龍蝦燒 (已結業)

10月1號國慶假期,相約朋友去佐敦睇煙花因為佐敦有好多特色食店,睇完煙花就順便搵嘢食,阿成提議不如去燒烤,阿森即刻話:"你記唔記得上次我哋去重慶燒食到1肚起兼火都嚟埋!d伙計又無禮貌,環境又差,嘢食又唔平wor!"跟住我就話:"頭先我早到咗周圍行,睇到0係重慶燒前幾間舖開咗間新既燒烤店,叫做龍蝦燒,見到38蚊1隻龍蝦,我覺得可以1試."於是我哋4個就去咗龍蝦燒試試.去到見到好多人,可能都係啱啱睇完煙花,本來想走,但係店員好熱情咁招呼住我哋話好快有位.大約過咗10分鐘就有位喇~1入去雖然舖仔細細,但係好乾淨冷氣好夠,d侍應又好禮貌,由其係老闆娘笑容可躬.最初我哋就點咗4隻龍蝦,2隻芝士2隻蒜茸.跟住琪琪就點咗佢既摯愛,燒羊架,芝士鋦蠔同埋燒大蝦阿森就點左雞腎,同燒茄子阿成就叫咗燒泰式魚,燒粟米,燒元貝,同埋雞軟骨係度等緊嗰陣,見到店舖運作有d唔暢順,可能新開.不過睇住師傅係魚缸撈d龍蝦上嚟劏,感覺嘢食唔會差得去邊!大約過十多分鐘,主菜就到喇~我先試芝士龍蝦,入口芝士味好濃好香,龍蝦好鮮味,正!跟住試埋個蒜茸龍蝦,蒜茸炒得好香,配埋龍蝦鮮味,唔錯唔錯.嘩!38蚊真係超晒值!燒羊架1份有4件

好嬲！！！！！地方細，本來搭枱是無問題。人人都是比咁多錢入來食野，點解明明有空枱，你地竟然要客人搭枱！最嬲係，人人都是比咁多錢入來食野，點解其他人唔駛搭枱，偏偏我張枱要搭枱！事緣：我同朋友點完食物，未開始食，就有其他食客坐來，安排坐係我地隔鄰。四人枱，長板櫈。我同朋友被安排打對面坐。即是，另外的客人同我share同一張板櫈。如果是食米線，可能無問題。但食燒烤有好多隻碟。叫幾樣野已經成枱都係野食。所以，基本上如果是熟人都坐得不太舒服，何況是陌生人。咁好喇，食到咁上下，終於有空枱。同我share同一張板櫈的人兄終於都忍唔住出聲想轉枱。店員竟然說有booking. 但係到我地食完走人之前都未有人坐。最騎呢是，佢竟然貼住呢張係「４﹣６人枱」！！　４個人都迫到咁，點坐６人。食物：主題菜：燒龍蝦($38)﹣細過手掌，有肉地但蒜蓉太多，無左龍蝦味。燒菠蘿，安格斯牛柳粒-ok!好貴，好迫，唔抵食。我寧願食「重慶燒」

本身打算去隔離鋪幫襯既`正打算入去既時候`佢衝去我面前sell我入去佢果間幫襯`入到去`問佢有咩好介紹..又同我地講到d龍蝦大大隻`甘我地兩個人叫左幾隻試下喇`點知好吾掂..整系食完龍蝦就走鬼左`真系夠哂把鬼.搞到我地又番去隔離鋪繼續食`總之以後都吾會去果間食`

尋晚去咗佐敦同朋友落街食宵夜，食完宵夜徒步經文英街時，見新開一間燒烤店，個名叫“龍蝦燒”，行過門口見到店入邊好旺，有幾個企喺門口叫外賣，我忍唔住八下，“嘩~”，生猛龍蝦即劏即燒，38蚊一隻喔，我忍唔住想試下，我啲F話啱食完嘢唔好預佢，跟住我就自己要咗隻龍蝦，一隻元貝，一串牛柳粒。企喺鋪頭出邊，同F一路傾計，一路見到玻璃入邊啲大廚燒嘢手勢幾好，見到啲龍蝦好新鮮，俾人劏緊，搞到我好飽但係都好想食。等咗一陣，我啲牛柳粒燒好了，熱辣辣，擺入口十分野味，D肉質嫩滑。跟住試埋燒元貝，大大隻元貝同埋蒜蓉一齊燒，滲曬落去，好夠味，都不失本身鮮味。最後試埋燒龍蝦，都幾大隻，好遠都聞到好香。個F頭先話唔食都忍唔住想試半隻。大大啖龍蝦肉鮮嫩爽口，真係好好食！唔怪得出邊企咗咁多人喺度等。原來仲可以用芝士同XO醬燒，下次叫多啲人一齊來呢邊飲啤酒試埋其它燒嘢就更加正喇。講真，超值又抵食！一定要試下燒龍蝦，正！