龍莊

位於太古嘅龍莊，主打結合傳統與新派嘅中菜，環境舒適坐得舒服，價錢貼地，未入座已經充滿期待。🦆 煙燻樟茶鴨 $168煙燻香氣勁濃，茶香同木香滲透入鴨肉每一寸，鴨肉結實之餘仲保持嫩滑，咬落去除咗鴨香，仲有層次豐富嘅煙燻味，味道極具特色。🍄 三菇炒牛粒 $158用上三款唔同菇，帶出層次口感，牛肉炒得鬆軟又入味，最重要係有鑊氣，令人一口接一口。🥣 杏汁菜膽燉白肺湯 $88呢款燉湯係傳統廣東名湯之一，湯底純正，杏仁清香同豬肺嘅甘香融合得好好，入口清潤，有養肺止咳嘅功效，好適合秋冬飲。🦑 椒鹽鮮魷 $78炸到外脆內爽，魷魚新鮮有嚼勁，但又唔難咬，配上椒鹽炒得香口又帶鑊氣，係非常討好嘅小炒。相比起一般街坊中菜館，龍莊嘅出品更細緻講究，將傳統手工菜式同新派演繹結合，保留傳統味道之餘亦多咗新鮮感。價錢合理，水準卻比預期高，無論係家庭聚餐定朋友聚會都啱，係一間值得一試再試嘅貼地好店。…查看更多

龍莊主打新派粵菜 保留傳統嘅同時 以唔同嘅食材撘配同烹調方式去研製創意菜式❥︎漁鄉馬友煎藕餅 ($118)豬肉嫩滑 藕粒爽硊 口感豐富☺️馬友令到每一啖都充滿鹹香唯一美中不足係煎得唔夠焦脆❥︎杏片脆皮墨魚餅 ($78)杏仁片煎到金黃香脆 墨魚餅夠彈牙 食落有層次蘸甜酸醬食都好味👍🏻❥︎爆炸糖咕嚕肉 ($108)呢個配撘真係好有創意其實咕嚕肉本身已經好唔錯 醬汁嘅甜酸度恰到好處加左爆炸糖之後要快啲食 唔係溶左就會feel唔到”滋哩咋啦“😆❥︎魚香原條茄子 ($118)本身以為只係用茄子形狀嘅器皿盛載 點知其實係原條荷蘭茄子😳魚香茄子勁惹味 而且份量好多 食極都仲有❥︎煙燻樟茶鴨 ($168)一打開蓋煙霧瀰漫 打卡一流入口煙燻味真係超級香 仲有淡淡茶香😍皮脆肉嫩之餘 肉味都好濃難怪每枱都有叫！😋…查看更多

話說早兩晚一家三口去左龍莊食飯食完覺得有驚喜 性價比高喎！ ❙ 煙燻樟茶鴨 ❙ 絕對係打卡之選👍🏻開蓋一刻煙霧彌漫 一陣陣茶香直入鼻窿 鴨肉燻香不在話下 外皮微脆肉質軟稔呢味餸看似簡單 其實工序眾多難怪眼見幾乎每一枱都會order喇 ❙ 意式醋香骨 ❙ 份量奇多！最重要係唔會淨係食到骨🤣鎮江醋相當相當突出 酸酸甜甜開胃又可口真心性價比高 好味道！ ❙ 漁鄉馬友煎藕餅 ❙ 口感豐富🤤有豬肉既嫩亦有蓮藕既爽脆充滿彈性同肉汁 依稀會食到鹹香代表既馬友但味道又唔會太搶 呢味餸我都鍾意 ❙ 蝦頭油海皇炒飯 ❙ 炒飯最緊要有鑊氣 每粒飯都色澤黃金炒得乾身且粒粒分明 鹹鮮味十足 史生唔覺意就清晒🤣 ❙ 香濃芝麻糊 ❙ 我好鍾意食芝麻糊😆熱焫焫出晒煙芝麻香濃順滑 質地唔算好杰身 食完頭髮都好似黑啲haha ❙ 特濃豆腐布丁 ❙ 呢個甜品大推！有原味及抹茶選擇 我揀左原味布丁軟滑Q彈 面頭有啲柚子蜜及酸酸甜甜既粒粒（山楂餅？）真係喎🤩好特別有創意我鍾意！…查看更多

高手在民間！估唔到咁美味嘅私房菜會喺太古棟商業樓宇入邊搵到！以舊香港風味裝修佈置！琥珀色的鴨皮，以樟木與茶葉慢燻，木香與茶韻層層滲入肌理，挾著煙燻香氣氤氳而起，瞬間儀式感Level up！⬆️佢哋新派嘅中菜，無論係擁有視覺效果嘅原條「魚香原條茄子」🍆定係有滿滿杏仁碎嘅彈牙「杏片脆皮墨魚餅」🐙，青咇咇充滿鑊氣嘅「帶子蔥油蛋白炒飯」💚唔少得食埋佢哋嘅甜品，中式滑捋捋「雙皮奶」，同西式「特濃豆腐布甸」🍮…查看更多

這次約了朋友來到位於太古「龍莊」，一起聚聚，邊食邊傾。這裡環境寬敞，裝潢主要使用紅、綠色，感覺時尚中，帶點傳統的味道。這裡的食物選擇既多元，又彼有特色，是與一家人或朋友聚會的好地方。 😋是日選擇：🟠煙燻樟茶鴨鴨肉吸收煙燻香味，散發著淡淡的香氣，賣相吸引之餘，味道蠻不錯。🟠杏片脆皮墨魚餅外層香脆，內裏有彈性，層次感十足。🟠椒鹽鮮魷鮮嫩的魷魚，帶嚼勁，椒鹽令整體增添味道。🟠意式醋香骨獨特醋汁醃製，越食越開胃。🟠原味雙皮奶奶香濃，滑嫩，不太甜膩。…查看更多