麻辣風雲 (已結業)

一直都好想試吓呢間超人氣川菜 #麻辣風雲 🌶🔥 最近終於過嚟試吓😍 每晚呢度都人山人海，全場爆滿！要食嘅話真係要book定枱或者早少少到🙈🍲🐟 酸菜魚($268)黎到麻辣風雲一定要試吓佢哋嘅招牌酸菜魚‼️我見到枱枱都好多人食🙈呢個酸菜魚份量十足，價錢相當抵食👍🏻 大大塊嘅魚肉肉質鮮嫩，薯粉口感煙韌，非常之掛湯汁，好食到停唔到口🤤🤤🥠炸饅頭($58)佢哋嘅炸饅頭超有氣勢‼️🔥係用成隻船去呈上，真係食得又睇得🙈 饅頭炸到金黃香脆，脆皮包住軟熟既饅頭，配埋香滑嘅煉奶真係無敵咁好食🙈 雖然真係好高卡路里但好快就被清晒😂‼️川味炒大蜆($148)炒大蜆完全係水準之作，新鮮嘅大蜆清洗得好乾淨完全冇沙，麻麻辣辣嘅調味有啲似XO醬，食起嚟非常惹味！泡椒鳳爪($58)最近好似鍾意食泡椒鳳爪，一見到有呢一道菜就會叫🙈鳳爪浸左泡椒汁好入味，肉質好爽脆，越食越開胃。黑糖脆炸糍粑($58)最後梗係唔少得甜品啦！澱粉質x煙韌控既我見到有炸糍粑冇理由唔食呀嘛😆 熱辣辣嘅糍粑炸到外脆內軟，口感煙韌軟糯，配上黑糖醬及黃豆粉真係一絕！冰涼椰汁冰($38)飲品我哋encore又encore呢個椰汁冰，冰冰涼涼既椰汁，甜度啱啱好，

呢間位於旺角瓊華中心嘅🌶川菜館 🔥麻辣風雲🔥淨係聽個名都覺得好有氣勢 之前喺荃灣已經食過兩次 今次開咗喺旺角當然去試一試 🤭裝修同埋氣派都好華麗好有古色古香嘅感覺 而且位置都闊落好多👍🏻👍🏻今次係午餐過嚟食 餐廳亦都有提供午市套餐🍲無辣不歡嘅我叫咗一個🌶水煮牛肉🐮水煮魚🐠涼拌皮蛋 🥚同埋蒜泥白肉🐷四款嘢食都非常之出色 水煮牛同埋水煮魚都可以揀辣度同埋麻度 我叫咗中辣中麻 辣得非常過癮 🤪🤪牛肉非常之嫩滑 魚亦都無骨唔腥👏🏻套餐本身會跟白飯 我最欣賞有得白飯加錢轉薯粉😍湯底有少量芽菜同埋豆腐卜 入晒味超正😋另外套餐都有小食優惠追加 蒜泥白肉切得非常之薄身 有入口即溶感覺☺️ 蒜泥亦都非常之香🥳涼拌皮蛋 份量大概係一隻 辣油好香而唔會太辣 非常推介👍🏻👍🏻😎

麻辣風雲開咗旺角新舖，比荃灣店就腳同埋坐得舒服啲～裝修走中式古典風，一入去有個六角涼亭位（不過坐呢個會成為所有經過既人既焦點🤣羞恥play）。必叫名物炸饅頭用船仔奉上噴曬煙好得意，呢個基本上都係枱枱必叫。吸眼打咭一百分💯 熱辣辣配埋煉奶冇得輸呀～招牌酸菜魚採用自家醃製酸菜，口味唔會過鹹過酸同時足夠開胃，食落唔會太油。魚片份量多食落嫩滑無骨。每次嚟都必加薯粉，吸晒湯底令薯粉又煙韌又好食。收尾加個黑糖脆炸糍粑，外脆內軟，黑糖加黃豆粉香甜又美味。又係完美的一天。飲品次次嚟都係要原埕菊花蜜，清甜既味道用嚟配重口味食物，戰鬥力level up (好大好襟飲）

作為著名樂隊tonick fans, 我已經唔係第一次嚟食, 次次都好希望會撞到恆仔, 可惜仲未撞過🥲不過麻辣風雲算係我川菜口袋名單既世一川菜店, 除咗因為味道岩食之外, 價錢算係幾化算☺️同埋選擇都幾多, 每次黎都有唔同野食簡, 唔洗驚重重覆覆✌🏻📍椒鹽雞軟骨送啤酒🍻一流既餐前小食, 賣相都好出色, 我平時去親日本居酒屋必點, 椒鹽味好香又好食📍乾煸肥腸可以簡辣度, 我地簡左中辣, 餐廳加入咗大量辣椒入去炒, 好有四川麻辣味, 炸得好香而且脆卜卜, 金黃色好吸引🟡 肥腸厚薄適中, 幾好食

上年疫情，因為成日叫外賣，亦都好鍾意叫麻辣野食，叫左好幾間，覺得荃灣麻辣風雲都幾好食同幾穩定，但我從來都無食過堂食。到最近先知原來係明星開⋯⋯所以我唔係因為支持邊個而食嘅，戴左頭盔先。最近旺角開左新店，諗住去試下啦，但真係好失望！主要係服務同管理問題令廚房無法正常發揮。首先，講吓安排坐位，疫情期間，如果環境許可，都盡量唔咁快坐埋一堆。當日我五點半至五點九入，未有好多客，但都等左陣先有人安排坐位。轉頭就有另一對客坐係我地隔離再隔離枱（二人枱），當初佢地唔想坐呢度，因為全餐廳都係枱，但侍應回覆就不太好，話「排好晒位」，可能多人卜啦另一對客人之後入座，今次係坐我地旁邊張枱，又係唔想坐我地隔離，然後回覆又係一樣。我真係想問，乜晚巿無一張booking係二人咩？你叫我地幾點交枱咪可以調過去囉⋯⋯大家睇埋下面就知佢地點解做唔到呢步。其次就係指示唔清楚。話用手機落單，但毛血旺同麻辣干鍋係剔紙仔，我一心諗住食干鍋，搵左勁耐個網都無，最後問個侍應（都等左五分鐘先有人），佢先講剔紙仔。第三係每張枱有嘅野都唔同。我隔離同再隔離枱係無嗰疊毛血旺/干鍋剔剔紙，而第一對鄰居客人見我地食干鍋但又唔知喺邊剔，結果係我

老實講幾可食川菜會叫炸饅頭🤣但架船實在太型忍唔住叫🤣黎到真係勁有氣勢～好大架船仲有啲煙係側邊噴出黎～不過炸饅頭又被比下去！金黃色脆脆地嘅饅頭點埋煉奶～正黑松露煙燻溏心蛋勁香黑松露味！仲有微微煙燻香，夾埋又幾特別幾好食～不過就有啲偏貴酸菜魚 超大碗而且入面有超級多魚片！食到有魚味而且好嫩滑冇骨的～入面仲有好多寬粉，口感好煙韌，好有咬口同彈牙， 佢吸埋啲汁勁入味勁好食！酸菜魚真係幾好食！唔怪之得每檯都叫～辣子田雞本身以為係炒，但原來是炸的～田雞比較碎，肉其實唔係好食到🙈 不過炸得好香口～Overall酸菜魚同炸饅頭真係必叫！高質！

今日放假同朋友去食左間人氣川菜(麻辣風雲) ，店裏裝修充滿古色古香，裝修好靚，連餐牌同餐具都充滿中國特色。座位好舒服。職員都會好主動介紹特色川菜。最有特色諸葛亮饅頭船- 諸葛亮草船借箭就聽得多，而家船上嘅唔係稻草人，而係饅頭😂，非常適合打卡影相- 饅頭都是剛剛炸好，炸到金黃色，外脆內軟- 配上香甜煉奶好夾🐟酸菜魚- 非常大盤，辣度可以自己選擇，我今次選擇左微辣🌶- 湯底非常濃郁，大量酸菜，泡椒，藤椒等，酸酸辣辣好開胃，加上藤椒好重麻香，辣味嘅後勁都好重🤤- 魚肉份量好多，切到厚薄適中，好鮮味，口感爽脆嫩滑又唔會太易散，而且已經起晒魚骨，食起上嚟好方便👍🏻- 配菜仲有大量薯粉， 萵筍，豆卜和芽菜，薯粉好滑lulu 泡椒鳳爪- 鳳爪吸收了泡椒汁，少少辣好惹味- 肉質非常實身爽脆黑松露煙燻糖心蛋- 糖心蛋糖心效果做得非常好，蛋黃蛋香味濃，好creamy - 有煙燻香味，配上黑松露醬好香黑糖脆炸糍粑- 糍粑炸到外脆內軟，口感煙煙韌韌- 配上黑糖漿及黃豆粉好夾鮮芒椰果玉露- 新鮮芒果打蓉配上椰果，口感酸酸甜甜好似楊枝甘露，味道清新- 食辣嘢梗係要飲凍飲，消暑解膩總結價錢合理，食物種類豐富加上特色

雞肋呢樣野不嬲都俾人話食之無味 棄之可惜本身前一晚見佢打唔通轉食第2間點知朋友今日打通左 話有位就食返佢我個人唔挑食 但呢間鋪令我同朋友們都真心勁失望呢個月內同唔同朋友都內過川菜 呢間真係好差好差唔明點解咁多人我地先叫左5樣野 加飲品酸菜魚+薯粉好一般 最慘係溫架咩叫溫？即係佢上枱時我地食完全唔熱只係微暖 啲湯 啲魚 啲粉都係 真係好差！個薯粉仲要係唔彈牙 而就係粉咁乾鍋 其他蔬菜類嘅材料都算有一樣叫左田雞我真係差啲搵唔到佢地呀細粒到好似人地啲雞米零食咁想大啖啲嘅肉都冇炸饅頭正常囉 係個盤特別咩包菜真係痴線諗住佢比其他菜貴啲應該特別啲就算唔特別都算啦你俾少少川菜Feel我都好呀就係一盤勁油嘅炒椰菜 有啲豉油咁我肯定我係屋企自己炒嘅都好味好多辣炒魷魚腳（唔記得個名）呢個還可以 但總之所有野都對唔座個價錢又貴又難食我地6個人1人差唔多$200我加多100食樓上樓下啲火鍋放題仲開心但總要試過先知伏嘅大家小心喇我地已試左伏如果你想以身試伏嘅好啦 你去啦🙈

同同事收工happy friday 收工去食返餐好 兩個人去咗麻辣風雲食返餐好既慰勞下辛苦做咗一個星期嘅自己✌🏻✌🏻✌🏻怕食食下太辣就點了一瓶冰凍洛神花茶🧊 甜酸度剛剛好 解辣一流 裝住個酒樽幾得意 幾有返返古代飲酒既feel 三個人都係鐘意食辣 但又唔係好食得辣 主要係想過返口癮🤫 就叫個小辣小麻嘅水煮魚 水煮魚望見好大兜 魚量十足 辣椒佈滿哂 見到都有少少怯 好彩一試湯底都仲handle到!!! 而魚嘅口感都唔錯 有埋芽菜 酸菜炒肥腸 食落唔錯 無臭味 好似都幾乾淨 加埋酸菜幾多 重口味特別係酸味控就岩哂 整體黎講幾個菜味道都唔錯 辣味辣得幾地道價錢中上 下次多幾個人黎就可以share 會更抵食🤤

見到麻辣風雲係旺角新開分店，上星期同男友去一趟。餐廳地方幾大，裝修好有古代感，牆身、屏風、吊燈都好有古色古香🏮𖠁 酸菜魚（$268）酸菜魚好大碟，魚肉份量好多🐟🐟🐟。肉質幾新鮮，唔係急凍魚肉。有少許好細好細嘅骨，但可以照食。裡面嘅薯粉厚身、彈牙，吸收哂酸辣湯底嘅精華，非常入味😋配料有酸菜、芽菜、金菇同萵筍，好豐富。會越食越辣，好彩叫咗微辣😆𖠁炸饅頭（$58）賣相好有氣勢‼️炸饅頭真正做到外脆內軟，配上熱騰騰嘅溫度，非常香口😋咬開饅頭質感柔軟，炸完都唔會好重油膩感煉奶份量足夠，成件事好滿足🥳𖠁 乾煸四季豆（$108）基於對四季豆有份情意結🎀，每次餐牌有嘅都想食好多辣椒伴碟🌶️，但我地叫左少辣，食落唔算好辣四季豆口感恰到好處，咬落好個癮；肉碎好juicy，微鹹。𖠁 四川掂掂麵 （$68）除左掂掂麵本應有嘅麻醬味，另外仲有好重嘅麻味，川菜風味突出，辣度都可接受。麵質偏林，旁邊配有肉碎同花生增加口感𖠁 菊花蜜（$58）賣相勁靚，仿效古代既酒瓶，叫嚟打卡不錯📸裡面既菊花蜜好香甜，解辣亦一流❣️

早陣子因為好友即將離港，移民到加拿大過新生活，趁她離港在即，當然要吃一些在那邊未必能吃到的菜式。好友說好了一定要點辣的水煮魚，少一點辣也不行✋🏻 我當然要捨命陪好友！餐廳裝潢設計頗古色古香，座位空間寬敞，侍應服務也是很好。點了這邊的水煮魚，一整盤都頗足料，點了中辣少麻，色水已經好突出，望見堆辣椒🌶️都相當開胃了，辣度剛好。在內的配料是不能自選的，包括了蓮藕片、豆卜、萵筍和菇，各款的份量都很多。吃下去魚肉質蠻有彈性和嫩滑，裹頭有不少寬粉，吸收了水煮湯底，很入味。我們不想浪費湯底，便加了三十蚊薯粉，薯粉較粗身，看起來蠻像寬粉很索湯，麻麻辣辣，惹味！

我同朋友前前後後都食左好幾次麻辣風雲 我地特別鐘意食佢嘅水煮魚🎣🎣  趁住朋友就快生日 我約咗朋友嚟食返餐預祝既川菜生日飯！雖然我地只有兩個人 可能因為我地上網book位既關係 餐廳安排咗張相對闊落既四人卡位比我地 我地坐得幾舒服 可以放得哂叫既餸之餘 唔會覺得迫👏🏻 當然要嗌我地食開超級麻同辣既水煮魚 水準保持 味道一樣正 我地忍唔住都嗌多咗碗白飯配埋一齊食🍚🍚🍚 為咗要成就一餐豐富既生日飯 我仲叫咗一份麻辣雞翼尖 雞翼尖辣得好入味 差唔多有十隻 辣得好過癮🔥🔥冷盤小食叫咗花雕醉雞醉雞酒香 雞件嫩滑 好濃酒味 入哂味🌟🌟 另外朋友睇menu見到椒鹽雞軟骨 見到有一大盤就嗌埋 黎到拎起一粒黎咬 發覺炸得勁脆 香口之餘仲有勁重椒鹽味 

麻辣風雲開咗唔少分店 好可惜一直因為唔就腳就無去到 而最近終於有時間去食🥰嗌咗幾樣嘢食 價錢唔貴而份量望落都幾大份 先嗌咗個我平日最鐘意酸辣土豆絲🥔 好大碟同埋咬落去勁爽口惹味 味道酸中帶辣配埋麻 食落勁開胃 過癮😚朋友大推酸菜炒肥腸 佢話自己之前黎食過 味道好 好想encore 所以立即跟機嗌返碟🙌🏻 肥腸即係豬大腸 最緊要乾淨同夠酸菜味 兩者都做到就為之好食 哩度既肥腸食落都幾乾淨 無咩臭味 而且酸菜味都幾出 認真唔錯🤤嗌咗壺菊花蜜🌼 用個酒埕仔裝住個壺好特別飲落甜甜地 清清甜甜 好解辣同解渴💦

最近愛上呢間嘅酸菜魚🐟味道香濃 湯底夠酸 魚又鮮甜份量仲好多！我同朋友都食得好開心🥳除咗食物好OK 環境都好Ig-able～呢間分店一入去就有一個涼亭嘅造型，背後仲係西湖嘅background (應該係），比人舒適嘅感覺，就算係其他座位都好寬躺，唔會迫住晒😛❤️小食方面必嗌炸饅頭，船身嘅造型非常得意，上菜時仲有乾冰效果🧊又係另一打卡位💕推介紅糖糍粑，鍾意佢嘅煙韌口感，呢一間絕對係中上水平，外酥裡嫩嘅糯米，配埋紅糖漿同黃豆粉，食完辣嘅飯後甜品就岩晒啦😋✌🏻

係香港其實咩國家既菜都有得食 有時太多選擇都會成為大煩惱😣 諗咗好耐先諗好帶媽媽去食川菜 媽媽想平、靚、正🤣 做女既當然要滿足佢 簡咗由Tonick主音恆仔開既麻辣風雲食酸菜魚最重要既除咗係魚肉 當然湯底係好重要‼️ 所以一上菜個陣 即刻趁熱就試下個湯 湯頭酸酸地帶小麻辣 味道開胃 魚片去骨同無咩腥味 成件事因為有埋豆卜 寬粉 芽菜同金菇就變得極度完整😋😋 唔洗額外叫飯都會食得飽肚干鍋係媽媽要求點 我係香港第一次食 可以簡辣度 我地初次食就簡咗小辣 係我地可以接受既程度🔝 干鍋既配料都炒得好香 有齊肥腸、土豆片、肥牛、牛肉餅，豆卜等等 好多料💯埋單人頭都係二百蚊左右 坐得仲要幾舒服 餐廳整體都幾企理同乾淨 媽媽👩🏻食完覺得好滿意 臨埋單前仲已經睇定下次要嗌咩食