麵棧 (已結業)

星期六晚0係屯門考完試﹐去到荃灣已是差不多8點﹐餓得很呢因為之後要買d野﹐要揀一間可以快d食完的﹐就來了麵棧選了廣受好評既菜肉餃麵男友就揀左以前食過覺得唔錯既香蔥豬扒麵菜肉餃皮幾薄﹐菜肉比例大概是九比一度﹐或者是9.5比0.5﹐因為菜有很多﹐都是切得很細很細的. 夠健康﹐都幾好食豬扒ok﹐唔油 味道也不錯. 但男友話覺得以前黎好食d﹐而且比較起來好似隔幾間鋪既魚鱻魚湯專門店既古法炸豬扒較好食麵質是不錯的﹐有嚼勁又不會過淋。湯是比較清淡那種﹐個人覺得加左少少辣椒醬會較好呢度d辣椒醬係偏咸的﹐有少少豆豉味﹐都幾好味其實呢度d麵都算大碗但係因為實在太肚餓﹐以九秒九的速度就食完了 ^ ^ 可能因為嗌既係菜肉餃﹐覺得清淡左少少﹐下次應該要嗌惹味一點的餸呢

　　幫襯了麵棧都有一年多的時間，大部份時間都是在下午茶時段，因為便宜嘛 一個女孩子又不需要吃太多。　　喜歡麵棧是因為他的麵,我不曉得真正的山東麵是什麼樣子的,但無論如何,入口有咬勁、彈牙就是好麵。　　配菜也做得不賴，我個人喜好濃味和肉食，沒有嘗過大家推介的菜肉餃和白肉，通常是叫蜜味醉雞腿、麻辣雞塊，也有嘗過甜酸鴨和鐵版雞。　　蜜味醉雞腿：最常吃，真的有酒味，頗甜，雞腿滑溜且入味　　麻辣雞塊：真的是麻辣，平時受得了辣的我一杯豆漿都止不了　　甜酸鴨：個人不太喜歡，味道似豬腳薑（？！）　　鐵版雞：我覺得像鼓油雞，又有點像蜜味醉雞腿　　還有湯底都不錯，似沒放味精（我不太懂分辨），配麵就剛剛好，不會暄賓奪主。　　總括來說，整體感覺不錯。

睇完依度食評話菜肉餃好食,咪來試下囉,點知菜肉餃 入面只係用攪拌機 攪碎到好幼既白菜同豬肉,一d口感都冇!而且d白菜煮得唔夠熟,仲有d白菜既酸味個湯亦都唔好味,個麵就有d口感,不過冇人地講既麵味$26 淨係一碗麵, 唔會推介人來依度食.

對上一次黎呢度食野已經係差唔多一年前既事啦果時覺得呢度d麵實在係平平無奇.....唔知點解會係荃灣匿食店最高分果間~點知尋晚抱住"是但搵d野食"既心態再黎幫襯一次~諗住諗唔到咩好食就試下啦~~~反正都冇太大期望點知一食就覺得:真係好好味~~!!!!!叫左個東波肉麵,冇分開上,算啦湯同麵好配合麵有口感,又唔會太淋,時間掌握得好好肉好入味,一咬落去唔覺油膩,好味不過亞姐們既做野方式我就唔係太認同啦..有客人要求落單,亞姐們竟然執台同個客講:執緊野呀一陣先幫你啦聽到有點無奈.....唔可以幫左個客落單先再執架咩..反正煮麵都要等...以後係一個亞姐先係咁做野~點知隔左陣另一邊個亞姐又係咁=.=~不過算啦....野食好味已經好好^^

這又是我兩小口子覓食的時候，在路德圍繞了兩圈，真的沒有頭緒吃什麼。經過一間山東麵店門外，有個男人叫嚷“啲麵係我打嘅，入嚟試吓啦！”相信他是打麵師傅兼老闆吧，我們就被他自己做的麵吸引了，於是決定一試。炸豬扒麵，湯好清，麵好彈牙，豬扒好滑，果然是一碗好麵牛腩麵，可以啦，牛腩味道不均勻，有些較濃味，有些淡少許，肉質一般，但湯底加了腩汁還是很清而帶有腩汁味再要多一碟芥蘭菜及一杯凍豆漿，這便是簡簡單單的晚餐了

平均~1個月我都會特定去食1-2次. 黎度既湯好清甜, 我鍾意食黎度既湯底清淡得黎帶有鮮甜既味道.面條稔度控制得剛剛好! 而配料方面有好多選擇, 我幾欣賞菜肉餃.鍾意食肉既朋友, 炸豬扒都唔錯

香港真好，咩都有得食，唔一定要好有錢先至咩都有得食，或者先食到好嘢，好似食麵咁，搵啱窿路唔使花太多一樣食到好嘢！講開食麵，細細個嘅時候凈係雲吞麵、牛腩河之類，依家真係五花八門，唔好講其他國家地方，凈係我國，又蘭州拉麵、又雲南米線……今趟走訪哩個山東麵，果然名不虛傳無吹水，唔同麵有唔同嘅特色，佢哋自家拉嘅山東麵，真係好有咬勁，D麵浸耐咗都仲未變腍，一樣都咁煙韌，可以慢慢細嚼，唔使急！湯底亦不容錯過，飲落有雞湯鮮味，唔會「淡茂茂」，但又唔係味精水，飲完好「渴」喉！叫咗個秘制羊肉麵（$30）同一個凈菜肉餃（$26）。秘制羊肉，初時以為個羊肉會係一片片，原來係羊腩，炆得夠腍夠入味，充滿南乳香，不過奇就奇在有羊肉嘅味，但無羊肉嘅羶，啱晒D怕羶又想食羊嘅人喇，相反，好似我哩種鍾意食羶味嘅，就覺得未夠喉喇！個凈菜肉餃水準非常高，皮薄唔在講，菜與肉切得極之微碎幼細，最緊要係兩者比例又剛好，唔會話為慳成本亂落肥豬肉，所以真啱食！

今晚又可以食到下午茶餐, 唔只抵食, 份量仲啱哂我, 一舉兩得!次次都叫蘿蔔餃麵 (塊面敏感, 要走湯) + 凍豆漿, $20, 蘿蔔餃三隻, 又係有啲心理作用好似縮咗水, 麵質又剛好, 有啲酸菜, 津白! 老公叫鮮荀麵, 但無, 轉咗雞絲冷麵, 醬料有甜麵醬, 麻醬同蘿蔔蓉 + 凍豆漿, $19, 灼菜心, $9, 大大碟幾抵食, 不過, 而家唔當造, 唔甜!呢度既麵唔係人人都鍾意食, 再一次介紹俾大家....如果你鍾意清清地既上海麵, 呢度先係你杯茶!

唔經唔覺, 喺呢度食野都有8年左右了可以話係佢第一批的食客自從食過亞老闆佢親手打既面之後就深深愛上了嗰種口感同面的香味仲有佢嗰碗湯同菜餃.........之後就成日帶d朋友和同事去食, 當然仲有同女朋友啦尤其係d女仔好鍾意食佢d菜餃架有時打邊爐都會買d番去俾d未食過的朋友試下初時邊有咁多款餸架唔知係咪情意結呢始終都係覺得d新加的菜式冇舊的咁好食以前淨係見到嗰間雲南米線排哂隊好奇怪點解咁好食的面冇乜人識欣賞不過依家真係好開心睇到佢咁多客, 咁多人都欣賞呢碗面黎老闆, 我真係好欣賞你呢份堅持同對食物的執著不過, 好希望你唔好好似某間米線咁淨係掛住不斷擴充, 而唔理質素下降呀就算依家開咗分店, 都要努力保持水準呀

星期五及星期六都分別來了這兒吃麵, 星期五要了雞絲冰鎮拉麵, 麵來了, 第一口咬下去, 嘩, 心想, 果然不錯, 麵質煙un有嚼勁, 跟一般粉麵店提供的麵質不可同日而語. 這家店sell的是麵, 果然有兩度板斧. 而那個雞絲冰鎮冷麵整體來說也不錯, 很適合大熱天時來一碗!!!!由於星期五吃過覺得好吃, 於是星期六晚又來吃了一碗雞絲冰鎮冷麵. 第二次吃的感覺也是跟第一次一樣呢, 都是很好吃!!!不過, 發覺這兒加了價了, 由最初的20元, 加到現在26元一碗, 無辦法, 通脹實在是太厲害了!!!!!另外, 有食友說這兒的黎老闆很親切友善, 星期六晚上也見識了, 話說當我吃完離開時,時間也已經是晚上十一時左右, 這兒有一對夫婦進來, 那位太太問幾時關門, 黎老闆立刻帶笑說做到你們吃完為止, 沒有所謂, 很窩心的一句說話, 而且只是簡單的一句說話, 也充分顯示了他對客人的重視, 真是一位重視客人及有誠意的好老闆!!!!!!

我地都有幾耐時間無黎啦! 今日放假, 中午時段都唔太多人, 我例牌叫咗個蘿蔔餃麵, $26+$1, 老公要醬爆荀麵, $26, 灼菜心, $9! 蘿蔔餃多了點古月粉味, 好似無咁多蘿蔔絲, 但都好食, 最緊要又有酸菜, 麵都幾多, 其實都係上海麵, 偏硬, 啱我! 老公既碗荀麵, 我食咗一件荀, 唔油, 好似冬天既好食啲, 爽啲! 菜心亦夠腍! 喜愛濃味既你一定唔啱!

lunch食左個蜜味醉雞腿麵都不錯可能通脹關係吧!價錢貴左少少,如果$22 會ok D麵質彈牙,蜜味醉雞腿不是hea的相信是用紹興酒浸過再"老"水,不過雞腿唔會太枚相信會再來食!

麵棧老闆姓黎，面圓圓高高大大，也可以稱之為「肥佬黎」吧！據某旅遊雜誌的香港麵食特集介紹（有唔少明星幫襯過），老闆在山東長大，來港後懷念故鄉的味道，終於學懂制造山東麵。這麵是肥佬黎手打，麵身不粗不幼，口感煙，簡單直接的麵粉味道。湯底是他親手製作的鮮上湯，每次我都會飲光。有些食客甚至再加上湯淨飲。至於配料的口味，個人認為他對麵和湯都有足夠信心，配菜就盡量度出最多樣化的味道來迎合不同口味：清淡爽口的豬頸肉、以咸香為主的肥佬酢醬（其實我一直唔認為炸醬係酸甜味）、大粒飽肚的菜肉餃、麻辣羊肉、甚至有味道接近雞絲粉皮的冷麵......基本上無論配菜是怎樣的味道，那山東麵的粗獷豪邁個性依然不變。記得有一晩天寒地凍我餓到無力上路，他收鋪時間打發所有員工收工，自己一個留低，做我一碗麵的生意，麵本身固然能飽肚，熱熱的鮮湯底也好暖身，但老闆的古道熱腸更暖了我心呢！（呢段大家可以SKIP）飲品方面例如豆漿、汽水純屬聊備一格，事關老闆主力在麵！近年他在旺角開了分店，可喜可賀！但始終肥佬黎都愛親力親為，我怕主店質素下降。

去過兩次，如果話係北方菜，又唔算正宗。白肉麵都ok 既，但麵質又唔算好彈牙，同一般上海麵差唔多。唔知係我唔好彩定係點，我入去10 分鐘都冇人執枱，又抹得好求其，搞到食慾大減咯。

上課前醫肚時間, 原本想到<魚魚魚魚>食魚湯米線, 點知很多人, 惟有去鄰近的這間店舖.叫了蜜香醉雞脾麵, 湯底清而帶少許甜, 麵似手打, 煙韌不索湯.蜜香醉雞脾嗜不出酒味, 無論外表和味道都只是似此豉油雞脾, 幸妤肉嫩入味.試吃了友人的酸荀, 大大舊爽口無渣, 略為咸了些.