121
1
2
電話號碼
63653267
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關餐廳
有關獎賞計劃
優惠
依期真心忙，趁週末抖抖氣係必須的，《黑木亭》喺屋企附近開左分店，之前主打做壽司外賣🍣，依家有埋堂食，一於試下。星期六日有週末放鬆二人餐（$398）一款指定刺身盛合、一款巻物，自選2款主食連飲品2杯, 其實夠晒我哋一家三口食。🥢三點刺身盛 分別有厚切三文魚、油甘魚和八爪魚。每款2件，刺身色澤光潤，口感黏稠，魚味香濃新鮮。🥢鰻魚牛蒡炸蝦卷這個飯卷真係有驚喜，鰻魚好大塊，仲有炸蝦，加上鰻魚汁、青瓜，口感更好。主食選2款，有刺身丼、壽司拼盤、湯拉麵、定食等。🥢黑松露忌廉石鍋烏冬配吉列豬扒定食 石鍋上枱時仍冒着氣泡，熱辣辣要稍放涼才不怕燙咀。黑松露忌廉汁濃郁又好creamy, 離遠都傳來一陣菌香，烏冬每條都掛滿醬汁，滑身而煙韌，配搭新穎又飽肚。吉列豬扒係另外上既，份量都幾大，炸得香脆金黃，咬下去肉質又軟滑juicy, 一啲都唔乾唔鞋，又夠入味👍🥢泡菜豆腐豚肉鍋配日本珍珠米因為其他人都怕辣，這鍋是給自己自私食既，不過其實只屬小辣，加埋豆腐豚肉係絕配，份量仲唔少添。裡面仲有啲粉絲，吸左泡菜湯更惹味。套餐包2杯果汁，選左橙汁和蘋果汁。另外，見佢平日午市定食都唔貴，外賣都幾多選擇，下次可以試下。
繼續閱讀
這間黑木亭係尖沙咀開到嚟元朗，位於元朗裕景坊係一間地舖，之前係尖沙咀食過都覺得幾好，唔知到呢一間會唔會有驚喜😚!.週末放鬆二人餐 $398套餐包括指定刺身、指定卷物、定食兩款、甜品及飲品.三點刺身盛呢一款剌身盛分別有三文魚、油甘魚同八爪魚，店家用咗好有特色嘅碟子盛載😍增添食慾，三款剌身食到入口味道鮮味😋口感嫰口!.鰻魚牛蒡炸蝦卷呢一碟炸蝦卷望著都唔錯🤔，卷物包裹紫菜、炸蝦、牛旁，同時配埋佢嘅珍珠米粒粒口感內脆外腍，上面放咗美味嘅鰻魚，令到整件炸蝦卷多從口感更加美味😋!.灸燒四合丼 呢一款四合丼賣相夠哂夠引，整款色香味😚都好正，有四款不同剌身望著都好想食🤤，尤其是佢嘅炙燒三文魚油份十足入口嫩滑😋，我覺得真的唔錯!.山•吉列豬扒丼飯呢一碗丼飯份量十足😲夠哂豐富，整碗丼飯滿滿紫菜條、木魚絲其他配料，吉列豬扒食到入口金黃香口肉質腍嫩鬆軟味道都唔錯😋，配埋丼飯粒粒口感軟硬適中，整碗丼飯嚟講都幾好食!.飲品呢兩杯蘋果汁 、菠蘿汁帶點清香果味😙，蘋果汁香甜帶點蘋果香味，菠蘿汁帶點酸甜菠蘿味😋，尤其是食飽咗消一消都唔錯!.
繼續閱讀
🌟餐廳：黑木亭-お食事処📍地址：元朗裕景坊15-25號玉成大廈地舖💰價位：～$100 - $200⏰營業時間：星期一至四12:00 - 22:00 / 星期五六日 12:00 - 23:00📱電話：6365 3267人氣居酒屋黑木亭進駐元朗區啦～今日探家姐，順便約埋佢去試下呢間提供各式日本料理，包括風味串燒、日本和牛、海鮮燒物等等既日式居酒屋先～——————————————————————————————「黑木亭」為慶祝第三間分店於元朗開業，特別推出呢一款超豐富既龍蝦三食大滿貫套餐~✨龍蝦三食大滿貫✨✨龍蝦腦蟹鉗蒸蛋呢款蒸蛋材料豐富，加入龍蝦腦蒸制，味道特別甘甜~上層仲加入蟹鉗肉，好鮮甜~✨波士頓龍蝦刺身波士頓龍蝦刺身新鮮爽甜，肉質好彈牙~✨壽司大滿貫份量好豐富既壽司拼盤~賣相超吸引！！有齊吞拿魚大中拖羅、赤身、拖羅蓉、帶子、甜蝦、飛魚籽及鯛魚等等特選壽司，種類繁多，賣相精緻，有得食又可以打卡，好正~我地就最鍾意吞拿魚大中拖羅及赤身壽司，一次過就可以試哂各吞拿魚部位既味道，值得一試~✨龍蝦粥龍蝦起肉做刺身後，外殼及龍蝦尾拎去熬制海鮮粥，粥底充滿濃濃龍蝦味，入口咸香味濃~✨蘋果汁 及 橙汁食飽就當然order 返杯果汁消消滯，解膩一流~———————————————————😋味道：4/5🏢環境：4/5💁🏻♀️服務：4/5💵價錢：4/5🤟🏻性價比：4/5———————————————————👅整體小總結餐廳主打新鮮時令既日本海鮮制作各種日式料理~食物款式繁多，選擇夠哂多元化，而且食材新鮮擺盤精緻～———————————————————
繼續閱讀
之前係尖沙咀食過黑木亭，覺得唔錯～估唔到元朗都開左分店，即刻同朋友去食返餐❤️元朗店除咗有得堂食，佢仲有便當🍱、刺身同壽司🍣可以買。🔎 常滿卷（$298）飯卷中間有牛油果🥑、蛋同蟹柳，外面鋪上三文魚、呑拿魚、海膽同大量魚子，非常豐富～魚生非常新鮮，壽司飯調味都好好👍🏻🔎 酸汁啫喱配鮟鱇魚肝（$78）第一次☝🏻試鮟鱇魚肝，感覺好特別～口感滑嫩細滑、入口即溶～🔎 免治雞肉串（$56/串）雞肉串入面加左雞軟骨，食落口感結實有咬口。配埋特製蛋黃醬汁一齊食，另有一番風味～🔎沖繩黑糖燒菠蘿（$38/份）因為我同朋友都好鐘意食燒菠蘿🍍所以我地叫左兩份~燒菠蘿酸酸甜甜，而且多汁😄🔎 豚肉茄子石頭鍋飯（$118）上枱時熱辣辣，石頭鍋飯表面鋪上蛋絲、豚肉、茄子🍆，仲有溫泉蛋。撈勻之後食，味道都唔錯，令人一口接一口咁食唔停。🔎 牛油芝士鐵板帶子（$88）上枱熱辣辣，帶子表面佈滿芝士，食落好香牛油同芝士味~用左洋蔥墊底，所以帶子無咁易燶～㊙️另有加一服務費
繼續閱讀
今日經過試吓呢間新開嘅元朗日本餐廳黑木亭，門口有做外賣入面係堂食，呢個設計都幾特別。入面裝修都好有日本特色，坐得好舒服。日本餐廳最重要係食材嘅新鮮程度，我哋試咗幾款菜式，整體用了都非常高質，好滿意～1. 龍蝦粥(二食) $468：呢款龍蝦粥真係好滋味！粥底濃郁，龍蝦肉鮮甜，一食就停唔到口。龍蝦肉嘅份量有足夠誠意，雖然浸住粥但肉質彈牙，唔會煮到韌嗮。成個煲份量十足，兩個人食好快飽😂2. 蟹肉龍蝦鉗蒸蛋(二食)：蒸蛋真係好滑，加上蟹肉同龍蝦鉗，令味道更豐富。3. 常滿卷 $298：最推介呢個卷！餡料豐富，有三文魚、帶子、吞拿魚、大蝦、超多三文魚子～ 每一件卷上面都有兩種魚，睇得出師傅好用心去整。4. 酸汁啫喱配鮟鯡魚肝 $78：有啲特別，啫喱質感好好，酸酸甜甜嘅味道同鮟鯡魚肝嘅鮮味相融合，味道豐富。5. 唐揚小池魚 $68：香脆可口，作為開胃前菜係一個唔錯嘅選擇！6. 果汁 $38：用富士山杯裝住，幾有特色~總括而言，菜式好有水準，日本料理愛好者唔好錯過！
繼續閱讀