麥記美食 (景文樓)

營業中

休息中

北角麥記上海生煎鍋貼連續9年米芝蓮推介真係有道理！望住姐姐即煎鍋貼👩‍🍳，金黃脆底「滋滋」作響，未食已經流晒口水🤤～ 招牌 #生煎鍋貼皮薄餡靚，一啖咬落肉汁爆出💥，底部煎到脆卜卜，豬肉餡仲混咗少少薑蔥提鮮，配醋食更加開胃～ 餐廳推介 #雲吞擔擔麵🍜一碗麵竟然有六隻雲吞！雲吞隻隻皮薄透光，鮮蝦豬肉餡彈牙；擔擔麵花生醬香濃🥜，微辣湯底撈勻食到停唔到口！ 最正係$60左右就有齊麵食+鍋貼+汽水🥤，性價比超高！小店雖然得幾張枱，但人情味濃，仲可以睇住師傅即包即煎，熱辣辣上枱夠晒鑊氣🔥～

行完山，當然要搵啲好嘢醫肚。落山後，我提議去一間米芝蓮推介的上海小吃店，呢間鋪主打親民價錢，但水準絕對有保證，係我心目中CP值極高的寶藏店！一入到去，就見到玻璃後面有師傅即場整包點，望住啲生煎包煎到金黃香脆，已經流晒口水。我哋三個人點咗三款超抵嘅套餐，每個都係幾十蚊食到飽飽，真係好滿足。我自己揀咗🏅2號套餐（$63）：雲吞擔擔麵 + 3隻鍋貼 + 熱飲。擔擔麵花生醬濃，雲吞皮薄餡靚，鍋貼底脆，一流！朋友A點咗🏅6號套餐（$47）：紅油抄手 + 3隻鍋貼 + 熱飲。抄手辣得過癮，紅油香氣撲鼻，佢食到不停話正。朋友B就試咗最豪華嘅🏅8號套餐（$57）：4隻生煎包 + 4隻鍋貼 + 酸辣湯 + 熱飲。生煎包煎得靚，爆汁餡多，酸辣湯又開胃，誠意十足。我哋仲加單咗🏅「黃金之翼」鹹蛋黃醬雞翼，酥脆惹味，鹹香中帶點甜，一人一隻剛剛好。

餐廳：麥記美食地點：北角堡壘街菜式：上海菜餐牌：上海點心如鍋貼、生煎包、小籠包及葱油餅，酸辣湯，麵點，風味小食。都有套餐。精選推介，飲品等。雲吞擔擔麵餐包雲吞擔擔麵同3隻鍋貼加飲品，$63。雲吞擔擔麵大大碗，有六隻雲吞，皮薄餡靚，入口滑溜，真係非常好食。黃色麵條唔粗唔幼，口感唔錯，蛋香十足，配個擔擔醬好味道，好香花生味，味道甜甜地。加有少少肉醬，伴有菜心一條，灑上蔥花。真心好味，口感味道一流。3隻鍋貼生煎鍋貼果然係米芝連推介小食，煎得底脆而上面皮薄又滑，入面肉餡唔錯。枱面上有黑醋自己加。點心套餐包10隻鍋貼，酸辣湯同飲品，$62。呢個餐令你可以食生煎鍋貼食個飽。酸辣湯係飯碗size，好足料，味道酸酸辣辣，但唔會過辣，料有黑木耳絲，豆腐絲同鴨血絲，口感好爽口又滑溜。爆湯小籠包 $32小籠包一籠四粒，皮薄而湯汁夠多，肉都好鮮，出色！蒜香牛油雞翼 $30蒜香牛油雞翼一客三隻，墊有牛油紙吸油。熱辣辣，整得皮脆肉嫩，味道剛好，好香蒜味，而唔會太濃，好香口。檸檬柚子梳打 檸檬柚子梳打係罐裝梳打水配另一杯檸檬片加柚子醬同冰，絕對唔會太甜。另配獨立包裝飲管一支。凍檸樂凍檸樂都係配大大杯冰加幾片檸檬。都

🌟麥記美食是北角的知名街頭小食店，主打港式與滬菜，並且多年來獲得米芝蓮推介💥，以其現場手工製作的點心聞名!鴛鴦餐✨- 鍋貼🥟 ：外皮香脆，內餡飽滿，每一口都是鮮嫩肉汁的爆發！- 生煎包 🍘：底部酥脆，搭配豐富湯汁，令人回味無窮。- 酸辣湯🥣 ：酸辣適中，開胃又暖身，搭配點心更是絕配。- 豆漿🥤：順滑濃郁，入口帶自然豆香，搭配生煎包更是傳統吃法。包點類如鍋貼、生煎包、小籠包及葱油餅等均是每天新鮮製作，即叫即蒸，多汁餡足。此外小店的魚蛋醬也是自製的 !

🌸雲吞擔擔麵餐+生煎鍋貼+凍檸茶熱辣辣上枱，雲吞皮薄餡靚，配埋惹味彈牙嘅擔擔麵，味道濃郁嘅花生湯底，味道層次都好豐富生煎鍋貼煎得外皮好酥脆，入面嘅肉餡肥瘦啱啱好又有肉汁，配埋醋一齊食，好味道🌸酸辣小雲吞，酸辣湯酸香微辣，酸酸甜甜真係幾開胃，配埋雲吞一齊食，good🌸生煎包底部煎至金黃焦脆，頂部鬆軟，上面撒左芝麻，香氣撲鼻，餡料都好足夠，唔錯呢！🌸蒜香牛油雞翼香噴噴，雞翼脆卜卜，雞翼帶有濃濃嘅蒜蓉牛油香味，好惹味呀餐廳舒適，上菜速度快，價錢都好合理

實不相瞞，我好鍾意生煎包、小籠包、餃子之類的小食🤣不過香港不多地方有 這家先不論是否米芝連，性價比還是不錯，平均$5一顆生煎包/鍋貼! 總結排名：脆香感：鍋貼 > 生煎包 > 小籠包爆汁感：小籠包 > 生煎包 > 鍋貼個人喜好排名：生煎包 > 小籠包 > 鍋貼 生煎包鬆軟外皮，跟焦香底部，兩種口感，加上湯汁量適中，最得我心😜 小籠包和鍋貼都是標準、符合期望，而且價格不貴，建議全部都要😂 套餐配酸辣湯足料，而且可以客制化酸辣程度豆漿+$6 就原支奉上😳 豆味挺濃! 100ml 4g糖左右，算是低糖，推薦加配 服務態度和座位環境都正常發揮，不會像最近關於一些小店的爭議情況😛 🍴加一服務費：✖

平民米芝蓮，抵食到嚇親 呢間街坊熱捧既「平民米芝蓮」，成日都門庭若市，唯有外賣自取。雪吞擔擔麵餐濃郁花生醬拌小麻辣湯底，超濃郁，麵條掛汁力超強，雲吞皮薄餡鮮，鍋貼底脆肉爆汁。蒜香牛油雞翼炸衣薄脆，蒜香牛油滲出。豬扒擔擔麵豬扒有咬口，肉質恰到好處，與湯底相得益彰。小籠包皮薄湯燙，輕咬爆汁，有水準。 人均都係一百元，份量足味，性價比極高，是街坊舌尖上的小確幸，但想堂食就要預多啲時間，店員都好親切有禮，值得多黎。

早排去開北角想食個下午茶，醒起嗰區有一間連續好多年嘅米芝蓮小食店推介，即刻過去試吓。唔係食飯時間，但係門口都排晒長龍，果然人氣爆燈。😋爆湯小籠包真係唔係講笑，佢呢個小籠包真係世一，絕對係必須推介。名副其實嘅泡湯，一咬嘅時候啲湯汁即刻爆晒出嚟，皮薄餡多，加埋少少陳醋真係一流。😆生煎鍋貼鍋貼煎到勁香，個底超級脆，咬落去真係要小心🤭生煎包生煎包超級大嚿，認真抵食。最正係即叫即整，嗰種新鮮程度真係唔係雪藏麵包可以比。😘😘

雲吞擔擔麵餐擔擔麵湯底夠晒濃郁，花生醬同辣油撈勻之後好香。雲吞皮薄餡靚，咬落去成啖豬肉，仲有少少汁爆出嚟！跟餐嘅鍋貼煎到金黃色，底脆皮薄，一咬開啲肉汁多到瀉，蘸少少黑醋簡直無得頂！鴛鴦餐跟餐有生煎包同酸辣湯。生煎包底脆到好似餅乾咁，但上面啲皮又軟熟，一啖咬落去啲熱湯噴出嚟。酸辣湯料足，木耳、豆腐、肉絲樣樣齊，酸得嚟又帶少少辣。小籠包肉質鮮甜，咬落去要小心，因為勁爆汁。黃金之翼其實係鹹蛋黃雞翼，炸得外脆內嫩，鹹香得嚟又唔會太漏。

今日山長水遠嚟到北角就係為咗食呢間連續九年米芝蓮推介嘅上海美食💛麥記美食一個餐再加一個擔擔麵再加多個小籠包就夠我哋兩個人食～ 埋單$200有找 港島區既性價比之王🤴🏻紅油抄手 非常濃烈 重口味的我勁鍾意❤️偏向係豆瓣醬口味～ 雲吞擔擔面都非常濃郁 花生醬味覆蓋成個口腔😆上面仲有啲辣肉碎 非常惹味啊！仲額外叫多咗個小籠包 粒粒都漲卜卜～皮薄多汁唔會有豉油味呀！皮餡嘅比例超王道但係跟餐生煎鍋貼就反而少啲肉汁🥲

連續九年獲米芝蓮推介嘅上海小店，近年更開堂食俾大家可以坐低享受。店內環境雖然簡樸，但出品一向平靚正，唔少人更會山長水遠過嚟幫襯。小店主打多款經典上海小吃，有套餐亦有單點，平日晚上大排長龍，唔想等位嘅建議避開食飯時間去或外賣自取。必試招牌菜有生煎包，每日人手搓製，即叫即煎，底部香脆，上半身鬆軟，望落細細件但都幾飽肚，咬落肉質鮮嫩，價格親民，超抵食。生煎鍋貼底層煎得金黃酥脆，皮薄餡靚，越食越上癮、小籠包咬落爆汁，點埋醋可降低膩感。如果鍾意食麵嘅朋友仔建議試雲吞擔擔麵，手工製，口感彈牙，搭配花生醬，辣椒油等，湯底濃郁，味道鹹香唔辣，雲吞同樣皮薄餡多，十分飽肚。酸辣湯辣度偏低，唔夠嘅可以加辣，黏稠感豐富，可以當醬汁、黃金之翼有三大隻，鹹蛋黃香氣四溢，微微沙沙口感，外脆內嫩，正。

享受準時收工嘅感覺，收咗工就喺附近搵嘢食，見到一間平民版米芝蓮餐廳「麥記美食」，仲要唔貴！於是乎就走去試，我覺得環境其實似一般茶餐廳，簡單樸實，不過呢個價錢、味道同份量都唔錯👍🏻唔淨止遊客，見到好多都係講廣東話嘅人幫襯/外賣就知應該都受人歡迎。雲吞擔擔麵餐 $63三隻生煎鍋貼煎得外皮金黃香脆，底層真係脆，但係個面又唔會太硬，內裡餡料juicy，咬落仲有啲湯汁，賣相簡單啲，但係食落都唔錯😆雲吞擔擔麵麵條煮得彈牙爽口，擔擔醬汁好香濃，芝麻味同辣油好平衡，超微辣，花生味濃啲☺️雲吞有6大粒，皮滑餡靚，見到係鮮肉餡，但又好似有鮮蝦嘅味道，好神奇同好食😆 熱檸水正常，上得好快😂結論🫰生煎鍋貼🫰menu 有埋英文版，同埋有好多選擇，小食都有🫰呢個價錢我覺得抵食味道亦都好唔錯 （當然都唔好攞佢同五星級酒店比啦），性價比高👍🏻會再幫襯好味度：8.5/10回頭度：9/10

今日去左北角做野，就搵左間小食食野！我地叫左個雲吞面套餐！雲吞麵的湯頭清甜，搭配彈牙的雲吞，讓人一口接一口。麵條滑順，吸附了湯汁的精華，令人陶醉。跟餐揀左3件鍋貼，鍋貼則外酥內嫩，餡料豐富，煎至金黃的底部更是香脆可口，搭配醬油和醋的調味，讓味道層次分明。豆漿配鍋貼係最佳選擇，濃郁的豆香氣息喚醒味蕾，無論是熱喝還是冷飲，都讓人感到舒心。而小籠包的皮薄餡多，咬開瞬間湯汁四溢，鮮美的肉餡與香氣撲鼻的湯汁交織，令人回味無窮。

雲吞擔擔麵餐 $97 揀選咗少辣，湯底一如既往花生味濃厚，面頭仲有啲肉碎&花生食落更惹味，雲吞皮薄，內餡彈牙，跟餐嘅3個鍋貼煎得香脆，喺連續9年得到米芝蓮推介！另外加錢叫咗蒜香牛油雞翼=豆漿，一共有3隻雞翼，雞皮表面嘅蒜粒好香 酸辣湯麵餐 $58另一款套餐叫咗酸辣湯麵，調整酸味為少酸，酸辣湯底用上木耳絲、豆腐絲&鴨血絲，醬汁勾芡，加埋麵條一齊食好掛汁，跟餐叫咗3個生煎包，生煎包外皮鬆軟，個底煎得幾脆，外皮同内餡比例啱啱好，同樣叫咗支豆漿 小籠包 $32小籠包一共有4隻，皮薄餡靚，熱要小心因為會爆汁，咬開一小口，食到鮮甜嘅肉汁，加醋一齊食又變得清爽d菜肉蒸餃 $32菜肉蒸餃一共有4隻，同鍋貼好類似，不過係清蒸，內餡由蔬菜同肉組成，食落會比純鮮肉餃子清新時菜 $8今日嘅時菜係菜心，一共有3條，齋食清清地，如果想要味道，可以淋上dd醬油

鍋貼同小籠包，係我嘅最愛❤️❤️呢間餐廳簡直係北角人嘅福音過咗午市嚟到，唔洗等位，開心🤓可以睇餐牌，或者自己手機下單有多款套餐選擇全部都好吸引！心大心細下，揀咗雲吞擔擔麵，係非常正確嘅選擇！ ！擔擔面湯底，好濃郁，好濃稠令到粒雲吞都閃令令！雲吞皮滑脫脫，完全唔會好易爛，非常抵讚！內涵味道亦調校得啱啱好，好食！個擔擔麵真係好邪惡，花生味好香濃！套餐仲包咗三粒鍋貼，超開心，一啖一粒，裏面仲有滿湯汁！出面外皮真係香脆㗎 ！米芝蓮果然係唔同啲！❤️❤️❤️❤️如果大家個胃仲有位，本人要用生命值推介依個：蒜香牛油雞翼蒜頭好多，好香，好脆！仲要係入面保留住肉汁，超無敵！