2000円料理放題專門店 (已結業)

今晚同兩個朋友食飯, 呢度放題價只係158+10%仲要包埋o野飲, 諗住會好爆;點知打電話去book位都仲有位, 7點前入座仲有得再平10蚊。我同其中一個朋友 6:50pm入o左去坐低食住等另外個朋友。第一round我o地都唔敢叫太多, 諗住慢慢食等人呀嗎~個刺身拼盤已經有驚喜, 感覺好新鮮又好睇~o的炸o野都唔錯, 熱辣辣上但係又唔油喎。我o地成晚都食o左好多o野, 原本講明食2個鐘;但係無人等又可以比我o地坐下傾下。質素唔錯~ 可以再o黎食過, 希望佢可以keep住啦~

我係上個星期我為左想我爸爸的生日係邊度慶祝諗到我頭都痛呀,有日我同我朋友傾開計,仲同佢講緊唔知點算好,得番2,3日,都唔知邊度食好,or......我朋友知我好仲食日本野佢就介紹左我去呢間食........我見個價錢都幾ok 咪試lo.......我地一行幾個同爸爸4個人一齊上去....其實都幾多人,都等左一陣先有得食.....但咁多人我心諗應該d野食都ok 既.....如果唔係都唔會有咁多人等la......唔....因為我同爸爸都仲意食魚生....但又想咩都試下...於是我地就叫左個雜錦魚生併盤.....但我媽就唔仲意食生野所以佢全部都係食熟野.....於是我叫左個芝士大蝦,燒茄子,燒三文魚頭,清酒煮蜆,仲有我細佬最仲意食既鐵板牛舌.................食到佢再叫呀.....哈哈...不過,我真係要專登,用我D寶貴時間,上一上黎呢度同人分享一下................個魚生併盤真係好有心思,上有D假既梅花同乾冰係度有D煙噴出黎...哈哈...唔知真係以為去左高級餐廳呀.........^^....即刻同爸爸細佬影番幅相哈哈......D 魚生又新鮮WOR....

真係不得不留下食評行開街，見到放題上去試下，起初都不敢抱太大期望~~~壽司反太林冇醋味好難食；刺身還可幾新鮮，但等得太耐；熟食味道一般；環境OK，因為唔係太 RUSH；一行四人，份量同劃的是兩回事，waiter 的 service............不會主動過黎招呼你，眼神還疑似被開你><個人認為食日本野最緊要壽司同刺身，食放題款式最緊要唔洗等太耐又限時！呢個價錢唔會太要求質數；但如果論QUALITY真係去松x同寶靳巷金X個間較好，排下隊，起碼食得開心，不會後悔

聽朋友推仲話間野新開d 野ok 好食～我咪第二日跟住上去囉咁我7點去到見到得一枱客，心諗星期五夜晚7點鐘都冇人，會唔會出事架？不過見新開同有朋友推介算啦，膽粗粗三個人衝左入去試入到去乜都唔理狂叫野食啦，同埋d 待應服務態度都幾好～第一輪叫左個魚生拼盤，牛枊粒，煱物等等食物全部都幾快上到個魚生又真係ok 新鮮，d 牛枊粒又幾好食喎第一輪食完見d 野全部都唔差，咁我地心諗放題成二百蚊個人梗係狂叫啦食返二百蚊先叫抵食嘛，點知出事喇。。。。第二輪再叫個魚生大既拼盤。。黎到，全部魚類都係鯹。。三文魚可以免強入口。。吞拿魚就腥到嘔返出黎完全入唔到口。。。d甜蝦 “梅“架。。。仲有d 尤魚有層好怪既野係面，完全入唔到口，d 野完全食唔落，大半盤放左係度再上suhsi 喇，佢d飯唔係用珍珠米，仲要起冷貢，同埋實一實，衰過百x d sushi，咁d 飯咁點食呀，又淨左d飯係度。再上幾款餃子，d 餃子油到呢，食完一隻成口都係油益味！仲有d 炸物，又係一口一啖油，叫人點食呢！見係咁，算啦埋單走人， 咁埋單時個經理走埋黎話我地食淨太多魚生同埋d 飯淨左係度，要收我地額外收費喎！ 咁我地解釋話d 魚生太鯹同d

都係男朋友既朋友介紹, 上到客人唔多, 我地係第2台客.叫左一客雜錦刺身, 三文魚壽司, 旦壽司, 蟹棒壽司, 赤貝壽司, 燒旦內有小小三文魚, 螺肉, 蝦天婦羅, 等等..我地2個人食, 啲野新鮮呀, 唔差, 買相都ok呀. 就算我地2個人叫既雜錦刺身個買相都ok, 唔會hea比你, 冷食同燒物都ok, 啲天婦羅都好味, 唔會太多面粉,但係料小個隻. 唯一麻麻既係個海帶豆腐海鮮湯, 你會覺得有豆腐同海鮮既湯既顏色會係白色的, 不過唔係, 係深色既. 同埋啲魷魚好似唔駛錢咁比好多你, 但係其他料就無, 得一粒蟹柳囉.不過, 總括都可以試既, 一大班人去都ok既, 地方係細左小小比起青葉呀, 五月花個啲, 不過, 裝修ok既, 啲服務員都好好.

同女朋友一齊去食(訂左台)早左5mins去到,等左一陣就得去 服務態度唔錯 但野食就麻麻d海膽腥到有d想嘔..."鬚"炸三文魚楠 d油多到成張紙巾都係油...好難食 我女朋友咁鍾意食三文魚都頂唔順甜蝦唔新鮮 好散個感覺下次唔會再簡依間野黎食

行街經過見到大招牌有放題,就上去試下兼慶祝番媽媽生日, 那天大約7點去到攞位, 場內只得一半入了座, 因為未肯定其中一位親友嚟唔嚟到, 個女知客話如果我地5個人就坐4人臺,6個人就可以坐6人臺, 但最後入座時6個人都係屈0係4人臺!!! 我地當然唔滿意啦, 佢地應承左又唔係冇位, 但佢地堅持話D"吉"臺係比人訂左,只係話有臺買單就會換番6人臺比我地, 廢事掃慶關係,我地就入左座先,但到我地走那一刻都唔見間餐廳坐滿人!開始落單, 第一張單D食物都好快到, 但之後落ge單都等好耐, 再唔係就出錯, 魚生選擇少份量也少得可憐, 其他熟食都亦唔見得出色, 某2,3個侍應的服務態度實在考驗食客EQ, 總括而言, 去食就等於浪費辛苦揾GE血汗錢!

- 服務態度良好, 有禮- 地方不太大, 大家要親近, 不過可接受- 魚生上菜量略嫌少, 五人五片, 需不斷落單- 熟食不錯, 推介燒蝦, 帶子- 價錢每人 17x , 尚可- 可以一試, 不過想凸出尚要努力, 若與大吉/松屋相比明顯被比下去 整體 : 中上

五個人, 四男一女.因為新的關係, 七點半仲見有枱, 入到去經伙計一輪解釋那種食物要加錢,頭一轉的食物(刺身, 壽司), 等了十五分鐘...叫伙計攞wasabi都要等兩分鐘...有點兒過份其他那些焗物, 炸物還要耐... 那時已經很心煩等到.來到的刺身還要是很薄, 仲要被暗算...原來張紙有一野叫併盤.那碟才有多些魚生..結果又等多十分鐘...才到.整嗰過程我最不喜歡壽司開始加快...差不多五分鐘便送上魚生更開始便慢, 焗帶子食了一次, 點了三次都沒來.到時後...成枱都係壽司... 炸物來了兩次, 焗帶子一次, 刺身四次. 我平時叫刺身次數至少八次以上.... 飲恨!食一些有strategy 既放題.... 你自己諗下值唔值..一男一女食我諗佢地會出快啲... 因為隔離枱的食物快到我地都有點火.總括:魚生: 一般炸物: 一般(炸蠔, 天婦羅, etc.)焗物: 還可以(只來到焗帶子)壽司: 其實都不錯, 好多款. 至少有好喜歡的花之卷. (可惜我來放題主打是刺身)飲料: 有得揀下都唔錯. 唔會剩係汽水環境: 還可以, 當爆場就難講...

正在，惆悵在那兒進食下午茶的時候；想不到，遇到試業－－午餐半價優惠；幸而，水準尚可接受。

朋友仔生日又唔想無新意,俾我喺MK行行下,行到佢地留下,由派傳單到上到門口,佢地D服務員都好有禮貌咁,於是諗住試下都無所謂啦~咁就BOOK咗枱~佢地而家都好平,就算係7:00~9:30PM最貴都係$168(BUT要+1),另外4位起送海膽一客,連埋其他您ORDER咗嘅刺身一齊上~一送到時成枱人見到都哇哇聲~~^^~~生日有心型壽司蛋糕送,BUT因我呢一位朋友唔係咁LIKE食生嘅野,SO我買埋CAKE上去,佢地話因我唔要佢地個CAKE,SO免咗個切餅費($50),佢地仲成班幫手出嚟唱生日歌攪氣氛TIM~~~

同朋友Gathering經過家樂對面見到呢間新開的放題朋友們一向都鍾情食放題故決定一試星期六的mk呢間餐廳竟然唔使等位門口仲放有花牌應該係新開冇幾耐我0地一行5人所以送了一板海膽我0地食0左2盤刺身拼盤d 刺身係好新鮮三文魚仲要係厚切芝士焗帶子超好味 (值得一試)我0地都Order 呢個2次限時食0左2個鐘其實係超飽下次會再同朋友0黎食因為呢個價錢0黎講真的唔錯美中不足係有漏單不過最後佢都補番俾我0地俾個小小Tips 大家7:00前入座平$20