影片
營業時間
今日營業
24小時營業
星期一至日
24小時營業
*Create Your Taste starts from 11:00-23:00
以上資料只供參考, 請與餐廳確認詳情
相關文章
今次麥當勞同Chiikawa聯乘真係引死一眾粉絲！我急不及待去試咗成個系列，整體來講有驚喜有失望～🍟先講個可樂餅漢堡，真係有啲「中伏」feel🍔。個包同醬汁都係正常麥記水準，但主角可樂餅就真係麻麻哋，外皮唔夠脆，入面啲餡又冇乜特別，食完成個感覺好空虛，真係試過就算，唔會再買。櫻花蝦shake shake粉就幾過癮🦐！蝦味超濃郁，shake落去成陣海鮮香，不過真係偏鹹咗啲，建議shake少少試味先。全場最正係個焦糖燉蛋批🥧！雖然未算超級好食，但絕對係成個系列最值得encore嘅item。批皮脆卜卜，入面嘅吉士餡好滑溜，焦糖味夠香又唔會太甜，食完成個都唔會覺得膩，當飯後甜品啱啱好！總括來講，今次聯乘系列有啲「伏」亦有啲驚喜😆 如果純粹為食而去，建議集中火力攻焦糖燉蛋批就夠～#麥當勞 #Chiikawa聯乘 #可樂餅漢堡 #櫻花蝦shake薯條 #焦糖燉蛋批 #香港限定
繼續閱讀
今次跑步之前喺銅鑼灣禮頓道，嚟咗一間平時都幾常去嘅麥當勞，食番個簡單但又唔失水準嘅晚餐先。我點咗一個餐加一個包，整體感覺幾滿意。首先係板燒雞腿包，呢款我幾鍾意。佢嘅雞腿肉質嫩滑，醬汁調味得幾到位，唔會過鹹或過甜。呢次我叫走醬，令到雞肉本身嘅鮮味更加突出。麵包嘅鬆軟同埋微微嘅烘焙香味，配合雞肉，整體口感幾平衡，係一款唔錯嘅選擇。之後係豬柳漢堡，肉質唔算太厚，但感覺個包太硬，呢款包應該係煙靭先啱。配料方面，無醬汁有塊芝士襯托下，唔會太過油膩，整體味道算係經典又唔失新意。粟米杯就比較簡單，但係份量十足，主要唔想食薯條，粟米甜甜地，令我覺得飽肚又唔會過份油膩。最後係我點嘅即磨鮮奶咖啡，味道濃郁，咖啡香同奶味融合得幾好，唔會太苦。冇落到糖感覺上又唔使跑咁多，提提神又唔肥。整體嚟講，呢次喺銅鑼灣禮頓道嘅麥當勞，食物質素保持一貫水準，環境乾淨，服務都幾有禮貌。雖然係快餐，但係總能夠食返細個嘅時候嘅感覺，確實令我有種放鬆又滿足嘅感覺。有種童年情懷，係一個適合短暫休憩，快快樂樂醫肚嘅好地方。
繼續閱讀
難得晨咁早起身🌅專登去試麥當勞新回歸嘅「深海狹鱈魚柳堡全餐」 套餐有齊曬 ----- 手掌咁大嘅炸魚柳🐟狹鱈魚柳真材實料 外層炸到脆卜卜，魚肉唔似普通魚柳包嗰種薄身反而係厚實嫩滑嘅，仲保留住魚汁完全食唔出雪藏味✨滑蛋🍳 炒得啱啱熟仲帶住奶香，同脆口魚柳一軟一脆超夾！麥芬 烘到微暖鬆軟，面頭仲有啲脆脆嘅麥粒，吸咗魚油同蛋汁更加惹味～薯餅🥔 即叫即炸夠熱辣，外脆內軟薯味濃唔會油淋淋🔥再來翻杯 經典港奶☕ 茶底濃而不澀，煉奶甜度剛好，飲完成個人都醒神晒💛完美演繹港式西式fusion早餐～😋
繼續閱讀
昨日黃昏，獨自一人行入銅鑼灣禮頓中心嘅麥當勞，揀咗角落位慢慢食晚餐。人唔算多，自己坐低，靜靜咁過一陣簡單又輕鬆嘅時間。今次點咗脆爆雞腿飽套餐，配薯條同可樂，味道一如以往咁穩定。雞腿飽外層香脆，雞髀肉厚身多汁，醬汁鹹香微甜，配埋鬆軟麵包，真係幾有驚喜。餐後加咗件新出的韓式香蕉牛奶批，批皮香脆，內餡係流心狀，有淡淡香蕉奶香，甜度適中，唔會膩，作為小甜品收尾非常滿足。雖然只係一餐快餐，但能夠一個人坐低，好好享受熟悉味道，係繁忙生活入面一種靜靜地對自己好啲嘅方式。簡單、熟悉，又窩心。
繼續閱讀
🔍 麥當勞📍 遍佈全香港📝 ★★★★★ 👍🪦永遠懷念【 深海狹鱈魚堡 】☀️早餐食麥當勞既話，深海狹鱈魚堡餐一定係我首選！我可以一星期食足7日，一個月31日，一年365日！但係依家已經落左架🥹無得再食😢好可惜😭依個係麥當勞最好食既早餐，份量足，配料有🧀芝士、沙律醬、菜🥬個包係比平時軟熟🥪長魚柳比平時四方型既好食同脆🐟🥺自從佢落左架，我就再無去幫襯麥當勞早餐🤐🐟🐟🐟希望佢快啲返黎啦🐟🐟🐟完！
繼續閱讀