影片
電話號碼
2668 8286
營業時間
今日營業
09:00 - 22:30
星期一至日
09:00 - 22:30
公眾假期
09:00 - 22:30
公眾假期前夕
09:00 - 22:30
以上資料只供參考, 請與餐廳確認詳情
「麥奀記」這個名字聽得多，但這是我們第一次食。這家老字號的特色在於新鮮的全蝦和大地魚末作為餡料，湯底則以大地魚和蝦子為主要材料。這次我們點了鮮鯪魚球麵，鯪魚球彈牙，每一口都散發著陳皮的香氣。世家雲吞麵的「細蓉」雲吞內餡全是蝦仁，皮薄小巧，湯底清澈，帶有鮮香的大地魚味道。牛腩雲吞則是牛腩軟嫩，濃郁牛肉味。
繼續閱讀
特登由公司行去麥奀記買外賣細碗都算最慘係俾咗雙拼嘅價錢要水餃牛腩麵但只得水餃無牛腩，一舊牛腩都無拎外賣返到公司打開食先會見到俾漏嘢但再行返去又無時間食lunch，果刻真係幾唔開心。。。唯有只食水餃，收呢個價錢，呢個質素好失望。。。。。。
繼續閱讀
麥奀終於係元朗開分店喇，恭喜👏🏻👏🏻👏🏻決定今日帶仔仔去試一試😋仔仔叫左碗細雲吞麵麵幾有咬口，而雲吞有四粒粒粒都好爽我就叫左碗牛腩麵我覺得牛腩可以再淋啲☺️
繼續閱讀
已經有一段時間冇幫襯過麥奀記，今日剛剛路過元朗教育路，發現佢開咗一間新舖，咁蹺又係午飯時間，於是同朋友一齊入去光顧。叫咗一個加大嘅雲吞麵，同埋一個牛筋撈麵。佢雲吞麵嘅份量一向都係偏細，所以叫個加大，一般嘅大雲吞麵應該有六粒雲吞，但係佢只係得食五粒。雲吞嘅湯欠缺大地魚同蝦頭嘅濃味，非常之寡，並唔合格。雲吞尚算可以，面的確係彈嘅，但係整體嚟講絕對唔可以叫做出色。牛筋撈麵就十分之差啦，首先佢嘅份量係小到我以為佢係將人哋食淨嘅俾我食。牛筋冇一條係完整嘅，全部都係碎濕濕，而麵亦都少得可憐。隔籬枱嘅顧客見到我碟撈麵都話有冇咁細碟啊！咁樣做生意實在係太離譜，唔怪得知而家咁多香港人都寧願上大陸食嘢，作為一間 “所謂”嘅米芝蓮食肆,收得貴冇人會怪你，但係食物嘅份量同質素咁差，就真係自作孽啦，祝佢好運！不過我就一定唔會再幫襯佢！
繼續閱讀