麥當勞 (已結業)

板燒雞腿早晨全餐 ~ 平時真係好少會食M記 , 不過食完隔黎櫻桃麵包店之後十分失望 , 決定入佈買返個早餐黎安撫返自己腸胃 , 由漢堡扒變左雞腿 , 板燒醬汁味道甜甜地幾好食 , 而且夾埋落個麵包度好配合 , 但係炒蛋質素有d出水退步左 , 食埋塊熱辣辣薯餅飽飽。

昨日剛剛聽過食友力薦麥記新推出的Chocolate pie，愛甜的我當然忍不住要去試。果然，甜魔所見略同，我也很喜歡這款新品。初見個出品時有點郁悶，因為實在好細件呢，不過7蚊大概也如此了吧。第一大口咬下去都不見朱古力流心，少少失望，好在批皮夠薄脆，一層一層的很易脫落。再一大口下去，朱古力就慢慢涌現了，講真最洶涌的狀態都不算十分流心，自然無法同西餐廳的出品相比，但朱古力漿熱暖暖又濃郁香甜，就已經足夠逗我開心了哈哈，以后又多了一款能解甜癮、又不至于太邪惡的小甜點了，真好！

也為這里寫一篇食評吧，畢竟都是小、中學時的好伙伴。脆辣雞腿飽，$14.5，比較失望呀，以為會像內地的一樣辣度，可是這邊的明顯要弱很多，只吃得到一丁丁辣味，不太滿足。而且好似又漲價了，還是回家吃吧！朱古力新地，$7，用它代替了HD，邪惡直屬直降，可是我都超鐘意呢。不愛食花生，就走了它！頗愛朱古力醬，稠稠的又勁甜，要是能再多點就更好啦。下次再回味oreo麥旋風吧！

椒財雞腿包!加埋扭扭薯,廿五個三,賀年特別扳!"椒"真係都幾椒,可能落得多椒,好辣!條利都頂唔順,不過幾野味,食得過,最多飲大可樂!扭扭薯好咸,整個餐味道偏咸左少少,但係又唔算係好難食!ok咁啦!

我見麥當當有新野出，就去試試！叫左個椒財板燒牛肉飽餐，$25.3,好辣！食到一半頂唔順．．可能黑椒太多．．仲有個扭扭薯條，今次炸得太燶，而且好咸，所以都只係食左一半又放棄．．本來新年出ｄ意頭野係值得加許，不過都要好食ｄ先得！

近排廣告買得很熱的椒財牛肉/雞肉飽餐,行上新世紀,決定入去試吓,雖然只是六點,但已很多人.排隊買嘢食,一邊比錢另一邊等,但這裡的侍應態度很差,比完錢,只叫你行埋一邊,感覺好似差人叫你行埋一邊咁,其實個人並不喜歡這樣的安排,因為多人的時候很混亂,要靠自己睇住,結果我老公杯咖啡只係比咗兩盒奶,無糖,無匙用,最慘是坐低先知.叫了椒財板燒牛肉飽餐($25.3),雖然是黑椒汁,但是不會太辣,不過塊牛肉就無乜特別,同我老公叫嗰個孖堡塊牛肉食唔出有乜分別,只是有汁和無汁的分別,失望!扭扭薯條又燶又唔脆又唔熱又唔好食,食咗一半就無食.我老公個孖堡仲差,乾身的無汁的,食完返屋企仲胃痛,唔知關唔關事.幸好薯條夠咸夠熱.總括這間麥當勞,店員差,服務差,食物差,下次都係行遠啲去旺角西洋菜街地庫嗰間好好多.

一日去兩個婚禮, 一個都係好深交情的同學, 一個係出生入死的好姊妹, 真係忙碌. 要係夜晚打點一切, 唯有盡快吃點東西. 要快, 又方便, 就係這裡買完打包上酒樓.當然, 又因為將軍重出江湖. 上一次吃到將軍, 應該有十幾二十年了. 不記得清楚, 只知道係好久好久了. 其實, 對麥記, 我也有兩個選擇. 第一係麥香雞. 係美國住過的朋友應該知道, 那邊係沒有麥香雞的. 當你失去了, 自然會懷勉. 第二個選擇就係將軍.將軍漢堡餐: 6分, 味道跟當年吃過的不太大分別, 都係有那一個濃濃而開胃的醬汁, 也係這個飽的重心. 當然, 牛肉本身唔係乜野好貨色, 不過, 將牛肉加上醬汁又係一個好出色的化學作用. 薯條繼續係千年油炸成, 那份油益味令人難以完成, 而且又真係好鬼熱氣的. 同埋這包薯條不夠脆, 都係小食為妙.加埋杯汽水, 就係一個餐, 都幾唔抵食.回憶這回事, 不要多, 一次就夠. 下次都係唔會再來吃這個薯條同埋這裡的包餐了.雪糕就無所畏.

將軍漢堡從現江湖~特登走新世紀間去老麥食！個將軍漢堡依舊咁好味！但d薯條好似無落鹽咁,好難啃！

套餐點茶包奶茶, 要加五毫. 原來現今老麥套餐的飲品, 除了汽水以外, 全部要加錢. 睇下幾時, 食薯條要茄汁都要加錢.

趕著返學，於是隨意買了一個新包，雖然賣相不如廣告，但入面的牛肉和所謂的秘製醬汁，真係好好味，個包幾大，都幾飽，不妨去試～

妮間m記係我食過最唔掂果間.. 因為係附近返學, 所以成日都會食.. 我本身好鍾意食m記既野... 但妮間真係唔多得.. 第一次令我覺得唔掂既係岩岩出烤餅果陣, 都成兩年前... 個烤餅皮係凍冰冰架.. 然後塊雞, d菜同醬全部係晒個紙袋度...食唔到><\" .. 仲係要等左三分鍾..可能因為lunch忙d..但多完全唔掂囉!! waterloo road果邊果間好好多... 後尾有次買take away, 返到學校先知俾小左個包, 一包茄汁都無俾...d coke 一早\"針\"定好多, 出晒水, d冰溶晒開淡晒杯野... ..仲有次..我地六個人, 搵到兩張木台, 一張四個人一張兩個人, 叫個呀嬸幫我地移一移..個呀姐望左我地兩眼.. 之後慢慢拖張木台, 勁唔願意咁.. ==\"仲係度口up up..勁差的態度..野食又凍..

因為要睇戲, 我地2條友就決定偷運mcdonald's入戲院內食...今次叫左個紫菜粉shake shake薯條...好彩今次無令我失望...好香紫菜味唔錯..下次試埋個咖哩粉

今日由旺角行入黎睇戲天時暑熱行到身水身汗同朋友仔入到黎搵個地方坐朋友仔話要黎麥當勞就聽佢講幫襯下因為太耐無幫襯唔知已經無左有檸檬片o個種凍檸茶朋友仔o係counter買時o個位小姐亦話佢知因為唔飲汽水關係而且咁熱想食雪糕多d見有個侍應哥哥行過同佢講清楚原由後問佢可唔可以幫我換個蜜桃乳酪佢好快咁應承左藍莓幾酸唔多甜乳酪反而帶少少甜蜜桃有三大片罐頭貨色好明顥佢無用清水沖下先放入杯搞到食完喉頭有d痕不過總括黎講都幾好下而且佢杯乳酪上檯時o係分隔左d穀物同藍莓一黎可以保持穀物既脆身二黎又可以方便d唔食既人唔錯唔錯.........

嘻嘻!麥當勞既芒果新地筒出左咁耐,我前兩個星期至第一次食,無他,次次都覺得朱古力吸引d,點知食左芒果又覺得唔錯喎!無朱古力咁甜,反而清新,好似食緊鳳仙咁呀!不過同朱古力新地筒一樣有個唔好處,就係只係開頭食既時候先覺特別,食到無晒芒果醬就無咁好味了!而家覺得芒果似乎好味過朱古力!同埋$3.5真係好抵呀!

今晚同男朋友去旺角行街街＾＾ 見到間ｍ記就走左入去買個大薯條食下ｌａ～點之見到個大薯條仲少過一個中薯條＝＾＝個心覺得好唔抵ｇａ喇．．．少左之餘仲要唔好食ｇｅ！！！淡得來又硬＝＾＝ｌｅ間ｍ記唔係咁掂～～