點心到 (廟街)

營業中

休息中

又到左同屋企人去食飯嘅時候喇，今次就同屋企人講話帶佢去食點心！於是就揀咗呢一間好高質素嘅餐廳啦！一去到就比呢一個黑金流沙包吸引咗，就咁睇呢個賣相就已經非常之型格！而且入口嘅時候真係好吸引，超級多嘅流沙餡！食得非常之滋味！當然唔少得就係呢度嘅燒賣，蝦餃，糯米雞都好好食，整體來講又抵食又美味！

位於佐敦廟街「點心到」估唔到比到我驚喜🤩除咗點心有驚喜，仲有其它食物都唔錯👍等我介紹今日點咗咩好嘢食先😋籠仔金銀蒜海蝦飯🦐 $40店員送上檯已經聞到超香🤤蒜蓉海蝦份量都多，吃落好香口，米飯軟硬適中啱啱好👍其實整體都夠味，所以附上甜豉油我地都落得好少😋燒汁釀虎皮椒 $23我至愛虎皮椒，釀魚肉非常厚，煎得又夠香😋晶瑩鮮蝦餃 $15原隻蝦燒賣 $15飲茶蝦餃燒賣必點，要讚吓哩度蝦肉係幾彈牙👍黑松露菜苗餃 $26哩個黑松露我覺得比較淡口，除了有菜苖仲有少少蝦肉，都算足料。醬皇金錢肚 $24金錢肚非常之腍又夠味，蘿蔔吸哂醬汁非常好味👍沙律明蝦角 $28大大粒脹卜卜炸到好香脆🍤蝦肉又大隻，雖然係炸但裡面蝦肉咬落好彈牙架😋鮮竹牛肉球 $19夠味又好大粒金沙脆皮銀蘿腸 $26即叫即整，所以腸粉都幾滑，裡面個油炸鬼好香脆，仲有蘿蔔絲，吃落口感非常豐富😋哩度茶位每人都係$3位點心又出色，價錢一啲都唔貴👍值得再來

啱啱見完客，響佐敦附近開餐，見到呢間點心店，價錢合理，又無加一，每位茶芥都只係$3，結果就走咗入去試吓先。晶瑩鮮蝦餃 $15～2粒蝦餃大大粒，蝦肉好爽口。原隻蝦燒賣 $15～2粒大大隻蝦放響燒賣表面，蝦仁夠新鮮，豬肉煙韌結實，非常Juicy。沙律明蝦角 $28即叫即炸，新鮮熱辣，小心辣親個口。沙律明蝦角件件都好飽滿，外脆內軟，起碼有兩隻蝦肉響入面，必食推介。黑松露菜苗餃 $26菜苗餃啲皮好薄，入面嘅配菜睇得好清楚，黑松露味道濃郁，整體都唔錯。韭黃鮮蝦腸 $28蝦仁爽口彈牙新鮮，加上薄薄嘅腸粉皮，口感滑滑溜溜，果然係我嘅至愛。籠仔煎蛋牛肉飯 $32又估唔到咁大，夠二人份量。底下係荷葉飯，表面就有大大舊嘅牛肉餅，當然唔少得隻煎蛋啦。餐廳：點心到 (佐敦)地址：佐敦廟街286-298號華志大廈地下6-8號舖

原本係OpenRice 訂左位係紅日黎的，但黎到被告知紅日同假期係OpenRice 訂左座係冇效的，要我地即場攞飛等位。咁我地都照等，原本諗住我地都有入座應該都可以幫我地計返OpenRice 積分，點知OpenRice 顯示訂座被取消，個人覺得依個位做得唔好，如果係咁點解唔係我訂座的時候同我講/取消我個位。要等到我到場先取消我個位？我地大約等左3-4個字到，入到去環境到算逼但好好彩有個大位，見其他2人位都比較細，嘢食大約3-4個字開始上。✅奶茶好香茶味，幾濃郁相當好味😋✅黑金流沙包比一般包細個，d包好鬆軟，蒸得好好，低下唔會濕，都好流心，係金沙個味道比較淡，但整體黎講都算唔錯。✅紅油抄手依個好有驚喜，幾好食，個皮幾好咬口，內餡個肉都非常唔錯，原本以為會好辣，但辣度啱啱好，非常推介👍✅蝦餃蝦餃個皮都做得好好，內餡d蝦非常彈牙大粒，唔似出面d蝦餃好大雪藏味，依度d蝦做得好好👍✅黑松露菜餃連續食左幾個高質點心，相比之下依款比較遜色，冇黑松露味，非常失望，但入面d蝦依然好彈牙好大粒。✅鵪鶉蛋燒賣燒賣個皮好薄，啲豬肉都紮實，鵪鶉蛋個生熟程度啱啱好，值得推介👍✅金沙脆皮銀蘿腸非常有驚喜，個皮好滑入

留意這間點心店好耐，終於開番堂食，就去試下。雖已三點幾，但客人不斷。座位算闊落，阿姐們也快手有禮。叫了幾樣點心，全部新鮮出籠，百分百香港製造，味道適中不過鹹，滿意。第一次試，叫的點心比較保守，它還有些較新潮的點心和甜點，下次再試。原隻蝦燒賣2粒（$15）蝦和豬肉都爽口彈牙。蜜汁叉燒包（$25）包皮鬆軟不痴牙，叉燒無肥膏，醬汁不會一擗擗。如果叉燒切得大粒些會更好，現在較碎。黑金流沙包（$25）賣相靚仔，包皮鬆軟，流沙夠香。香茜牛肉腸（$24）腸粉夠滑，牛肉足料夠厚，不過作為芫荽控的我不滿芫荽太少。鮑螺片滑雞粥（$26）粥底雖略淡，但是我喜歡的較稀粥底，加番分。雞肉大件醃得入味，份量又多；鮑螺片香濃煙韌。豐料糯米雞（$28）汁濃肉鮮，唔錯唔錯。濃湯杞子浸時蔬（$18）正常。

宜家夜晚冇堂食，唯有外賣自取點心再搵個地方食吓⋯⋯今次做咗”deliver food”專員，攞外賣自取去咗港島最東端初度遊，順道搵人食飯，有種另類picnic嘅感覺，咁都係第一次。·黑金流沙包🟡包面有層好似燙金咁嘅裝飾，係幾得意嘅～流沙包最重要梗係要流沙，咁佢個奶黃流沙餡係有喺度。隔咗咁耐食都仲暖，唔錯唔錯～·黑松露菜苗餃🟢見到又食到黑松露味，有鮮蝦有菜苗，仲有紅蘿蔔絲，感覺誠意十足，睇得又食得。·金沙脆皮銀蘿腸🟠其實就係好似油炸鬼加蘿蔔絲，全部釀晒入去腸粉入面。油炸鬼嘅脆同好軟身嘅蘿蔔絲又幾夾，加埋有少少🤏🏻油香嘅豉油去食，係幾好食嘅～·籠仔香辣排骨飯🍚籠仔就冇啦～外賣嘅關係變咗係個盒仔！😂但冇因為咁樣，影響到盒飯嘅味道，而佢保留咗嗰塊荷葉係好梗要～因為用荷葉蒸出嚟嘅飯係特別好食！！😋仲要有埋好惹味嘅香辣排骨～大家越食越開胃，亦都越食越辣～～🔥🔥·黑蒜螺片燉肉排🥣燉湯入面見到晒黑蒜螺片，有雞腳同肉排，算係一碗幾足料嘅湯。飲落味道亦都係幾濃，不過就令我哋諗起平時冬菇炆鵝掌嗰個芡汁嘅味道⋯⋯🙊 整體都係好飲同特別嘅。·Ummm…係一次幾得意嘅食飯體驗，由日頭食到夜晚嗰下幾過癮～😜🤣

當日下午12:30去佐敦搵食,在疫情下仍是人流好旺,咁岩唔駛等位,我見之後黎o既客人都有少部份要等位,我地2個人,好多點心都想食,揀d openrice 推介o既黎試下先~我之前幾個月想同同事前來食過1次,有次9個人想試呢間..但lunch hr 好難搵到9個位..所以放棄左我地今次total order左6個點心,牛柏葉好爽口,食到個底仲有爽甜白蘿蔔粒鮮蝦餃  d蝦好爽口, 個皮唔會好厚, 都幾大隻! 籠仔金銀蒜海蝦飯  很大的一個籠~~不過略嫌d蒜咸左少少,有部份煎飯蒸得太濕,無左本身白飯o既口感..有4-5隻蝦,都幾鮮甜,賣相好吸引,好大份!沙律明蝦角 卜卜脆,望落去好似油角,好熱騰騰,要小心慢用~咬落去即刻見到有好大隻蝦,好爽脆~再配上沙律醬,唔算好特別,可能我唔係特別中意炸物中意食炸物o既人都不妨可以試下前: 卡通流心芋蓉包   後: 黑金流沙包呢度o既包點比較mini,不過都好,唔會食完飽到食唔落其他點心...公仔包個表情真係幾cute,可以用來打卡影相,可惜有一隻蒸到個樣朦左...芋蓉唔算好多,唔算好甜,正正常常黑金流沙包食落去都幾有沙的口感,唔會好甜,唔會一食就爆晒出黎

很久沒有吃點心了，今日買的布甸包停售，唯有買點心作下午茶。之前在旺角分店吃過兩次，都覺得不錯，但沒有吃過點心，今次買回家試試。位置：在Tera對面，近佐敦地鐵站C2出口，跟九龍公園只有一條街之隔。環境：跟總店裝修類似，天花掛有一盞盞的長條燈，門面是落地玻璃窗，光線充足，牆上掛有點心牌，以大地色系為主，簡約了然。服務：點心即叫即整，所以都等了十五分鐘。下午茶：每項點心的價錢相宜，外賣盒還熱辣辣。晶瑩鮮蝦餃（4粒）$30皮不算薄，但晶瑩飽滿，蝦肉餡料爽口彈牙，不錯👍🏻原隻蝦燒賣（4粒）$30大大隻蝦肉配上半肥瘦豬肉餡，吃起來不感肥膩，一口大小，味道是跟傳統茶樓一樣。黑松露菜苗餃 $26餡料豐富而清新，用了黑松露來增添香氣，不似傳統茶樓大大隻，而是一口大小，皮較薄，蔬菜🥬爽口。薑蔥牛柏葉 $24已經很久沒有吃了這款點心了，自從知道牛柏葉是牛胃後，就有心理壓力，但自己又很喜歡它爽滑的口感，今次再吃過，已拋開包袱了，欣賞湯汁不會黏結，有很多薑蔥，亦有蘿蔔粒，吃起來很清新，基本上是沒有牛味，處理得很好👍🏻黑金流沙包 $25軟熟的黑色饅頭包住奶黃餡，奶黃有沙沙的口感，亦有鹹蛋黃香，這個是必吃招牌點心

現時可以飲早茶食下數輪點心成為咗不容易， 期望疫情快啲過！所以我自己少了去酒樓，但都可選小店式的飲茶的！甚至有時幫襯埋佢哋外賣🥡都有呢！「點心到」呢間點心小店，我覺得做得不錯，價錢又合理，點心我喜歡食蝦腸蝦餃，蝦新鮮又彈牙！而除咗各款點心有其水準外，我覺得燉盅湯品都有驚喜！我特別喜歡：黑蒜螺片雞腳湯 ，足料夠火候，連我怕食黑蒜都飲得落口加食埋成粒了！有時在家唔夠湯水，飲下呢個都不錯呀！點心專門店佐敦廟街298號華志大廈地下

我好鍾意飲茶，間唔中都好想食點心，而家疫情咁嚴重嘅情況好多酒樓都唔開，但反而好多專食點心嘅小店就依舊有好多客人幫襯，所以話香港人係好鍾意飲茶。今日就幫襯左位於佐敦廟街嘅點心到，下晝4:30嚟到都差唔多坐咗八成滿，都幾多人幫襯，打開點心紙，點心種類好多，傳統嘅新式嘅任君選擇，睇睇價錢仲非常相宜，而且全部即叫即整，上枱熱辣辣新鮮非常😋😋是日下午茶二人前🦐▪️蝦餃 $ 30皮薄餡靚，蝦肉餡料爽口彈牙🐷▪️燒賣 $ 15我的最愛，大大粒蝦肉配上爽口半肥瘦豬肉餡，正🍤🫔▪️鮮蝦腐皮卷 $ 26腐皮超脆，包住彈牙嘅蝦膠熱辣辣新鮮炸起，點埋喼汁超好食，鍾意食脆口嘢就啱晒🫑🌶▪️燒汁釀虎皮椒 $ 23清甜嘅紅椒青椒各兩件，釀住鯪魚肉煎香，加上甜豉油一齊食好鍾意食呢味🐓▪️豉汁蒸鳳爪 $ 19傳統嘅味道，鳳爪非常入味🍞▪️黑金流沙包 $ 25超正超軟熟嘅饅頭包，包住流沙奶黃餡，熱辣辣一咬開餡料即時流晒出嚟，味道做得好出色🐮▪️香茜牛肉腸 $ 24滑滑嘅腸粉包着爆滿嘅芫荽牛肉餡，餡比坊間幾多起碼一倍，真係好味大件夾抵食🥘▪️黑螺頭蒜片燉肉排 $ 38呢個燉湯最有驚喜，超級足料湯頭清甜味道濃郁，應該係花咗唔少時間去做嘅燉湯

佐敦最好食的點心專門店 - 點心到最近天氣真係特別凍我好想食一D又熱又新鮮既野食咁岩行過佐敦離遠已經聞到食物既香味行前一睇原來係專門做點心既點心到自己已經好耐無食過點心，所以就入去試下啦 !點心到出哂名係做平靚正既點心，佢地用蒸既方法能夠保留食物嘅鮮味 !入到去座位好寬敞，點心價格全部都只係十幾至廿幾蚊，比較平民化，堂食茶位都係三蚊一位咋 !呢度上菜算好快，我同朋友試過係一D點心店可以等超過30分鐘 !因為叫既食物都比較多，就唔一一講哂咁多樣啦，重點講3樣比較好食既啦 !1) 原隻蝦燒賣的鮮蝦非常彈牙同大粒，一咬下去嘅肉汁更慢慢流出來，果然真材實料，算好抵食!2) 鯪魚球唔係就咁粉團一舊，魚肉既份量好足同埋混有陳皮，算係有水準。3) 一般食蒸飯都一定會食鳳爪排骨飯，呢間啲排骨醃得夠晒入味，肉質都好滑，又有排骨位既咬口，好好食 !鳳爪雖然係普通級數但啲飯入面有好香嘅排骨油香，真係好好食 !睇著朋友食嘢嘅開心樣係最滿足，到埋單嘅時候真係好有驚喜，兩個人竟然200蚊有找，真係性價比非常高，難怪一坐低無落就滿座了。點心到地址 : 佐敦廟街286-298號華志大廈地下6-8號舖電話 : 5423

佐敦有間新派點心小菜館，裝飾簡約時尚，主打傳統及創意點心🥰 如金沙脆皮銀蘿腸、黑松露菜苗餃、榴連雪媚娘等，滿有特別😋飲品除咗茶，仲有奶茶、咖啡、朱古力、檸檬茶等～～沙參玉竹燉土雞湯😌涼涼地飲啲熱🔥嘅老火湯真係好需要，材料仲滿滿的，味道唔太鹹黑松露菜苗餃餃子🥟外型好靚，晶凝通透嘅外層包住多款餡料，上面加咗好香嘅黑松露黑金流沙包奶黃流沙包，皮薄軟綿綿，味道香甜幼滑卡通流心芋蓉包可愛嘅卡通外貌打卡一流，入面包住熱辣辣🔥嘅芋蓉，軟滑唔太甜，vegan 都啱食蜜汁叉燒腸當然唔少我傳統又份量十足嘅叉燒腸粉

今日嚟咗廟街呢邊食點心！以前食點心一定係去茶樓，但宜家陸陸續續都有好多新式嘅餐廳可以食點心😍！今次一於試試！🥠黑金流沙包（$25）呢個包嘅賣相真係好靚好吸引！上到枱比想像中細個！但細有細好！唔好食完兩個包就好飽😆個包熱辣辣，剝開亦好流沙！🦐晶瑩鮮蝦餃（$15）同燒賣一樣，今次都係揀咗兩粒！蝦餃都算片薄餡靚！蝦亦到好大隻！🦐原隻蝦燒賣（$15）餐廳有得揀四粒同兩粒燒賣！就返客人人數！今次就叫咗兩粒，同朋友一人一粒！燒賣上嘅蝦都好爽口好大隻，啖啖肉好足料㗎！🐂醬皇金錢肚（$24）金錢肚係我去酒樓必點嘅點心！金錢肚好入味，唔會好咸😋！執鞭嘅蘿蔔都好淋！🥗沙律明蝦角（$28）外皮炸得脆，唔會好油膩！入面嘅蝦都係啖啖肉！配埋沙律醬一齊食，好味道！🍚豐料糯米雞（$28）同佢嘅名一樣，果然足料！味道就同一般喺出面食到嘅糯米雞差唔多啦！

中午和朋友一起来的，来的时候稍微排了一会队，还好排了十分钟之后就进店了，店面面积不大非常挤，还好都设有隔板，我们两个女生点了下面的这些，感觉中午饭吃饱没什么问题，就是上菜的店员迷迷糊糊的，有时候有点对不上桌的赶脚。

今日去咗呢一間餐廳真係好正，呢一間餐廳嘅環境裝修好靚！非常之有氣氛係好多港式點心嘅地方！款式亦都好多種類，我自己今次就叫咗呢個籠仔鳳爪排骨飯！咁大個飯都係$32 ，整體來講係好香同埋啲飯真係好香！仲有一個黑金流沙包，賣相好靚，而且入面嘅流沙鹹都好香好好食！