10分麵包

營業中

休息中

我記得去台灣夜市食過呢個麵包，當時喺夜市係熱辣辣即整好好味。但竟然嚟到葵涌廣場都有， 未行入到嚟舖頭已經聞到好香好香嘅麵包味。$40即刻買來試都係即叫即整，原來香港先至係最好味外脆內軟。

韓國大叔（當然你都可以叫佢oppa🤗）主理嘅韓式拉絲芝士餅大叔即叫即整，落完單等兩三鐘就有，睇住大叔整芝士餅真係好治癒，一拎上手超熱♨️食落味道唔算好濃，係淡淡地嘅芝士味，兩個人share就啱啱好！如果鍾意鹹甜鹹甜嘅你，就一定要試吓！😋

佢啱啱開業時買過一次。見係韓國大叔整嘅嗰陣啲芝士鹹香味好重 都唔錯但仲未有得玩拉絲。今次幫襯 完全改良哂 係有得玩拉絲。但完全冇芝士味，兼且中間好少芝士。成件事好伏。咁就$40 好過去搶。雖然而家話啲小食其實都唔平。但如果呢個普通麵包要$40 我寧願去麵包舖買啲新鮮出爐嘅麵包食好過。可能啲小朋友見到拉絲好得意，玩吓可能會買一次。但真係唔好食。啲好評唔知邊度黎 仲要見佢做勁多宣傳話玩拉絲。真係不要玩食物啦無下次

本身諗住去青衣戲棚，點知去到又熱又曬就一秒轉場掃葵廣🥵一毫拉絲芝士餅（$40）芝士餅即叫即整，見到韓國老闆加大大舊芝士喺嗰餅入面好治癒🤩一拎上手好熱個餅有啲軟身，如果攤凍少少個餅硬身番啲先比客會好好多🤓外型係一毫子好得意🪙，造型比10分🤪芝士拉絲的確係可以拉到勁～～～長～～～，拉極都唔斷LOL鹹香嘅芝士加上甜甜地有陣蛋香嘅夾餅，比想像中好食喎，唔係得個樣😆但一個人食有啲heavy，兩個人share岩岩好👩🏻‍❤️‍👨🏻

剛剛一家三口黎幫襯，等左幾分鐘，新鮮熱辣出品，蛋味，芝士都好香，女女食到跳晒舞，好開心，老闆見到佢食得開心，佢都開心，仲送左禮物比女女添🫶🏻多謝🫰🏻老闆仲見到老公食完，揸住左個包裝紙，仲主動話比佢處理，親切又細心，當然，其他店員都有笑容，友善，真係要表揚下，下次如果再去葵涌廣場都會返去支持💪🏻其實我哋係港島東既朋友🤭喺現場等既時候，睇到佢哋既宣傳電視播既片，都幾開心，大人小朋友都會食住玩拉絲👍🏻

📍10分麵包呢間麵包店每次行過都好想試下今次終於的起心肝試一次😚😚😚店舖只係賣一樣食物‼️就係呢個拉絲芝士麵包🧀 （$40）每件麵包都係即嗌即整比左錢之後大約等五分鐘內就拎到勁快‼️‼️‼️麵包拎上手熱辣辣🔥一咬落口麵包外脆內軟甜甜地好好味😋咬到中間位食到芝士既時候真係會不自覺地將舊麵包向下拉做出芝士拉絲既動作🤣🤣🤣🧀麵包入面既芝士味好香😚成個芝士麵包既味道都好有驚喜👍🏻👍🏻👍🏻整體黎講呢個芝士麵包真係玩得又好食😆😆😆不過以$40呢個價錢就有少少貴🙈間中食下都幾開心🥳🥳🥳

見到人哋食10分麵包，脆卜卜、又多芝士，所以今日就特登買咗一個嚟試下雖然望落個樣都幾好，但係就好似冇乜心機做咁樣。而且嗰個麵包一啲都唔脆😮‍💨嗰啲芝士就做到拉絲嘅效果呢款麵包我會推介比鍾意打卡嘅朋友，但係我就真係覺得味道一般般

呢日星期日放假去左葵廣行街食嘢買衫。嚟到後即刻口痕想食左小食先，即刻去左來自韓國慶州的10 Cents Bread（10分麵包），見到佢店內既廣告拉絲效果咁勁，已經超級期待喇！而佢亦係真材實料加入大塊芝士，仲即叫即拎唔洗等。超速完成交易！而食落口感外脆內軟。芝士餅味道似窩夫般充滿蛋香味，內有澎湃飽滿的鹹甜芝士。另外芝士拉絲效果超浮誇，真係拉極都仲有！ 凍左少少都仲做到拉絲效果，真係超正既體驗啊！食完超級滿足😌

行過葵涌廣場，見到間賣韓國拉絲芝士餅，好奇買咗嚟試吓，個餅熱熱哋，我咬咗一啖就拉咗條好長芝士絲……🤣一口接著一口成口都係芝士絲，芝士味唔係好濃，我覺得都ok係個餅size大咗少少👍唔錯嘅推介

想試芝士拉絲餅很久了。店面比想像中大，有幾張枱可以讓人立食。店內有一個오빠負責整餅。這餅果然有很強的芝士🧀️拉絲效果。喜歡餅夠鬆軟，如果餅面可以脆些和芝士🧀️味再濃更好。

之前見到日本韓國都好流行嘅芝士拉絲餅估唔到葵廣都會有得賣餐廳環境幾闊落，但係如果堂食嘅話呢就需要企喺度食個日去見到入邊嘅職員都係韓國人，仲識得講中文；食物即叫即整好新鮮見到區放大大嚿芝士係pancake蛋漿入邊見到都流口水～～～～～～～～～～～～～～～～～～～～芝士餅充滿蛋香外脆內軟；外型係香港一毫子銀幣🪙咬落去中間食到鹹鹹香香嘅芝士味最過癮係個拉絲芝士不過食完就好飽有啲滯經過呢邊如果未試過都值得一試嘅

最初時係見到日本個10yen 芝士餅先，之後就成日見到呢個一毫芝士餅，但係一直都未去到葵廣，剛好早幾日有時間去食下野，去到就緊係去食呢個一毫拉絲芝士餅先(´▽｀).鋪頭幾大間，仲有幾張枱可以比人係到食，唔洗邊行邊食咁輪盡~去到已經見到好多人係到等緊，以為要等好耐點知大約5分鐘就拎得~.芝士餅即叫即整熱辣辣，有濃濃的蛋香味，中間包住一大舊芝士，邊食邊拉絲仲可以拉到好長添！而且造形岩唒打卡呀，我見到其他客人都掛住係到拉絲🤣🤣🤣

【葵芳•終於有‼️韓國🇰🇷大熱拉絲芝士餅】10分麵包📍葵涌廣場2樓2009號舖 👅8.88/10🇰🇷近期最hit嘅 10cents 🧀邪惡拉絲芝士餅E家葵廣都有得食啦！由韓國 oppa親自即叫即整一毫子造型芝士餅，打卡一流！製作過程充滿蛋香味（≧∇≦）口感軟熟，一啖咬落去芝士鹹香味湧出黎，拉絲拉到好過癮，可以同friends 鬥拉得長tim 🤣 ✨Oppa仲教路可以用手輕輕推🧀向上少少咬會拉得更長ga(^з^)鋪頭Area都幾大 有立食枱 可以同朋友打卡 📸慢慢Enjoy ! 依家儲夠5個印花仲可以換佢地嘅 cute cute Totebag💓

最近見到好多人對葵廣一間小店特別有興趣仲會專登走入去買, 今日一於帶埋幾位朋友仔一齊去買來食先。這間是由韓國oppa主理主打🧀芝士餅的專門店, 餅的外型設計是港幣一毫子, 其噱頭是芝士餅可以拉絲拉到超超超超長😁。餐廳老闆首先倒入粉漿在模具中, 之後再加上一塊厚芝士放在中間, 然後另一邊也倒上粉漿, 最後蓋上模具等幾分鐘熱騰騰的餅終於出爐了。 無可否認芝士餅出爐時一咬開真係可以做到相當唔錯的拉絲效果, 加上口感外脆內軟天氣凍時進食真係可以令到身體暖笠笠, 但我跟友人一致都覺得其味道偏甜及味道太單一, 食半個已經覺得好膩好有飽肚感, 加上其價錢也偏貴（$40）。其實只是一塊芝士放入餅中小編覺得有點不值這價錢的感覺😅。P.S. 本人建議可弄多幾款不同口味的芝士餅或加其他配料放進餅內, 這樣可能會更好🤔。

葵廣掃街必食！上二樓轉入角落頭位有一間淨係買一款食品嘅小食店，獨沽一味真係好少有🤨就睇吓佢有咩咁好食先！小食店門前有幾張企枱，眼見唔少中學生一人揸住一個食到啲芝士拉來拉去，好盞鬼🤪落完單即叫即整，大概等咗5分鐘就有得食啦！$40/個嘅拉絲芝士包食落個包甜甜地，超煙靭嘅芝士，拉到半米長😎最重要係真係韓國人整😏牆上掛住個電視播住韓國節目介紹呢個包，應該係韓國熱潮帶到嚟香港👍🏻總括嚟講$40一份都好值得一試，淨係oppa整俾你食都值錢啦🤣10分麵包 (葵芳)葵芳葵富路7-11號葵涌廣場2樓2009號舖