麥當勞 (已結業)

橫風橫雨下的3號風球，特登提早出門，行一條避開曬風雨嘅路返工，順便去食返個早晨全餐為自己加下油先！好耐無去過沙田中心呢間麥當勞... 原來已經新裝修過曬，新面貌感覺幾好，一入黎，就有一種好energetic 嘅感覺。今日揀嘅係Bagel 早餐全餐，賣樣都似返樣啦！唔會好似某啲分店咁散開曬。Woow~ 連個Bagel 都熱辣辣架！正👍🏼！其實件Bagel 都幾飽肚... 向來係大胃王嘅我，食左半個Bagel 竟然開始覺得好飽😳😳⋯⋯其餘嘅豬柳，炒蛋都無乜好講，正路啦。輪到早晨全餐嘅靈魂喇— 剛剛炸起嘅薯餅，對於一個薯餅控來講，真係無得頂呀😋！

近日點Jack回歸，推出了四款滋味醬，只要購買十八件麥樂雞就可以一口氣吃齊四款。四款滋味醬分別是檸檬香草醬、韓式辛辣醬、韓式烤肉醬、蜜糖芥末醬，其中韓式烤肉醬和檸檬香草醬為新推出的。麥樂雞應該沒有人未吃過吧？入面啖啖雞肉，只要是即炸又或是炸起沒多久的話，外皮便脆口，所以也不多作描述。四款滋味醬之中，個人比較喜歡蜜糖芥末醬，其次是韓式辛辣醬及韓式烤肉醬，檸檬香草醬就好像跟麥樂雞不太夾，我對它的印象一般般。

抹茶雪糕又返黎啦味道我唔記得同上次一唔一樣但今次我覺得係唔好食既------------------------------食得岀係抹茶 但佢唔係好食既抹茶味係接近茉莉花味Tempo紙巾既味😢好彩有啲朱古力醬係到先食到下😷M記 你都係岀返阿華田啦

真是完全想當面詢問Randi Lai，究竟她的員工做錯事情，究竟是店鋪責任呀？還是顧客自己的責任，而且可以知道投訴人在那裡上班，可以直接找上門秋後算賬，果然犀利。

之前試過黑松露Shake Shake粉，今天試試這個蜜糖BB Q Shake Shake 粉，味道也頗算惹味，但是仍然是老問題，清潔人手嚴重不足，一喺就是沒有禮貌，收拾餐盤從客人食物頭頂過，再不然仍然是那間馮X X X中學的中學生，一是兩個女學生霸佔四個座位，再不然是三個女生霸佔四個座位，第四個位拿來擺手機和水樽。行為完全自私和要不得。

今天中午原本想試一試Signature Collection中的芝士磨菇安格斯牛肉堡餐，但是原來不是每間分店也有得供應，於是今天便試了另一種款式 - 北海道雞肉火腿三文魚堡，大大個，份量十足，味道也不錯，價錢也算合理，成正比，好過所有招牌飽，價格升，但是份量減。 但是仍然是老問題，清潔人手不足，某間中學的中學生仍然沒有教養，將自己食完漢堡飽的包裝紙亂扔，甚至扔到其他食客盤邊也不覺得自己有問題，而且在進食期間口水食物周圍噴，完全妄顧其他顧客感受，並且令人感到憤怒。

本人昨天中午惠顧該店時，發覺Mc Cafe排隊時間愈來愈耐，又不是沒有人手，未計經理巳有兩個員工，但是諗極都唔明點解唔可以一個落單，一個處理食物，為何一個客人要兩個職員一同處理，一個整食物，一個整飲品，咁就成條龍塞哂。 問題一.本來在Mc Cafe對出梳化位坐下來，靠路口的櫈不翼而飛，本來沒有問題，跟著後來清潔姐姐將其中一張櫈放回原處，但是後來有個中學生過來詢問有冇人時，我便問沒有，我以為他不夠櫈，但是有趣的是他將原本坐開的櫈和我那張對調，我就趁清潔姐姐經過詢問她那張櫈是否不乾淨，但是那個姐姐答我不是，只是有點熱，我即時產生疑問，如果每個客人好像這個中學生那樣子，那麼麥當勞起碼要預備三倍以上的櫈才足夠使用。 仍舊是那個清潔姐姐處事馬虎，將茄汁弄到櫈上，當客人睇唔到。

昨天試了三交魚堡，今天索性試埋牛肉三文魚堡，唔知道究竟是個飽改錯名?還是我眼花睇錯，價錢又貴了$3.5，但喺塊牛肉薄到唔薄喎，成塊和牛咁，喺就好囉，不如改名叫和牛三文魚堡仲好過。個餐沒加大就$36.3

食咗麥當勞咁多年，真是完全諗唔明白他們經營手法，先講食物供應為例，完全諗唔明白他們的食物分配，好像沙田中心這一間分店，沒有朱古力批供應，但是第一城分店有喎，即是說如果你想食某些食品時，要碰運氣啦。其次再講價錢，相信很多香港人發覺食麥當勞好以食海鮮咁，間間分店價錢唔同，不要講到旅遊熱點譬如主題公園和山頂，就算同一個餐在沙田兩間分店也有分別，好像我昨天中午買了一個三文魚堡套餐，沙田中心買$32.8，第一城買$29.8，但是最攪笑的是令到價錢唔同的原因是鋪租問題，竟然是這樣的話，需不需要在食之前先打聽商場屬誰所有

今日照常到這分間分店光顧，上星期四,五冷冷清清，今日因為出了新產品，結果門口塞滿一班沒有秩序的中學生，門口都入唔到，入到去Mc Cafe等待買食物也等了五至十分鐘，員工只做了一個客，最後憤怒而去。

剛剛出爐的三文魚堡和黑松露調味粉，第一天經過時簡直就是人山人海，因為全部都是學生哥光顧，跟著避了兩天，以為沒有那麼多人可以快一點，但是結果都要等五方鐘，不過出來的味道不像食緊三文魚的味道，反而那包黑松露調味粉的味道幾惹味，尚算不錯。

朱古力係新出左幾日，終於有機會試啦，當消夜喇。個味道係平時係麥當勞飲既朱古力味。雖然係甜朱古力，但size細既，所以唔會食到覺得好油利，個皮就新鮮都脆既，驚喜不大。

本人今午(17/11)一點多到達該店，他們原本有兩至三個清潔姐姐，咁進入正門，巳看到很多空位，不過冇員工執拾餐盤，結果買了食物後仍然冇人執，咁唯有走去搵經理處理，結果另一個清潔姐姐過來執盤，不過沒有抹枱就咁咗去，我就唯有放低食物，去追那個清潔姐姐想叫佢抹番張枱，但喺佢好攪笑咁將塊布遞給我 即是說叫我自己清理埋，仍然是那一句，不如炒哂所有員工，等個客自助囉，好冇?

櫃面職員和馬鞍山新港城中心職員一模一樣 對內地人完全採取不歡迎態度 明明是自己普通話水平弱又唔應 又要向客人吆喝 好像審犯的樣子 自己不好好檢討不特止 還要向客人擺出一種不耐煩的態度 如果不是這裡不可以寫一些嚴重指控的評語 他們的高層遭客人嚴重投訴萬次都唔掂

本人每次經過這間分店惠顧 那些櫃台職員完全抱著一種歧視態度來對待客人 如果你是西裝骨骨還可以 如果不是的話 咪成班櫃枱慢慢同你玩囉 有些清潔員工望著顧客的旳時候完全充滿仇視眼光 工作又懶散 餐盤又唔執 需唔需要客人自己做埋