影片
以上資料只供參考, 請與餐廳確認詳情
上星期經過九龍城，梗係要去黃明記食番碗河粉，佢地D湯底一流，有肉碎所以特別甜，同埋D肉丸係手打，所以特別彈牙，真係同出面D滚水湯底，同無味肉丸相比真係超幾班，所以真係歷久不衰
繼續閱讀
呢間舖頭已經有幾十年歷史 我真係細細個就幫襯㗎喇 以前佢喺啟德道 而家就搬咗去沙埔道 地方係大咗 靚咗 我點咗我以前細個最鍾意食嘅雙丸河 墨魚丸加豬肉丸味道同細個食嘅時候一樣 依然係有好香嘅湯底 佢嘅湯底比出面其他粉麵店不同嘅係 佢會有好香嘅炸蒜蓉 所以每一啖 湯都係咁香濃我哋仲嗌咗汽水同埋菜 當然吾少得炸魚皮 依舊香脆美味賣單嘅時候 價錢係畀外面嘅粉麵鋪略貴一點 但係以呢個味道我覺得都係值得嘅 我會再來幫襯 話哂佢都係我童年回憶嘛 而且呢d 小店 我覺得要支持多點
繼續閱讀
每月一次去九龍城按摩都未去過這店，碰巧上次在YouTube看到有頻道介紹，按完摩特意去試食，對是次嚐味經驗十分滿意。我們點了兩個麵，一個四寶撈麵，一個豬什墨鬚河粉。先說麵質，幼麵爽口彈牙、沒梘水味；河粉幼滑，吸了湯汁味道更佳！四寶是甚麼？就是魚皮餃、豬肉丸、墨丸、黃金魚角、潮州魚蛋，各款1-2粒，份量十足。至於墨鬚豬什更是一絕，我試過其他有賣墨魚頭墨鬚的粉麵店，墨魚鮮味依然蓋不住腥味，這裏只有鮮味，又做到脆口；豬什有粉腸、豬心、豬肝、豬肉片，大大片又爽口，最難得沒有豬膻味。平時不懂欣賞潮式粉麵店的辣椒油，今次拌河粉食，辣椒香味撲鼻而至，實在是真材實料，不是一般貨式。這裡有粥品，不過已經吃飽了，決定下次要去食方魚肉碎粥！！！我知道這店是第二代經營，各人都有一點年紀了，希望能繼績堅持下去，我們一班老饕就有口福了！
繼續閱讀
第一次落單，老闆娘叫等等，要叫姐姐來落單，等左一陣，男老闆來落單，我叫餐版上寫”墨鬚丸”米，點知男老闆竟然聽唔明😨，不斷問要麥？雙丸？鬚丸？要麥丸？越問越聲，非常冇禮貌😡😡😡最後都係姐來落單先知什麼係”墨鬚丸”，又一次証明高層係麥都唔知道，仲會惡人先告狀👎其實連自己個餐牌都唔知道寫什麼，真係有點那過，不過人地係老是，想點就點。食物正常，想再食可能買外賣，就不用受氣。環境清潔就一般差少少。
繼續閱讀
現在在香港有很多粉麵店，但當你走入去舖頭，食一碗粉麵時，總是好像感覺欠缺了一些東西。當每當我走入黄明記，那種感覺和味道就返曬嚟。我覺它仍保持了那種兒時味道，正確點說應該是正宗香港魚蛋粉麵店的味道😻😋此店我最愛它的魚片粉，味道正宗，魚片有魚味，爽口彈牙，粉條幼滑，只是$39 。但有多塊厚切魚片，真係好開心。不過，我也喜歡它的四寶加紫菜😻😋，它的四寶有豬肉丸、墨魚丸、魚皮餃、魚丸，非常豐富，難得的是各款丸都好好味，值得大家來一試😻😋
繼續閱讀