龍點心 (Eastcore)

營業中

休息中

-Feasting on dumplings and other bite-size dishes is one of Hong Kong’s great pleasures. 🐉 Lung Dim Sum do dim sum best, whether you’re looking for a quick, cheap meal or a more refined experience !Make fresh to order & tasty cheap bite made to order😋 Lung dumplings platter ($50) one price with 4 pieces of surprises. 🥟Shrimp dumpling with bamboo shoot🥟 🥟truffle assorted fungus dumpling 🥟 🥟pickled vegetables & fish dumpling 🥟 🥟crab roe & spinach dumpling 🥟 👍🏻Rice rolls : red rice roll with crispy

龍點心出名Fusion 點心，配搭新穎有創意，裝潢時尚，座位寬敞舒適，仲有間包房，適合大夥兒用餐。人少少想一次過試多款口味嘅話，推介嘅點心拼盤就啱晒啦，每款一粒，叫左「一龍大滿足」($68)同朋友開心share，賣相繽紛熱，每款口味都配搭得不錯：蟹粉菠菜香蝦餃 酸菜魚鳳眼餃 松露野菌晶瑩餃筍尖蝦餃皇 碗豆桃子 鹹蛋黃墨魚燒賣 口水汁龍利魚腸粉 （辣）$42鍾意食辣必點，椒香麻辣汁配上香滑腸粉，刺激醒神～大澳蝦醬鮮魷卷 $56外脆內Q彈，口感相當豐富搭配惹味蝦醬，食唔停口～ 馬拉小籠包$42不用加任何調味，一口一啖肉骨茶湯包，食到淡淡藥材香～驢打滾$38鍾意軟糯口感嘅朋友必點，糯米卷著紅豆沙，入口香、甜、軟為呢餐畫上圓滿嘅句號。

住九龍東嘅無人唔識龍點心，個個住嗰邊嘅朋友個個都話好好食，住新界嘅我終於得閒黎試吓佢啦！一口咸水角必食之一，平時我去飲茶一定會叫咸水角，但呢度嘅咸水角再昇華咗，賣相不似平時的油膩黃色，而係橙色撞綠色，食落口感脆卜卜熱辣辣，唔似平時炸好放到凍晒咁，我想叫多一碟呀！脆脆富貴紅米腸粉必食之二，望住呢款新式點心你可以話咪又係炸兩？不過佢真係做得好好，入面脆卜卜油炸鬼包住鮮蝦外面包住紅的的腸粉，面頭好似西餐咁唧啲沙律醬。一口咬落去有多重口感，佢仲有好多 Sause 比你去點，正！懷舊燒賣燒賣大大粒，蝦肉新鮮，味道都唔錯，下次試吓唔同款的燒賣先！黑金流沙包 黑金流沙包而家都算係好多地方都有，但我覺得佢整得都好食，奶黃夾蛋黃熱辣辣流出，都好好味呀！鰻魚荷葉飯鰻魚飯都好食，面頭仲有金泊令佢更高檔，不過我個人覺得呢度點心類先係最正同必食。

新派 有創意特式 打卡點心，好啱喜歡潮食中國點心既吃貨。全部即叫即蒸，每款都好精緻，別具特色，味道係水準之作👍 餐廳裝潢都好中國風，最like 係座位寬敞舒適，又冇限時間用膳，真係可三五知己一齊嘆住美食嚟吹水。~~~~~~~~~~~~~~~~~~~~~~~~~~~~~~💫 一囗鹹水角鹹水角好脆，炸得好乾身，入口一啲都唔油膩。食起來皮脆而不韌又糯有嚼勁，帶點甜；餡料咸香，一串兩粒，顏色好靚，好啱打卡。💫一龍大滿足一籠六款不同點心，有酸菜魚鳳眼餃，蟹粉波菜香蝦餃，筍尖蝦餃皇，松露野菌精瑩餃，鹹蛋黃墨魚燒賣，碗豆桃子，賣相好精緻，件件都各有驚喜，即叫即蒸，熱辣辣送到枱，好好味😋💫雪梨海底椰燉瘦肉海底椰無花果燉瘦肉有滋陰潤肺，止咳化痰，潤膚養顏的功效，足料味道濃郁，愛靚一族 必選👍💫龍𧄌球蒸飯龍躉球飯龍躉向有魚王之稱，魚味新鮮，龍躉肉爽口。💫桂花糕好靚玫瑰花理 桂花糕，晶瑩剔透、清爽的口感，味道清香。

第一次去到位於觀塘同牛頭角附近既龍點心🤪一直都好想試下佢精緻既點心去到既時候都算多人但我地好快都有座入座🥰 仲有安排到Bb櫈比我地野食速度都算快食物唔錯呀😍 賣相好靚睇相就知我地叫左好多野食樣樣都睇得又食得唯一係個粥有少少唔夠味😌但賣相真係一流睇相就知道個叉燒腸粉啖啖肉非常可口另外我地特別推介脆脆富貴紅米腸粉依個最有驚喜😇 唔錯唔錯用餐時間係1.5 小時就算我帶住兩個小朋友時間都非常足夠👍🏻👍🏻

🫖茶芥 每位$10 另收加一🍴一至五 下午茶孖寶優惠 $58 任揀兩份筍尖蝦餃皇 4隻 (8/10)蝦餃個皮好薄，好煙韌，濕度剛好，入邊嘅蝦肉好大粒爽口仲有啲筍，增加咗口感食，到蝦嘅味道好好食！口水汁龍利魚腸粉 (8/10)腸粉皮好軟滑，厚薄適中，龍脷柳好厚身，好嫩滑，唔會有雪藏味，香辣過癮，個底有青瓜絲！真係好食過普通腸粉！龍蝦汁墨魚燒賣 3隻 (8/10)非常香濃嘅墨魚味，好彈牙，入邊龍蝦爆汁都有龍蝦汁嘅香！松露野菌晶瑩餃 4隻 (9/10)個皮好薄，入邊係雜菌粟米翠玉瓜蘿蔔，切到細細粒好香，好香濃黑松露味！蝦多士 (積分換) (7/10)炸得唔油膩，食落去好香脆！不過都係邪惡之選！推薦指數: 8/10平日一至五下午茶都有優惠，冇早茶$38咁平但都扺食！

多款打破傳統的新派點心，造型吸引且美味可口，Openrice有$188二人餐coupon，以大約原價的73折優惠品嚐特色點心。套餐包括：✅ 一龍大滿足內含酸菜魚鳳眼餃、蟹粉菠菜香蝦餃、筍尖蝦餃皇、松露野菌晶瑩餃、豌豆桃子、鹹蛋黃墨魚燒賣，六款點心均十分美味，尤其是帶惹味辣香的酸菜魚鳳眼餃，豌豆桃子則有甜度恰好的椰香餡料，鹹蛋黃墨魚燒賣上面插上「小心燙口」的提示標籤，外層是平平無奇的魚肉燒賣，咬開後流出令味道昇華的鹹蛋黃醬✅ 一口鹹水角顏色鮮豔，外皮的表層香脆，內層煙韌，餡料充足，拍照必點👍🏻✅ 脆脆富貴紅米腸奪目的紅米腸粉皮包着香脆的油炸鬼，口感一流。醬汁有麻醬、豉油及泰式酸辣醬三款，均與腸粉的味道合襯✅ 筍尖蝦餃皇蝦肉爽口，外皮厚度適中✅ 笑口叉燒包普遍叉燒包水準，不過不失✅ 桂花糕玫瑰造型吸引，味道清甜不膩🗒️ 總結點心的外觀及味道均令人滿意，唯一缺點是店內冷氣量不太充足，炎熱天氣到訪喝茶有機會冒汗。✏️ 另收取加一服務費 (按原價10%計算)及茶水費$10/位

一直都有間中來觀塘店食龍點心，第一次來時叫龍躉蒸飯，超級好味，魚勁滑，好新鮮，但有段時間長期都賣晒，到今次來終於有返，本來都抱住終於可以再食既開心感，但一試，唔知係大退步還是晚了，條魚好老既感覺，同第一次來差太遠了！而其他點心，所有有辣的點心都一樣味，椒麻係好味！惹味的！但唔同款既辣點心，好像只是形狀不同，味道一樣的澱粉，所以推介試一款辣就好而最好味每次都係必叫的一口豆腐！炸得好鬆脆好入味！皮薄豆腐滑！配料豆都好脆好味！一口豆腐絕對值得我再來回味！大推！職員服務態度好的！環境不錯！不過有時就痴立立咁！總算不錯👍🏻

酒樓喝茶吃點心是假日輕鬆享受的一件事，很多時酒樓給人懷舊古老的感覺，但這間新派酒樓給人眼前一亮的感覺，去到時也有很多年輕人在此享受呢！大澳蝦醬鮮魷卷🦑香口春卷，內裡充滿魷魚肉，而且配搭蝦醬份外惹味一口鹹水角🤪不同顏色，樣子精美，剛好一口能吃光，正常鹹水角😂鳳爪拼金錢肚🐔金錢肚很嫰很入味，不會痴牙黑椒牛肉球🐂牛肉球很大個，而且有點辣辣的，不過不會太辣，恰到好處蜜桃咕嚕肉🐖甜甜酸酸，咕嚕肉差不多永遠也是配飯恩物🤣馬拉小籠包🥯賣相是啡色的😯內裡充滿肉汁，大家吃時小心汁會吱出來了龍餃子🥟賣相精美，打卡專用，而且有4款餃子，包括紫色松露野菌晶瑩餃，酸菜魚鳳眼餃，蟹粉菠菜香蝦餃，筍尖蝦餃皇，不同口味任君選擇，各款餃各有特色，酸菜魚那款有一點點辣，蟹粉餃吃後不會膩，松露餃味道不算特出，但賣相好😂，蝦餃皇就最正常龍燒賣🤪同樣有4款燒賣，懷舊燒賣，龍蝦汁墨魚燒賣，鹹蛋黃墨魚燒賣，麻辣牛肉燒賣，懷舊燒賣正常燒賣，龍蝦汁燒賣整粒也是墨魚肉，爽，鹹蛋黃燒賣有點像吃鹹蛋黃炸魚皮那味道一樣，但不是很大量，麻辣牛肉燒賣像吃牛肉球一樣，有點辣，棒龍點心 (Eastcore)觀塘觀塘道398-402號Eastcore1

這家新潮的點心店菜式精美味美，不僅點心好吃，其他菜式也很令人滿意。店內環境光鮮，裝潢新潮且懷舊，令人食得起勁，點菜以 QRcode下單方便快捷，閒來食下都唔錯。茶位收費 $10/位一龍大滿足 $68點心多款花多眼亂，每款各一的確滿足。松露野菌晶瑩餃：餃皮呈紫色，露香氣濃郁，配合野菌餡料，口感豐富；龍蝦汁墨魚燒賣：口感彈牙，咬落爆汁；酸菜魚鳳眼餃：微辣花椒味醒胃刺激，餡料蝦肉酸菜，加上魚塊，神還原酸菜魚的味道，好有特色；筍尖蝦餃皇：蝦餡飽滿，鮮甜彈牙；豌豆桃子：豌豆味道清淡；蟹粉菠菜香蝦餃：青綠色的菠菜餃皮，包住三文魚籽和蝦肉餡料，加入上微量蟹粉，用心之作。一口豆腐 $52外皮炸粉超薄呈金黃色，豆腐軟滑入口即化，外脆內軟口感強烈，少許椒鹽調味，非常推薦。黑金流沙包 $38賣相精美，奶黃內餡豐富，流沙口感十足，非常美味。鰻魚荷葉飯 $80飯係粒粒分明，味道清香，配料豐富有雞粒、香菇、蝦仁和蛋料，主角鰻魚肥美厚實，無令人失望，金箔點綴增添貴氣，值得一試。

再訪龍點心，APM成日都好多人，通常都係去附近嗰幾座嘢食building，向前行少少Eastcote電梯上一樓，會見到間裝修好精美，新潮嘅龍點心，出邊放咗兩個吉祥物，好得意嘅龍仔。職員好有禮貌，親切。一坐低已經可以有茶飲，有壽眉、鐵觀音、菊普、普里可選如果兩個人食嘅話可以試吓個籠點心，乜都有啲，但上次食過今次於是試其他嘢。QR code落單，非常方便，即時有得睇返張單，非常清晰一定唔會計錯數。唔使好似舊式酒樓咁去到收銀先計幾錢只有寫大中細點既單，然後就好徬徨，哈哈。拉絲菠蘿包這個是甜品，入邊係軟既嘅拉絲芝士菠蘿包香脆鬆軟，面入邊軟芝士，全港首創，專業推介厚切叉燒腸粉真係好厚切嘅叉燒好足料，口感豐富。鳳爪拼金錢肚（辣）松露野菌晶瑩餃 紅油抄手點心籠六角形印左個「龍」字，有心思，鳳爪拼金錢肚兩拼依然份量不減，晶瑩餃內裡有菇粟米，饀多結實。紅油抄手大大隻，不錯。最後加多個豆腐布丁甜品，滿足，飲茶首推。

觀塘Eastcore面積唔大, 但都開咗成六間食肆, 每星期總會過嚟食一次. 其中有間啲點心係成日食, 紅米腸粉係必嗌, 煙韌得嚟又有脆脆哋嘅口感, 加埋沙律醬同泰式辣醬一齊食幾有驚喜🫰🏻記住嗌埋蘿蔔絲酥同肉鬆馬拉糕先好埋單🙃💛個人必食推介: 紅米腸粉, 蘿蔔絲酥, 肉鬆馬拉糕返食指數: 🥑🥑🥑🥑 (5🥑滿分)#脆脆富貴紅米腸粉 ($48)#蘿蔔絲酥 ($40)#一龍大滿足 ($68)#擔擔麵 ($50)#肉鬆馬拉糕 ($38)@lungdimsum ______________________________龍店心📍觀塘道398-402號 Eastcore 1樓4號鋪#instafood #instafoodie #foodiegram #drinkdrinkeateatuide #drinkdrinkeateatguy #觀塘道 #觀塘 #觀塘美食 #食好西 #DE九龍篇 #龍點心 #點心 #新派點心 #原創點心 #港式 #灣仔

今日去觀塘接朋友放工，順便食埋晚飯先走，我朋友話觀塘有間點心外型好靚嘅點心店，所以一齊就去試吓。一龍大滿足 ，上到枱已經好吸睛，6粒點心都整得勁靚，又夠創新，真係唔可以同人share,因為每粒都唔同款，想全部都試吓，全部都係創作點心，真係每粒都有驚喜，我就覺得全部都好好食，真係呢款係必點。大澳蝦醬鮮魷卷，炸得非常香脆，外面唔係一般嘅炸粉，而係似越南春卷果d網狀外皮，食落口感好特別，d涵又勁香蝦醬味，魷魚好彈牙，食菇好惹味。炸饅頭豬柳漢堡，呢個中西合璧嘅點心好有創意，外面饅頭炸到勁脆，但一d都唔油膩，中間夾住芝士，豬柳同沙律茶，估唔到又咗match。肉鬆馬拉糕，馬拉糕嘅質感好鬆軟，唔算太甜，上面鋪滿肉鬆，夾埋一齊食，咸咸甜甜，又幾唔錯。一口咸水角，外皮個顏色勁吸引，2個橙色，2個綠色，食落外皮煙煙韌韌，而入面d豬肉涵又夠juicy,好食。最尾店員仲送咗甜品比我地，真係勁靚，晶瑩剔透嘅玫瑰花，食落原來係桂花糕，唔算太甜，食落好清新嘅桂花香味。

門面望落很有特式，一直好想試，今日見唔駛排好耐，於是入去試下。可能坐左近出菜位，感覺唔夠冷氣，有點熱。食物款式不像一般茶樓咁多選擇，但望落款款都好精緻。點了兩個蒸飯，臘腸蒸雞飯和章魚肉餅飯，臘腸蒸雞飯尤其出色，可能有臘腸關係，入口每啖充滿油脂香，雞肉好滑夠味，小朋友食不停口；肉鬆馬拉糕香甜鬆軟，配以肉鬆咸香，兩者味道配搭有新意得來好夾；咸水角做成混色的小丸子，未入口已悅人眼目，食落外層香脆內層軟糯，而且饀料豐富，有驚喜! 炸豆腐香口唔油，底層有類似食四川酸辣粉常見的炸黃豆，整體味道不錯；口水腸粉有口水雞的辣勁，腸粉本身同內饀味道偏淡；至於蝦餃、燒賣、叉燒包水準ok，但以這個價格來說有點貴。

飲茶除咗去酒樓仲可以去【龍點心】餐廳店內設計好有特色，五光十色嘅霓虹燈，加上有龍嘅造型公仔🐲好有氣氛！晚餐兩個人叫咗以下六樣嘢，推薦食物順序由上而下🔸龍燒賣 $46入面有四款燒賣～懷舊燒賣、滷水鵪春蛋燒賣、龍蝦汁墨魚燒賣、麻辣牛肉燒賣！懷舊燒賣係傳統嘅豬肉燒賣，入面仲有少少蝦好彈牙！滷水鵪春蛋燒賣主要係成粒鵪鶉蛋，好香！龍蝦汁墨魚燒賣入邊包住啲龍蝦汁，一咬爆汁，有啲似食緊墨魚丸！麻辣牛肉燒賣個味道好好食，有特別！🔸炸饅頭豬柳漢堡 $46個饅頭炸到好脆，配上沙律醬+切件豬柳，好惹味！🔸榨菜麻辣牛肉飯 $52佢個麻辣味道同麻辣牛肉燒賣係一樣😂但原來配飯都係幾好食，麻辣味係好突出！🔸鳳爪排骨飯 $58鳳爪同排骨都整到好入味，排骨啲肉好嫩滑👍🏻🔸厚切叉燒腸 $42叉燒真係厚，皮都相對地厚，飲茶都係要點🔸拉絲菠蘿包 $38本身以為入邊係芝士餡，原來係雞尾包餡可能放咗一陣，所以入邊已經無拉絲＊茶位每位$10，另收加一服務費＊