影片
以上資料只供參考, 請與餐廳確認詳情
今次買返來的薯條淋曬，平時食的摞到屋企都唔會甘，仲有今次連泰式酸辣醬都唔記得俾我，有冇搞錯啊，好少有甘樣的情況出現，我都係第一次見到外賣包唔齊，就係果度掛住同靚女客人果度傾計。
繼續閱讀
住咗喺深井咁耐，終於等到佢開麥當勞。今日係麥當勞正式開張嘅第二日，亦都係7月1號公眾假期，固然顧客嘅數量特別多。成間鋪都坐滿晒人，排隊買嘢嘅人都塞住哂走廊，雖然店舖嘅面積尚算大，而且職員嘅數量都幾多，但自助點餐機得三部，人手點餐得2個，整體來講點餐超慢而且好混亂。➡️ 雙層芝士孖堡餐+脆香雞腿包餐+脆香雞翼脆香雞腿包塊雞腿嘅炸粉非常厚，加埋過多嘅沙律醬一齊，口感非常奇怪。人客咁多嘅時候，薯條嘅流轉率應該好快，但係我面前嘅薯條唔係話好脆。至於脆香雞翼正正常常，不過不失。最值得表揚嘅係我攞餐嘅時候有兩個盤，粉紅色制服嘅職員姐姐自動自覺幫我攞餐盤去我坐嘅位置，唔洗我行兩轉，服務好好！麥當勞地址📍: 深井青山道38號海韻花園地下D號舖.............................. 味道😋: ⭐️⭐️💫環境👀: ⭐️⭐️💫服務👨🏻🍳: ⭐️⭐️⭐️⭐️抵食💰: ⭐️⭐️⭐️
繼續閱讀