龍井 (已結業)

食唔飽，叫串燒份量小，食兩啖就冇①串，要食完先可以叫，再等燒又要等好耐，最多食四，五轉，而且又要好急，逼到人①嚟串燒要快d食完再叫，建議再高d價俾人任叫，好過食唔飽又要等，成個過程都係等，煲仔飯份量又少又貴，又加一，d飲品又好貴，其實d生意唔應該咁做，寧願你真係一口價，嚟食得都唔介意，所以唔係真係咁平。所以好多人應該嚟佐一次唔會再嚟，所以應該好多都失望而回。五個人叫嘢飲600幾，如果大食嘅朋友一定唔抵去，

八號風球下大部分食店都提早關門，經過有間串燒煲仔飯小店繼續營業，所以試吓去。今次由於太夜，所以無試煲仔飯，但係隔離枱有食，聞到勁香，所以下次都會試下。另外如喜愛食辣，可以自行添加辣粉，都係不錯的選擇。最好食嘅燒雞皮竟然唔記得影相，燒到脆卜卜，推介之一。肉類包括 牛 羊 豬 雞都係正常肉類口感。燒豬頸肉份量很大，燒得焦香，很惹味。燒生蠔飽滿多汁，配上蒜蓉香口十足。燒白鱔皮脆肉嫩，亦係推介之一。燒四季豆唔會太干，配上蒜蓉醬汁，很香很搭。燒韭菜燒得啱啱好，唔干亦多汁。蘆筍五花卷五花肉焦香，配上旁邊酸酸甜甜汁，很開胃。

本人在昨日(24/6)中午去電訂位，訂2位，回覆巳滿，後在OpenRice網上訂就訂到並回覆6点入坐8点前離坐。5点5O分到達入坐，餐廳內约有十張始左右，但由我入坐到8点離開都只得5，6張枱有人，門口亦沒人等位。我們叫了1set(半打)啤酒，1份燒玻羅，1份燒咖子，加70蚊任食四款串燒,共消費$396点知頭果兩碟串燒系暖既，完全冇燒烤過咁，都算啦，最後果碟重離譜有好重既疏打粉味，入口苦苦哋，因為都是最後一碟(已經到了75分鐘用餐時間)，所以就算啦。点知待应(看來象老闆似的)收拾餐具時說:都飽囉？我們都沒有回应他的提問，只是笑笑，望着他。我們2個人由6点正食到7点3，總共食左5碟串燒放题(未計自己叫兩碟)，話多吾多，話少都吾少，75分鐘÷5，平均25分鐘才上一碟，好似去左酒樓飲宴咁，食完一碟就系咁等.等..等...，質数好都值得等，但真系好失望囉!

同fd係ig上面睇到呢間餐廳都幾吸引念住放工去試下，地鐵站到餐廳好耐就算啦，無咩人環境都算OK，坐低睇左餐牌都嚇親，咁係個煲仔飯咁貴老闆話現烤開左爐上第一碟就等左十幾二十分鐘，好，算啦，更加過分既係之後每一碟至少都等左至少15分鐘，全程基本上就係等，不停等，兩個人75分鐘食得個五碟，一次想叫多份都唔得，老闆仲要好好心咁提最後一輪啦，如果唔可以加咁樣提既意義係邊，食完好似無食過咁樣，根本就係假放題，絕對唔會再去

間店在公司附近,開左咁耐第一次放工去食即中伏,咁既質素煲仔飯都要賣75元,寧願行食過廿十幾蚊盅頭飯好過。心諗串燒放題+50元,試吓啦,希望間店打正串燒旗號應該好食,點知..唉!真是唔食好過食,羊肉冇羊肉味,雞肉冇雞味。😪串燒又要限住叫,諗住叫左咁耐未來,怕佢走單再叫多一轉又話唔得。其實間舖環境格局都算企理,但價錢在荃灣區確實有點離地,位置又不算是鬧市中心,有幾多人會行過。早早開業,見到價錢都唔會去食,就是近期見50元串燒放題知間舖冇生意,當幫吓小店,點知一試其服務..真是一次就夠。

首先最近好多社交平台 都介紹既$50 串燒放題🧐今日就一於同幾個朋友去試吓，兩位起叫一個煲仔飯/ 1set 啤酒就可以優惠價一人加$50 食75 分鐘（豬肉串，牛肉串，雞肉串同羊肉串4款）任食，可能好多人會俾佢呃到，但我同朋友都覺得食放題唔好諗住會有咩質素囉。😮‍💨落完單，有位哥哥仔店員就講解全部串燒都即叫即燒，所以店舖出串燒會一人一set 咁出，務求做到熱辣辣又新鮮好味俾你🤨等左大概5-7 分鐘左右，終於黎到今日嘅重點……….嘩真係唔係講笑，串燒真係俾我預期之中好味（我敢講，依間小店龍井d放題串燒全部都好好味）我終於明白點解佢要一set一set咁出，即叫即燒定炸定哂俾你真係食得出嫁。d肉汁真係流出黎唔係講玩👍🏼唔明d人點解會話垃圾，唔通50 蚊真係好似米芝連咁樣😰不過每個人口味唔同，所以你覺得好食唔代表人地都覺得好食，但如果放題黎講，我同朋友都覺得唔差，起碼人地真係用心製作。香港地做生意都難，加上疫情令到大家係依一年身心俱疲，所以我同朋友都真心支持依啲小店。食完一轉就黎煲仔飯，落單到食完一轉串燒大概15 分鐘左右，我同朋友落左個田雞排骨煲仔飯同臘腸滑雞煲仔飯，嘩頂……..煲仔飯都咁好

之前有幫襯過，見佢最近推出左 $50串燒放題，決定去試一試有冇伏？！照舊老闆都係咁nice, 解釋完放題只需每二人叫一個煲仔飯 （$75-$128都有）‘或者 ’ 叫一set 啤洒 （$128/6支）有百威，嘉士百，asahi，藍妹揀，就可以每人加$50任食四款豬牛羊雞串，我哋四個人叫左一set 啤酒，一個煲仔飯滑雞臘腸煲仔飯 乾爽 有飯焦雖然話係放題，但串燒一啲都唔hea，同散叫既一樣，老闆話即叫即燒，每次燒出嚟都熱辣辣，絕對唔係整定凍冰冰，記得要配埋佢哋既沙嗲醬每round1 set 咁出，食完再叫，惜食 「杜絕大嘥鬼」我哋四人最後食左6 rounds，老闆仲問我地夠唔夠，要唔要再黎多round ，但因為太飽已經食唔落個人比較鍾意牛同🐔，$50食咁多串仲想點抵回哂本另外我哋叫左其他串燒，同上次一樣keep到水準如果只食放題加個煲仔飯，每個人頭加埋一都係一百蚊度，真係好抵食雖然係食放題 ，但對我黎講食物質素都好重要。呢間小店絕對有誠意！係宜家既疫市，更加值得支持。都係個句，串燒要熱辣辣先好味！

又話燒烤放題，嚟得嗰幾串好聽D就叫即叫即整，唔好聽啲就拖你時間，成程嚟得三四轉，等到發霉，煲仔飯我覺得一般，分量少又貴，俾佢呃咗！IG成日賣廣告，但係個質量根本跟唔上佢講嘅內容個老闆招呼幾好，但係想講幾好都好，你餐廳嚟㗎嘛我又唔係食你個老闆，放題唔似放題，冇咁嘅級數但係就收咁嘅價錢。總結係冇下次。

任食套餐要局叫個難食煲仔飯，料少白飯味，虛假任食一次只可以叫4串，唔可以重複，一次叫多1串都唔得，要等20分鐘先黎4串，4串野仲要份量極少基本上2啖就食完1串，仲要食完先可再叫，唔食完無得點餐，姐係食完4串要等起碼20分鐘先有得再食4串，垃圾都不如，怕人食得多好心唔好做任食啦，完全係虛假宣傳，真係好肉酸。仲要人手嚴重唔夠，樓面得老闆同老闆娘，知你任食舉手點餐永遠扮睇你唔到施你幾分鐘時間。仲要永遠用同一隻碟洗都唔洗。得果75分鐘時間，到50幾分鐘已經唔比你再落單話，老闆直接話：「燒完你都過哂時間啦，我仲要交櫃比其他客」。態度極度差迫我交櫃，咁姐係仲有果20分鐘要我淨坐唔食野？Overall食完成肚氣仲要敢收加一服務費，依間永遠blacklist!

兩個人要求點一個煲仔飯方可選擇串燒放題，可以接受，剛入門老闆都幾nice，不過，兩個人一次性只能点八串，四个人一次性只能点十六串，仲要食完比翻個盘老细先肯端入去廚房整，前后只食左四輪，間中想叫多串燒都要等埋老闆同廚房傾完計或者等埋佢上完其他張檯既野，最後，煲仔饭食出条长金头发个老板仲笑騎騎話我地廚房無女人，拎走條頭髮就當無事發生，真的一萬個疑惑，唔通係我地四個黑髮麻甩佬掉左條金色頭髮入去？仲要癡係飯焦中間上🥲，珍珠奶茶珍珠一食就知過夜，又硬，28蚊細細杯。細杯可以接受 但係唔好飲丫嘛

I went to Long Tseng for dinner last night. I had lots of food as I was very hungry after going to Disneyland. I have been there for a lot of times before so I immediately knew what to order when I arrived there.Here are some of the food I have eaten:

第一次食大閘蟹放題，往年都係自己買嚟整。見呢間嘢有網站推介先去食，入到去話想食放題，貌似老細嘅男人就話3-4兩啲蟹唔靚 出唔到比客，叫我哋揀貴少少嗰個。上到枱 得第一隻係熱到辣手 即係即蒸 其後再上嘅蟹已經唔熱 要嗌個煲仔飯/粥先都冇問題，個煲仔飯飯蕉極為苦，我淨係食咗中間幾啖飯，另一個田雞粥都好麻麻，冇乜味，薑味濃囉，癖腥呀嘛。啲蟹要續次叫 續次比紙仔，話食90分鐘其實就提早廿分鐘截你單，要你用剩低嘅時間食埋啲粥同飯 蟹就唔會再上，重點係啲蟹唔係好多膏，仲要有一隻係臭嘅，同佢反映完之後唔會補返隻俾你，孤寒到死。然後我仲要見至蒸蟹個阿伯一路蒸蟹一路食煙👎🏻👎🏻👎🏻

天氣轉凍就掛住煲仔飯，同友人去食煲仔飯，呢度仲有埋串燒，好吸引。豉汁白鱔飯 $98白鱔肥美有魚油白，肉質嫩滑充滿彈性，個汁好入味，加甜醬汁，個煲仔飯更香更好味，飯焦好香脆。臘腸排骨飯 $82排骨大粒多肉，入口都嫩腍好咬，醃得入味，配油潤甘香的臘腸，腸皮微脆，味道咸中帶微甜，好夾煲仔飯，米飯乾身有咬口，個底仲有飯焦。豬、牛、雞 串燒 $42好香好惹味，微辣且加孜然粉，更有風味更香，豬肉串最正，爽彈口感仲要厚身肉粒。雞肉較扎實但都唔會乾。牛肉有咬口。肥牛金菇卷 $28賣相味道都正常，肥牛燒到油脂香味出黎，金菇吸哂牛肉味。燒娃娃菜 $38燒得夠乾身，好香口，加甜醬油好爽甜，份量偏少。香蒜黃金菇 $35大量蒜蓉超級香，金菇吸哂d味，且份量頗多，好正好食。黑糖珍珠鮮奶，黑糖味唔太重，同奶味幾平衡，但珍珠勁硬。荔枝玉露，好飲夠凍，唔會太甜，食煲仔飯同串燒都岩飲。

昨晚第一次食，食佐5隻大閘蟹，隻隻爆膏，老闆員工招呼好好，有態度有服務，價錢見仁見智，但個人睇過好多間都係要呢個價，冇本事食好多（但5隻已經好多😂），好滿足，煲仔飯岩口味，雖然要每人叫一個飯或粥，但飯可以打包返屋企，第日又有一餐食🤣變相一個價錢食到兩餐🤤串燒價錢合理，叫佐個燒生蠔，$6x蚊有4大隻。最後：老闆睇得起我地仲想叫我地繼續食🦀😂 一D都唔孤寒👍🏻總括黎講有下次😄

未打過食評，第一次就比左呢間餐廳😂侍應：有禮..主動。 👍👍上煲仔飯前會主動問你需唔需要幫你落定豉油，等一上枱開蓋就食得唔洗再慢慢落豉油再等。 見到成枱蟹殼，會快快幫手清理換過個碗比我地 👍老闆：健談，會不定時問下野食o唔ok..大閘蟹夠唔夠食...等等👍👍今年唔想自己煮，咁岩又搵到呢間算係新開既餐廳有大閘蟹任食。200幾蚊，任食蟹，係op訂位仲要有串燒送。 雖然如果想食任食蟹就要先落單每人叫一個煲仔飯或者砂鍋粥（$128）。 但講真，$200幾蚊+$128 又有飯又有蟹又野飲又串燒，出面邊度搵啊。 最緊要隻隻都夠曬熱，就係因為佢想大家食既時候要趁熱食，所以限制左大家每次只可落單落一隻，但我覺得完全唔係問題，好過係外面酒樓食，又貴又唔熱。成餐飯最後兩個人埋單連加一$900幾，每人差唔多食左5（6）隻..咩本都回曬...個人建議如果大家要食就經OP訂位，送既串燒絕對唔馬虎👍