麻辣年華 (楊屋道)

營業中

休息中

荃灣最近新開一間專食麻辣既餐廳午市仲做緊烤魚有優惠👍🏻今日試左紅薯粉同燒烤下次可以試下佢既招牌烤魚金湯酸菜雙拼（魚片+肥牛）要左薯粉底薯粉煮得好透夠煙靭入味湯底真材實料用豬骨熬製配上酸菜增添風味魚片無骨啖啖肉仲係好嫩滑肥牛份量好多，重牛味最鍾意係本身已經包百頁豆腐👍🏻串燒組合好抵玩，乜都有齊晒2個人share岩岩好好香孜然味，芝麻更加增添香味火候岩岩好唔會太乾雞肉好好味，外脆內嫩烤脆魚蛋口感好正，第一次食晚上黎食宵夜啤一啤都咪話唔正😋至尊水果茶食左咁多濃味野要叫返杯水果茶解渴勁多生果西瓜、蘋果、百香果、西柚、橙、青檸mix埋一齊真係好fresh仲要大大杯👍🏻

老實講一試就嬲禮貌同服務都唔會有...講到野食，串燒係一定炸完再燒一燒都算啦個個粟米...嘩，試完真係得啖笑，油到一個點...其實係全部串燒都油到一個點...烤魚黎講本身黎講個味係唔差...只係條魚比較細，不過味道答夠，一條烤魚最多夠3個女仔食（可能係我大食)仲有個羊我冇影到...全間野最值得一試就係個羊串，唔太so而又好食，羊應該係用好嘅食材不過中間有個小插曲，就係有個丫姐一定要逼人加熱水比我地（仲要係我地上左條魚5分鐘到就話要加熱水），個汁即刻淡口同埋勁油...最好笑係同其他staff講，個個人先話加雞湯咁點解加熱水之前唔加雞湯呢？最後總結：新店黎講你要繼續加油...希望你有一日改善成功，唔好再逼人加水，真係會好油

夏日炎炎，最好就黎啲挑戰。最近知道附近開咗間燒烤店，因著「棧鬼」的宣傳短語，二話不說就即刻去試試😋首先，野食既選擇十分多，有烤魚，燒烤和小食，飲品都都唔少！燒烤的肉類就略欠較多肉味！不過，燒完的肉汁仍在，唔柴，值得一讚🥰豆皮，又薄又脆 ，豆味十足！雞皮值得一試，食完，一啲罪惡感都冇，十分香口，一啲都唔肥膩☺️黑糖耙耙的黑糖略欠唔夠甜，但耙耙就夠「糯」，十分煙韌。茄子十分推介，好味，加上滿滿的香蒜，惹味十足！水果茶就十分抵飲，但是餐牌顯示是800毫升，但用既杯和500毫升的生碑裝既杯一樣大，真是一個謎！

30幾度食乜好...挑戰人體極限...企係街等位兼再食麻辣...之前聽朋友食完評價都唔差...但hubby完全唔食辣...所以一直都等緊機會去試...終於俾我等到機會喇~難得hubby話今餐俾我揀食乜~梗係要去食辣!叫左4樣野食~鮮茄濃湯烤清江魚: 因為hubby唔食辣...唯有個烤魚要就下佢..叫左鮮茄濃湯...一上菜...個湯勁紅唔知以為食好辣~一煲滾左勁濃既蕃茄味撲鼻而來~清江魚肉質較實...骨唔太多~所以都好易入口~!麻辣小龍蝦(小辣):封關後就好少機會食小龍蝦...今晚難得有...當然要叫1斤黎食下喇~味道香辣~!小龍蝦都乾淨冇異味~墊底配菜索左汁好惹味~!烤豆干:薄薄既豆干搽左甜醬油烤~少少甜多多脆~!烤茄子:惹味~!招牌水果茶:好大杯~!果味濃!總括黎講:可以再食~但要涼D先...因為冇book位要企係街等位都幾考驗耐力...冷氣略嫌唔夠~!