龍點心 (Eastcore)

營業中

休息中

介紹返💁🏻‍♀️。。🇭🇰 一盅兩件 在觀塘 🇭🇰。龍點心 Lung Dim Sum。Eastcore1樓4號舖。港原味燒賣拼盤粟米肉粒燒賣。芫荽馬蹄燒賣 。蜆蚧魚肉燒賣。沙嗲牛頸脊燒賣。懷舊燒賣。梅菜扣肉燒賣。HKD68 + 10%鹹蛋黃墨魚燒賣。HKD42 + 10% @ 3pcs龍芋酥。HKD42 + 10% @ 3pcs煙肉蘿蔔糕。HKD32 + 10% @ 3pcs大澳蝦醬鮮魷卷。HKD58 + 10%茶位。HKD10🤫 近排隔個禮拜就要過去觀塘嗰度同設計公司傾飯腳仔屋企裝修嘅事宜..兩口子變相經常都會喺觀塘徘徊..然後以食為生活方針嘅本人為咗喺繁忙與沈重嘅meetings中間尋求一啲樂趣..我決定開拓觀塘區美食研究報告🤪🤫 打頭陣嘅有呢一間裝修好有特色嘢食都好有特色嘅龍點心～我都唔知好唔好叫佢做酒樓😏因為佢係賣緊傳統酒樓飲茶嘅美食..但係嘢食又加添咗好多香港特色..然後裝修設計一啲都唔似舊式傳統酒樓..舖頭外邊有好可愛嘅龍師傅同龍仔Figures..而入邊係用咗好Colourful嘅彩綠色拼鮮橙色嚟做主色調..座位都算好多而且好多打卡靚位🤫 我哋被安排坐喺窗邊嘅二人卡位..QR

創紀之城六期隔離多咗個eastcore嘅商場，呢間龍點心個招牌好搶鏡，吸引左入去試吓。一龍大滿足 ($68)一籠有齊6款招牌點心，款款貌相都極為精美，好有創意，睇見都食得開心，同個名一樣好滿足。大澳蝦醬鮮魷卷 ($58)蝦醬提供了豐富的鮮味和微辣的口感，與彈牙的魷魚好夾，加上外皮香脆，幾惹味。週年三寶 ($13.8)啱啱餐廳做緊兩周年，推出咗以優惠價就食到三款點心，超值必點！羊肚菌牛肉球 ($44)搭配羊肚菌的獨特香氣，令牛肉球嘅鮮味更加提升咗一個層次。鳳爪排骨飯 ($58)鳳爪同排骨嘅調味好香，飯夠軟熟，煮得好味。豆腐布丁 ($28)最鍾意個布丁唔會太甜，食到豆腐嘅香味，而且口感綿密，配上少少醬汁同水果作點綴，都幾值得試試。茶水 ($10/each)

好耐都冇飲茶食點心，今晚興起就到左位於觀塘道的龍點心開餐啦，點心出品造型特別又精緻。港原味燒賣拼盤，有6款味道，甜梅菜扣肉燒賣、懷舊燒賣、沙嗲牛頸脊燒賣、蜆蚧魚肉燒賣、粟米肉粒燒賣同芫茜🌿馬蹄燒賣。款款都各有特色，味道特別，喜愛芫茜味的朋友話好正，我食到馬蹄的清甜爽口，配合得唔錯。口水汁龍利魚腸粉，因老友怕辣故醬汁就分開上，腸粉皮有韌性，包住軟淋的魚肉，我將原條腸粉浸入辣椒🌶️油內，都不會很辣，幾惹味啊。松露野菌晶瑩餃，入口有滿滿的香濃松露味，很健康。拉絲菠蘿包，菠蘿包甜度剛好，皮香脆質感鬆軟。

觀塘都有唔少餐廳可以揀可以食, 行下睇下就選擇左龍點心食, 之前食過尖沙咀個間,服務同質素都比較失望.呢間反而用餐得比較開心愉快而且食物質素都覺得唔錯既.佢都有唔少點心係同燒賣有關你可以揀唔同類型既燒賣可以試下.而且個奶皇包味道都OK又夠熱所以幾鍾意既~叫左2籠唔同既燒賣, 自己都比較喜歡食蛋燒賣既而且唔係度度都有得食~可能用餐個時人都唔多所以都坐得比較舒服 感覺唔會太迫~整體黎講...如果食龍點心反而我會選擇呢間食,相比之下都坐得舒服D

龍點心 (Eastcore) (觀塘)觀塘觀塘道398-402號Eastcore1樓4號舖。一向都好鐘意食龍點心，去完旅行番黎又攰又想食中菜，近近地放正又黎食啦 😌。原味燒賣拼盤（$68）龍點心必食一定係燒賣，呢個拼盤一次過可以試6款味道，分別係芫荽馬蹄燒賣、蜆蚧魚肉燒賣、懷舊燒賣、甜梅菜扣肉燒賣、粟米肉粒燒賣、沙嗲牛頸脊燒賣，每款都好有特色 👍🏻。擔擔麵（$50）擔擔麵份量都幾多，辣辣地帶有花生醬香。白灼蘭花苔（$48）竟然有呢款特別蘭花食，係我好鐘意食嘅菜，加左薑蓉係面，一d都唔hea嘅一碟菜 ❤️ 。口水汁龍脷魚腸粉（$44）腸粉皮好滑，口水汁唔太辣，唔食得辣嘅朋友都可以試下。羊肚菌牛肉球（$44）牛肉球上面放左羊肚菌，中間係流心餡，有驚喜 😯。驢打滾（$38）又係我好鐘意食嘅野，煙煙韌韌好味道 😋

真心要推薦俾所以鐘意食中式點心既朋友呀!!作為燒賣控既我😮‍💨基本上每個星期都會食一次點心有時食完傳統既點心都會想試下新野既話呢間好岩你地呀🥰佢係雜合左新派既原素係傳統既點心上例如: 口水汁龍利魚腸粉, 沙嗲牛頸脊燒賣等等😀試完之後先發覺原來可以有咁多種口味🔸港原味燒賣拼盤呢個拼盤豐富多彩每一款燒賣都展現了獨特的風味沙嗲牛頸脊燒賣好似牛肉燒賣咁甜梅菜扣肉燒賣 都幾match喎 真係好似食緊梅菜扣肉肉餅咁蜆蚧魚肉燒賣 口感鮮嫩粟米肉粒燒賣 加左香甜既粟米落去都幾正喎芫茜馬蹄燒賣呢個就我最鐘意 因為芫茜既香味帶俾我另一個層次呀🔸鹹蛋黃墨魚燒賣待應提醒我要小心D食 因為會爆汁一口咬下，濃厚的鹹蛋黃汁在口中爆開品味到墨魚內餡的鮮美 正呀🔸龍芋酥龍芋酥的外觀精美入口後散發出淡淡的芋頭香酥脆的外皮包裹著好香既餡料🔸口水汁龍利魚腸粉Surprise me! 估唔到龍利魚同腸粉會咁夾仲加埋香辣既口水汁 真係意想唔到呀🔸鳳爪排骨飯排骨肉質鮮嫩多汁 米飯又恰到好處將所有風味完美融合在一起。每一道菜都展現了廚師們的巧思和精湛技藝對於創意料理的掌握程度令人印象深刻真心推薦📍龍點心📍觀塘觀塘道398-402號E

之前無意中見到有間好得意的創意點心店「龍點心」🥢用了可愛的龍仔做招牌。今日同老公來到觀塘分店試試。點心口味獨特，有創意，而且賣相精緻。⭐️週年三寶 💲13.8週年三寶有酸奶免兔、蟹粉菠菜香蝦餃、芒果忌廉糯米糍。🐰酸奶免兔是一款甜點，用上兔兔造型，非常可愛。🥟蟹粉菠菜香蝦餃則結合了蟹粉和菠菜的味道，加上鮮蝦的鮮甜，同三文魚籽的鹹香，口感豐富。🥭芒果忌廉糯米糍口感Q彈，包裹著香甜的芒果忌廉，好滿足。⭐️港原味燒賣拼盤 💲68拼盤包括了粟米肉粒、芫茜馬蹄、蜆蚧魚肉、沙嗲牛頸脊、甜梅菜扣肉和懷舊燒賣。每一款點心都有獨特的風味和口感。我特別喜歡粟米肉粒和沙嗲牛頸脊。咬開粟米肉粒燒賣，入面有流心忌廉，好香甜。而沙嗲牛頸脊有濃郁的沙嗲味，好惹味。⭐️龍躉球蒸飯 💲98好特別的龍躉球蒸飯。龍躉球同蒸飯分開蒸煮。用上了蟲草花同雲耳去蒸龍躉球，口味清淡，加返豉油會好味好多。⭐️口水汁龍利魚腸粉 💲44龍利魚腸粉鮮嫩滑爽，辣味口水汁增添了一層獨特的風味。📍龍點心 觀塘觀塘道398-402號Eastcore1樓4號舖

本身我好鍾意食燒賣，見到有「創新懷舊香港原味燒賣拼盤」就即刻去試😍有六個唔同款式嘅燒賣：粟米肉粒，沙嗲牛，梅菜扣肉等等，除咗特別仲好好食🤤好juicy，絕對係lunch或者下午茶嘅首選👍🏻另外仲叫咗鹹蛋黃墨魚燒賣🤩估唔到咁夾，一食落去仲爆汁😍正！龍芋酥✨都好特別，個皮好脆，裏面有多汁既芋泥加豬肉😋「龍點心」希望藉著新派創意的點心，係保留舊時滋味同時，透過食材創新，味道創新，工藝創新，重新「連繫」那股新舊情懷。大家一定要去試吓☺️

去親飲茶，燒賣點心就好似例牌一樣，係必叫的！但通常只有兩、三款，唔會有太大驚喜！今次嚟到觀塘嘅龍點心，發現有一系列嘅燒賣，多款不同口味～有個期間限定嘅「港原味燒賣拼盤」就可以滿足下好奇心！6款不同味道嘅燒賣，整體都做到皮薄包住肉汁內餡～最鐘意粟米肉粒燒賣，口感爽彈有嚼勁～甜梅菜扣肉燒賣好特別，甜甜地，好有風味～芫荽馬蹄燒賣幾爽口，香香的～除咗燒賣，仲有叫咗蝦餃，飽滿晶瑩剔透，滿滿嘅蝦肉彈牙～叉燒包鬆軟，肉汁叉燒～肥牛腸粉，肥牛多汁，滑溜腸粉～大澳蝦醬鮮魷卷，香脆，香濃蝦醬～週年三寶，幾得意嘅裝型，抵食之選！

🍊 餐廳名稱：龍點心(觀塘) 🐝 味道：7.5/10環境：7/10整體分數：7/10💰人均：$80~120———————————————————放工想食點心，搵左間食啲新派點心既餐廳！有別於傳統點心，食既時候又有驚喜又創新！港原味燒賣拼盤 💰68香港獨特口味情懷既「港原味燒賣拼盤」一籠擁有6隻唔同口味既燒賣，我覺得最特別係甜梅菜扣肉燒賣同粟米肉粒燒賣。味道上都調較得好好，該有既味道都好出，小編認為燒賣狂熱fans要試下！鹹蛋黃墨魚燒賣💰42上枱個時侍應已經提示過小心會爆汁，點知一咬落去都係避唔開啲汁飛到周圍都係！墨魚燒賣好彈牙，鹹蛋黃粒就饟左係入面，好特別！龍芋酥💰42炸得好脆口，外脆內軟~ 入面仲有啲餡料，口感豐富，芋頭控要試下！一口鹹水角 💰38造型上好適合打卡，用左竹籤一串一串咁！味道上比一般酒樓既鹹水角濃味。厚切叉燒腸粉💰44味道上無話太特別，但係厚切既叉燒食落啖啖肉！拉絲菠蘿包💰38上枱既時候暖暖地，味道上都okay的！🗺️觀塘觀塘道398-402號Eastcore1樓4號舖 🔍#FlavorforToday觀塘🚆 觀塘站A2出口，步行約6分鐘

無啦啦夜晚想食點心，但通常點心都係早市同午市有做，唔多餐廳晚市都會有點心供應。咁岩係觀塘eastcore開左間新餐廳叫龍點心，仲要有晚市點心供應，拿臨臨試下佢地既創新點心。餐廳主打燒賣，淨係燒賣都有6款唔同口味可以做拼盤，不過我個人口味都係鐘意原味多啲。其他點心都行創新路線，都要趁今次試下。有一款叫口水汁龍利柳腸粉，聽個名好似完全唔搭，但食落口竟然意想不到咁好食，魚肉同腸粉一樣咁嫩滑，配埋口水汁令味道層次再昇華。

呢間點心店其實開咗都好耐, 但一直都未有時間去試, 今日12:45去等位, 都要等幾張枱, 人流都算多, 加上附近冇乜呢類型既點心店, 同區太多西餐, 今次點咗幾類點心嚟試下黑金流沙包 - 有流沙既效果鳳爪拼黑椒金錢肚 - 味道好食過酒樓既, 金錢肚好爽口鹹蛋黃墨魚燒賣 - 呢款燒賣幾好食, 可能係墨魚既關係, 入口好彈牙脆脆富貴紅米腸粉 - 我比較鍾意食原味腸粉, 呢款類似油炸鬼既炸兩點心拼盤 ( 松露野菌晶瑩餃, 蟹粉菠菜香蝦餃, 筍尖蝦餃皇, 酸菜魚鳳眼餃,鹹蛋黃墨魚燒賣, 豌豆桃子) - 賣相係不錯, 味道各有特色桂花糕 - 一般金茶壺總計 : 點心種類比較少, 如果多啲會比較好, 雖然話特色點心, 但價錢偏貴

今日同兩老嚟食個late lunch🫖觀塘食點心要冇截單就揀呢度🥢環境唔似茶樓，比較似新式茶記🤣但算舒適嘅！平均每樣都要$40-$50都唔算平🥹不過都值得一試，好多fusion嘅點心！質素都唔錯～特别講幾樣好食嘅特色點心✨松露野菌晶瑩餃（$38），外觀係紫藍色，嚟到都仲係熱辣辣，個皮幾軟熟彈牙，餡都足料👍🏻一口鹹水角（$38），好似兩粒大魚蛋咁串起咗，幾特別，不過比一般嘅鹹水角濃味少少🤏🏻燒汁肥牛腸粉（$54），講真只係抱着試一試嘅心態，因為腸粉嚟講佢都算幾貴😿佢得意嘅地方就係將平時食嘅肥牛變咗做佢嘅餡料，正常新奇但唔會再試🫡呢間點心店出名嘅係有唔同配搭嘅燒賣！甜梅菜扣肉啦、粟米肉粒啦、沙嗲牛頸脊啦⋯好多都好想試🥹雖然都真係幾貴🥹今次除咗普通嘅懷舊燒賣（$40四粒）之外，試咗鹹蛋黃墨魚燒賣（$42三粒），新奇得意值得一試嘅，識落有少少似燒賣皮包住粒爆鹹蛋黃汁嘅墨魚丸😂其他點心質素都正常發揮，不過如果想普通飲茶嘅話最好去返酒樓飲🤣我屋企兩位老人家都有一位唔係咁接受fusion點心😂

老人家成日去酒樓飲茶真係食到悶悶地，放假搵吓觀塘區發現原來有呢一間點心餐廳。估唔到食落都有驚喜。點心賣相精緻，唔係傳統嘅點心類別，有啲創新。不過覺得上枱食物唔係好夠熱（我係鍾意熱辣辣有蒸氣冒晒出嚟嗰種熱度）。當日係星期日午餐時間，真係要排隊等位，等咗30分鐘，好彩係有卡位，其他位置會比較迫。呢個點心拼盤有六款點心都唔錯，賣相靚，而且夠特別。馬拉小籠包，味道冇想像中咁得人驚，食落都ok。紅米腸粉就真係比較少地方有得食，腸粉皮煙煙韌韌，入邊炸到香脆，咬落好有層次，入邊餡料係蝦仁，出奇地同上面嘅沙律醬好夾！有三款醬料可以蘸，豉油，花生醬，辣椒醬。

✨龍餃子有4️⃣隻唔同類型嘅餃，包括：普通蝦餃🤍、蟹粉菠菜香蝦餃💚、酸菜魚鳳眼餃💛、松露野菌晶瑩餃💙我會介紹後嗰三款：·蟹粉菠菜香蝦餃:食得出勁有海鮮味!!!例如有墨魚??同蝦肉😍好食🤤💕·酸菜魚鳳眼餃:食落係估唔到原來係酸菜魚嚟😂個餡係幾麻辣，仲以為係麻辣肉餃嚟添🙈🙈·松露野菌晶瑩餃:類似食緊素餃子嘅感覺，有好多蔬菜同菇😗我係食肉獸嚟，對呢舊就普普通通啦😌😌✨龍燒賣黃色嗰兩舊先係燒賣咯🐽有普通燒賣、滷水鵪鶉蛋燒賣、麻辣牛肉燒賣、龍蝦汁墨魚燒賣，同樣我會介紹後面嗰三款：·滷水鵪鶉蛋燒賣:嘩 鵪鶉蛋配燒賣真係第一次見🤣🤣食落都幾特別😝·麻辣牛肉燒賣:簡單咁講就係麻辣牛丸整成燒賣形狀。其實我對牛丸一向都麻麻地，好在佢嘅麻辣遮曬個牛肉嗰陣味❣️·龍蝦汁墨魚燒賣：簡單咁講就係墨魚丸整成燒賣形狀，唔會好乾，幾好🤍✨黑金流沙包其實幾鍾意佢嘅包🖤係煙煙韌韌嘅質地，同埋佢係黑色 始終都係特別啲😚😚流沙就係液體嘅普通奶黃～✨蝦多士：好香 好香脆嘅三細舊多士，每舊都有一隻細蝦🦐🧡細細舊，唔會好大負擔😚😚Overall 嗰啲龍乜乜點心 視覺上真係幾滿足嘅，無論點心外表還是係蒸蘢嘅形狀都幾獨特🙈不過食落其實都係冇咩