麵屋常勝 (已結業)

喺朋友的力推下，終於可以一嘗呢間主打「無味精湯」嘅拉麵🤩 雖然係食日本嘢，但餐廳裝潢加入咗唔少香港人嘅童年回憶嘅元素，例如保留咗街機，嚟呢度食仲可以係「免費打機」🕹，呢種setting的確好有以前舊鋪小店嘅感覺，見到就回憶起細個嘅時光🎞以小店嚟講，呢間拉麵嘅選擇真係好多，滿足到唔同嘅人口味😋重點係主打「無味精湯」🤩今次同朋友一人一碗，分別嗌咗人氣之選嘅🌟極上濃蝦湯叉燒拉麵 & 人氣雞白湯叉燒拉麵🔆極上濃蝦湯叉燒拉麵個湯底好濃郁鮮味，每一口都充滿咗蝦嘅鮮甜味，再加埋多汁嘅叉燒，不自覺地會想將個蝦湯底飲曬，而且麵質都彈牙，餐牌上仲有得指定軟硬嘅程度，感受到店家嘅用心。🔆 人氣雞白湯叉燒拉麵個湯底係以清淡鮮美嘅雞湯為底，再加上口感嫩滑嘅叉燒，味道清新唔油膩，而且個湯底又係一啲負擔感都冇，又係一口氣飲完咗個湯😎🔆各款唔同嘅小食作配搭只要跟餐+hkd22就可以加配小食同日本汽水，小食嘅份量同味道都好高質，整體嘅性價比頗高。相信喺觀塘打滖嘅朋友都未必會認識呢間小店，但試完之後完全明白食物味道就係最好嘅口碑👍🏻推薦大家嚟！

Happy Friday約左朋友食飯，我地去咗東廣場見到麵屋常勝嘅餐單唔錯，仲有遊戲機玩，係細個會玩嘅拳王，真係回憶返晒黎，吸引左我地去試。兩個人揀咗一個雞白湯叉燒拉麵，一個吉列蝦叉燒濃蝦湯拉麵，另外仲叫左蟹肉忌廉薯餅同芝麻手羽。先講雞白湯拉麵，湯底濃郁唔油膩，每啖湯都有濃濃嘅雞味，面底彈牙爽口，一路浸住湯食都唔會變腍。叉燒肉質嫩滑有咬口，煮得唔錯。拉麵送嘅糖心蛋，熟到適中，一咬落去全部都係蛋黃😍之後係吉列蝦叉燒濃蝦湯拉麵，一望落去橙紅色湯底，就知道呢個湯係用咗好多蝦去熬製，飲落去，成個口都係蝦味，同樣都係唔油膩，飲吓飲吓差啲飲晒成個湯🙈另外再加埋個明太子，可以講昇華左成個麵，味道好夾，海鮮味濃厚。吉列蝦嚟到嘅時候都係熱辣辣，金黃鬆脆，令人忍唔住即刻想食，蝦肉冇太多雪味，相信烹調嘅時候有落足心機。兩款拉麵嘅湯底都鮮味十足，完全食唔出有味精。之後講吓小食，薯餅都係色澤金黃色，外脆內軟，一咬落去個薯餅，d蟹肉忌廉爆出嚟，同埋佢個蟹肉都算多，食落都食得出有蟹肉，冇話揸流攤。雞翼外皮金黃鬆脆，一咬落去雞肉嫩滑，同埋調味做得好，唔會有雪味又會夠晒惹味。埋單都係每人百零蚊性價比非常之高，會再番黎幫

今晚放工去左觀塘做facial，之後就過左對面東廣場搵食。拉麵店感覺懷舊，日式風格，牆上貼左昭和年代海報。門口亦擺放著昭和時代街機，客人邊等邊打機，充滿兒時回憶。餐牌有成10款拉麵選擇，我就揀左佢哋招牌菜，另外加左隻糖心蛋同小食。極上濃蝦湯叉燒拉麵：叉燒煎過夠香，肥瘦均勻，配料有木耳同埋紫菜等，另外仲加左左隻糖心蛋。糖心蛋煮得剛剛好，流心晒。自家製蝦湯底味道好濃，重蝦味，無味精，唔太鹹，感受到佢用心製作。拉麵吸晒d蝦湯，好好味，最後我連湯都飲埋，性價比高。炸魷魚鬚：剛炸起，好熱，好脆好香口，夠味道。

最近朋友推介我去觀塘廣場嘅麵屋常勝 話嗰度嘅拉麵好食價錢又合理 於是我就決定一試吉列蝦龍蝦湯叉燒拉麵 ($108)呢款拉麵真係令我驚喜！湯底用龍蝦熬成 味道濃郁 比較甜 而且湯無味精配上外脆內嫩ge吉列蝦 好好食叉燒方面切得薄厚適中 肉質嫩滑與湯底好夾的呢明太子豚骨清湯叉燒拉麵 ($78)加左錢轉烏冬 有另一番風味豚骨湯底清湯 味道輕盈 但仍然保留咗豚骨嘅香氣明太子嘅加入 多咗一層香辣味同埋鹹香 明太子份量超多的呢~~套餐B 炸章魚球 ($22)外脆內軟 章魚肉質彈牙沾上醬汁更添風味 2粒份量岩岩好我仲試咗兩款日本汽水：波子汽水 ($12) 同蜜瓜汽水 ($12)波子汽水清爽可口 蜜瓜汽水則甜而不膩兩款都係好嘅配搭 即刻有日式feel ~呢間麵屋常勝嘅拉麵質素相當高無論湯底、配料都十分用心 性價比高!! 價錢亦相對合理 值得一試

位於東廣場性價比高日式拉麵店，有多種不同湯底選擇，更不含味精真材實料，而且所有款式都可以轉鳥冬，岩晒所有人口味。🍜- 極上濃蝦湯叉燒拉麵 HK$88 🦐🍜蝦味濃郁湯拉麵!!呢款濃蝦湯底味道濃厚，蝦膏鮮味亦十分足夠。叉燒共有5片，份量好充足，肉香及鹵水香非常足夠，油脂香氣十足，肉質有口感但不會太過熟。- 吉列牡蠣 HK$22 🦪蠔肉都幾飽滿而且唔會有臭味，炸粉厚薄岩岩好唔會炸得太乾，跟餐的話可以一試。- 黑蒜油豚骨湯叉燒拉麵 HK$76 🐷🍜- 明太子豚骨清湯叉燒拉麵 HK$78 🐟🐷🍜- 人氣雞白湯叉燒拉麵 HK$88 🐣🍜- 滋味雞軟骨 HK$38 🐣- 日式炸餃子 HK$22 🥟

麵屋常勝地址: 觀塘成業街7號東廣場地下G52-53號舖專食不同濃湯的拉麵，我是吸水大笨象，湯湯水水我每日飲好多，見到濃湯二字即被吸引，一於同朋友食個early dinner 啦 濃蝦湯叉燒拉麵比較少見，都唔洗多考慮，立即點，硬麵再追加蛋同$22 小食雞軟骨+飲品。 同炸蠔就是熱辣辣外層美味。蝦湯有點膏殼香，是像西式的龍蝦湯味道，飲入口有股甘味。雞白湯叉燒拉麵，個湯好似白忌廉湯，好creamy非常掛湯，薄叉燒入口即化。追加小食，好抵食人均$120 #好去處 #igable #假日好去處 #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介

喺東廣場有間拉麵小店，位置唔算多，下午茶時間無咩人，店內環境幾別緻，而且環境都幾乾淨。餐牌選擇都算幾多種類，不過唔係太肚餓就冇叫到小食。兩個人分別叫左黑蒜油豚骨湯叉燒拉麵同明太子豚骨清湯叉燒拉麵，揀左硬麵。黑蒜油好香，滿滿的配料，佢既湯底都唔錯，麵質唔算特別硬，份量正常既，不過叉燒偏薄😂明太子既同樣係豚骨湯，佢係清湯底，而且明太子比想像中多好多，撈埋落個湯一齊食好香好濃郁啖啖都食都有明太子嘅香味

觀塘東廣場有唔少餐廳，所以係到搵野食。見到呢間拉麵店都幾多人食，就等下位。叫左兩碗唔同湯底嘅拉麵，一碗係極上濃蝦湯叉燒拉麵，另一碗係黑蒜油豚骨叉燒拉麵。拉麵上枱會以為好細碗，但其實只係個碗細，拉麵嘅份量係同平時出面食嘅差唔多。濃蝦湯拉麵嘅湯底飲落有超濃郁嘅蝦味，飲得出落左唔少蝦殼去煲個湯底，麵嘅口感可以自己揀硬定軟。配料有三塊叉燒、木耳、蔥花、昆布，好足料。叉燒好軟腍入味。呢款拉麵真係推介👍🏻另一配黑蒜油豚骨拉麵就係用左大量豚骨熬煮個湯底，再加入黑蒜油，食到香濃嘅蒜味，配料同濃湯嘅一樣。我地仲額外加隻糖心蛋。拉麵可以加22蚊升級套餐，包汽水同小食。叫左一款係炸雞軟骨，另一款吉列牡蠣，呢到嘅炸物炸得好酥脆。炸魷魚鬚外套酥脆，魷魚口感爽口彈牙。炸章魚球味道都唔錯，加左好多醬汁，梅子醬、蛋黃醬，海苔碎、木魚絲，章魚丸就係要多醬先好食🤤

【拉麵小店湯底取勝·仲提供娛樂😁】/////觀塘地下商場隱藏住呢間拉麵小店裝修十足日本拉麵店🇯🇵可以聽住動漫BGM食拉麵 食飽仲可以玩遊戲機對決😙｜極尚龍蝦湯叉燒拉麵 ($88)蝦湯味道非常香濃 飲落去係鮮甜嗰種😍叉燒份量足夠 口感軟腍 脂肪均匀有大量昆布 木耳做配菜 清淡又美味～｜升級套餐(+$22)揀咗炸蠔 生可樂($+12)炸蠔外皮制作得金黃脆身!!但海水味較重🥲生可樂似普通百事 個人建議唔洗加錢叫呢款

慶祝出糧日今日可以食好少少🫢揀左間日本拉麵止下拉麵癮！鋪頭走日式復古風 牆上貼滿唔同日式poster枱面亦都有好多日式公仔最特別係門口有兩部懷舊遊戲機等麵既時候可以玩🤣（不過都玩唔到好耐，因為上菜好快🤤極上濃蝦湯叉燒拉麵+溏心蛋作為餐廳招牌 一定要試以濃郁的蝦湯為底 湯底濃郁鮮甜🫢要讚一讚份量勁多麵條軟硬適中 係細個食x千拉麵個隻麵條仲可以揀要軟定硬！好有咬口！讚讚好鐘意拉麵上面嘅海量京蔥同日本木耳！口感更加清爽叉燒有三塊🫶🏻炙燒過之後更加好味 鐘意佢唔會好肥又煮到勁腍 無牙人士都食到😍第二個招牌濃郁雞白湯叉燒拉麵呢個湯頭嚟講相對就比較清淡不過我都覺得好好食😋雞叉燒仲可以睇到雞肉本身嘅纖維個人更加愛雞叉燒！呢一款拉麵仲會再配多隻溏心蛋，好正😍炸魷魚鬚要讚一讚喺呢度啲小食唔貴20幾蚊就叫到一個呢個炸魷魚鬚簡直係兒時回憶既小食炸到唔會乾 魷魚鬚仲好大條大舊個炸漿果得好好 每啖都好脆呢個價錢仲比呢個份量好佛心🥹唯一缺點係份量極多～啲麵好似食極都食唔哂 好飽呀～

約左朋友嚟觀塘食晚餐，在東廣場行了一圈，就被這間拉麵店吸引了🍜餐廳裝修充滿咗日式懷舊氣氛，有懷舊poster，擺設有一啲兒時玩具同卡通人物，舖頭中間仲有一部舊式遊戲機可以免費玩。感覺真係好似時光倒流，返咗去好多年前嘅日本🏯🇯🇵見到餐牌N1同N7都有三個手指公👍🏼👍🏼👍🏼一於試下。 朋友點了N1-極上濃蝦湯叉燒拉麵🦞，我就點了N7-人氣雞白湯叉燒拉麵。我地亦追加一隻糖心蛋🥚。本身個拉麵已經配有木耳、海藻同幾塊日式叉燒🥓。我都忍唔住試咗朋友碗蝦湯湯底，真係大贊👍🏼👍🏼好有濃郁嘅蝦味😋😋，雞白湯亦非常出色👍🏼👍🏼，食唔出有味精，又唔會太鹹，叉燒肥瘦均勻😋，睇得出廚師精心製作。另外，我地加配左滋味分享盤，有吉列蠔、吉列蝦🍤、炸魷魚鬚🦑同炸雞軟骨同兩隻雞翼。值得一讚嘅係吉列蠔🦪外皮非常鬆脆，內裏Juicy，而炸魷魚鬚食落又唔會太韌。飲品朋友叫了樽裝玄米茶，我就叫咗百事生可樂，配炸物真係一流呀👍🏼

未步入麵屋常勝，已經彷彿踏進了一個時光隧道，門口放置兩部懷舊遊戲機，食客可以免費試玩，體驗7,80年代街機情懷入比舖頭，滿牆的海報和懷舊玩具，一門之隔，已讓人不禁回憶起過往的美好時光。然而，麵屋常勝的魅力不僅僅在於它的懷舊氛圍，更在於它那一碗極上濃蝦湯叉燒拉麵。這碗拉麵以其濃郁的蝦湯為基底，讓人一口便感受到主廚的用心。蝦湯的鮮甜滋味彷彿來自海蝦的恩賜，讓人回味無窮。而叉燒的肉質柔嫩多汁，幾乎入口即化，散發出香氣四溢的肉香味，令人垂涎欲滴。如果你想要更多的選擇，他的吉列蝦絕對不能錯過。濃郁嘅蝦湯配搭香炸蝦嘅口感，豐富了拉麵嘅食感，增添了一抹鮮味。這道菜品給人一種豪華而又滿足的感覺，讓人愛不釋手。除了叉燒拉麵，吉列豚肉也是推薦之作。豚肉經過精心的燉煮，肉質鮮嫩，滋味濃郁，令人回味無窮。搭配上湯汁濃郁的拉麵，絕對是一對絕妙的組合，令人難以忘懷。在這些美味佳餚中，配料加上糖心蛋更是不可或缺的一部分。一口溢岀蛋黃濃稠，蛋白柔軟，每一口都散發出濃郁的蛋香，為拉麵增添了層次感。麵屋常勝嘅餐點不僅口味出眾，更能感受到主廚們的用心。他們嚴選新鮮食材，精心烹飪，給每一位顧客帶來一種美食的享受。而且，它強調

係觀塘買完嘢，就去咗東廣場搵食😂見到佢寫話食拉麵免費打機，好吸引😍係細個最鐘意打嘅機，超有回憶呀🎉而且佢裝修得好日系👍🏼極上濃蝦湯拉麵 $88見好多人推就一於就試下佢！個湯濃到好似龍蝦湯咁😍香香甜甜咁，真係好正！拉麵麵質亦都真係如我地所叫嘅偏硬，無鹼水味👍🏼叉燒唔算好深刻，正正常常，仲配有海帶，木耳絲，大蔥👍🏼👍🏼濃郁雞白湯叉燒拉麵 $88無濃蝦湯咁濃味，但食到雞味！佢寫明無加味精，所以食落個味好舒服，唔會太strong!我仲加咗溏心蛋，唔夠味有小小覺得，不過入面超流心😍😍滋味分享盤 $782個人食啱哂👍🏼性價比高！有炸魷魚，芝麻雞翼，炸蝦，炸生蠔，雞軟骨！超級豐富😜而且全都新鮮炸起，熱辣辣👍🏼👍🏼凍檸樂 $12用zero正！咁熱飲，條氣爽哂！！日式波子汽水好耐無飲過！都係童年回憶🥹🥹

麻辣赤身豚骨叉燒拉麵 ❤️推介啲湯底勁香濃，仲要有啲微微辣味，佢嘅味道係中式嗰種麻辣味，麵條又夠彈牙，仲要幾大碗，我自己額外加咗啲椰菜，吸咗少少麻辣味啱啱好。濃雞白湯叉燒拉麵啲湯底濃郁到爆，叉燒肉質腍腍咁嫩滑，又唔會太肥膩，啲麵條吸足啲湯汁，味道更加突出。糖心蛋另外加咗個糖心蛋，啲蛋黃流心軟綿綿，一切入口就係一股濃濃嘅蛋香，啲蛋白又煮得剛剛好，唔會硬過頭枝豆套餐揀咗枝豆，啲枝豆煮得剛剛好，唔會太爛太硬，啲鹽分平衡啲豆味，一粒粒好快食晒。雞軟骨 推介份量好多，仲要熱辣辣上，非常香又脆口。 而且佢嘅炸粉唔會太多，加上醬汁七味粉同檸檬，正！ 整體來講呢間餐廳性價比都幾高，而且位置都好方便，套餐都幾抵食。可以再encore

觀塘東廣場嘅「麵屋常勝」係一間日式拉麵嘅餐廳。今次去食嘅晚餐，我選擇咗佢哋兩款特色拉麵：黑蒜由豚骨湯叉燒拉麵同極上濃蝦湯拉麵，再配上吉列牡蠣同芝麻手羽小食，最後飲咗一杯凍檸檬底生可樂。首先講下黑蒜由豚骨湯叉燒拉麵，呢款拉麵嘅湯底香濃惹味，黑蒜嘅加入令湯頭更加濃郁，有種深邃嘅味道，同時豚骨湯底嘅鮮味都係一流。拉麵嘅叉燒肉厚實多汁，每一口都食到肉嘅香味同彈性。再加上拉麵我揀咗硬麵，好有咬後，令呢個經典款式變得更加出色。極上濃蝦湯拉麵就更加特別，味道濃郁得嚟唔會過於油膩，充滿咗海鮮嘅鮮甜味。加咗明太子之後，更加增添咗鹹香味，每一啖拉麵都充滿驚喜。吉列牡蠣外脆內軟，海鮮味道鮮美；而芝麻手羽則烤得香口，芝麻嘅香味同雞肉嘅鮮嫩完美融合。飲品方面，凍檸檬底生可樂非常獨特，冰涼嘅檸檬與生可樂嘅組合清新解膩，係完美嘅飯後飲品，幫助消化同清理味蕾。整體嚟講，「麵屋常勝」嘅用餐環境同服務都相當不錯，店員親切有禮，效率高。無論係想品嘗正宗日式拉麵，或者尋找一個放鬆心情打下機嘅好地方，「麵屋常勝」都係一個值得一試嘅選擇。下次喺觀塘，記得唔好錯過呢間提供高質拉麵嘅餐廳，保證令你滿意而歸！