影片
3月5日, 102週月快樂!今晚呀菲放學之後, 我地一路行去旺角方向, 諗住搵宵夜壽司食, 不過經過金水好多人, 再去兆萬樓上嘅藏戶概念館又係水洩不通… 退而求其次去咗樓下幾層嘅16安鋸扒, 原來佢地都有9點半後特價扒, 不過人就真係好少…::: 鐵板西冷 ::: $48 + $2先黎一個超級鹹嘅忌廉湯! 味道唔止係濃, 直頭落咗好多味精, 鹹到好難接受~ 跟湯仲有一小件蒜蓉包, 咁薄一件好難唔脆, 味道普通, 冇乜蒜蓉味…主菜上場, 即淋上黑椒汁, 喳喳聲好大煙, 感覺到塊鐵板係超熱, 不過所有材料都應該係整好晒先放上鐵板, 下面嘅蔬菜不消一會已經燶咗, 唔食得… 西冷扒算大塊, 不過肉味麻麻, 似係未解夠凍, 肉質都偏韌… 跟餐嘅意粉都只係”霎”熟, 炒都冇炒過, 淋pat pat咁…::: 鐵板鑊仔牛柳 ::: $48 + $2又鐵板又鑊仔咁嘅牛柳… 最後都係用鐵板上~ 仲以為係切晒一粒粒嘅一口牛柳添… 個鐵板一樣係好熱, 下面嘅蔬菜看似只係用黎墊底隔熱. 牛柳都算有牛味, 但太嫩, 嫩到有d爛, 顯然係用得過量鬆肉粉之故… 伴菜嘅薯條ok, 炸得好脆, 可惜無乜薯仔味~完全明白點解咁少人食, 雖然宵夜仲平d~ 但係都吸引唔到人黎, 加上d呀姐侍應服務真係麻麻, 一定唔會再黎食…
繼續閱讀