齒留香

營業中

休息中

今日陰公遲左起身無時間食早餐,老闆仲要同你講手頭上既野急住要,咁姐係叫我唔好去食lunch la,ok,真係忙到傻左😳,落去樓下買個飯,因為真係太肚餓,今日去左齒留香,齒留香真係陪左我係呢間公司成長,以前ot成日去買飯,但近呢年都好少食,今次叫叉燒燒肉飯,盒飯一拎上手,細左咁多既！雖然一打開見到佢個樣都知好食,但飯少左既對於飯桶黎講真係好傷心😭加左價,飯少左係咩意思😭😭個心沉左一沉,正準備食我既午餐,一食落口,叉燒都無以前咁好食,燒肉仲ok,不過個飯無以前食完再想食多d既感覺,齒留香不再留香了,希望咁耐無食下次有改善啦！

尋日幫媽媽買外賣返屋企，佢話好想食燒味，咁啱我又喺大角咀，所以就去咗齒留香買燒味飯外賣比佢食 呢度冇得堂食，應該係其中一間街市嘅鋪頭，另外開咗一面去賣燒味 應該最出名，就係叉燒同埋燒鴨，成日都見到佢有新鮮出爐燒好既掛出嚟～ 同埋成日都聞到好香我之前食過幾次，以前食都係大大份，食唔哂就飽了，不過太耐冇幫襯，所以唔知質素有冇變化去到已經有條龍，見佢加咗價，排左大概10分鐘左右，就叫得，我叫淨叉燒飯 拎到飯盒既時候，明顯比以前細盒咗，由呢度返屋企大概20分鐘左右，返到去俾媽媽食，媽媽話仍然都係暖嘅，味道仲keep到水準👍🏻 我食咗一啖，覺得叉燒都好林身，唔會太硬，太乾，叉燒汁都好入味，不過我就嫌醬汁太少，食到一半飯冇哂汁，有啲dry

當一個LUNCH閒閒地都要40至50既時候, 要食得平又飽肚, 不二之選當然係港式既代表燒味飯, 呢度都只係單餸賣緊25蚊, 雙拚26蚊, 真係良心商店黎., 所以我見每一日都係大排長龍再講下份量, 我嗌左一個雙拼油雞同燒鴨走飯, 因為屋企煮左飯想加餸, 原本以為嗌淨餸會多D, 但原來係我諗多左, 都係一樣咁既份量, 淨係多左條菜打底.再講下味道, 油雞同燒鴨比, 燒鴨既部份會多肉食D, 而油雞就骨比較多, 食物都係水準之內, 唔會太難食, 不過廚師切邊PART就真係睇心情

今天晚上媽媽有事不能回家準備晚餐，我們又不想在外面吃，決定自己煮飯。飯很容易解決，只要放進電飯煲煮就可以，但餸就麻煩得多，最後我們決定白灼菜，再到旺角齒留香斬叉燒和鹽焗雞。叉燒很甜很有咬口，每一件都很大份，咬下去時可以感受到醬汁在咇出來。很久沒吃過這麼高質的叉燒了，原以為這間店開在街市,又不是特別出名,食物質素應該不怎樣，但嚐過後覺得比有名的酒樓裏的叉燒還要好吃，終於明白為何有這麼多人排隊買這裡的燒味。鹽焗雞很有雞的鮮味，亦很足料，加上店提供的蔥，非常惹味。就是這樣，今天的晚餐解決了。

籌備左咁耐 , 今日終於黎到 11.11 狗狗行山日 ,當日行程 , 先走半途 , o係燒烤附近搵個地方休息休息當然都要補充能量啦 , 而今日所準備o既午餐 , 唔係面包三文治薯片等 , 而係一盒盒o既燒味 ......旺角街市 , 齒留香 , 一直知道好多人都話好食 , 但以前都一直無買過 , 大角咀街坊, 識得買齒留香不足為奇 , 但諗到用黎o係郊外行山時食 , 真有驚喜1. 燒鴨~而家啲燒燒鴨貴到唔捨得食，朋友竟然花上數百元買左四大盒，盒盒都幾靚，燒鴨汁另外分開上，唔錯但始終於耐左，包燒鴨汁已經有油琼住左，好杰身唔加燒鴨汁食都幾乾身，皮薄多肉，大家食淨左嘅我地嗰日拎走返家煲粥，出水時同煲出黎都唔多油2. 叉燒~ 幾乎成盒都係瘦叉，蜜味十足但偏乾身，口感軟韌3. 油雞翼~味道比較淡，只有外皮食到豉油味，幸肉質都算嫩4. 燒雞翼~橙色的，味道略為過咸，而且好硬身，肉也太實太乾## 就咁樣空口要食咁多肉 , 仲要咁濃味 , o係咁o既環境 ,我地又長途焗喺發泡膠盒裏，又可能係倒左瀉左 d 汁，無可否認係好難認真去品嚐 , 所以總結給一個 ok , 算是洽當吧

唔想煮飯突然想食燒味飯買左叉燒燒肉飯加左價12蚊都可以但竟然d料少左好多雖然知道豬肉貴左但都唔駛咁誇張嘛又肥又無肉食又唔靚o係附近咁多燒味店下都咁做生意未必會再試佢d燒味飯反而見幾多人買豬頸肉飯

琴晚黎呢度買左蜜汁雞翼同豉汁花雕雞翼番屋企做送蜜汁雞翼橙橙地色好靚亦十分入味連唔食皮既我都忍唔住食左dd豉汁雞翼相對較差無咁入味而且豉油味唔夠亦食唔出花雕味

中午路過見佢咁平加上又突然想食燒味又試下要左叉鴨飯單併定雙併都係10蚊白飯份量多到嚇死人我食左三份一已經食唔晒我雖然要瘦叉燒但一d都唔韌仲幾淋有d邊位仲燶燶地好香口d叉燒色水唔會係鮮紅相信唔係落左好多色素燒鴨方面有四件大部份都幾厚肉但味道一般都係叉燒好味d以呢個價錢真係超值