點小館 X 旺旺烤活魚 (已結業)

我呢個無魚不歡嘅人，成日都試唔同地方嘅烤魚。見到呢間新開張仲有優惠，即刻挑起我條癮去試。首創烤筍殼魚鍋🐟(酸菜味走辣)男朋友話難得有筍殼魚：當然要試下啦，同埋佢講到筍殼魚好好食，第一次食筍殼魚，果然無令我失望😍。我地叫左酸菜味唔辣，上菜見到條魚好大條👍🏻，成鍋鋪滿芫荽。魚有煎過再上鍋，肉質鮮嫩，好滑🤤。配有配菜：酸菜、金菇、蘿蔔、青瓜、芽菜、豆卜，好豐富。重點係啲酸菜唔係齋得酸味，有啲啲甜味，呢種酸菜味道我好鍾意，令到我不停食。而且湯頭十分鮮甜，一試愛上🥰。另外，我地仲有叫其他野食加落去。潮州手打牛筋丸彈牙好濃牛味🐂；潮州手打鮮鱿魚一樣夾口彈牙，見到粒粒鱿魚粒🦑；萵筍青綠鮮嫩份量頗多；百福豆腐好滑有好濃豆味；A級珊瑚蚌新鮮爽脆，有鮮味。除左烤魚，火鍋料嘅質素都好高。飲品方面有我最愛嘅玻璃樽仔汽水🥤，仲叫左細樽裝藍妹啤酒🍻，10蚊都唔洗好抵。呢間暫時係我食過最好味嘅烤魚，可以列入我最愛，啲酸菜真係好好味。鋪頭好寬敞，卡位令人坐得好舒適，服務好，係聚會食飯好去處🥳。

成日搭巴士經過長沙灣政府合署都見到呢間火鍋店推廣緊「工作日烤魚雞煲套餐$368」，今日終於可以試下，留意返，呢個套餐只適用於星期一至四（假期除外）鋪頭都算大間，多數都係卡位，坐得舒服，唔會同隔離枱太近。我地揀左「工作日烤魚雞煲套餐」，由於我朋友唔食得辣，所以我地只可揀唔辣既雞煲。其實呢個套餐係抵食，本身個雞煲份量係一隻雞，再加埋肥牛、蔬菜、同埋烏冬，真係夠晒飽。隻雞既肉質幾嫩滑，而且入晒味，湯汁唔會好咸，我估唔到唔辣既雞煲都可以咁有味，「二人肥牛」既脂肪比例都幾平均，而且都好新鮮，「田園拼盤」有生菜、薯仔片、蓮藕片、蘿蔔片、粟米，都好新鮮翠綠，而烏冬有一個。烚烚下，朋友話個湯底好好味，於是再叫左碟海膽丸、韮菜餃、同埋一枝蜜桃紅茶，我地食埋海膽丸同韮菜餃真係飽到上心口。我覺得個雞煲套餐幾好食，下次可以試埋烤魚套餐，真心覺得呢個套餐既性價比高，可以介紹啲朋友一齊再去食👍🏻

深水埗美食林立，尤其係很多中餐館，但大部分地方環境衛生比較一般，呢一間新開張專食酸菜魚既店就係不錯選擇。呢度有套餐同埋單點魚嘅選擇，味道多樣化，有酸菜，麻辣，香辣，泡椒嘅口味任君選擇，最底嘅當然呢度嘅368二人套餐，入面有齊一條魚，肉類蔬菜同埋薯粉。今次點咗酸菜鉗魚，魚都好大條，肉質很滑，就算煮耐咗肉質都保持很嫩滑，最好就係個酸菜湯底一點都不油，不同於出面街上食到既，但香味裡同埋濃度係非常之配合，越煮越入味，兩至三個人食剛剛好。配料方面，雖然價錢好平,但質素非常之高特別係厚切牛肉,肉味濃得嚟非常之有口感, 蔬菜亦都非常之新鮮。如果鍾意飲酒的話呢度亦都非常之合適，藍妹一支不需10元，非常之抵，係三五知己聚會嘅好地方。

一年四季烤魚雞煲邊爐無限LOOP, 今次試左間新開張既餐廳, 中午主打點心, 晚市就烤魚火鍋!第一次食就叫D招牌野先啦, 招牌烤魽魚鍋, 要麻辣湯底!魽魚大條幾好肉地, 而且唔算多骨, 肉質實淨, 本身條魚已煎定烤香左, 食起上黎更正~ 鍋內本身仲有其他配菜, 全部都係索湯一流既食材, 娃娃菜, 蘿蔔等等, 又夠味又有D蔬菜食下!同朋友兩個人食完條魚都飽飽地, 但又想食D香口野過下口癮, 叫左鬼馬墨魚膠, 最岩浸湯食! 好耐冇食到新鮮炸起既油炸鬼, 有時係粥鋪都好難搵到, 通常都放左一段時間腍哂唔好味既, 依個鬼馬墨魚膠就係新鮮即炸, 脆卜卜勁香口, 墨魚膠都彈牙幾香, 點一點麻辣湯就仲惹味, 熱氣都要食架~~ 仲有佢D油炸鬼比較大件, 食完真係飽哂~~ 配支果茶REFRESH下, 飽飽走人!

最近喜歡了酸菜魚，於是一知到邊度新開張就想去試😅 今日就試左旺旺烤活魚，新張期間仲有八八折，正呀👍8：30已經當係宵夜時段，有七八折，真係越夜越精彩囉🤪 椒鹽魚骨先將鱸魚起骨，然後椒鹽炸，真有諗頭😅 炸得香脆，魚頭魚尾特別香脆 送酒至正啦～ 老壇子酸菜鱸魚 $268 真係色香味俱全 先試一啖湯，清甜，少麻少辣，醒胃😋 鱸魚肉冇骨，又嫩又滑，新鮮是也😍 鍋內有酸菜，萵筍，豆卜，豆卜最吸引，因為吸晒啲魚湯，味道一流🤩食晒啲魚先再加水食火鍋👍牛頸脊 $198牛頸脊位於牛頸與肩胛之間，運動量較少，所以口感爽嫩軟滑，具咬口～油花適中，牛味細緻，滾幾下就食得😋😋😋 油麥菜 $32新鮮嫩綠 響鈴 $32索汁佳肴😅 聽到隔離幾張檯都係熟客，無他。。。食物材料都新鮮好味，侍應們又細心有禮，難怪他們都食過返尋味啦😅

去黃金買完野約埋住附近既朋友食飯, 佢話有間新開既烤活魚不錯, 仲做緊新開張PROMO有88折, 就去醫肚!餐廳環境幾好, 光猛乾淨, 而且好多卡位, 空間感好大, 一D都唔會迫狹, 坐得舒服。依度有酸菜魚, 烤魚, 魚款同湯底都有幾款任君選擇。湯底有麻辣香辣泡椒同埋酸菜, 全部都係重口味人士最愛, 唔辣既都可以揀蕃茄薯仔湯~但係我覺得烤魚一定係食重味同辣, 麻辣一定係首選~~ 條魚黎到已經聞到陣陣麻辣香, 湯底加入大量蔥蒜芫荌, 香味不用質疑~ 條魚都有D斤兩!兩個人絕對夠食, 而且肉質都反映條魚幾新鮮, 麻辣湯滲入魚肉, 好味~ 另外仲有D蔬菜墊底, 最愛豆卜同金菇, 簡直係火鍋必備。一條魚唔夠喉, 叫多個桶蠔, 7隻大桶蠔迫埋一齊賣相吸引, 隻隻好肥美, 冇話一D大一D細, 入口鮮味又滿足!折左埋單都唔洗$500, 抵食!

鋪頭位於西九龍中心附近(5分鐘)，即運輸署對面，地理位置方便。門口清楚標明早午晚市提供不同種類的選擇，包括點心及酸菜魚。今晚黎到點了雞煲(半隻雞)、粟米、生根、象拔蚌、鬼馬雙拼及藍妹...雞煲：雞件肉質分明，雖然是冰鮮雞，但係個醬汁就將雞肉復活過來...粟米：唔會有鬚，清洗得挺好生根：標準水平，吸收湯汁精華，必點象拔蚌：價值及份量合理鬼馬雙拼：油炸鬼 + 墨魚滑，鮮炸而成，食不停口...餐前/佐酒小食 perfect match藍妹枝裝(小) $9.8: 超級推薦，CP值高服務員整體有禮勤力，經常詢問是否需要「加湯」及收拾枱面。新張期間有大量優惠，任君選擇✅

有一次坐巴士經過，看見這間【功夫、點心 點小館 旺旺烤活魚】，門面寬敞店名很長挺特別。今天休息專程來品茶吃點心，來到不用等位，服務員安排我們座卡位。我們划了五個點心，然後，發現枱邊上有燈一閃一閃的，好奇怪經了解是小小電滋爐，專爲加熱茶水而用，這設計真有心思，欣賞。點心到，優惠孖寶【鮮蝦燒賣皇，皮蛋菜苗餃】$36.8鮮蝦燒賣皇蝦爽甜，肉鮮，但偏咸了。皮蛋菜苗餃有創意，餡料夾，好味。優惠孖寶【陳皮蒸肉排，蜜汁叉燒腸】$36.8陳皮蒸肉排，排骨過肥，陳皮味香，但也平衡不到排骨的油膩。蜜汁叉燒腸，腸粉厚薄適中，叉燒瘦香，不嚡，淋上豉油，味道剛剛好。【鳳瓜排骨煲仔飯】$19.8鳳爪入味有咬口，排骨帶些脂肪，令飯更香更滑，不錯。點小館 X 旺旺烤活魚，位于長沙灣道27O號御匯地下，店名已點綴主打點心，烤活魚。店鋪裝潢簡約寬敞，舒適，設計有心思。點心够熱，食材新鮮。烤活魚，下次晚飯會來試試

呢度嘅午市係專食點心嘅點小館，一到晚市就會搖身一變，變做專食烤魚嘅旺旺烤活魚。除左烤魚，佢仲有酸菜魚、雞煲同邊爐，多人嘅話可以一次過滿足哂咁多個願望。首先，不得不提嘅係呢度嘅服務真係一百零一分。我哋對烤魚嘅魚種選擇都唔太熟悉，店員好有耐心咁逐種同我哋解釋佢哋之間嘅分別。我哋當中有一位朋友唔係好食得辣，佢又會向我哋介紹同推薦湯底，對待食客十分有耐心。呢度嘅烤魚總共有三種魚可以揀，分別係魽魚、筍殼魚同埋沙巴龍躉。根據待應哥哥嘅介紹，三種魚都係偏少骨，得條大骨。頭兩種嘅肉質都會係滑身，而龍躉嘅肉就會厚身同彈身啲。Size黎講咁梗係龍躉贏哂，而筍殼魚就會偏細條。最後綜合哂咁多樣野，我哋揀左魽魚加香辣湯底一試。佢個湯底可以揀辣度，咁我哋就揀咗BB辣，唔食得辣嘅朋友仔都接受到。配菜方面，我哋足足叫左7樣。佢本身個湯底入面都有白蘿蔔、豆卜、炸蒜頭、金菇等配菜。其中酸菜係佢推薦必加嘅，我哋一食就表示十萬個認同。佢個酸菜本身個酸鹹味豐富左個香辣湯底，而且勁吸湯，又可以中和到個辣油嘅油膩感，我都強烈建議一定要加！響鈴周圍都有，但係咪間間都會翻炸出嚟俾你？佢呢度就會！炸完之後更加香口脆口，唔會話一浸落去就冧

之前係韓燒，而家就做咗烤魚，上午就係功夫點心，都有嚟幫襯過，主要係唔駛排咁長隊🤣今次試咗佢嘅酸菜魚，原來個煱仲可以打埋邊爐，唔錯，盤酸菜魚好好味，啲魚好滑，啲湯好濃，之後叫咗啲牛肉、珊瑚蚌、廣島蠔⋯⋯等等，介紹大家一定要叫豆腐卜同竹笙，好入味，不過就千祈唔好叫豆腐，一啲都無味。特別特別推介，一定要叫韭菜餃，真係好好好好味溫馨提示：上午係飲茶食點心的，要到17:30後先係烤魚時間，早去係無得食架，另外，打邊爐冇辣椒、豉油⋯等調味料的

今晚想搵間可以坐得耐又唔使食得太趕急既食肆同朋友敘舊，結果就去了出名多野食既深水埗食烤魚。呢間食肆好近地鐵站，招牌大大隻字寫住旺旺烤活魚，係長沙灣政府合署對面，好易搵到。鋪面算多位而且地方很乾淨，仲新張有88折。我地兩個人先叫左個招牌烤魽魚鍋，職員話即叫即烤，湯底用咗酸菜味再加微辣。條魚唔多骨，肉質很滑很新鮮，再加上少少酸菜汁，少少辣味，口感一流！之後再叫肥牛、雲吞、水餃、魚皮餃、蝦丸、墨魚丸作打邊爐用。呢度啲雲吞水餃魚皮餃都係自家製，皮薄餡靚，煮熟既時候晶凝通透，爽口又唔會粘牙。蝦丸墨魚丸係自己手打的，彈牙又多膠質，簡直一流。當然唔少得飲啤酒，一邊吹水一邊飲啤酒一邊食烤魚，真是人生一大樂事。最後想講下呢間的侍應招呼很好又有禮貌，會主動幫你加湯同幫你校細啲火，值得一讚！

又係時候見下朋友,朋友知我係魚怪同鍾意食辣就話食呢間新開嘅烤魚店,我就緊係無問題啦店舖係深水步地鐵出閘行2至3分鐘就到,超方便一嚟到門口大大個紅色字招牌實見到,唔驚我呢個路痴搵唔到一入到去見座位好寛落,乾淨又唔限時,坐得舒服,傾計都可以盡興好多坐定就揀食咩魚,叫招牌魚實冇死啦,今次叫小辣,因為我唔太想太辣食唔到其他味只食到辣味咁就冇意思啦,新張期間仲要有88折魚嚟啦店員講解得好好,話條魚上枱前已經有9成熟,一陣開火滾5分鐘就可以熄細火,慢慢食有好多我最愛嘅芫荽同配菜,熄細火我就即刻快快開動,魚身嫩滑冇腥味同埋重點唔會死咸整體都好好食辣烤魚緊係要配薯粉同萵笋吸曬湯嘅精華另外再加多雞件,水餸同埋蓮藕,蓮藕同萵笋都超爽甜,韮菜餃同水餃都好足料而雞件滾咗好耐先拎上嚟食都仲係爽脆唔會鞋附加另外餐牌,埋單加埋飲品都係$545, 三個人除開都唔洗200蚊 超經濟又好食,再想講多句,呢度D店員全部都好有禮貌㗎,同佢講唔該佢都會講唔好客氣,我講幾多次唔該佢都係咁應我,而家好難搵㗎啦

點小館X旺旺烤活魚今日大概晏晝兩點幾嘅時候嚟，餐廳入面都有好多人響度食緊點心。因為過咗午飯時間，所以唔使等位就有得入去啦。小館蝦餃皇 $36蝦餃皮好薄，面頭有一行金色嘅野，我估係金箔之類嘅野。啲蝦好爽口，雖然蝦餃唔係好大隻，不過入面都幾多蝦。鮮蝦燒賣皇 $36燒賣入面嘅豬肉較為多，咬到中間就會食到蝦。鮮魚湯鮮竹卷 $28平時響茶樓食倒嘅鮮竹卷都係有少少汁響底就算，今次呢個鮮竹卷係魚湯嫁！鮮竹卷嘅皮吸哂啲魚湯索哂啲精華雪山山楂叉燒包 $38叉燒包嘅好脆，雖然個名有山楂兩個字，但其實唔係好食到有山楂嘅味，不過都係好食嘅！

首創烤筍殼魚鍋＄368 酸菜味，可以自選辣味，而我地今次選左BB辣。🐟魚烤炸過先落鍋，食落肉質細緻，而且魚肉食落唔會一夾就散，即使我地無加到酸菜都多到食唔晒，仲有金菇🍄青瓜🥒豆卜蘿蔔做配菜，好味到暈低！🐮🐮牛頸脊肉味濃重，脂肪分佈平均而細膩，帶有如雪花般的紋理，入口脂香豐腴。拎嚟打邊爐一流。桂花蚌🐚新鮮無腥味，食落爽口彈牙，又帶點鮮味。🥤🧃飲品選擇都幾多。而且仲係有玻璃樽可樂，飲落勁夠氣。好滿足。

同朋友講開好耐無食烤魚🐟🐠，咁岩今日出開深水埗。回程見到呢間點小館門面幾企理，而且又有烤魚食🐟🐟。當然醫埋個肚先返屋企啦。😋😋烤筍殼魚鍋酸菜味BB辣味。魚肉🐟🐟食落新鮮爽彈，魚味濃得嚟又唔會腥，配料勁多，多到食唔晒。酸菜亦都夠酸，食到停唔到口。🐮牛頸脊食落好重牛味而且無根，肉質結實爽滑，肉味亦都較濃郁，油花佈會尤其密集，灼幾灼就食得。🐸田雞新鮮，肉質彈牙，肉質細緻，田雞本身無醃過，靠呢煲烤魚，逼出田雞嘅甘鮮，吸盡鍋底的酸菜味，香口惹味。飲品方面，🥤竟然有玻璃樽紅茶花伝系列，飲落比膠樽裝清新同無咁甜。