麥當勞 (滙景廣場)

營業中

休息中

🍌香蕉脆皮呂宋芒新地($10）🍌香蕉脆皮呂宋芒果新地筒($6.5）上次食過M記出嘅榴槤麥旋風估唔到真係幾唔錯今次再特別試一試個芒果雪糕反正要試當然是食個新出嘅香蕉脆皮一食個香蕉脆皮啲回憶湧晒返嚟！完全就係細個食嘅鳳仙雪條嗰陣味😍講真香蕉味就真係唔多覺🍌但單係計食到鳳仙口味已經有驚喜👶🏻食落冇朱古力脆皮咁漏🍫芒果雪糕唔會過甜🥭口感仍然好滑新地就更加特別，最低層有芒果醬食落酸酸甜甜加左分今次芒果新地勝出🤘🏻

一日之計在於晨🤗🤗朝早要食番嗰靚早餐，咁樣先叫Good morning 既🤗🤗近排迷上左飲麥當勞既「港式熱奶茶」真心係幾好飲嘅每日一杯就差唔多原來換左嗰新杯，感覺好靚仔🤩🤩嗌埋「豬柳蛋漢堡」，每次早餐都係嗌佢既😚😚😚😚「豬柳蛋漢堡」打開熱辣辣，好喜歡喔🤩不過略嫌塊蛋老左少少😳😳😳🤩🤩「港式熱奶茶」照舊keep到水準重點夠熱夠滑，只係茶底可以再濃啲啲就好啦🤝🤝🤝🤝

一年一度嘅榴槤麥旋風終於返嚟啦雖然要排好耐隊先買到，但係知道如果呢兩日唔買嘅話之後應該又會斷貨 行過見到麥當勞有就嗱嗱聲買來食啦鍾意榴槤嘅朋友一定唔可以錯過食落去淡淡果肉香味，加上濃郁榴槤味真係好鬼正呀

話說做其他東西，經過見到就食個下午茶，點個餐有38元，見到有新野係餐脆薯格，要加3元試下，一加了餐之後發現個餐脆薯格係用細可樂的大細俾我，我仲以為係其他東西要俾我的，以為有什麼東西的，還要只有幾個薯格，那3元沒有了。好運之有得充電，幫家減少電費

芝士奶蓋莓莓同芝士奶蓋抹茶本來覺得麥記又係到抄喜茶,應該都係得個樣,唔太好飲,不過見到如果佢用APPS可以有買一送一同免費FREE 一杯比你,所以就試下,如果正價依2杯野飲要38元,其實都唔算平,首先講佢地外表,就好似相中咁,其實賣相唔錯,飲下去上面D奶蓋幾奶粉,而且奶蓋份量都適中,有時我會覺得喜茶D奶蓋太少,芝士奶蓋莓莓比較普通,佢唔會好酸,有少少甜,另一杯抹茶就唔會太甜,有上面既奶蓋甜味係岩岩好,下次可以再試下其他,整體而言,我覺得佢D野飲都OK,希望可以KEEP到質素

見到新出個牛仔安格斯包，見幅圖賣相真係好吸引，都預左真實一定唔同樣架啦，本住而家唔試遲下未必有得再試既心態去試下，果然真係伏到一個點可樂薯條呢d正正常常個包真係好唔掂，塊肉無肉汁又乾，d燒烤醬個設定偏小，有大半個包無醬，好難啃，個洋蔥圈脆皮好硬，好似放左好耐咁，裡面舊洋蔥縮到無咁濟，仲要成四十幾蚊，早知食25蚊孖芝仲好

2019年新一年麥當勞餐廳又調整價錢啦，但在調整開始一連串推出不同優惠先1月2日推出10蚊9件麥樂雞，每次做優惠不是貨不足夠便是大排長龍，今次也不會例外開始雞餓遊戲位於藍田麥當勞排隊已排到OK便利店門外，但這樣不會阻止我的餵食心情平時可以用自動外賣機購買食物，做優惠原來不能需要自行排隊購買，而新設自動外賣機後原本5-6條的排隊位置減至1-2條為市民服務排隊需時30分鐘，拎餐時間需時20分鐘幸好麥樂雞到手時還是熱辣辣的味道賣相衞生服務抵食推介

終於都排隊買左呢個脆皮新地筒喇!!! 細細個食過，當時覺得麻麻地，因為脆皮入面係雲尼拿雪糕。依家麥當勞出左朱古力雪糕脆皮新地筒!!!店員嬸嬸好好人，認真整好個脆皮，睇睇新地筒幾靚仔!!!朱古力口味嘅雪糕加上朱古力脆皮，Double chocolate嘅享受!!!雪糕朱古力味都唔錯，如果再濃啲朱古力味，就更好!!!!見到仲有另一個版本就係朱古力waffle筒加朱古力雪糕同脆皮，可惜無得賣，三重朱古力真的有點期待。溫馨提示: 記得快啲食呀! 因為都有啲快溶呢!!!

峰味係呢一年已經變成左飲食笑話嘅代名詞。咁佢同老麥出左新包，作為連鎖快餐店嘅忠誠支持者，就一定要去G持下。咁係網上面一早已經見到唔少負評，我都已經有哂心理準備。咁就叫左個包，一打開，見到張紙濕濕地，有啲醬係上邊。好影響觀感，不過作為一個麥當勞，我原諒佢。咁食包啦，四個字總結就係肉醬意包。有啲人就會即刻好不滿咁得佢好古靈精怪。不過有個日本漢堡連鎖店都係用肉醬做膽。我地都要對停瘋公道啲。最多都只係冇新意。漢堡扒就明顯厚過普通漢堡包。不過整得太乾，牛肉乾都冇咁乾，好似食緊柴咁。不過因為上面係醬，唔會話太乾就食得好辛苦。另外鋒味shake shake薯條，我都幾驚喜。一開始陣味好奇怪，不過食落口就係BBQ醬個隻味。有驚喜。不過shake shake口味就好多人都唔同，唔建議作參考。

中秋節假期,一大早起身同阿肥準備北上尋歡,所以走咗嚟藍田搭過境巴士前,順便要醫肚,平時都可能會求求其其貪快速食吓啲小食就算,不過今次真係頂唔順喇食到厭哂,所以齊齊去麥當奴坐低叫個餐,開心share吓~ 匯景呢間分店自從重新裝修過之後,光線充足咗,同埋座位都好似多咗小小,而家普遍大部分麥當奴都改為電子自動化,所以收銀counter就會小咗,呢間分店就得番一部喺度,阿肥都係鍾意傳統買餐,好彩就唔太多人,好快就成功買咗單。叫咗個麥樂雞餐,另外再單點一個魚柳包,呢間分店算唔錯喇,食物全部夠熱,今日啲薯條係新鮮嘅唔係翻炸,魚柳包入面啲醬亦都冇偷工減料,要讚一下

芒果甜筒（$10）作為m記雪糕打手🍦一出新品就馬上去試其實吃了好一段時間但一直忘了寫文......芒果味有點假味道單一地甜與Kitkat 完全不夾脆筒很脆大概是加分位$10一枝試過便好了😌多款口味中最愛還是阿華田❤️

紫薯味新地窩夫筒（$10）紫薯味雪糕🍦又回歸M記！作為紫色控必食啦😌💜紫色雪糕黑色筒🖤真心係型嘅😎重要紫薯味又真係幾出🍠上面仲有粒迷你Oreo細細粒好得鬼Q脆筒食唔出Oreo味但夠薄夠脆👍🏻味道唔差嫁$10草根覺得食得過✌🏻ps:今次唧得幾靚仔，次次唔同人喞都會差好遠! 好時真係核突到想叫佢再整過

難得早左出門可以嘆個靚早餐先返工，睇左幾間快餐店都唔太岩食，價位亦太高，最後決定去返麥記食最有滿足感既早晨全餐。平日朝早9點左右唔太多人，無論收銀counter或者用自助落單機都唔太多人，我用八達通買左早晨全餐+優品豆漿 ($30)堂食飛之後等左大約5分鐘就有得食喇。最期待既薯餅唔算好熱好脆，應該係炸定放左一陣。 想食其他野時先發現冇俾到餐具俾我，都幾低級錯誤，惟有叫對面既陌生人幫我睇住一陣，我出去拎。成個餐其實都唔太熱，亦比較多油，睇黎下次都係要去多人去貨快既分店會好食d。

今日經過麥當當，被佢大大個廣告牌吸引左，冬日限定嘅士多啤梨新地威化筒賣相好吸引，就白白奉上十大洋去買喇。賣相相當吸引，同廣告圖非常符合! 粉紅色雪糕加上粉紅色嘅威化筒，連雪糕筒嘅紙都係士多啤梨樣，整體賣相都好秀色可餐。一食便知出了事，中伏了!!! 粉紅色只是顏色而已，雪糕只能說有好好好輕微嘅士多啤梨味，威化筒係脆但都係冇士多啤梨味的。只能說食了一個粉紅色雪糕加粉紅色脆筒!! 士多啤梨迷表示好失望，可以食返士多啤梨新地仲有士多啤梨味。

人總是犯賤的，點解咁講？！！-明明已經睇左其他blogger既評價知道呢個新出又係期間限定既“士多啤梨蛋糕脆脆麥旋風”係伏伏地，但見到佢10蚊又見唔洗點排隊就忍唔住走去試.............其實唔係難食既，但強力建議大家真係唔洗專登去試，個蛋糕好乾（有圖有真相：蛋糕已經乾到脫皮）又同個雪糕唔太夾！！！-重點係個日真係得勁細杯兼無乜醬，雪糕仲要溶得比平日快好多好多-所以真係兩三啖就食完啦（唔洗三分鐘已經食晒lol）