點喜來 (已結業)

今日放假約左朋友食LUNCH, 朋友介紹我去呢間食點心, 一點左右上到去已經都好多人, 食店有兩層, 地方又長又窄,但環境格局都感覺好舒服, 我朋友介紹左我食幾個點心, 而我都點左兩個自己比較喜愛既點心. 至於服務都算唔錯, 原本坐二人位, 我地都擔心無地方放點心,但後來經理行過見到, 就幫我地調左張大D既圓枱, 食都食得比較舒服. 佢仲好老實話我知邊樣好食, 邊樣唔使試瑤柱蒸蘿蔔糕: 味道OK鮮竹牛肉球: 12蚊有3粒, 抵食, 又好味鮑汁鮮竹卷: 味道唔錯, 襯熱食更好百花魚肚: 呢個經理介紹, 味道唔錯, 蝦膠鮮甜糯米雞: 我覺得最好味係呢個, 味道及用料一流XO鳳爪: 個汁味道調得好好味川汁豆腐: 一般叉燒腸粉: 個皮好滑

係團購網站買左$50優惠券當$100用. 上次試過九龍城譚點唔錯,今次試另一間點心店. 位置十分方便,太子地鐵站C2出口,行入砵蘭街,廣東燒味對面. 店舖有兩層,都算闊落. 用既係六安茶,比較特別,都幾香,不過可以再濃d. 由於時間尚早,所以點心出得好快,好有效率,服務亦唔錯. 但以點心質素黎講,譚點較優勝. 埋單剛好$100,$3茶錢冇加一,咁就真係好抵喇!!!人少,好彩俾左個四人位我地,坐得好舒服!! 菠蘿焗叉燒包 - 好似好多好評,不過食落餡料偏甜,而且個包唔夠鬆軟. 鮮蝦春卷 - 外皮脆,不過似翻炸,有點硬. 但蝦就大隻彈牙又鮮味. 煎蘿蔔糕 - 太腍,夾都夾唔起. 而且好粉,又幾重味精. 太大太粗既蘿蔔條,應該要切幼少少. 鹹魚肉餅飯 - 以$28黎講份量似乎太少. 肉餅算滑,但鹹魚唔鹹香,得個硬字.百花魚肚 - 魚肚又滑又腍又入味,蝦膠亦好足了,滿意!

未試過夜晚叫點心食,點知一試.....團購以$50購買面值$100既coupon, 最後補$6蚊~lee間野無下次反沙奶黃包: 唔得鬆軟 師傅小籠包: 個包裡面無肉汁臘腸滑雞煲仔飯: 雖然細細煲,但幾好味XO醬京葱拌麵: 都ok鮮竹牛肉球: 無味鮮蝦燒賣王: 蒸到過晒龍, 唔好食好彩而這個半價購買ja, 唔係仲傷心, 仲嬲, 叫左6樣野, 得1樣好食叫人地以後點幫襯, 唉.....寧願等位食添記, 都唔再食佢添記雖然食物種類不多, 但有保證

今日攞住張之前買來的coupon, 上左去呢間裝修幾特別的點心專間店食點心今晚七點幾都唔算多人, 所以坐比較寬敞(唔似之前食添xx又迫又污穢)由於急用coupon關係, 所以跟住價錢點左幾個點心食, 點左以下幾個點心:鮮蝦春卷: 好脆, 好新鮮子薑皮蛋: 唔錯百花魚肚: 蝦膠又大又彈牙, 魚肚又大件又好味, 個汁都唔錯(首選) 鮮竹牛肉: 新鮮, 肉質唔錯, 但要趁熱食波蘿义燒餐包: 一般(添xx好未過佢) 蘿米雞: 食到入面唔夠熱, 失敗之作楊枝金露: 尚算合格, 勝在夠平宜 總括都相當滿意, 服務方面, 向經理投訴蘿米雞未熟, 佢都好快幫我地處理但點心出得比較耐, 無乜耐性都唔可以上黎食, (走時經理仲送左張coupon俾我地下次再來食), 都算等得有d安慰

早兩日同我男朋友去左我姨媽介紹嗰間點心專門店食野, 出左地鐵站都搵左成10分鐘先搵到間鋪頭係邊, 我地上左樓上坐, 環境好好, 可能因為仲早, 所以覺得好清靜, 初初坐低見到有點心圖片, 但留意唔到張點心紙, 後來先發覺張點心紙實左太精美, 唔似一張點心紙, 唔關我眼花事, 睇完覺得點心品種對比酒樓唔算多. 我地兩個叫左七個點心, 蒸蘿蔔糕唔錯, 海皇薄X都好好食, 百花魚肚好鮮味, 腸粉好滑, 唔知係咪以前係酒樓食嗰d係蒸定, 所以覺得呢到即叫即蒸特別好味d, 不過最後個煲仔飯比較失望, d飯太軟太多水, 我地食左兩啖就覺得後悔, 當我同男朋友討論緊個飯既問題時, 有個靚仔負責人見到我地討論緊個飯, 就過黎問我地個飯係咪有問題, 之後就拎左入去幫我地換過, 但係要再等多二十分鐘先換到俾我地, 不過都算, 反正飲得茶都預左唔趕時間, 下次叫埋媽咪過黎一齊飲, 可惜佢地無訂位服務, 最後提示, d侍應倒茶時要小心佢地會彈到d水落自己到, 整體上, 都算唔錯, 可以再去.

以$50團購咗面值$100既COUPON, 最後都只係補咗十幾蚊.... 早知買多幾張- 菠蘿叉燒餐包: 味道不錯, 比添好運的明顯細, 但中間唔係空心; 餡料無添好運咁肥, 下次會試下傳統叉燒包- 蝦餃: 中上,新鮮,足料- 叉燒腸: OK, 叉燒唔肥- 煎蘿蔔糕: 幾甜,如果蘿蔔絲多D,口感會更好; 切得幾厚,幾大件- 山竹牛肉: 幾好味, 仲要有3粒, 好抵食- 服務: 估唔到咁好, 經理走黎問我地啱唔啱食, 知道我地覺得茶太淡,即刻沖過杯濃D既其實正價都可以再黎, 唔使好似添好運咁等咁耐, 又坐得舒服D

10月31日（星期日）下午，是日放假去接女友放學，因突然興之所致想去花墟看看結婚用的花球和襟花等，便帶女友去逛逛。誰不知如此一來，由選擇到落訂，竟能擾攘數小時，女友亦因肚餓而心情有點煩躁。當付完錢後，我便帶女友去吃東西，最初打算去「大記」，來未行到去就見對面馬路有間裝潢企理簡潔的點心店，問過女友亦想去試試便轉地方。此店共分兩層，樓下祇得一張四人檯，其餘的都在樓上。我們上到一樓，坐在對正樓梯和收銀的那張檯。女友已急不及待地點了數款點心，此時心情已稍為好轉，落了單後還追加多兩款點心，之後便等點心來。蜜汁叉燒腸：相信不是即拉的，但也夠薄身和軟滑，女友略嫌叉燒不夠多和頗多芫茜；黑糖馬拉糕：新鮮蒸出來的馬拉糕非常鬆軟，質素幾乎可以和「蓮香樓」的媲美，加了黑糖除了令馬拉糕變得較黑外，甜度亦算適中；瑤柱鮮蝦菜苗餃：吃不到瑤柱的存在，皮亦不算太厚，實際上和坊間的鮮蝦菠菜餃無異，很一般；薑蔥牛柏頁：牛柏頁尚算爽口，不過見到紅蘿蔔絲和芫茜，卻見不到薑蔥；安蝦咸水角：相信是即叫即炸的，外面香脆而內裡軟滑且帶點煙韌；三色桂花紅豆糕：賣相頗精美，上層是桂花紅豆糕，下層則是椰汁糕，桂花的清香和椰汁的香甜出奇地配合

最近常到團購網站買半價 coupons，不經不覺愈買愈多，還是趕快用掉比較實際，這晚就同女友去了位於太子砵蘭街的點喜來。點喜來佔地兩層，以同類型的點心專門店來說，環境算得上舒適，價錢亦十分大眾化，一般由 $12 - $20 不等，甚至比新港中心 food court 的樂也樓便宜。由於手持面值 $100 的 coupon，我們點菜時也沒有太多懸念，總之想吃就剔，幾過癮！先來的菠蘿叉燒餐包 ($14)，賣相不禁令我想起添好運的酥皮叉燒包，但也有少許分別，外皮焗得鬆化，有少許油膩感，內裡的叉燒餡不算豐滿，但入口熱辣辣，甜度亦恰當，是值得一試的。接著分別是蜜汁叉燒腸 ($15) 和豉椒排骨飯 ($19)，前者皮薄又滑，叉燒粒分佈均勻，相當滿意；後者豉椒只是裝飾，幸半肥瘦肉排份量不少，倒進豉油，撈勻後飯香撲鼻，是有水準的盅頭飯。走油的白灼菜心 ($12) 簡簡單單，入口爽嫩，沾些蠔油吃無咁寡，反而重點的笋尖鮮蝦餃 ($20) 則有點失望，蝦餃皮不太厚，卻比較黏口，蝦肉的爽是後期加工的，鮮味也自然欠奉。目前為止，對這裡的點心水準也頗滿意的，誰不知最後卻來一個反高潮！瑤柱蘿蔔糕 ($12) 及安蝦

又經團購下來的coupon五點多唸住食個early dinner剛踏進門口, 店員已告知很多食物也沽清 對於我這些拎 coupon 食野既過客, 當然唔會返轉頭再食於是就捉蟲啦 ....一睇就真係把鬼火啦, 要柩所有飽肚既野賣清(蒸飯, 糯米雞, 各類包…..) 但咁都無辦法, 反正黎到就是但點幾味 瑤柱波菜餃: 皮離奇地痴口而且一夾就穿, 唔覺有 瑤柱鮮味, 口感很淡,. 唔好食 粉果 : 粉皮不算厚, 但內涵不足而淡口 ( 添好運的確要加讚 )蒸蘿蔔糕: 一條條而且很粗條的蘿蔔, 感覺是蘿蔔加蒸糕, 加點豉油鮮味, 味道可以的皮蛋瘦肉粥 : 零火喉, 水溜溜 白灼菜心 : 油都唔多滴, 感覺有點旱, 連我怕油的都覺得過份清啊 牛肉球 : 像樣地有點點陳皮香味, 和有蒝茜香, 牛肉質感也夠鬆透, 好味 百花魚肚：蝦膠夠大件而且彈牙帶點鮮味、魚肚又唔油膩, 水準之作總結 : 調味上絕對要下點功夫, 咁清淡不如自己係屋企煮啦 創意也沒有, 留兜機會介乎零 (不過仲有一張coupon 未用喎 )

看過食評介紹得幾好, 所以便去試一試...."點喜來"坐落於太子, 交通都幾方便!! 點心紙很精美。賣點是傳統的點心, 所以便點了:1. 一盅冬菰滑雞飯2. 瑤柱波菜餃3. 煎蘿蔔糕4. 春卷5. 糯米雞6. 小籠飽1. 冬菰滑雞飯: 味道很好, 飯較熱和軟硬度適中。2. 瑤柱波菜餃只有辣味, 吃不出有瑤柱。3. 煎蘿蔔糕: 很像一團粉, 吃不出有蘿蔔。4. 春卷: 沒有剪開, 一整條上, 吃的時候, 小朋友較困難。5. 糯米雞: 推介此食品! 味道好味, 很少酒樓有此水準。6. 小籠飽: 太多肥豬肉。環境較擠迫和嘈雜, 建議早點去, 較易取得好位子, 八位以上可以訂位。如果每檯有一壺茶, 比較方便。

全日供應中式茶點。環境舒服，裝修雅緻。坐位設於二樓，邊食可以邊看街外景物。有不少傳統的點心，一般茶樓已經無供應。另外有一D特色的點心，不妨試試。用料上乘、份量充足，沒收加一服務費，價錢尚算OK。子薑皮蛋：糖心皮蛋，正~百花魚肚：蝦膠好彈牙、魚肚好大件，煮得好清，唔會好油膩黃沙豬潤燒賣：豬潤厚度適中，煮得剛剛好，唔會硬冬菜牛肉盅飯：加咗冬菜做的牛肉好香口，加上係用牛肉餅，唔係片片滑牛，覺得係用心之作咸水角：一籠四件，細細件，炸得好乾身，作為炸物都唔會好油反沙奶黃包：蛋黃同奶黃混合成餡料，所以特別有蛋黃香味，讚~荔枝蜜綠茶：略嫌細杯及太甜

我同老公來這裡飲茶已有七、八次，水準依然，試過好多款點心，食物味道好，服務好，我每次必吃的是豬潤腸粉、菠蘿叉燒包、三色桂花糕。腸粉很滑，豬潤沒有渣，好味，菠蘿叉燒包拍得住添好運呢!!我老公重話個包仲有d菠蘿味呢^^叉燒餡足料，又唔肥^^佢地d茶幾好飲，staff又會常常幫你沖茶。老闆娘都好nice，我今日飲完茶仲同佢傾左一陣呢

個日同老公,細妹,bb經過...都開左一段時間就諗住試下呢間點心店入到去裝修ok,但係我覺得坐位太逼....我地點左煎羅白糕 一般 我自己就覺得太喊xo醬煎腸粉 ok 幾香口黑糖馬拉糕 ok 因為係個仔食,佢都食哂成個小龍飽 差 皮太厚,入面係無湯汁咖哩什錦 差 雖然味道ok...但我食到有粒魚旦係凍既燒賣 ok 不過不失土"友"肉餅飯 ok 老公食...佢話ok炸雲吞 ok 都係老公食..佢都話ok灌湯餃 ok 大隻餃,湯幾好飲味道講真...真係不過不失...又唔太好食...但又唔係難食....可能我無要求啦....不過食物既份量...我就覺得小得滯....

之前睇到呢間點心鋪食評OK,便來太子試試.點了菠蘿义燒飽,山葵海鮮餃,小籠包,牛柏葉,反沙包,以上點心味道幾好,特別介紹,山葵海鮮餃,鮮蝦配上wasabi,唔辣,但有wasabi攻鼻的感覺!之後還點了XO醬京蔥撈麵,春卷,已食到勁飽了.

昨晚下了一場大雨,被困在太子......突然想起後街那間常常經過的酒家,見雨下過不停便往點喜來跑去,走進店子見人不多只有兩三枱客人,之前沒有看過食評本以為唔會好食.......!我們點了:菠蘿义燒飽: 好好好食皮香飽軟义燒香蝦餃 好食蝦好彈菜芯 新鮮蘿蔔糕 好食黑糖馬拉糕 好食好綿XO醬煎腸粉 好食份量再多啲就好牛肉腸 好食粉皮有米味兩個人都食到好飽,本想再食多次菠蘿义燒飽但真係食唔落,下次會再黎......因為近來去過好幾間酒家,哩間啲食物真係好味,同旺角X好運,太子X點一樣噤GOOD!服務生好常來加茶又有禮,環境乾淨又夠大,食物價錢唔太貴,都是喜歡飲茶食點心人士首選!