麥當勞 (星光行)

營業中

休息中

M記大家就食得多，但何謂一間好嘅M記呢？就係有辦法令你相信手上食嘅包就係全港最好食嘅包，即使佢同任何一個M記包都無分別。既然食M記，咁當然唔少得要食魚柳包啦。魚柳包係體積越嚟越少，價錢越嚟越貴嘅情況，味道咁多年都維持不變，實在相當難得。如果周圍望下，會發現好多公公婆婆同你食緊一樣嘅包，分別係佢哋手上多咗一本奶茶。係只此一家嘅奶茶。見到佢哋飲得咁開心，我都忍唔住叫返杯試下。奶同茶嘅比例非常有性格，配搭魚柳包一齊食，簡直好似用十幾蚊嘅價錢食咗餐放題咁。

其實都出咗一段時間但都沒機會試，難得今日落去見到仲有得飲而且仲有我未食過的牛角包就買來試試，價錢$49.5左右，價錢都抵但整體一般。西尾抹茶 x #虎紋紅豆 講真熱飲大杯份量十足，但入面的虎紋堅少而且 #紅豆 味勁甜，幸好抹茶味道夠濃同幾香，混左一齊帶點淡淡的紅豆味整體可以，但如果再買只會買抹茶拿鐵。小龍蝦蛋牛角包，牛角包微溫但冇牛油味，入面材料都吾少還好，但小龍蝦沒有味道而蛋味道只屬一般，如果飲品加$17就可食，價錢接受到，但如果原價就絕對失望。

是日來到尖沙咀工作，忙碌了整個上午，到了下午1時終於有時間休息，便到彌敦道附近看看有沒有平價食店🤗🤗走了接近半小時，沒有收獲，回頭之際看到遠處既麥當勞🍔，頓時回心微笑了一下，而且甘岩麥當勞推出全新優惠：Double 雙重巨無霸，套餐只售$35，便認不住試試🥰🥰麥記水準向來有保證，無他，世界級既食物管理質素，配合全球性材料訂購，確實不會令人失望🥰🥰雙重漢堡相對乾身了一點，而薯角則非常好食，$35來說真的超值😉😉

#中意嘅請分享請點讚🍻----------😋香芋批 $8McDonald's嘅香芋批終於又有得食喇，我對香芋批情有獨鍾，蘋果批都好小食，但一出香芋批就會係咁買黎食🤤。香芋批入面係熱辣辣粒粒芋頭，外層炸到好脆好香，如果係芋頭控就要試下。--------🔎各大M記有售

呂宋芒x榴槤雪糕之前見到榴槤味雪糕，但係都未有時間去食😪點知榴槤味雪糕冇咗變咗呂宋芒crossover發榴槤雪糕🤦🏻‍♀️呂宋芒味當然就係好假㗎啦🤷🏻‍♀️但係佢放咗榴槤蓉落去令到我肯食晒成杯雪糕😂我覺得呂宋芒嘅味道太強蓋過左榴槤味，兩件事唔係好夾😅寧願佢比原味雪糕我再加榴槤蓉落去仲好😂..📍：Mcdonalds

我都係聽朋友講先知道原來麥當勞真係出咗奶蓋系列，我之前仲以為係網民搞笑， 原來係真㗎！我飲咗佢嘅芒果奶蓋，奶蓋味道偏啖不過都好軟滑， 芒果嘅含量好似冇我想像中嘅多，有啲稀！我個人認為芒果嘅含量可以多啲，因為一般既芒果配奶蓋真係好好飲！

依家呢個天氣熱辣辣，喺尖沙咀行街好想飲杯野，碼頭側邊就有呢間麥當勞，梗係飲杯凍冰冰嘅Iced Long Black舒緩一下。一直以來覺得麥Cafe嘅咖啡係好嘢，原來之前出咗一隻芝士賴蓋味嘅咖啡，但係睇OpenRice啲兄弟姊妹講話好難飲會中伏，當然唔會去試！好少特登嚟飲咖啡，通常係跟餐嘅，今次就試吓一杯吧。飲得出啲咖啡豆微香同埋都幾新鮮！凍都無酸味，佢嘅咖啡濃度唔錯，就算加冰都唔會覺得淡，快快提神好選擇。

今次麥當勞又來個快閃榴槤雪糕🍦不過今次Mix埋芒果口味🥭💛🤟🏻。🧡呂宋芒果 x D24榴槤麥旋風 芒果一直都是我的其中喜愛的口味🥰味道唔假 而且榴槤肉依舊好濃😽個人覺得芒果雪糕配搭榴摙肉比原味更夾 味道更豐富 好有熱帶嘅感覺😂🌴🧡原本上面有好多榴槤肉 但甜品站姐姐手多多幫我撈埋🤡。💛香蕉脆皮芒果新地 見到有新口味脆皮又點會放過🤩🍌但原來係伏😭💔香蕉味好假 人工香精味😫建議叫朱古力味好好多

係麥當勞發現左個好抵嘅下午茶餐只需要$16就可以選兩樣嘢加咗肉醬薯條+新出嘅薑味汽水佢比一盒炸薯條你。另有樽肉醬自行加落去咁樣如果係外賣都唔怕會淋晒由於我係堂食坐隔離嘅人見到我點呢一個到你問我係咩黎個肉醬薯條真係好好味下次可以再食

話我從來未試過珍珠奶茶可以咁鬼難飲，冇茶味，有冇奶味，真係有一種餿水味喺度，仲話黑糖式，我完全飲唔到邊度黑糖囉.................... it is very horrible. never drink this again，珍珠又唔係好食過人，我不如出去X X茗茶都飲珍珠奶茶仲好過啦。佢唯一優點只係平少少，其實都唔係平都要加$6，下次都係淨係飲佢可樂算，佢一出啲特飲啲味唔係藥水味就係人工味......

Balabababa...Ice Cream🍨 I'm loving it💛🥭💫..榴槤💛 唔知你地又鐘唔鐘意呢❓呢個夏天 甜品站] 又限時推出左✨芒果 x D24 榴槤麥旋風✨啦。黎自馬來西亞🇲🇾 D24 榴槤 & 呂宋芒果🥭新地，真係望落好吸引呢。想榴槤味加倍濃郁，仲可以加$15 追加榴槤蓉添，咁就一定更濃更滋味。我就鐘意濃濃D24榴槤口味，真係每一口都好rich💛。唔知你地又鐘意邊款口味呢❓👻。今個夏天 一於一齊快閃食下吧💫。..

Shake shake薯條真系好好食 最鐘意就系美式BBQ蜜糖味😍😍香脆嘅薯條加埋shake shake 粉好match😋炎熱嘅夏日加埋杯珍珠奶茶 簡直天堂般享受 ，之後一定要再試下其他shake shake 味道😋😋

下午食完午飯，見肚仲有空位可以食甜品，咁岩經過麥當勞，於是買咗一個朱古力批。我一向好少食蘋果批，原來依家麥當勞出咗新口味，我唔知道出咗幾耐啦，但係見朱古力味都想試一試。啱啱出爐嘅朱古力批熱辣辣，攞上手嘅時候好熱呀，外表炸到脆卜卜，好新鮮啱啱出爐，咬一口，外脆內熱，入面全部都係黑漆漆嘅朱古力醬，食落去又唔會覺得好甜，味道有啲似我哋平時蘸麵包嗰隻朱古力醬。最後我一個人食晒成個朱古力批，好彩都唔會覺得好膩，個批唔算好甜，味道都唔錯。

麥當勞最近新出咗3款18件麥樂雞滋味醬，分別係鹹蛋黃醬、南乳燒雞味醬同香草檸檬醬。一盒除咗嗰三款新醬，仲有之前已經推出過嘅蜜糖芥末醬。.⭐️鹹蛋黃醬—今次最令人期待嘅鹹蛋黃醬，亦係最伏嘅😢無想像中咁好食，有啲失望。仲以為會有金黃色蛋黃沙，點知一開係好似芥末醬咁嘅樣，食落鹹中帶有少少甜，鹹蛋黃味仲要係加工嘅味道，試左一次已經唔想再食！.⭐️南乳燒雞味醬—只可以話係普通嘅南乳醬，冇特別，仲要好鹹，同麥樂雞唔太夾....⭐️香草檸檬醬—呢隻醬食落有淡淡檸檬香味，但我覺得係個味好似魚柳包醬再加咗檸檬咁🤣🤣但比起前兩種都仲可以接受到。.⭐️蜜糖芥末醬—雖然係舊款醬，但真係今次入面最好食嘅醬。總結如果大家夠勇氣可以去試吓打大佬，但係食完你就知道甜酸醬先係最好食🤦🏻‍♀.美味指數：2⃣/5抵食指數：2⃣/5再食機率：0%

已經食咗兩次榴槤麥旋風，今次麥當勞又出新產品，芒果榴槤麥旋風，本來就喜歡榴槤的我，當然又要再試新野啦，今日試咗芒果榴槤麥旋風，再加一球榴槤蓉，總共$40 ，其實都幾貴，仲貴過一個餐，不過難得食到，又驚佢賣晒，所以都係盡快食咗好啲。其實個顏色真係好鮮艷，同埋好靚，榴槤味十足，食落都好夾，榴槤蓉都係真材實料，不過榴槤都幾難消化，食完成杯雪糕加榴槤蓉，十級飽，結果晚餐都係食咗啲水果，食一餐，抵兩餐，係咪化算啲呢😅