麵軒 (已結業)

今天在新城市揾嘢食，全個1/F 只得Oliver's Sandwiches 及Starbuck's同麵軒有早餐賣。前二係典型西餐，食唔慣。後尾食落呢間竟然唔錯！叫咗個幾豐富嘅套餐，有鮮茄火腿通，厚多士，2 X 雞肉腸，本來仲有太陽蛋(本人唔食蛋)，又有即磨咖啡，先至$24咋！！相信以咁嘅環境，算係平通新城市啦。

叫左個128既2人餐1.炸雲吞(幾好食)2.鎮江排骨拼甜酸魚瑰(排骨太咸，魚幾好味)3.豬骨冬粉(頂呀!個侍應落錯單叫佢轉，令返黎話我轉左個張單，咁我冇轉呀ma，係佢落錯我緊係唔食要家)4.上湯浸娃娃菜(有隻烏蠅，我地都唔出聲啦!因為每間食肆都唔係好乾淨，欠你見唔見到。)5.冬菇豆腐竹筒飯(ok啦)2杯飲品-買單$141我覺得唔係好值，冇下次囉!

上星期六中午點幾搵地方食lunch,差唔多成個NTP都食過哂,就試下未去過既麵軒小歇。一心諗住會有驚喜,野食應該唔錯。 嗌左個茶樹菇排骨竹筒飯,10MINS 內有得食。汁唔夠,個飯非常夠熱,茶樹菇多到咩咁排骨可能肉貴唔想比咁多-3-``完全食唔到有咩特別,好寡!!Waitress 態度麻麻!!

與同事去食lunch, 叫了個菜肉雲呑麵餐, 等左成25分鐘都未黎, 同事叫其他野既都差唔多食完, 於是我就問個短髮既女侍應, 如下:我: "唔該同我check下個雲呑麵有未"短髮既女侍應: (目露凶光) "麵係要煮嫁"我(大驚): "下" 短髮既女侍應: "麵呢樣野係要煮, 要15分鐘啦"我(大驚): "都等多過15分鐘啦" 短髮既女侍應: (面露不悅) 我check下囉~隔左一陣佢就拿了碗麵過來, 好明顯, 碗麵既雲呑同麵都淋pet pet, 好似放左好耐先拿出來, 我食左兩啖都食唔落, 真係好差!! 至於個女侍應, 生得唔靚唔緊要, 仲要一d服務態度都無, 佢趕客真係一流, 麵軒請到佢, 相信距離對摺之日不遠了!!

食物方面：珍珠奶茶唔錯,甜度適中。環境方面：ok,但要留意空氣流通。服務方面：比較難講，睇你好唔好彩囉--- 有個別黑面神好似好趕時間咁， 來去沖沖，木無表情。 整體來說，服務有待改進。

到這裏吃個晚飯，點了牛肉火鍋+冰鎮珍珠奶茶+雞軟骨。牛肉火鍋︰選了蕃茄湯底，很香的蕃茄味，比想像中好得多。不過火鍋料就不太好，牛肉色澤暗啞，也只有少量的豆腐、魚滑和大量大大棵的青菜。另外還有玉米麵，不過怎樣都吃不出玉米的味道來。好在湯底味美，可令食物不致於太差。冰鎮珍珠奶茶︰覺得和珍珠奶茶沒甚麼分別，這裏的珍珠奶茶一向都不錯，所以這冰鎮珍珠奶茶也差不到那裡，但也沒有特別。雞軟骨︰炸得不好，頗失望。最令人不滿的是這兒的服務。明明店內有大量座位，卻不讓人入座，只是給人在登記。擾攘了一輪，可以入座了，又安排我倆坐二人桌，但點菜後又要我倆轉去四人桌。這本來是好事，不過店員之間沒有溝通好，桌子沒收拾就叫我們過去，然後我倆就呆呆地在等……總之他們的管理很差。我想他們這一點必須改善。

2007年12月15日今日諗住同朋友o拿o拿聲食完晏就去捐血,由於呢o度近捐血站所以就揀左呢間o野, 唉...點知.....在門口企左成分鐘都冇人理我,眼見店內冇乜客,所以我o地自己個位坐低,坐低左好耐先有人見到我o地,然後就問我o地食乜,上菜速度勁慢,叫o的侍應加水要叫幾次先得閒理我o地,我Ordero左個豬扒飯,諗住要成$52應該都有返咁上下,點知...個飯送到上等左5分鐘先有人肯比隻spoon我,攪到個飯已經開始凍,諗住都算o勒,於是滿有祈望咁食第一啖豬扒.....霉的=(spoon一插落去就甩左一忽豬扒出o黎,完全冇豬扒味....唉...o飯又有陣陣怪味,其實我都攪唔清楚究竟係o的汁有怪味定係o的飯有怪味,結果只係食左兩啖就冇再食....而朋友既肉燥飯反而尚算好食,價錢仲平o的添,不過朋友叫左杯西瓜汁,結果等到佢食飽要我o地趨o的侍應先送上o黎,但係其他客都係上左飲品先到主菜(包括我)..唉..我o地肯定後都唔會再o黎.....

6/12/2007今次一行6人吃晚餐。6個人，點了三個二人套餐，一個一人餐。套餐有小食，有菜，有焗飯，有小菜，還有飲品。我點了很多東西啊！味道可以，吃得很飽。兩個人吃二人套餐，應該夠吃的。是我們大吃吧！匯豐卡滿$200還有9折。很滿足的一餐。

灣仔個間麵軒, 我同同事成日去食, 開左都吾係好耐, 但裡面有個staff叫呀yan的, 態度非常非常之差, 係我地一班同事公認的, 例如, 落錯單, 叫佢換, 佢會咀喵喵, 好吾高興, 好似我地爭佢錢咁, 但經理係度果陣, 佢會變面, 笑口o騎o騎, 同平時黑口黑面, 簡直就係兩個人, 對呢種人, 好失望, 我地會盡量少去, 免得貼錢買難受!!

呢排都好少打食評,但係今次忙都要打下...因為呢間真係唔掂!昨日同兩個friend去食下午茶,坐落後成五分鐘都冇人理~~想叫野食,叫個侍應過黎佢\\\\\\\就舉手hea完我地之後就冇回頭,叫左幾分鐘終於有人理~~好喇落單喇,個經理審犯咁審,大大聲\\\\\\\"食乜...講多次...到你...\\\\\\\"佢\\\\\\\好rude,不是茶餐\\\\\\\廳的聲氣,係唔耐煩的聲氣,黑口黑面去做殯儀啦~~叫完餐\\\\\\\都冇人俾杯水我地...要叫先去o羅...原本落單時我叫o左個冬陰湯底米粉,等o左十幾分鐘個黑面經理走黎話冇今日冇冬陰湯底...唔係呀ma??你落單都唔發覺搞o左咁耐先同我講...最後我改了蕃茄湯底....之後再等o左成三四個字d o野都未黎,終於係我個米粉黎先,但係不是蕃茄湯而是普通的豬骨湯底,我問佢\\\\\\\個侍應都係好冇禮貌咁講\\\\\\\"使唔使換俾你\\\\\\\"...最後我都係冇換...我一個friend叫o左雞翼拼盤另一個就o左個炸豆腐拼脆皮腸拼春卷...我食完成個粉我兩個friend都冇野食...最後再等了兩個字終於d o野黎齊,但係個豆腐又

dinner 叫兩個set, 都好唔掂>.<我叫o左個芥末豬扒飯, 完全被佢o既名誤導晒!!!我仲以為係芥末醃製或者有芥末汁的豬扒, 點知係.....一塊自己都識煎O既豬扒+ 芥末汁一兜我見到時真係啞到滴晒汗!!! 唔係嘛?!咁豬扒+ 一碟茄汁= 茄汁豬扒嘛??叫set 係為o左有小食, 只有牛展供應, 雖然話係小食, 都唔洗少成咁呀?? 係得3 薄塊囉.....簡直係今餐又一絕!米線湯淡而冇味, 仲衰過o係屋企煮o既超力米線.....成餐最好係個蘆薈綠茶, 好多蘆薈粒粒

晚上六時，新開的foodcourt地帶持續多人，S字頭Pizza店居然要等一百張桌?!記得OR上這裡評價不錯，價錢亦平，又沒人龍便來一試。可惜不論食物、服務及環境都大大的失望。首先，地方非常迫，我們被安排一張兩人小圓桌，桌小得可憐，比大家樂的standard長方桌還小。見二人餐食物種類頗多元化，便點了一個$128餐。食物逐一上場，但小小的桌子卻放不下全部食物！未吃印象分已扣了一截。食具－－問侍者拿兩隻小碗，小碗內卻仍然洗碗後的生水，感覺有點不清潔。餐湯（南瓜湯）－－稀得像水一般，實在喝不下去炸雲吞及春卷－－居然係全個餐最好食肉燥飯－－飯大大碗，但肉燥好少甜酸魚塊－－軟扒扒的炸漿包著魚塊，甜酸味亦吃不出紅燒排骨－－小辣，排骨肉淋度適中紅椒忌廉鴨胸木桶焗飯－－虧它還是招牌菜式，紅椒汁沒有紅椒，只有一堆怪味的淡橙色汁。飯顯色不是新鮮焗起，基本上連焗也談不上，濕淋淋的，比較似燴飯。餐飲－－台式飲品，不過不失。服務－－侍應粗心大意，正如樓下所講，當我在吃主菜時繼續將另一個主菜放在我面前。食到中途收碟時不慎將紙巾掃到地上，但又不提供新的紙巾。埋單$142，以此等食物及服務質素一點也不值，男友亦大表

早2日去到沙田，見倒又裝修，好大塵，走到最尾，間麵軒仲系度！呢排原來出o左新晚餐！都好耐未轉過lu！我叫左人餐，都幾抵食！仲要飲埋珍珠奶茶，好飽！有進步呢！最美中不足，樓面較為反應slow 囉，同埋如果加番特式小食呀、沙律呀、甜品呀咁就好lu。。。。淨系食麵好悶ge！(系呀,,,cheese cake唔咪咁fresh)我下次都會再去試其他晚餐配搭，呵呵！！！

於人多既沙田來說，"麵軒"是其中一個又唔想等位價錢及服務都很OK的不二之選．之前我更付了20元申請了VIP卡每次惠顧均有折扣．可惜，有一個月沒有去了，8月14日再去，他們的水準令我非常非常非常非常失望．當時大概晚上8時，並沒有人等侯，於是我們等了一會見沒有人接待便直接行走到剛剛正執拾中的卡位傍等侯，當時女服務員看見我們時，態度不滿地說有人等位你出門口等等，我們便回到門口等但看見輪侯紙上根本沒有人等侯，我們也沒有所謂．待服務員執拾完畢，再等多５分鐘，才有另一位服務員帶位．剛巧後面正來了４個人，她們看見服務員便跟她說要等卡位．於是服務員便帶我們到入面一張細小的二人台附近也坐滿人（當時我們兩人都挽著一個很大的手袋及手抽著紙袋），那兩人台跟本不夠坐，我們不可能挽著我們的大包包吃飯啊．於是我們便說我們想坐卡位，她便說後面有人等卡位，你們不能坐，於是我們也語帶平和的說，我們挽著大包包不夠坐啊，於是該服務員很不願意地一路“蔑”嘴一路讓我們坐卡位．事實上，當是餘下的卡位根本坐不下４．坐下便點菜了：番茄豬軟骨湯麵熱珍珠奶茶鹽酥雞豬扒焗飯（唔係幾記得個名）湯麵跟飲品及鹽酥雞先到，那個服務員每次都是隨便放下

好少行過黎呢度食既,本身同男朋友仔諗住去genki 食sushi行行下見到地下果度開左好多新餐廳,shakey pizza 呀hip sushi呀pakeview呀,UCC咁....最後都係食左呢間下午茶的確幾抵,d麵/飯都係29-31蚊有杯野飲!佢dinna要成5-6十蚊啦!!我叫左菜肉雲吞麵+芣芽珍珠菜肉雲吞一般,因為我食開d係咸既,呢個有d甜,都ok~有成5大隻!!!麵好食,個湯底幾好,唔太清又不是過濃!!!個杯野飲都都飲,好過茶軒^^男朋友仔叫左酥雞,好食,armarm炸起!!!!!<--呢個正我上次都食過~~~~overall,好食呀!!!!!!!!!同埋個位坐得好舒服......不過都唔知幾時先可以再tea一tea lu><