龍仔小食

弱雞嘅我選擇咗BB辣，燒賣軟軟地，超級掛醬，唔幾辣。可惜 i 人冇問可唔可以加醬，濃味派需要多醬😭飯前點不敢叫太多，下次再試沙爹陳皮魚蛋小辣！12:00岩岩開門冇咩人，不過過左一陣上3樓見到另一間好多人。…查看更多

行過葵廣想食撈麵 咁啱見到呢間餐廳有撈麵餐就諗住試一試佢點知食到人生最難食既撈麵呢間舖頭係淨係用佢嘅咖喱汁去撈麵 冇落其他味道所以成個撈麵只係得咖喱味 個咖喱仲要係唔好食d配送都好一般 仲要比錯餸 原本係要燒賣佢俾咗魚蛋我難食到食左一啖就成個dum左同場試咗佢嗰深海墨魚味道一般般 不過都叫做可以食得落口 只係個墨魚冇咩味 同埋比較細舊建議大家可以唔需要試伏 佢仲要2樓同3樓都各有一間P.s 個撈麵真係難食到最後忍唔住去七仔買返個正常撈麵食 突然覺得七仔撈麵都係世一…查看更多

每次嚟到葵涌廣場，一定會想食陳皮魚蛋，試過龍仔小食之後，每次都會揀返佢。因為佢啲陳皮魚蛋好煙靭，唔係烚咗好耐淋曬嗰啲。個咖喱汁又煮到好入味，有咖喱嘅香味，唔會太油膩感，基本上唔使再落任何醬料。同埋每次經過都有其他人買緊，流量多嘅，多數都會安全啲。食呢啲魚蛋，最驚就係佢個煲唔滾，但每次經過龍仔小食，佢用電飯煲煲住啲魚蛋一直都係有泡泡。咁會放心D, 因為唔想掃完街之後，返屋企肚痛唔舒服三四日，就好唔抵啦。…查看更多

真係好鐘意食陳皮魚蛋！呢間既咖喱汁好夠辣！配上陳皮魚蛋簡直無得頂😁唔怪之得成日都咁多人！佢地仲有好多傳統小食！希望下次有機會試下😌可惜佢地既魚肉燒賣麻麻地，好粉😅…查看更多

個汁真係冇得輸 甜味 咖喱味 鹹味 辣味 全部都平衡得好好每種味嘅比例都好balance 唔會有人過度搶fo冇人係主角 因為全部都係主角每食一啖都五味雜陳 食完唔會過到口渴亦都唔會上癮 所以佢個醬 somehow 係正常嘢可以放心食多幾次 齋買燒賣一串都係十蚊有七粒 重點係個醬得閒經過擺低十蚊 都算實惠配菜 會好推燒賣 同 雞軟骨 山根同豬皮都好 冇雪味冇怪味P.S. 係對個裝嘢食嘅紙兜有啲評價 熱到揸唔到😅P.S. 呢間嘢好似搬過舖 應該以前已經好多人食 P.S. …查看更多

上次嚟嘅時候已經食過一次個魚蛋覺得太辣，但係因為個辣汁甜甜地，真係好好味，所以就算太辣都好想食多次。今次都係叫咗陳皮魚蛋想試埋佢蘿蔔。姐姐話辣汁可以揀辣度（小辣、中辣、大辣同特辣），仲有唔辣可以揀。見到前面嗰啲人買個撈麵都會落辣汁。根據睇YouTube同埋上次嘅經驗，今次叫咗小辣。真係好好味，但都幾辣下，佢甜甜地，但食食下後面會有個辣嘅味道湧上嚟，好有層次，點魚蛋同蘿蔔都好夾，至於啲蘿蔔就同平時嗰啲差唔多都係炆到好腍。…查看更多