麻辣川米線

營業中

休息中

住在深水埗多年，個個話呢間好食我未試過睇吓同我最愛食嘅數字哥有冇得揮先店內貼滿餐牌湯底有幾款我唔鐘意酸又想試辣於是試試麻椒另外$35米線免費配$6嘅餸但大部份係菜，唔啱我轉㨂$8嘅鮮雞絲仲有其他小食，我冇叫啦麻椒鮮雞絲米線（小小辣）外賣加$1=$38我是外賣有分湯湯底雖然紅卜卜但我嘅小小辣就唔算好辣麻味亦唔重，反而係有陣椒味同菜脯嘅甜味不過我覺得好油我要不走面頭啲油先食但味道幾獨特嘅米線份量勁多，我覺得比數字哥淋（我鐘意爽嘅），雖然有分湯同埋佢都有配啲芽菜同韮菜同數字哥唔同佢仲有菜脯間唔中咬到辣中帶甜 幾特別至於我叫嘅餸係鮮雞絲我原本以為係雞絲湯檬嗰啲或者數字哥鳥米線嘅雞絲原來唔係，呢度似係雞柳都唔係絲，係件份量都幾多每件都大大件咁份量好大，食完好飽不過米線唔夠爽湯底較油都係食返連鎖米線啱我多啲

這是筆者童年時的居住地方，可惜當時年紀還小，未識四圍覓食。長大後才在網絡上得知此處有一間人氣米線店。這晚和家人下班後一起過來一試。雖然是街坊小店，但已先進到可使用QR code線上下單，絕對是方便。必試的麻椒湯底，據知湯底是用上百多斤豬骨、雞殼熬煮2日而成。當中的麻辣香味是由指天椒、花椒、麻椒等炮製所出。這次點小辣，湯頭入口香辣惹味，然後是陣陣麻味的後勁，吃到最後已感受到嘴巴有輕微發麻感覺，實在過癮。而另一款湯底就是麻酸辣，辣中帶酸。不過當然沒有麻椒湯底有特色。配餸分別點了金菇菜和豬肉椰菜餃，稍嫌餃子皮有點厚。至於米線帶有彈牙之感，煮得不碎，若再煮腍一點就更合筆者口味。即叫即燒的雞翼，餐牌有註明要等候大約15分鐘。熱辣辣的肥美燒雞翼，香口惹味，而且有陣陣麻椒辣香。假如當年沒有搬家，這裡可能會成為筆者的飯堂之一呢。

我好鍾意食米線🍜 有一日係YouTube見到好多youtuber推薦「麻辣川」 話係香港十大米線之一 我緊係要過黎朝聖一下湯底主要有四個味（雞湯、麻椒、麻酸辣和酸辣）睇OpenRice 見每一個湯底都有人叫 今次我就揀左麻酸辣米線雖然麻酸辣唔係一間集團米線 但係佢地好先進 用QR Code自助落單 好方便👍🏻我地叫左兩碗米線1) 鮮黑柏葉+鮮雞絲 麻酸辣米線 (小小辣)2) 豬軟骨+鮮雞絲 麻酸辣米線 (小小辣）其實鮮雞絲係雞件 而且好滑 應該有yip過又唔咸 好少地方有鮮黑柏葉 無漂過 最重要係食完一啲口渴都冇 老實講譚x食完好口渴好多味精 值得推介

今日經過長沙灣，就search下有啲咩好食，見到呢間米線好多好平，所以就慕名而來！由於可能係四五點左右嘅時間，所以成間舖都冇乜人，坐低咗就用電子二維碼點單，都幾方便同埋清晰！我叫咗一碗麻辣中辣米線，揀咗黑牛柏葉同埋豬潤，味道唔錯！又麻又辣食到唔想停！嘢飲方便如果有特色嘢飲會更加好啲，因為剩係得汽水🥤

我喜歡吃黑柏葉，我是沖著麻辣川的黑柏葉而來的，太衝動，叫了中小麻辣，結果一片紅油，為免身體承受不住，浪費左少少，係我唔岩！其實麻辣川是好食的，譚仔是濃香，他就是清甜，各有千秋！推薦菜式：麻椒湯底（配黑柏葉+鮑魚粒）加配豆漿🌺特別喜歡這裡的豆漿，雖然是百福豆漿，但當下環境（舌頭好不好受，渾身發熱），能有一口清甜香滑的豆漿入口，即時舒服曬！另外鮑魚粒是真罐頭鮑魚粒，好雞湯底好夾。✅

作為愛好米線的我，見到網上blogger紛紛介紹這間舖頭，稱為什麼十大必吃米線，當然想去朝聖一番。星期五夜晚，人倒是挺多的，已經開了旁邊的舖位，仍然要等一下。疫情稍為緩和下已經沒有一半座位的要求，但不知為什麼店舖仍然安排有點混亂，而且有兩個入口，人一多兩邊各一條隊，又不夠人手，姐姐忙得很有事要多番提點才去收拾（明明下單付款也可自助）。想不到小店也採用了大陸已很流行的自助scan QR code下單，非常方便，餸菜也上得很快。我們二人叫了一個麻酸辣、一個酸辣，也是了椰菜餃、豬膶、豬軟骨。餸菜倒也是不錯，唯獨豬潤不太爽口。米線令我有點失望，太過爽口卻少了那種滑溜的感覺，也許是每人口味不同，但我會想煮久一點。麻酸辣湯底是特別的，酸辣為主卻帶丁點兒麻，但那種酸辣卻另我那晚也要不斷喝水（我已不算對味精敏感的人）。當然米線口味非常個人，但這間也算不上特別，成為十大米線也似乎還有點距離吧。

米線控應該會識呢間麻辣川，早排好多傳媒做米線排行榜，都會見到佢榜上有名，我認識佢都係因為睇左某網嘅米線排行榜咋嘛，點知試完就愛上了。好欣賞佢係一碗碗咁樣連湯連米線咁樣煮，所以好多嘢都好入味，夠晒濃郁，不過濃味就係重調味㗎喇，我就食出重糖味，減肥嘅話食到糖味就好有罪惡感喇嘛！我最鍾意食佢個腐皮波波，好特別，其他餸如醉蛋、豬面肉都特別，但未致於必食囉，米線說佢唔平㗎，加下加下連野食都成舊水，但就有質素囉。

好耐都冇食米線啦😫係街坊Group見到不少街坊都推薦呢間「麻辣川米線」‼️搞到心癮發作，今日放假，就落街買個外賣返屋企試下😎人地話佢出名係麻辣湯🤩但我其實麻麻地鍾意食麻辣😂於是乎就叫左酸辣試下啦💕🔹酸辣米線$35（跟一款$6餸）：我就叫咗小辣🤩餸就叫咗甜酸炸醬、豬軟骨同埋蘿蔔😍而佢本身碗米線就包咗小量芽菜、韭菜、菜脯粒、酸菜粒😎外賣盒設計唔錯，米線同餸係同湯分開👍🏻咁就唔怕浸到淋晒❗️湯底唔會太酸，味道夠濃，啲米線索晒味😍好正👍🏻小辣對我嚟講啱啱好呀🤤佢嘅炸醬食落係甜甜地，酸酸地，配埋酸辣湯底都幾惹味😎而豬骨都唔錯，本身都炆得都夠腍夠入味😍但我就嫌佢細舊咗少少🤣蘿蔔就唔算好腍，不過都夠晒甜🥰總共埋單$50，價錢中規中矩啦❗️不過味道質素唔差👍🏻好味指數：🌟🌟🌟🌟

成日食開都係個間米線，於是今日出動去試下其他米線先，今日就行左過黎，成日路過，都未試過，就食呢間喇。第一次黎食，呢度幾特別，可以自己掃 QR Code 落單，嫌麻煩當然亦可叫店員落單。我就叫左個少有食的「鮮黑柏葉併滷雞腎片最小麻椒米線」。鮮黑柏葉味道麻麻，而且份量都偏少少；滷雞腎片就唔夠滷水；湯底的最小麻椒就幾特別，少少辣咁；米線則略淋左d；而配菜得芽菜同九菜又少左d喎😅整體而言，平時行過都好多人食，到自己食，可能未必岩自己口味，所以都係食返個間米線喇😂

同事力推呢間米線，因為鍾意佢嘅湯底，今日就嚟試吓有幾正首先係呢間小店有做到自助落單，只需掃佢個QR code就可以喺手機點餐，我就覺得好方便，不過又未必個個都識得用呢個function，老人家嚟食就比較論盡。點咗個小食拼盤，有豬扒、雞翼、豬頸肉，我覺得個雞翼做得最出色，豬頸肉其實都好食嘅，不過我見到嗰隻螢光紅色嘅醬汁就有啲驚呢度出名係唔同嘅辣湯底，不過我就怕辣，所以就叫咗清湯米線，再配魚片頭同埋炸醬。呢個炸醬又係嗰隻螢光紅色，同埋感覺非常多油，所以我都冇食晒雖然今次叫嘅食物我就覺得一般，不過我都會俾多次機會佢，下次嚟試吓其他餸先

好耐都冇嚟食了，上一次已經好耐之前，記得係幾好味，今次再嚟幫襯。今次嗌咗個麻椒湯底米線，三個餸包括金菇,鮮雞絲,蠔油花膠。我十分欣賞個湯底配埋啲米線，個湯底夠晒濃味，好香好麻，啱晒我呢啲重口味嘅人，至於啲米線非常有咬口，係我喜歡食嗰種。不過奉勸大家揀辣度嘅時候要小心，我揀咗中辣，平時好食得辣嘅我，都食到個嘴腫晒！😂 不過其實老實講，我覺得啲餸係麻麻地，唔算好出色，個蠔油花膠直頭係失望，因為花膠係最貴嘅餸，要加成13蚊，但係份量好少 ，又硬又乾，一啲都唔好味，食一啖已經唔想食，同深水埗任你點車仔麵差天共地。雖然啲餸麻麻哋，但係只計個湯底同米線，都值得我畀好評。

聽聞呢一間「麻辣川米線」係香港十大米線舖之一，又聽聞佢嘅清湯底好有鮮味。我嗰日就本住去fact check嘅精神就試下，叫「食物。熊貓」 送外賣返屋企食，睇睇佢有冇料到。我買嘅係麵筋腩肉清湯米線。好處之一就係湯同米線係分開載住嘅， 而且嗰啲配料嘅份量都幾多，配料有菜脯、芽菜、韭菜、腐皮。但係米線就唔係好多，對於我呢啲大食嘅人嚟講，只可以話係完全唔會飽肚，只係攝牙罅，食嚟唔會飽肚，咁又有乜嘢意義呢。麵筋同腩肉都唔係好好味，麵筋唔夠入味唔夠林，腩肉都係唔夠入味，而且切得好薄，數量好少又好硬身。畀人講到識飛嘅清湯，飲落去平平無奇不特止！竟然仲係好咸！仲有種中伏嘅感覺睇呢坊間傳言，道聽塗說嘅嘢，真係不信為妙，乜嘢十大米線舖，只係都市傳說。

星期六行完山，幾個朋友都話約咗人食飯，得返我同朋友兩個人，就決定去遠少少食米線。好多年前嚟過呢間餐廳，對佢都冇乜印象。尋日去完，好好彩有一張二人枱吉咗出嚟， 唔使等位！ 呢間鋪頭係用QR code嚟點餐， 如果唔記得帶電話就唔使食！由於行完山，好肚餓嘅關係，我點左麻椒米線配腩肉、肥牛、牛腩、豬皮。四個餸， 67蚊！ 另外再加多一碟雞翼同埋一支可樂。椒麻湯底要左小辣，我差少少就食唔到喇（平時譚仔食開小辣）， 湯底唔算太麻，但是好辣！

叫落單 就要我地用QS code 又要自己禁果度都用左幾分鐘 自己落單甘請店員番黎做咩？我做埋佢果份？我落得黎 佢都幫我寫左手寫單啦做咩唔肯幫我落......好聲好氣唔得......好食就好食 但服務態度唔好真係唔掂囉我只係想快d食野...剩係顧住做外賣 當堂食客唔係人不如唔好開堂食位啦 剩係做外賣店咪得囉講服務 葵芳果間好好多如果真係要再食 一定唔會再幫襯呢間最憎人服務態度差三個人服務一個外賣自取都唔幫我落......

深水埗行完街又唔係好想食西九，想係附近搵野食，行行下見到麻辣川米線。見到都多人食，咁睇睇open rice見到差唔多一百個好評就試下啦。入到黎叫左兩個麻辣酸米線。一個中辣一個小辣。一個配腐皮，一個配蘿蔔加豬大腸。呢個係要自己用手機落單，落唔到就可以叫姐姐幫手。都幾先進，又可以慳返d manpower。落左想加單都唔得，因為佢幾分鐘就整好個米線，加都加唔到單要多個餸。不過唔緊要啦。我地叫多左個小食拼盤。首先講講個米粉。麻辣酸湯底都唔錯，食麵食到底會有川椒粉。酸辣都配合得幾好。不過如果我再食會食大辣。因為佢中辣其實都唔係好辣。米線個硬度非常好。因為有d會煮得太耐而搞到一pat pat。可以配既餸偏向車仔麵類別，個人就唔太覺得夠。想配下炸豬排，南乳雞呢d。雖然湯底同麵都唔錯，算係中上，不過真係無咩驚喜。至於蘿蔔唔合格，完全唔入味之如仲有d生。豬大腸就不過不失咁啦。水準唔差但完全無驚喜。只可以比中等水平。佢個小食有兩隻雞翼，一塊大豬排同埋一塊豬頸肉。豬頸肉都唔錯，唔韌之如又入味。兩隻雞翼可以選擇味道，有蜜糖，川椒等味道。鍾意食辣既我當然選擇川椒。雞翼好好食，皮仲脆好入味，有少少麻辣。中上之作。