點心到 (鴻星大廈)

營業中

休息中

離港前,今年最後一個本地餐廳POST選擇左飲茶,食左一餐放題火鍋下午先飲茶,呢間叫做點心到,水準保持得好,抵食,好食今次食燒賣,蝦餃,牛肚,牛柏葉牛肚入味爽彈,份量大碟,汁帶辣惹味牛柏葉爽鮮,剪得碎左D,口感太細蝦餃高水準,皮夠薄而晶瑩剔透,包住大蝦夠甜爽有汁燒賣,放左隻大蝦,鮮肉燒賣,口感札實整體水準每次都差不多,唔會大起伏可以帶朋友一齊食既小店有D鋪可以做到咁耐,唔係超級好食,而係維持到水準不變平均消費$150評分8/10地址 油麻地彌敦道484號鴻星大廈地舖G/F, Hung Hsing Building, 484 Nathan Road, Yau Ma Tei#香港美食 #香港飲茶 #香港點心 #港式飲茶 #旺角美食 

放半畫約屋企人出嚟飲茶，點知落大雨好彩啱啱有位就快啲入去醫吓肚。其實之前已經想試尖沙咀分店，但係嗰日禮拜六太多人喺出邊等座位都比較貼，所以上次就放棄咗今次喺油麻地分店感覺上冇咁迫又唔使排隊實在太好。點餐到上點新嘅時間都好快，仲要係熱辣辣嘅，呢度值得一讚。 出嚟就嚟咗個金針雲耳蒸雞飯，個飯都幾乾身，不過啲雞就多骨少少冇乜肉食。腸粉同埋黑松露餃啲皮做得幾薄，唔會打爆自己。顯解鯪魚球都大大粒中間心唔會炸得太乾，夠Juicy又彈牙。我覺得最鍾意都係最尾後面加個幾樣嘢。個燉湯黑蒜味好出。另外個山楂鴨絲包，雖然食唔到山楂嘅酸甜味，但係個鴨味相當香濃。最後甜品，榴槤雪媚娘，榴槤肉滿滿的，但係啲邪惡cream真係搞唔掂，不過實在太好食，最後都係豁咗出去食晒。

今次黎到油麻地，二訪主打傳統點心既酒樓 一 點心到 @dim_sum_here🌟燒賣 $16(2粒)傳統既燒賣，食得出蝦肉鮮味🤤👍🏻🌟蝦餃 $16(2粒)蝦餃平薄，蝦肉食得出鮮味🤤👍🏻🌟懷舊鵪鶉蛋燒賣 $28傳統鵪鶉蛋燒賣👍🏻🌟蜜汁叉燒包 $27叉燒包吾會太大隻，不過內餡亦比得相當大方🤤👍🏻🌟金沙脆皮銀蘿腸 $29腸粉皮薄，包住口感酥脆既油炸鬼🤤👍🏻🌟籠仔鳳爪排骨飯 $37籠仔蒸飯真系好經典既味道特別系搭配鳳爪排骨🤤👍🏻👍🏻🌟四寶滑雞扎 $32腐皮包住芋頭、豬皮、雞肉豬皮索哂湯汁，雞肉的確嫩滑🤤👍🏻📍點心到 (鴻星大廈)地址 ： 油麻地彌敦道484號鴻星大廈地舖#油麻地 #點心到 #點心 #飲茶 #燒賣 #蝦餃 #留港消費 #港式點心 #港式飲茶 #為食關注組 #覓食油麻地 #食在油麻地 #蜜汁叉燒包 #四寶滑雞扎 #香港美食地圖 #油麻地食乜好 #籠仔鳳爪排骨飯 #金沙脆皮銀蘿腸 #九十後行到邊食到邊#HKIG #HKIGER #HONGKONGFOODIE

試左海蝦荷葉蝦飯，蝦餃，牛柏葉，茄子，尖椒，皮蛋瘦肉粥，流沙包，特色腸粉，燒賣嗌左頭一轉 如圖 結果太好食 ，唔夠食 ，又追加左一轉 。3丁友 收工 ，一邊嘆茶一邊嘆點心 ，好寫意推薦茄子，蝦餃

今日下午三點三，點心癮發作，係呢度 Tea Time 都可以好happy 地品賞點心，😍 Chill !蝦餃 燒賣飲茶點可以吾嗌蝦餃、燒賣。蝦餃圓潤飽滿，燒賣上面有隻蝦和蟹子，十分正！小籠包小籠包熱辣辣上枱，皮薄餡靚，入面好多汁。蒸排骨排骨有辣椒，感微辣。連豆鼓蒸煮過，惹味無窮。蘿蔔糕蘿蔔糕煎到啱啱好，很香口。配合埋附上嘅辣醬，滋味無窮。濃湯杞子時菜時菜是菜心，十分新鮮。非常正氣，味道又不太咸，可以多吃。金沙脆皮銀蘿腸具體嚟講即是腸粉包著炸皮蘿白，多層口感，非常特別，值得一試。黑蒜螺片燉肉排湯入面好多料，有鳳爪、龍眼、螺肉、瘦肉。飲完好舒服、好順喉，仲好緩胃。

呢間店要求客户人齊先入得，最大問題是店舖沒有提供派号服務，未齊人就要在店外等著；睇住好幾位遲來者立即冲入店舖店员就安排坐位，店员不會優先考慮排隊者心情，今時今日未座下已感受店舖是沒有服務。

突然心血來潮想飲茶😂，經過油麻地見到有間新派點心餐廳，價錢又唔貴，所以入去試試✨️黑松露菜苗餃｜$28小店就係有啲酒樓冇嘅創意點心😃，本人非常鐘意食黑松露，但呢款菜苗餃黑松露味未算突出，但好香菜苗味，而且都有啖啖嘅蝦肉🦐喺入面✨️蝦餃🦐4粒｜$32外皮非常煙靭👍入面勁多蝦🦐，非常爽彈👍👍✨️金沙脆皮銀蘿腸｜$29非常特別‼️第一次見😍，煙靭嘅腸粉外皮包住脆口嘅油炸鬼，油炸鬼再包住軟淋嘅蘿蔔絲😵，外脆內軟，食落口感非常豐富👍✨️沙律明蝦角🦐｜$29炸嘅點心都非常出色，即叫即炸，夠晒熱辣辣🔥，食落非常之脆👍入面又係有勁多蝦😍✨️燒賣2粒｜$16呢到最好就係有啲點心可以叫兩粒都得😍，樣樣試啲😂👍反而我鐘意佢地個燒賣多話蝦餃🤭，燒賣除左包有爽彈嘅蝦外，仲有佢啲豬肉好爽滑同好香😍，味道非常豐富✨️鵪鶉蛋燒賣｜$28出面唔算有太多酒樓有賣呢款懷舊嘅點心😁，每粒都好大粒😲，食落好有驚喜‼️我覺得好似有蝦肉混入左啲豬肉入面😍，但唔肯定，食落有豬肉嘅滑同好似有啲爽爽地嘅蝦肉🦐😂✨️蜆蚧綾魚球｜$26又一款懷舊嘅點心😍，$26竟然有6粒😵，仲要係即叫即炸🔥‼️點埋佢個懷舊蜆蚧醬，真係別有一番風味😍，嗰醬非常之香👍✨️食咗咁多點

每次好想食點心，第一選擇都係 “點心到”，食過呢間新派港式點心已經好多次，水準依然🫶🏻🍽️，大推介🌟燒汁釀虎皮椒呢個虎皮椒真係好吸引！🔥 外面微焦，裡面釀住肉餡，搭配燒汁，味道超有層次。每一口都有甜甜的醬汁，辣味又不會太過，呢個係必叫的😆籠仔金針雲耳蒸雞飯🍚 雞肉嫩滑，金針菇和雲耳配搭得好夾，而且蒸得剛剛好，唔會乾柴，2-3個人食啱啱好！黑金流沙包呢個黑金流沙包一咬下去，流沙內餡瞬間爆出，香甜的味道真係好正！外皮柔軟，口感一流！鮮蝦腐皮卷呢個鮮蝦腐皮卷蝦肉鮮甜，腐皮薄脆，一啖咬下去，蝦的鮮味同腐皮的香脆真係好搭！配上醬汁，更加好味，真係好適合做開胃小食，或者當做茶點都唔錯！👌黑松露菜苗餃最後就係呢個黑松露菜苗餃，真係好有品味！🖤🌱 餃子皮薄而有彈性，裡面包住黑松露同菜苗，香氣十足，味道清新！有時同朋友仔出去見吓面又想飲下茶，通常都會揀呢間，價錢親民，食物質素不錯！📍地點：點心到油麻地彌敦道484號鴻星大廈地舖

今日收工同個朋友去買波鞋，行咗勁多間都冇佢個size，佢就話不如食咗嘢先再去搵鞋，平時行開，間唔中都見到有人排隊，難得見今日可以直入，所以決定放「口」一試。蝦餃﹕咬下去蝦餃皮煙韌，饀有大大隻蝦，爽口。燒賣﹕味道不錯，有大大隻蝦👍🏻脆皮銀蘿腸粉﹕饀脆，如果再多少少芹菜就更喜歡，未試過放有芹菜的，好香好味😋。順帶一提，D豉油好味全晚最香﹕--籠仔金銀蒜海蝦飯，夠蒜好味，蝦又新鮮彈牙，我就係聞到隔離枱飯香先叫來試試。最有驚喜﹕沙薑汁燴鮮淮山一上台就聞到陣陣沙薑味，味道咸淡適中楊枝甘露﹕發揮正常。原本想試炭燒山楂鴨絲包，遲咗一步落單就售罄，下次可以試。👍🏻👍🏻👍🏻

而家要飲茶吾一定要上洒樓，可以去一些專賣點心嘅點心店。由早至晚都有點心供應。今日我就去左油麻地《點心到》，點心價格親民。✨《豉汁蒸鳳爪》$23醬汁比較濃味，落紅椒，有少少辣，啱哂重口味人士。✨️《黑蒜螺片燉肉排湯》$40火喉十足，湯內足料，飲完覺得很缓胃。✨️《榴槤雪媚娘》$35皮簿餡靚 ~ 外面薄薄嘅糕米粉包著大大堆榴槤和少少Cream, 味道超級正，有d甜品店都整5到咁好食。✨️《蝦餃》4粒 $32 整到兵兵波咁圓，粒粒包滿，蝦鮮肉嫩。✨️《燒賣》2粒 $16豬肉上有粒蝦，味道也皆。✨️《韭黃鮮蝦腸》$29腸粉包著全隻蝦肉，腸粉非常滑溜，蝦肉Q彈。✨️《香煎蘿白糕》$19份量都多，有5小件，煎到香口。

餐廳好熱鬧，但好彩平日既晚上我地黎到時間尚早所以唔洗點等位都可以入座! 點心整體既味道都較重口味，雖然即叫即蒸，但等餐既時間唔會好耐，而當中燒賣同蝦餃可以自選要2粒定4粒，夠哂貼心!!! 我地今次叫左豉汁蒸鳳爪❤ 份量十足，好入味蜜汁叉燒包❤ 包較細件，叉燒餡料咸咸甜甜籠仔金銀蒜海蝦飯❤飯較為干身，海蝦爽口，夾埋醬油撈飯，好飽肚蝦餃 (4粒)❤粒粒都漲卜卜，煙UN彈牙燒汁釀茄子❤燒汁惹味，釀茄子都大大件四寶滑雞扎❤食材都好大份，好抵食燒賣 (2粒)❤好爽口，唔會好油膩

今日去到油麻地點心到，試一試一盅兩件。餐廳環境坐得舒服，燈火通明。點心熱辣辣，令人食指大動。四寶滑雞扎大件夾抵食，入面仲有蟹柳。蝦餃（4粒）蝦肉大大粒，皮薄。燒賣（4粒）蝦肉大大粒，肉質爽口彈牙。籠仔鳳爪排骨飯個個入嚟都叫，大份足料。黑松露菜苗餃淡淡松露香，咬下去滿滿菜苗同蝦肉。金沙脆皮銀蘿腸蝦肉大粒，腸粉嫩滑。黑金流沙包流沙綿密，金包幾鬆軟。豉汁蒸鳳爪鳯爪蒸得入味軟熟。沙律明蝦角外衣脆口，蝦肉香甜。濃湯杞子浸時蔬新鮮翠綠上海小籠包多汁，肉餡香甜。沙參玉竹燉土雞湯（盅）濃郁，附有雞香。燒汁釀虎皮椒脆口，少少辣令人上癮想再添一口。

今晚又喺「無飯」夫妻日，所以，大家都唞唞出街食，嚟到油麻地嘅「點心到」，就晌地鐵站斜對面，貪佢位置方便。兩公婆揀點心專門店有個好處，就喺可以試到多啲嘢，唔似其他餐廳就可能喺佢一個晚餐、我一個晚餐。餐廳環境跟大多數點心專門店差唔多，都喺簡簡單單，但感覺都幾骨子，夠晒光猛企理。一來地點有優勢，二來無論本地人，還是遊客，都鍾意一盅兩件，所以，成晚大部分時間都喺九乘滿，一台客走又有一台客入嚟。枱上已放好餐具、洗碗兜、一大壺熱茶，自己招呼自己，茶位收$5位，無加一，比起去酒樓就划算好多。睇見張枱墊，原來晌旺角嘅「點心到 Mix•大排檔」都喺屬同一集團！一張點心紙底面兩版，就羅列晒所有點心款式，大部分會喺見慣見熟嘅款式，但都有啲店家推介嘅特色嘢，數數吓，原來都有成50款之多，睇落定價都算相宜，仲有燉湯、多款港式飲品、汽水。以二維碼落單又得，剔點心紙交俾店員又得，落單後佢哋會即時打張單俾你，咁就包無落錯或落漏。燒汁釀虎皮椒 $26兩件紅、兩件綠，我估都喺專登嘅，而且，裁走頭尾位，明顯喺花咗心思。中間所釀嘅鯪魚肉非常大嚿，但難得煎得啱啱好，表面焦脆，裡面唔會未熟，仲好彈牙，好有魚味。醬皇金錢肚 $28

點心到 (油麻地)油麻地彌敦道484號鴻星大廈地舖食物推介：籠仔金銀蒜海蝦飯 $44，蝦餃(4粒) $32，豉汁蒸鳯爪 $23，鮮竹牛肉球 $23，蜜汁叉燒腸 $27，燒賣(2粒) $16，鮮蝦腐皮卷 $29籠仔金銀蒜海蝦飯：有鮮美的海蝦，加上惹味香濃的金銀蒜，蝦味濃郁，香氣四溢，味道一流！😄😄😄蝦餃燒賣：蝦餃餡料鮮嫩多汁，燒賣口感細嫩味道鮮美，沾點辣椒油味道更佳！👍👍👍豉汁蒸鳯爪：醬汁濃郁滋味的，鳯爪口感軟嫩，蒸得香噴噴，食到唔停得口！😍😍😍鮮竹牛肉球：牛肉鮮美彈牙，既軟且滑，蒸得剛剛熟，點埋喼汁食，好味冇得頂！😋😋😋蜜汁叉燒腸：蜜汁叉燒肉質嫩滑，腸粉軟綿溜，加上甜豉油，啖啖香甜又滋味！❤️❤️❤️鮮蝦腐皮卷：腐皮表面炸至酥脆，內部蝦肉鮮美多汁，口感豐富，值得一試！👏🏻👏🏻👏🏻

而家想飲茶食點心 好少會去酒樓啦🫖好多新式點心店可以選擇 油麻地點心到係其中一間多元化又好食嘅🥢ꕥ 晶瑩鮮蝦餃ꕥ 原隻蝦燒賣各點兩件 多人就可以點四件😌兩款都好大隻飽滿 尤其是蝦餃嘅蝦肉真係滿滿 燒賣皮薄 滿足!ꕥ 沙律明蝦角超好食👍🏻炸到脆卜卜 入面都係滿滿蝦肉 口感豐富 點埋沙律醬仲正ꕥ 五香鹹水角熱辣辣上枱 入口唔會好油膩 豬肉饀調味啱啱好 夠醎香🐷ꕥ 上海小籠包皮都算薄 入面有好多湯汁 所以食時小心辣口🥟$22一籠都幾抵ꕥ 金沙脆皮銀籮腸其實係類似腸粉皮包住蝦春卷 不過比平時嘅春卷皮薄好多🍤食落去更脆口 ꕥ 籠仔金銀蒜香海蝦蒸飯職員會問咗要唔要豉油先再落 幾細心🫙平時多數食蒸雞飯 第一次食呢個 都好惹味 如果本身鐘意食蒜嘅真係必點 蝦因為已開邊 食落都好方便