steamed，太稔了，竟然仲要配d咁嘅辣油，其實間嘢有冇heart，睇下佢用咩調味料就知。銀針本身好期待，因為好多friend 有send過嚟，好似好多人有介紹，買咗個普通size $25，齋銀針粉無餸，個味道就係一d熟咗嘅銀針粉，加咗油，豉油，蒜粉，超級難食，邪惡銀針粉？邪惡的商家吧？唯一可以讚下嘅係食物係熱嘅（雖然呢個係基本）