龍城冰室

營業中

休息中

啲外國friend話最近都係見網上啲人講香港既街頭美食，我話其實點只得街頭野呀，茶記都好正架。 因為咁，今日食茶記都特登影下相比friend 睇下先。雖然成日食茶記其實都係個啲，但都有好唔好食既。 今日同朋友食旺角呢間龍城冰室，係正地鐵口，一出就係。 以為咁大間又新又盛，冇呢特別啦，又唔係wor。 叫左個下午茶餐： 豬扒腸米粉，跟火腿蛋同丹麥包，最傳統既花生醬西多，紅豆冰，同熱檸水。第一次黎，冇諗過佢下午茶餐都咁大份，碗米粉好多，塊豬扒手版咁大塊，犀利wor。 而且都應該係即煮，因為豬扒唔係好油，連份西多上既牛油都仲熱到有泡泡。 西多好厚，切完都唔會淋，落單哥哥話流心芝士西多仲受歡迎，因冇咁甜，但我地就係鍾意傳統個種。 最正係杯紅豆冰，超多紅豆同好大粒，飲落唔會好水，係真係細個飲個隻味，奶同紅豆比例好得。 呢間真係可以再黎。

叫外賣一個小時還沒有整好，打電話去問，態度差話整要時間，要整一個小時，沒有說完直接掛掉電話等外賣要1個小時，不會說太多人整不了要不就是叫外賣送過來就好像一定要給小費一樣，一點禮貌也沒有

今朝收工諗住嗱嗱淋叫個外賣早餐返屋企食...食完趕住陪老媽子睇醫生...0810落order叫咗個沙爹牛雙蛋通加杯熱飲…點知等咗成十五分鐘都未見到個餐…於是就好聲好氣走去問個收銀係咪漏咗單啦~~~~點知佢竟然好串咁答我等十五分鐘係好正常囉!!!🙄🙄🙄佢單就落咗,唔知廚房有無漏單喎~~~但又無行動去幫我問...ok...之後我又等多五分鐘...竟然見到後過我叫外賣嘅餐都出咗嚟,都仲未見到自己嗰份早餐,於是又揾個侍應再問啦...最後先攞到個餐...返到屋企(前後唔到三分鐘路程)食嘅時候竟然發現,個餐啲蛋黃穿晒...啲蛋漿都已經熟晒...隻煎雙蛋入面仲勁多蛋殼碎!!!呢間保證以後無幫襯!!!

夜晚上堂前，需要食一個快飯，黑板上面嘅飯麵一般比較快啲有。上次講過如果冰室有飯食，其實就係近年開嘅茶記 ，咁所以我都叫左一個有少少創新嘅晚餐選擇。攞餐牌睇下有咩食睇完，都係決定食晚餐 睇下舖頭環境 瑤柱海鮮帆立貝福建炒飯 $69大眾認知嘅福建炒飯，都係炒飯上面有一個蠔油芡，啲餸有雞粒、蝦仁，同少少芥蘭粒，可能會有瑤柱碎。既然蝦本身係海鮮，要特登強調海鮮舖頭環境係咁嘅，就會想睇下呢碟飯有咩多左。上菜時候，見到早餐粉麵好出名嘅水魷魚，都有雞粒、小蝦仁、蜆仔、瑤柱碎，芡汁好濃好送飯。下面嘅蛋炒飯夠乾身，粒粒分明，仲有蛋香。食到咁上下，仲會搵到一隻帆立貝，好有尋寶感覺。唯一一個美中不足嘅地方，係用三色豆炒飯，好多人接受唔到嘅嘢，令呢樣嘢感覺變得西化左少少。紅湯羅宋湯番茄味濃，配料有大量番茄🍅同西芹。飲到一半，仲有幾大塊嘅牛腩，認真足料。黑松露炒蛋多士(散)$28炒蛋好滑，上面嘅黑松露醬都好重手，幾鍾意個蛋。炒蛋喺烘脆多士上面係咁流蛋汁，雖然令中間變腍，但外脆內軟，層次多左，感覺變得更好。凍OT 少甜少冰 $3有茶味，但無咩澀味，自己篤得夠檸檬🍋，就會甜酸適中

我今日約左好友去旺角行街，聽聞龍城冰室的扒餐好有水準。於是，我就去位於亞皆老街65號旺角新之城地舖的龍城冰室朝聖，環境闊落，卡位坐得舒服。我點左鐵板招牌黑椒牛柳配薯菜$128，好友就要招牌鐵板西冷牛扒配蒜蓉汁$118。餐湯要羅宋湯，餐飲是熱咖啡。牛柳及牛扒要八成熟，外脆而內裏肉汁豐富，味道不錯；薯菜是原個薯仔焗的，很有風味，值得推介！餐湯是羅宋湯，材料豐富，好味又好飲！餐飲的熱咖啡，熱辣辣的非常好味道！

早餐蛋等20分鐘都未到, 侍應只熱心招呼客人入來, 毫不跟進漏單, 服務奇差, 下次不會再來侍應只看重大陸客食物可以, 質素不錯, 餐廳俾一班不夠水準的侍應搞壞地點適中如果點餐電腦化會更好,

我今日出去旺角行街，順道去亞皆老街的龍城冰室食午餐。這位置真係好方便好快捷呀！我點左個406號韓式泡菜魚片花甲豆腐石鍋配白飯$88，白飯份量不少，石鍋的材料新鮮，魚片花甲好食，豆腐滑溜，鮮蛋好味，值得推介！

龍城冰室超近旺角地鐵站，一出行三步到就到。餐廳都大而且闊落，坐得舒服，出餐又快。就算係晚市繁忙時間都只係等小小就有位。黑椒香煎牛脷配腸仔$69 有4大塊牛脷、腸仔同埋薯菜。薯菜唔係普通嘅炸薯條，係美式焗薯。如果唔鍾意薯菜嘅話可以揀意粉或者飯。一個鋸扒晚餐依個價都好好。焙茶朱古力QQ包$12 聽聞龍城冰室都出名麵包所以見佢有新鮮出爐就即刻叫嚟食。依個包熱辣辣，好香。入邊嘅朱古力非常之多一咬落去就已經見到唔使咬幾啖整麵包先食到朱古力醬。食落去嘅時候啲朱古力仲要係軟心。入邊食嘅時候仲會有麻糬。招牌脆皮菠蘿包$9見過朱古力焙茶QQ包咁好味，咁啱見到佢又有一底菠蘿包出爐就即刻買咗一個外賣。

前排光顧晚飯煲仔小菜，係啫啫通菜肉碎煲！表面無發現異常，但到食到中間至煲底竟然發現一條條米粉和一條條麵的食物殘渣！即係類似洗碗膠盤內沉底的食物殘渣！此類東西唔應該出現響啫啫通菜肉碎煲內，即時覺得好嘔心向店員反映究竟有冇洗乾淨個煲架！店員見狀立即快快收起叫我叫第二樣小菜！此刻已經無哂胃口，估唔到衞生咁差！早知影低佢即刻 call 食環！呢間野 black list 唔會再幫襯……

間舖頭係好旺好忙，但我又唔係覺得佢真係有啲咩特別好食，問咗佢幾句有冇肉醬意粉，佢唔係咁得閒咁叫我我哋自己睇。其實我想講我可以自己落單添㗎。你哋用QR code落單系統咪唔使煩到你囉

嚟到旺角梗係要試下香港人口味。 港式茶餐廳， 呢間龍城冰室有好多分店。地方闊落座位舒服我坐低就叫嘢食。餐牌有好多 選擇， 我就叫咗我平時最愛食的酸菜魚 客飯 配凍檸 茶。酸菜魚 大大兜 會上特色秘製 辣椒 恰當好處， 魚肉鮮嫩 味道美 鮮魚味 濃。 口感豐富， 配上酸菜 非常非常之惹味。 用來配客飯就最適合。酸菜辣椒黑胡椒配上鮮魚的味， 混合上湯非常惹味 用來送白飯就最啱喇。食完之後 有少少辣的感覺 就叫咗杯凍檸 茶 解辣非常之好。呢度啲客戶服務員服務態度 很好。

我對食物無特別意見，正常質素。但最令人反感係，有個男侍應，五十零歲，高高瘦瘦既，態度極差，佢拎杯凍鴛鴦黎時，我媽只問左一句係咪鴛鴦，因為杯野上面個層係奶，下面個層似紅豆咁，同平時鴛鴦唔似樣，似一杯紅豆冰咁既款，我媽想再確認一下，然後佢就超大聲好兇咁鬧我媽：係呀！！係凍鴛鴦呀！ 然後全場望住。 我媽都七十幾歲，眼力聽力唔好，岩岩係旺角中心同佢覆完診，佢已經患癌，佢仲要無辜俾個男侍應鬧，我絕對唔會再幫襯，而家香港除左澳牛，真係估唔到今時今日仲有咁既服務態度，非常差既體驗。

今天我同朋友去咗龍食冰室，特登食佢哋嘅招牌菠蘿包同西多士。入到茶餐廳人都好多。我地好快咁叫咗一份菠蘿包同西多士，我地見到佢哋啲樣子，真係好吸引——金黃酥脆嘅外皮，香氣四溢。我好興奮地咬咗一口，立即被佢哋嘅口感征服。外層酥脆，內裡柔軟，一口咬落去，奶香味同埋黃油香氣立即佔據晒整個口腔。之後，西多士亦都上嚟啦。佢哋中嘅樣子唔算特別，輕輕咬咗一口，外酥內軟，蛋液滑溜同吐司嘅香脆好完美結合，每一口都好濃郁嘅蛋香同吐司嘅香氣

好掛住茶餐廳啲常餐 今晚去咗呢間連鎖人氣茶餐廳🍳食反個CP值爆炸嘅晚餐❣️芝士炒蛋魚柳包配薯條 $38芝士夾心嘅炒蛋同炸到脆卜卜嘅魚柳放埋一齊 仲有爆汁蕃茄🍅又脆又嫩 薯條十分酥香 口痕啱曬❣️咖喱吉列豬扒飯 $69份量十足嘅吉列豬扒覆蓋成個飯嘅面頭 重椰香嘅咖哩汁十分惹味微辣口味易入口 整體份量夠大CP值高🥢凍檸檬利賓納 +$9❣️龍城炒米粉 $66有兩隻大蝦🍤火腿絲同一堆紅蘿蔔絲 乾身米粉穫氣十足 加埋雞蛋一炒蛋香怖滿成份香氣撲鼻❣️鐵板照燒鰻魚雞扒配薯菜 $108今次無揀到淨扒咁齋 配搭嘅鰻魚片魚肉滑溜 淋上照燒汁吊味都match 而主角雞扒即使鐵板keep住乾煎保溫依然保持肉質嫩滑🥢凍紅豆冰 +$9最有標誌性嘅港式飲品🥤紅豆煮得夠淋啖啖都食到 奶豆混合黃金比例 呢個真係值得一試

位於亞皆老街的「 龍城冰室」，交通十分方便，今天午餐就嘗嘗港式地道美食吧！鐵板招牌黑椒牛柳配薯菜~黑椒牛柳外香脆，肉質軟嫩，很值得嘗味。薯菜是焗薯，不是炸薯角或薯條，的確有小驚喜，羅宋餐湯除了多款蔬菜還有牛腩，湯味酸中帶甜、甜中帶香。 銀牙肉絲炒麵~這道銀芽肉絲脆脆麵，麵餅兩面都有煎香，伴以爽口的銀芽和清甜紅蘿蔔絲，完全港式味道，很棒！ 熱柑桔蜜、熱柚子茶~兩款熱飲都加入一片鮮檸檬片，令熱飲加分！