影片
以上資料只供參考, 請與餐廳確認詳情
招牌菜
麥樂雞⭐️⭐️仿雞肉方塊，人造的味道，雞骨雞皮雞籮友纖維素仿肉素人造味素混合物，化學再生肉勿落雞一次半次都照食啦！全靠不同醬汁，蜜糖芥末是我的最愛。脆香雞翼⭐️十年如一日乾爭爭！極厚的炸粉先來硬掘掘脆脆，再來鬆化油膩感重，如果浸滿茄汁再享用會更舒服。早晨全餐：炒蛋豬柳⭐️⭐️⭐️只不過係將豬柳蛋漢堡拆開，而且沒有芝士，倒不如直接食豬柳蛋漢堡更方便。自砌雙豬柳炒蛋漢堡，夾埋一齊食慳力慳時間，何解要分開？豬柳滑滑帶汁、炒蛋嫩嫩帶汁、包皮乾乾嚥韌，拿實厚厚一啖過十分滿足！熱香餅⭐️⭐️⭐️淨食只得一粒星，最緊要趁熱加上牛油及糖漿，咸鮮甜甜濕濕就會香噴噴好美味！中學回憶，晨早走到麥當勞只為抄功課，其實骨子裡不喜歡食熱香餅的。塗滿牛油再淋下糖漿，鬆軟濕潤不過不失。炸薯餅⭐️由細到大對炸薯條不感興趣，對薯餅直頭係討厭！洩膩炸物熱氣感超標！自製雙層芝士魚柳包⭐️⭐️⭐️⭐️突發奇想試試史拉差辣椒醬魚柳包，諗諗下都係普普通通茄汁他他醬最穩陣。單薄的炸魚柳存在感微弱，必定要叫兩個疊住食先夠滿足夠多魚汁！夾埋茄汁他他醬添香提味更美妙更醒胃，加厚魚柳感覺更充實，口感更香脆更豐富！雞扒豬骨湯扭扭通粉⭐️硬實乾柴雞扒零分，淡茂茂水汪汪微暖湯汁零分，無彈性厚皮粉口通粉零分。芝士魚柳包⭐️⭐️⭐️薄衣衣炸魚柳夠脆夠香夠鬆化，幸運地仍食到魚味。豬柳蛋漢堡⭐️⭐️⭐️豬柳滑滑醃味濃不過份，滴著汁不乾硬，跟廿十成熟煎蛋及嚥韌包皮十分合襯。自製芝士魚柳豬柳蛋漢堡⭐️⭐️⭐️⭐️特色牡丹樓芝士豬柳蛋魚柳包，魚豬雞海陸空餐無敵合體味道倍增！識食梗係起雙飛，魚甜肉香芝士咸沙律醬酸，百味交錯十分精彩。麥炸雞⭐️⭐️⭐️新武器力戰家鄉雞，早年炸雞中翼輸得一敗塗地，今日研發炸雞髀捲土重來！竟然使我刮目相看，薄薄雞上鋪上薄薄香料脆粉，油油金黃而香味十足，微脆似餅乾，白肉嫩滑滴汁暖笠笠，滿意食得過。
繼續閱讀
麥當勞個蝦堡番左黎喇！！！🤤🤤今日lunch揀左食呢個蝦堡回味下，我用左app叫定先，所以一去到就拎得，打開個包發現好似比印象中薄左好多😳😳😳但個味道冇變👍🏻不過咁薄黎講好似冇以前咁抵食了🥺
繼續閱讀
終於都食到呢杯朱古力脆皮宇治抹新地筒上次係將軍澳見到已經好想食 點知職員話啲朱古力醬加熱緊 要等15至20分鐘 我冇時間等 所以被迫食咗杯麥旋風雖然杯麥旋風都好好食 不過未食到呢個新地筒都係心癢癢 見到就想食呢杯雪糕又一定要甜品站先有得食 真係可遇不可求...其實每次食脆皮新地筒都會食到好「呢hea」因為個朱古力脆皮一咬就碎 然後雪糕又溶得快 要一邊食一邊同時間競賽😂但係脆皮又好吸引 見到唔可以唔食可惜今日個脆皮有啲薄 唔夠喉 不過就係因為薄 所以個皮勁脆 咬落口 聽到脆皮裂開既聲好治癒一口朱古力脆皮 一口凍冰冰嘅抹茶雪糕 口感好正但如果抹茶味再濃啲就一係一流食完無萬待下次再食第二杯既感覺🙈
繼續閱讀
近日新推出的黑糖珍珠奶茶雪糕，今日經過就順便試試，黑糖珍珠奶茶味的雪糕，本人覺得稍為甜左少少，如果可以有半糖就更好了，而珍珠如果可以更”in”韌就好了。推薦比喜愛珍珠奶茶的粉絲😃
繼續閱讀
在熱氣迫人的街上行到快要中暑了, 即刻走進旁邊的麥當勞歎番杯雪糕, 降下温, 順便休息一下.買了新出的芒果新地及芒果扭紋雪糕, 芒果味很香, 雪糕很滑, 不會過甜, 小朋友都好鐘意. 當然, 其中有多少是真正芒果肉/汁成份, 相信不會多, 過一過口癮算吧！這間麥記有兩層, 上層作銷售及取食物, 下層是用餐的地方. 而地方大, 找位置也軟容易. 但捧着餐盤走落樓梯就較危險, 帶着小孩的更要加以留神！內裏的廁所帶點味道, 清潔度不足, 使用率卻很高.
繼續閱讀