麪譜車仔麵

成日返工都係食快餐同頹飯，大埔既朋友有日介紹我去試下先，所以今日就同同事去試下呢間車仔麵啦～我地中午時間去食，雖然入面都已經坐左好多人，但等左大約2-3分鐘就有位，入面係自己填紙仔圈住想食咩，Menu既餸仲用左好多香港地道既用語黎設計菜名，有**個啲係店鋪推介既，我呢個雞翼控必食一定係瑞士雞翼同試下個辣味魷魚，再要多個生菜，要左個中小辣嘗鮮本身我係檸檬茶狂，但嘢飲追加個價有啲貴，所以就叫左杯豆漿算啦。同事就叫左檸茶，雖然成杯滿既但係啲冰都多到篤唔到，下次一定要少冰，檸檬都有3-4片，但杯裝份量算少，同埋啲冰多到啜幾啖就卡住灑，一定要少冰！個麵到左，瑞士雞翼有兩隻，真係醃得好入味，瑞士汁唔會太甜，魷魚咬落好爽脆，無個浸簡水味，生菜都好多，我點左中小辣，但食落唔算好辣，仲飲到湯頭既味，個張枱仲有辣菜莆同酸蘿蔔免費任加，真係食到好滿足！…查看更多

記住 麪 字 才是正字👍🏻經過好幾次 今次終於行入嚟試試佢淨係見到呢個裝修格局 已經感覺到嗰種本土文化feel呢度有傳統嘅醃蘿蔔係以前嘅面檔一定會有嘅依然係土生土長香港人必定會保留呢啲咁美好嘅傳統文化一碗麵 湯底不平凡再加上送給麻辣真係超正大腸豬紅當然唔少得魚片頭腩肉見到就知正腩肉真係一層層見得好清楚如果你鍾意食糖心蛋嘅一定要嗌一直港撐糖心蛋食嘅時候一定要加埋佢嘅醃蘿蔔同埋辣冬菜相得益彰當然一定要飲罐可樂啊幾時到話 大埔人真係幸福🥰…查看更多

$30/ 2餸；$38/ 3餸，加$8 有飲品menu d 形容好風趣今日兩個人叫了幾款餸一齊試下豬頸肉爽口瑞士留學雞翼雖然浸住湯上，但都依然好夠味，肉好淋蘿蔔無渣，好大舊添豬紅炸魚皮HEA底牛腩汁好味，唔咸，食完無乜口渴員工有禮貌，環境整齊緊體都好滿意一定會再食啊…查看更多

呢間小店岩岩新開，就買左個外賣返屋企試下。可以電話落單，可以whatsapp落單，都幾方便，大約等15分鐘就可以自取！咁試左個蕃茄湯，4餸：豬紅，牛丸，9菜餃，蓮藕。首先個湯好普通，蕃茄味唔重，有種死鹹既感覺，一d都唔清甜，食完好口渴！差！豬紅：無味，超普通！牛丸：正常9菜餃：話自家製，但皮好厚，味道正常，有馬蹄加分！蓮藕：都係普通，正常一舊蓮藕！整體黎講，真係好普通！湯底好影響成碗麵，蕃茄湯唔應該係鹹！希望會改善！唯一贊既係拎外賣時，店面裝修幾好，好香港！…查看更多

一間車仔麵，比我感覺會好古舊、污糟、普通的小店。嚟到依到，先睇裝修，別樹一格，將中國風，再加上港式車仔麵的風格合二為一，很好。有時，好味的食物，再加上特別的裝修，令食物層次提高了。不需豪華的裝修，但佢地的設計，我都好仲意。講到食物，特別叫了這個炸韭菜餃。真係香口夠味又好食，要叫要叫。另外，依到有酥炸蝦卷，可以試試。其他車仔店會較少有。不得不提的是「秘魯腩仔肉」真係入口即溶，而且又入味，，好味到不得了。雞尖、大腸都唔好錯過。😙😙😙…查看更多

新開車仔麵鋪 店內裝修有特色 有香港懷舊味道 而且佢地都好有心機為d餸改名 例如 瑞士留學雞翼/ 秘魯腩仔肉 / 滕椒煲老藕再之前黎過食 果時較環保 用白板落單 比較唔方便 水筆容易冇墨🤨見佢哋好快就改返個方式用返紙張落單雖然冇咁環保 但我諗都會方便客人同埋餐廳車仔麵有辣度揀🌶🌶🌶同外面大中小辣有點唔同係用一把尺佢揀辣到 感覺上個準則夠飄忽兩次我都要另外問店員加辣 不過幾得意嘅😗湯底係牛腩汁同埋麻辣汁 都好好食 試咗瑞士留學雞翼好入味 正👍🏻但係溜心蛋冇乜味 不過我只覺得啲餸份量就比較少 例如朋友份豬頸肉得3片我叫嘅麻辣魷魚 都係得3片 若果份量可以多少少會比較好另外 仲叫左個炸韭菜餃 店員話係佢地自己包 唔係叫貨脹卜卜大大粒 咬落去有肉汁炸得好香脆 值得👍🏻👍🏻👍🏻👍🏻…查看更多

店內只有10名食客以下，不過剛好有人送貨，因此樓面阿姐(或是老闆娘)需要找錢給送貨工人，不過，她就沒有為意身後還有一位食客在後邊坐了10多分鐘而且還有兩碗麵的配料放在桌面，只是未有外賣盒盛載湯底，如果是這樣分身不下，又未能一心二用的話，倒不如專心做完一樣先去做另一樣。出來工作10年8年，才發現，現在的人們都未能一心二用，甚至毛專心做一件事都未必能夠貫徹長時間；不過話說回來，始終是新店事業，縱觀店內環境都算是特別，亦都因為有印象上手的麵店，其實都不算太過殘夠，但新店亦都有加點心機去設計個室內髒話，以及細細張的餐牌，以及車仔麵各款配料的名字。就我的觀察，最重要亦都由於它價錢不算昂貴， 40多元可以食到四餸，都算是合理的價錢，如果堂食，我還見到除了菜譜以及辣油，還有細細粒的酸白蘿蔔，這樣比起其他車仔麵店已經優勝第二次再來，這次就更好了，因為店員都會專心一致，先做完，然後再處理第二名戶口，不論是收錢、落單定還是接客人入座。湯底本身其實都不算特別香濃，因為它本身沒有什麼特別味道，以麻辣汁去給味道，不過不要點太高辣度，否則可能吃不消。大腸還是味道不錯，另外一次點了鳳爪，味道也算入味，挺為香濃雖然提及到上面有一次不高興的經歷，不過由於它還算是便宜，任何時候都是三餸$38 ，現在的茶餐廳，可能下午茶都要39至到40多元，它的門檻比較低，因此我在一個月內都好像吃了三次。幾次的食品質素都不錯，米線份量不會太少，配料也不算太過少，而且每樣配料例如腩肉、大腸、酸齋，都非常之入味。…查看更多

大埔又開多一間車仔面店，鍾意食面嘅我就專登過黎支持一下！雖然仲係試業當中，但人龍不絕。就算當時去到係2：30，都仲要排隊等，好在最後只係等左10分鍾就入得。我幾鍾意佢入面的裝修。佢牆上嘅字句都好有意思，壁畫好靚。店員都有禮貌。叫左一碗車仔油面，佢仲可以揀唔同辣度。我就揀左是旦辣汁，但始終怕太辣，所以就pick 左bb辣～BB辣都幾岩想食小小辣，但又食唔到好勁辣ge 人～配料方面就叫左牛楠同楠仔肉。牛楠都幾淋，同幾有牛味。楠仔肉就冇咩太大特別。最後就係要講下個菜莆，冇咩太大驚喜，但都好食…查看更多

第一次嚟食，店舖環境舒適，同埋好有氣氛，壁畫好靚講返碗麵，我點左幼麵，雞翼，豬紅，甜酸齋。車仔麵最緊要湯底，湯底有一陣陣嘅花膠味，幾好飲😉相對麵底，其他餸比較普普通通。我覺得要知道一間車仔麵好唔好食，最緊要就係要試佢嘅豬紅，一碗有四粒，唔係一夾就散嗰種，不過食落口又唔算特別有豬味🤔甜酸齋冇另外上，係其中一個敗筆甜酸齋食落口已經比湯底沖走晒啲味道，所以相對地淡口唔到好好食好有驚喜，但係又唔算好難食。喺附近嘅食肆之中都算食得過👍🏽店員非常有禮貌，可能新開張😂😂😂最後有提供一隻骨墊，都係一個細心嘅表現👍🏽…查看更多