齒留香

營業中

休息中

香港人吃燒味真的情有獨鍾，我自小受父親影響，對叉燒特別喜愛，腦海常常浮現港式叉燒，紅潤的顏色和香甜味道所吸引。其特別是用半肥瘦梅頭豬肉烤製，因為燒臘店用特別大烤爐，家庭怎可以做到。所以燒臘店便開到成行成市，今天係太子做完運動，路經界限街見到一間新開店舖叫齒留香，門口掛上立立令野味叉燒和香噴噴燒鵝，重好多人排隊等買外賣。自己一個一於試下，門口窄窄地，铺內不太大，不過行入去還有轉彎位，可能時間仍早，店員安排我坐係卡位，比較濶落，還可看電視牆上掛上由一位相信係店長黃師傅牌扁一塊，最後精句期盼有一天，時光沖不去味道，能經過考驗，傳承與繼續另外還有兩句同店名很襯托睇吓menu都算多選擇，還有早餐和西式吃最終選吃叉鵝飯套餐，有湯送和飲品，叉燒賣相相當吸引，我用不同角度都係咁吸引，叉燒真的No.1,肥瘦相間，肉嫩多汁，厚道適中，表面燒得立立令，又夠香口，口感十足，極品，正而燒鹅皮脆肉滑多汁，燒得赤紅紅的，鹅香撲鼻，鹅汁盡瀉，一啖咬落，滿足度爆燈，正例湯雖然細細碗，但濕濕口無咁油膩總結是真的齒留香

上網睇到條片，聽講呢度老闆好招積，所以決定黎試一試，有咩咁把炮。餐廳普普通通，同普通燒味舖差唔多。叫左個例牌叉燒。眼見叉燒同其他叉燒無差，但食落去即刻feel到個差別。麻甩佬一定會對叉燒有研究。我成日食屋企樓下既叉燒，相比之下真係天與地。呢個叉燒燒到出邊個一層少少幹同硬，食落feel到特別香。中間既肉先係重點。好滑好多水份既叉燒，真係第一次食到咁軟滑，但出邊個層又咁香既叉燒。另外一個好食既地方係，叉燒出邊燒得幹香，但淋上蜜汁之後，個肉既質感有少少幹身又黏又香。個肉真係有少少痴係牙度，個種少少痴牙又香既口感真係無得輸。口感好豐富。食完叉燒，再叫個回味招牌薰蹄瀨粉。薰蹄夠彈牙，整得有啲似豬耳。口感爽口味道夠。加埋醬一齊食，個味道更特出。個爽口既感覺，又有肉係中間，真係薰蹄先有。而且薰得靚，看似無咩調味料，但味道香。仲有個熱湯送。食得好飽。飲埋熱檸蜜，食左一個好滿足既一餐。抵老闆招積！

今日同往日唔同，因為要出out job所以搵食搵到黎太子，本來以為呢頭冇野好食，點知呢到原來餐廳都唔少，中午時間黎到呢間燒味餐廳，估唔到鋪位細細，入面竟然坐滿晒人，原來係因為新店剛開張期間，加上午飯時間，我等左5分鐘左右終於有位。第一次食的關係，唔知點咩好，所以點左呢到招排叉燒同燒鵝，咁燒鵝當然就係配瀨粉啦！呢到燒味係分開上的，叉燒梅香唔會浸湯浸到冇晒。肥瘦都均勻，好食主要燒得夠香😋😋新店開張的關係，送老火靚湯，所以我跟餐飲品就叫左凍檸茶。今日例湯係蓮藕紅蘿蔔🥕煲豬踭，講明話無落味精，飲落又真係唔錯，好足料同夠味，唔會淡戌戌咁。燒鵝燒得好入味，有附上甜酸醬可點👍🏻👍🏻薑蓉送飯😍😍外賣好抵食，可惜我唔係住呢頭附近🙈🙈

同朋友傾野但係又有啲肚餓，就選擇左一間裝修比較新淨嘅燒味飯店，裏面好光猛有啲似茶餐廳，都算幾舒服。餐廳餐牌選擇好多，下午時間四點幾照常營業沒有落場時間，所以係呢啲尷尬時間都有得食。我哋就揀咗切雞瀨粉同埋叉燒米粉。啲白切雞好香滑，油分十足，表皮都好香。質素不錯！叉燒來講係王牌，味道比較濃，質感都好鬆化。另外+10幾蚊有一個菜，份量都幾多。可以叫埋茶餐廳飲品～品質也不錯的！慢慢傾而且唔多人，唔需要趕住走，幾舒服！

從來未打過食評 但宜家呢刻真係嬲到一個點 無得唔上黎鬧衰佢！ 大家千其唔好黎！1）門口個姐姐唔識帶位 明明入面有位 我只係一個人 要係門口等二十分鐘 同佢講 佢唔理你！ 相信係想形做門口好多人排隊等位既情況2） 去到去入面 有1/3既位無人坐 大概有5-6個吉位，呢一刻已經著晒火3) 叫左5分鐘落單，另一個姐姐話等等 等等，好 我等！ 但我番黎落單既時候，竟然係先落隔離岩岩到既另一個客4)叉燒係ok 幾好食，內心有加番分。 但燒鵝唔得，同埋啲飯唔熱。呢間野服務係負分，從未試過一間食店可以差過呢到。

喺太子經過呢間新開張燒味餐廳，入去是旦食，坐低時侍應已經放碗例湯喺枱面比我，起初以為佢攪錯左，後來見到有新客人入嚟坐低都有例湯送先明白喺送嘅，話時話，而家因為成本問題，有啲餐廳連清水都要問先至有一杯，有例湯送嘅餐廳更加越來越少了。要左半肥瘦义燒，上枱時不單只真的是半肥瘦，仲係微暖，入口咬落去有豬肉嘅質感，唔似出面越來越多燒味餐廳啲义燒落左好多鬆肉粉，入口時舊肉喺好夠諗，但係咬落去真係唔知食緊乜嘢肉，一啲肉嘅質地都冇，所以好欣賞呢間燒味餐廳嘅真材實料，仲有因為佢半肥瘦义燒，入口時不單止有豬肉質感，加上啲少少肥膏仲變得更加有口感，令到成件事更加好味道。當然要左一碗白飯，一啖美味义燒再配一啖白飯，好快趣就食晒了。

星期日過海做完運動，心血來潮想去近日全城熱捧太子叉燒王「齒留香」試下佢嘅叉燒，睇下係咪真係咁架勢堂！店外大排長龍，人潮不斷！等咗一陣，終於可以入去啦！店內師傅營營役役，非常忙碌。好不容易找到位置坐下。急不及待揭開餐牌「搵食」！視乎No.1叉燒係必叫之選！最後都係叫左自己最愛叉雞飯！記得餐廳師傅喺報導講過，如果餐廳連「瘦叉」都整得好食，功力一定有番叫上下！於是我就有個小小特別要求，就係「瘦叉+走汁」。飲品方面就係夏天消暑解渴之選：凍檸茶！叉燒賣相非常吸引，採用厚切方式，肉質一D都唔「柴」。入口叉燒「腍軟」，淡淡蜜汁甜味，即使冇燒味汁加持，依然非常好食。至於雞肉方面，雖然唔係「脾位」，但肉質keep到嫩滑，但相比叉燒，依舊叉燒比較出色！推介呀！

男友一直鐘情於各種佬飯，今晚就帶佢嚟到區內人氣燒味店齒留香食啦！開左個令月已經贏得口碑，叉燒仲係keep住即燒即賣！新鮮到排外賣嘅隊同排珍奶一樣🙇🏻‍♀️🙇🏻‍♀️ 我地就嗌左份例牌叉燒($88)❤️真心誠意推薦！即燒即賣所以外皮仲好脆口，肥瘦適中，蜜汁好惹味！完全係心目中嘅蜜汁叉燒👅👅燒得比較焦嘅位特別香口，帶有小小焦糖味🤗🤗 另外點左薰蹄米粉💪🏻都係水準之作，份量十足！點番醋食可解油膩😇 燒排骨飯一樣係皇牌之作⭐️⭐️排骨係蜜汁烤嘅，所以一樣甜甜地，肉質比叉燒硬身d，相對有口感！生菜幾大碟，15蚊算幾平下，食咁多肉叫翻碟解膩呀🙆🏻‍♂️嗌粉麵飯餐會包一杯熱飲嘅！味道正常🥂

經歷過上次嘅燒鵝得塊皮乳豬變燒肉嘅四寶飯，今次專心試真d個招牌叉燒同燒鵝，於是就叫左叉鵝飯。叉燒冇上次咁肥瘦適中，冇咁好食，始終叉燒唔會舊舊都靚同啱我心水，起碼冇超瘦都算係咁，但就算唔上No. 1,優點只係夠淋，冇特別香味，一般般咁樣，如果係帶住期望咁去試就多數會少少失望。燒鵝今次有肉食，yeah, 但就冇乜鵝油香味，肉都係夠淋，唔似好多其他地方肉會乾同韌，總合黎講都係不過不失，好多地方都會有更好嘅燒鵝(好似前幾日食過嘅深水埗鵝之極品). 油菜，夠大碟，但個人愛好西生菜，而佢係唐生菜，有少少苦味。總結呢個叉燒no. 1體驗，叉燒要食到靚，始終要撞手神，幾十蚊貨仔要保證最好食係好難，無論店家幾有自信都好。如果係有心做No. 1,不妨做最好賣最貴，有質數嘅嘢一定有市場。

Too much expectation. Food taste not really impressed, poor services. Seems they prefer takeaway than dine in. Taking more than 25 mins of queueing, when ordering food everything are out of stocks. Service is poor probably they are following mainland management style. Ordered barbecue pork, taste is not as expected. Understand it is a local Siu Mei stall, I should not put too much on it, compare to those chain restaurants, probably they are much valuable and worth to try. Too much expectation an

網上睇到片介紹 好似好神級咁男友又捉我過嚟！！所以又來試試佢！.傳說中香港No. 1嘅叉燒—齒留香燒法就好似舊香港咁好多年冇食過依種燒嘅感覺 外面焦焦地、黏黏地、好香嘅碳燒烤。爸爸媽媽食得好開心 話終於搵返當年嘅味道全家圍住係咁食 讚不絕口我都猶記起細個食嘅叉燒好食好多 就係依種味道感動.保留左叉燒嘅肥 肉質幾軟.不足係肥瘦不夠均勻而且比較鹹 一定要送飯 就咁食好想飲嘢.員工推薦我哋買斤半至兩斤但我哋6個人食 $100一斤已經夠晒 填滿左一個大飯盒 份量好足最尾仲食剩幾舊鋪頭入面有好多人 出出入入都好逼夾人氣超旺（拍攝嘅時候人流啱啱過左）呢個質素 $100一斤真係抵食

講到咁巴閉，講到自己嘅义燒係最好味，梗係要來試下，一去到見到好多人排隊，好在朋友早到先攞位，在外面等了幾分鐘就有位，外面見到燒鹅只须$388一隻，就叫半隻啦！一坐低就叫了半隻燒鹅，和兩碟义燒飯，見到张單先知隻燒鹅堂食分上下裝計，半隻就要266，外賣全隻先係388，飯到即試义燒，比兩個佢，即時想問下佢老板究竟食過咩叫靓义燒未，咁嘅質素都話正，肉質吾夠冧，又無蜜味，又過鹹，义燒飯個豉油汁可以話係主宰整碟飯，個汁都無煮過，粗糙濫做，燒鹅普通料，如果堂食要5百幾，痴痴哋，唯一係碟义燒飯只收$48有例湯或飲料送，但係比到$48食义燒飯，應該都好多燒臘店好食過佢。埋單$400／4人

來到最近很紅的明星燒味吃飯，看見他的不同燒味也很出名，猶豫了很久才和朋友決定到吃什麼，三個人決定要一個飯一個瀨粉及一個燒鵝例牌作餐。首先叫了叉燒燻蹄瀨粉，之後要了一個叉燒乳豬飯，最後叫了除了叉燒外也很出名的燒鵝， 由於要我沒有例牌的要只有鵝髀及鵝胸給我們選擇，喜歡吃滑滑肉的朋友選擇了鵝髀，只是比鵝胸貴十元，十分抵吃。叉燒果然是這裏最出名的燒味，比起平常街吃的叉燒比較淋身而且香味也很濃郁，沒有一點燒燶的地方，正，鹹度剛好可以用來送飯。乳豬的皮也燒得十分脆，上枱了一段時間也沒有變淋，非常可口，但相對地比較肥。燻蹄對比起來沒想像中特別。另外叫了的燒鵝髀也十分出色，燒鵝髀的皮非常之脆，鵝味濃郁。三個人竟然把這一堆肉也完成了，強。除此之外午餐亦提供免費例湯，例湯沒有加入味精，總括來說，是吃飯的一個好的地方。

睇完報導，一心諗住一試。但冇乜驚喜，肉質偏瘦又乾身(唔知有冇得叫半肥瘦)。只係覺得比普通叉燒多左一種甜味，但又講唔出係咩味。總括黎講，話係No.1叉燒，名過於實。

睇左一條youtube片，果籽介紹一個衝出街市開燒味茶餐廳嘅招積老闆，自稱叉燒No. 1, 咁自信嘅態度燃起左我條叉燒癮，一於去試試。近中午時間，一到門口已經見到7,8人在輪候，好在只是等外賣，我一入就有位，但就係一張4人枱已有兩位大叔嘅搭枱位，我個人習慣搭枱冇問題，問題在於枱太細，我一坐下就已經對面隔離同自己都唔舒服想走人嘅感覺，加上走廊一地都係碎屑唔太整潔，環境上一定要扣分，因為差過一般茶記。講返嘢食，招牌一定係叉燒啦，個人因為貪心，叫左"豪得起四寶飯", 一次過試晒想試嘅叉燒，燒鵝同乳豬。份量見到每樣幾舊咁啦，98蚊想有幾多，但係就咁，明明餐牌寫乳豬就變左燒肉，我問待應阿姐，就得一句冇晒乳豬，喂，冇乳豬要同我講得架，換左燒肉就唔係咁嘅價錢啦。試返個燒味個味道，叉燒，係如片中所講肥瘦適中，邊有少少黑左嘅焦，係正嘅。燒鵝，全部冇肉得塊皮，皮下油都冇乜，所以好差，四寶飯分d骨比我，唔太掂，比一舊有肥有肉嘅都好過果幾舊骨啦，感覺被敷衍了。燒肉，皮脆，肉有帶肥花嘅一段，夠淋滑，係好食嘅。薰蹄就一般貨色冇特別。另外送個湯都幾特別，係有一大塊燒豬皮嘅清湯，少少甜味幾特別。總結黎講就氣氛好舊街市