龍山永記冰室 (已易手) 新餐廳

好想念之前龍山的早餐，奶茶好飲夠熱夠濃，鮮牛丁面夠淋，老闆娘親切，已幫襯一段日子，新年回內地一個月之後再去已易手，說再見的機會也沒有。有沒有人知道老闆娘有沒有在另一處開舖頭又或者廚師們有沒有另開店，幾遠都會再去食😋現在的龍山味道是普通貨色，不去也吧😬

五十幾六十蚊一個下午飯完全唔係依區應該有嘅價錢食物質素好差又坐得唔舒服。同個店員講食物一句都唔覆，根本唔知佢聽唔聽到問多佢一次就勁大聲咁回話”得啦知啦”。永遠唔會再幫襯。

今日下午出開紅磡那邊，途經依間叫龍山冰室，又到下午茶時段，於是便入內叫咗個下午茶餐，叫咗沙嗲牛肉麵加午餐肉及一杯凍奶茶，首先講的是沙嗲牛肉無沙爹汁。好淡味，好難食，午餐肉又無煎過，無乜味道的。好明顯做少咗功夫。個湯底好淡，無乜味道的。米粉份量也是一般的，還好凍奶茶還是夠冰凍。但奶茶味道還是一般。服務員態度還是可以的及送餐時間是快的。價錢約35元。综合各方面。我個人將不會光顧這食店。也不會推介给身邊的朋友。

紅磡勁度工作下，1200點已肚餓，見呢間地茂得多人幫襯，即入。乾炒义焼意粉--意粉炒有鑊氣，好入味，份量夠，义燒吾肥吾瘦，都好入味。配杯凍啡，一大樂事入座5分鐘內有得食，舖內冷氣夠，正

21-2-2010上次嚟撞正佢歲晚收爐, 今次嚟到終於可以一睹「龍山」真面目. 見牆貼了上「初四至初八供應」的 $20 麵餐 (跟一杯飲品) 無沙爹牛的份兒, 仲以為無供應, 一問之下原來「加兩蚊」就有, 好在 先嚟熱奶茶, 色水有點「奶」, 飲落滑度一般, 茶味就好香, 無澀味, 又不錯喎. 沙爹牛麵賣相有點樣衰, 不過混濁沙爹湯底十分香, 仲好似帶少少椰味? 牛肉唔似新鮮貨, 不過無梳打粉痕跡, 食落嫩腍軟熟又帶點點肉味, 都幾好食; 麵底 (大光麵?) 就淥得有點過腍, 可惜.朋友食脆皮腸雞翼麵... 雞翼一貫茶記的脆, 鹹及油膩, 果然係茶記 style; 脆皮腸就係平日 BBQ 會買的「脆皮蜜糖腸」, 味道穩穩陣陣無乜特別, 不過至少比普通的勁鹹雜嘜貨色好.阿姐就幾友善; 而環境比起隔嚟街的東門冰室 (http://www.openrice.com/restaurant/commentdetail.htm?commentid=1968736), 呢度就唔多似「冰室」, 似普通舊式麵店多 d.放低 $22, 勁平, 都可以一試的.

上文提過未能有緣遇上龍山冰室的紅腸，今天早上卒之給小弟碰到了這裡的"有料"一丁麵是小弟吃過的茶記其一最好的 ---- 麵淥得爽身彈牙；湯底用上一丁原味湯包，但又不會弄得很鹹，喝進口喉嚨也不會太難受。而且掌勺的大姐還很細心地下了不少的生菜墊底，心理上好像更健康一點每次吃的配料也不盡相同 --- 有時選豬扒，有時會吃炒蛋。是日的餐肉片得薄薄的，煎得顏色帶點焦，吃落外層竟是帶點脆的，內裏的肉是極軟糯，味道很焦香。相信只有極有耐性且細心的婦人，才能煎得出如斯效果....一直引頸以待的紅腸反而吃落沒有很大的驚喜。味道偏甜了點之餘，外層沒有煎得想像般的脆口。不過最特別的是在腸的上面放下了一些炒過的蒜蓉，令腸來得更香更惹味....仍覺得這碗一丁麵是香港其一最佳的茶記出品，值得一再捧場

說清楚一點，不是「走色」，而是沒「有色」，又或是「失色」都得。找一間茶記簡單的吃飯，來這裡，純因為佢舖面較大，有空調又有電視睇，環境好似幾好。要了碟叉蛋飯，加個豬扒腸丁麵餐。叉蛋飯的賣相是差得可以，看樣子已經知道不要寄以厚望。叉燒冷冷的又乾乾的，煎一下也就會好一點；單春蛋，其實比多一隻蛋都得掛？飯是又硬又乾，我喜吃硬飯的也嫌硬，一般朋友多會支持不住。吃起來淡淡的，要自行另加鮮露，有沒有搞錯？腸丁同一碗，炸豬扒是另上的，也好，至少不會浸腍了。炸豬扒雖然是醃得腍腍的，但也叫做好吃，至少比那走色的叉蛋飯為好。茶啡也不錯，看周圍左右隔離都吃炒粉麵，而聽廚房傳出「熊熊」的聲音，多為即炒，水準也應不錯，看來是自己選擇錯誤了。埋單51蚊，以是日食物的水準來說，絕對是「淒涼面」，不過顧及可能是自己選錯食物，就給回「ok面」吧。

早上流落在"陰陽路"一帶,自然沒有晚上前來的詭魅.遊魂野鬼見光死,這間龍山冰室,也有不少食客在吃早餐,又無聊地去諗會唔會撞到龍婆呢下?)當然沒有羅蘭姐陪伴你左右,來杯熱奶茶先,用玻璃杯盛上,風味不及厚身瓦杯.而這杯奶茶,奶味很重,茶味就如青蜓點水般.本身個早餐值$20,加沙爹要付多$2,轉福麵又要加$2.牛肉就沒有值得可說,又是那些梳打之味,反而個沙爹,味道出奇地濃厚,點點刺激不過搶喉.難怪要收多你$2.福麵就淥得太淋,同吃大光麵無異.雖然晨早流流,左眼未必見到鬼,老土一點,都係那一句也要自重前行.)

再次追尋冰室嘅足跡...今次嚟到周圍滿佈殯儀店舖嘅老龍坑街。朝早呢度嘅陰森味道減去大半，小弟就好少理，揾嘢食最緊要...雖則名字就叫冰室，卻係樣子就有D似麵舖嘅格局...簡簡單單嘅ABC餐。蛋炒得頗滑，出前一丁淥得頗彈牙，麻油味濃；餐肉大大片，亦有煎過，誠意可嘉...唯獨奶茶並唔係絲襪出品，既不香亦不滑...爭少少...

雖然住紅磡區但甚少去「大酒店」個邊，昨日晨早經過見到呢間冰室都好耐日子就去試。叫個早餐有牛肉麵、煎旦、牛油方同鴛鴦。先講牛肉，原來用新鮮牛肉，完全冇醃製，極之鮮味，麵質都好爽，應該是紅磡區之冠。唯一缺點是鴛鴦，啡多茶少，但咖啡唔多得。

十月十八號日因為有白事，要去「萬ｘ」送喪，行過見佢地鐵閘「廉」住張招租通告；咁就真係好可惜。好耐以前老竇過身，搞白事都係去龍山食。我最為欣賞佢之豬扒包和餐蛋麵。如果佢地係搬遷，衷心希望佢地可以搵到鋪；如果因為租貴而摺埋，真係戥頭（老龍坑街大酒店一帶）的街坊同殯儀業人士唔抵。

好街坊,好地痞,好親切,好態度~食左個沙律加蒜蓉多士加凍鴛鴦,沙律係鮮果黎架,蒜蓉多士都幾好,不過香草味比蒜蓉味濃,如果掉返轉仲好,個凍鴛鴦幾好,但係偏向coffee味多.環境雖然係舊D,但係唔污漕,D呀姐仲好nice.