麥當勞 (富榮花園)

營業中

休息中

呢間麥當勞真係要彈一彈,服務真係愈黎愈唔得,唔知係咪因為請得太多新人,定係多左part-time,買野食往往會得到唔係咁合格既服務!話說上星期幫襯左兩次,一次女仔serve,一次男仔serve,兩次都唔係咁得!第一次,點左個套餐之後,同個女仔講,加一杯細可樂,再加一個中粟米,佢竟然答,唔可以淨叫中粟米,一定要連餐,咁我話,我咪叫左個餐囉,佢先答,呀,係喎!激死!=.=另一日買外賣,叫完食物之後已經講明要儲八達通分,重覆左兩次,俾錢前又提佢(因為我明明記得係拍左卡分先俾錢),但佢一直無理,到我俾完錢再問,佢先發覺自己做錯/做漏野,走去搵個經理,要void單再做多次,我先可以拍卡!好啦!以為係咁算,點知唔係,俾完野我,我拎走左,出到街先發現佢俾漏飲品,要我番轉頭再拎,一講佢已經知自己無俾,好在佢仲識得講唔好意思!唔該呢間麥當勞既經理注意一下,將員工培訓得好一點,熟悉公司運作多一點!如果唔係近我屋企,無得揀,我先至唔會幫襯呀!

我今次要講既唔係食物,而係服務。話說我去買一個珍寶黑椒漢堡套餐加大外賣,一早講明外賣,仲講左兩次,個店員落單後都仲要問堂食定外賣。收錢時,佢收$30.5,我見到一個餐係$28,我以為加大係加$2,應該$30,咁我問佢,點解係$30.5,佢話,因為加大加$2,咁我話,咁咪唔係呢個數囉,跟住佢又係講, 加大加$2,我話我知,所以唔岩數,佢又係不斷重覆同一句說話,於是,我指住個牌,話一個套餐$28,加大加$2,應該$30,要咁計埋俾佢!佢既反應係呆左一呆,望下個牌,好似唔知個餐係$28咁,停左一停唔識答我,再望下收銀機,然後話,岩數呀,個餐$28,加大加$2.5,咁即係佢搞錯左價錢啦!咁我ok啦!雖然係好小事,但係我覺得每個店員都有必要清楚店內食品同價錢,唔可以咁亂,或者有人覺得我要求高,因為只係麥記,但係講真,而家好多麥記既都好高質架喇!

一出即刻去左食食之前聞一聞杯雪糕,好香芝麻糊味..食落去..暖既芝麻醬+凍既雪糕.....好好味!兩隻味好夾~不過已經冇左玉子喇..好回味另外,我覺得m記d包好似縮左水..細個左好多~~

小牛係麥記忠實粉絲,次次出新野都必試,今次既黑椒漢堡梗係唔例外啦!不過,既然有更加大份更加豐富既珍寶版,於是就試左珍寶黑椒漢堡喇!雪儀見到珍寶呢兩個字,又見話有四塊牛肉,心諗一個女仔肯定食唔晒,食晒就會飽死,所以都係黐小牛個包食,試一試啦!珍寶黑椒漢堡到手後,發現比想像中無咁厚,張海報整到個包好多層好厚咁,但係真正既就似乎比一個巨無霸仲薄少少,味道方面,包無野好講啦,只係珍寶版包包會有芝麻啫,塊牛肉既味道已經俾汁掩蓋,而最好味既都係個黑椒汁,呢個汁唔算太辣,可接受,尤其配牛肉,十分惹味。如果要同前一輪promotion既王子將軍漢堡比較,我地就覺得玉子好味一點了!另外,見到好多人試黑芝麻新地,原來呢隻味道都幾受人歡迎個喎!我下次先試啦!

試左麥記最新出品玉子將軍漢堡喇!玉子將軍漢堡係將軍漢堡加多隻蛋,隻蛋同豬蛋漢堡果隻無分別,都係麥記經典圓形蛋,塊漢堡肉依然美味,腍腍的,個醬汁仍然保持原有風味,次次食親將軍漢堡都會令人回味,至於加上去既蛋,都ok既,但係唔可以話令個包好食左,我只可以話,各有風味囉!對於我黎講,或者下次我會食番普通軍漢堡,但係既然有而家玉子將軍漢堡,喜歡試新野既人,一試無妨呀!

雖然上次已經試左Shake & Dip,但係一次過唔可以試勻咁多口味,所以再黎一次,試埋新加坡蜜糖芥末醬,仲有韓式泡菜粉。新加坡蜜糖芥末醬好似以前都出過,原來佢係三款中最好味既,雖然係芥末,但係又唔會太辣喎,可能俾蜜糖中和左,不過呢,話有蜜糖,但係又唔會太甜喎,可能係俾芥末中和左,哈哈哈!呢個配搭真係好好!韓式泡菜粉就真係有點辣喇,佢咁紅已經驚驚地,我覺得唔係咁好味,因為好似得個辣字咁,都係和風紫菜最合我心意!仲有呀,要提一提,呢度個店員會唔記得俾隨麥樂餐附送既卡架!佢無俾真係要提佢喎!

終於試左Shake & Dip喇!一個9件麥樂雞餐,可能揀兩款醬加一款粉,分別揀左日式芥末醬,什麼(唔記得左)芝麻醬,同埋和式紫菜粉。和式紫菜粉同以前一樣,不過佢始終係咁多款粉裡面最好味既。日式芥末醬第一次試咋!一打開,見到個顏色好靚,係蘋果綠咁,淡淡既綠色,專登下先食,真係好大陣wasabi味呀,聞到都驚驚地會太攻鼻,點雞食之後,發覺無想像中咁辣咁攻,反而唔錯喎,香香地,有微微刺激但係唔過份,而且有雞肉中和番,好好多!我覺得呢款都值得試!芝麻醬都幾香呀!不過佢個”質地”麻麻,好杰呀!好似一pat pat咁,味道ok,但係無wasabi咁出,平淡左少少。下次會試埋咖喱醬,但係我估會更加普通。

話說我上次食左個蕃茄脆辣雞腿包,發覺所謂特別之處只係比脆辣雞腿包多左兩大片蕃茄,但係驚喜位在於多左人order,所以個包比較新鮮,連件雞都熱左脆左好食左,有見及此,我趁而家呢段蕃茄脆辣雞腿包熱賣時段,order普通既脆辣雞腿包,慳番一蚊之餘,又試試呢個蕃茄脆辣雞腿包效應係咪適用於普通脆辣雞腿包身上,結果….同我想像中有出入,竟然唔係!尋晚點左個脆辣雞腿包餐,已經係即整,以為會又脆又好味,好似之前一次食蕃茄脆辣雞腿包咁,只係少左兩片蕃茄,點知唔係,個包淋淋的,個樣又無咁靚,但最最介意,在於塊雞係乾乾咁,仲無咁脆架!真係估唔到!原來蕃茄脆辣雞腿包同普通脆辣雞腿包既分別,唔只係兩片蕃茄咁簡單…

終於試左蕃茄脆辣雞腿包喇!食完之後,我覺得味道其實同普通脆辣雞腿包分別唔大.只係多左兩大片蕃茄,咁蕃茄又真係算juicy既,不過好難咬開,一食就成塊整晒出黎,食到有少少”lei hea”…某程度上黎講,今次既感覺係比普通脆辣雞腿包好味,原因卻唔係係材料方面,而係可能因為多人order呢個包既關係(因為大家都想試下新野),流量快,個個包都幾新鮮,於是可以食到又熱又脆既包,咁當然比平時放耐左既好味啦!所以,都食得過既!

上次試左「椒」財板橈牛肉包,今次試埋「椒」財板燒雞腿包,感覺又有唔同,雞唔夠牛香口,牛比較惹味,雖然牛較乾,但係雞頗油,可能係分店唔同,今次好多醬汁,食完竟覺好辣, 真係「椒」得滯…個人黎講,鍾意「椒」財牛多過「椒」財雞!下次食,都會食番牛。話時話,呢間分店個姐姐唔記得左俾利是封我…不過算啦!

好味呀!美祿麥旋風好味呀!咁多味之中,美祿都算係數一數二我至愛喇!推出左咁耐,前兩日先第一次試,我真係走寶!食第一啖,已經食到美祿味,係有少少朱古力味,但係又無朱古力咁甜既感覺,亦無咖啡味咁多粉既感覺,最鍾意係大大既美祿脆脆,一來脆口,二來有少少朱古力味,口感又好,味道又好,真係唔太甜,所以真係好好食呀!供應期有限,我會趁暑假食多幾次!推介呀!

見到雙層魚柳包既海報,好吸引!我同小牛梗係即刻試啦!真係好好味喎!比普通魚柳包好味呀!有兩塊又香又啖啖肉既魚柳,中間係芝士,中間層同上層都有特魚沙律醬,雖然味道同單層魚包唔係差好遠,但係口感同滿足感大好多,每啖都覺得好豐富,好夠魚肉,同埋好好味!我以為有多層,個口會唔係好夠大而食到"呢咁hea",點知又唔會喎,食落又唔覺好厚,一口都咬得晒,同巨無霸果種差好遠...加上個包又熱又軟,食過番尋味呀!不過提一提呢間分店既職員小心些,今次我地要左加大,佢無俾大薯條只係俾左中薯條,加左粟米又無俾牛油同匙羮,而上一次黎幫襯,叫麥樂雞應該有卡又無俾,所以都係小心d啦!食完雙層魚柳包又俾我係電視見到綠茶紅豆新地,嘩!我至愛既綠茶口味喎!必試啦!我呢幾日一定搵時間食呀!

見到新推出至尊漢堡,14個幾一個,轉係餐都只係24.8,所以買左個套餐一試。呢個至尊漢堡賣點有七層,包括牛肉,芝士,蕃茄,酸瓜,醬汁,洋,生菜。塊牛肉的確係唔同普通漢堡,首先係無咁乾無咁硬,厚一點,而且多汁一點,好有口感,真係好味d!連芝士我都覺得同魚柳包果塊唔同,起碼無咁乾同硬,不過我至愛係個所謂秘製醬汁,我覺得係沙律醬,因為有少少千島醬的感覺,同個包好夾!而且同平日食漢堡包配茄汁好唔同,而且有新意!我覺得呢個至尊漢堡試得過!

$9一碗, 味道又唔差得過spaghetti house四十幾蚊o既幾多播! 而且真係有龍蝦仔, 抵飲之作.