麥當勞 (寶康大廈)

營業中

休息中

食完齋菜下山, 準備離開大埔前, 本想去食碗豆腐花先. 奈何亞婆打緊蛇餅. 一向不願排隊我我們, 在考慮去邊間茶餐廳之下. 突然心有靈犀一點通. 不如去麥當勞, 我想飲奶菜, 佢已經改變主意想食雪糕. 的確, 老麥完全可以滿足我地兩個既願望.呢間麥當勞是要係上面order, 樓下地庫才有雅座的. 裝修雖然是改了, 但感覺同以前小時候的一樣. 因為吒d時段, 麥當勞就是一個老人中心. 滿是公公婆婆, 係度飲奶茶, 食薯條.我們兩個年青的, 叫了一份新地, 同一杯奶茶. 麥當勞的新地雪糕, 永遠都是咁滑溜. 加了士多啤梨醬同花生. 更加的甜美好味. 所以, 就算而家有McFurry. 都唔及Sundae咁受歡迎.奶菜, 百冇中, 麥當勞既奶茶都算是飲得過. 因為佢地沖得出港式既奶茶. 不過, 今次呢杯味道太濃, 而且落唔夠奶. 苦味重了少少, 茶香未夠. 要扣一扣分.休息完, 本打算參加晚上的舊同學聚會, 奈何太太有少少感冒在身. 而我們亦開始疲倦了. 決定回家休息. 成個星期忙忙碌碌. 星期天, 是需要休息下的.

想吃麥當當新推出的麻辣豬柳漢堡，不外乎被麻辣二字吸引，果然又係中伏。叫了一個麻辣豬柳餐和一盒 6 件裝麥樂雞跟男友 share。麻辣漢堡唔講唔知以為自己食緊沙爹豬柳，啲洋蔥未熟兼臭青：麥樂雞愈炸愈細又愈薄，最後還是薯條，絕對係 my favorite。

今日唔使返工，起身已近十一點，落街買個早午餐，記起麥記出咗個新包，於是試下先。買咗一客雞翼SET再加一個蝦包。蝦包：味道唔差，蝦餅夠彈牙，配上千島醬，只可惜係用軟包，拎屋返屋企有點變形了。雞翼：不嬲覺得麥記嘅雞翼係唔錯，外皮夠脆，熱辣辣，勁好味！只可惜年事已高，不能常常幫趁，只能間唔中食吓！薯條：拎返屋企都凍了，就唔好味LU熱咖啡：係普通，唔係即磨，cheap啲真係cheap啲，飲到底太把咖啡渣喺到！其實睇到之前嘅食評話呢到服務超差，可能我唔係堂食，所以唔覺咁差！

呢間麥當勞竟然一個好or OK評都冇, 總有原因的....又係有事黎左大埔, 有d肚餓又要等時間過, 所以最好就係黎M記hea...叫左個happy meal的麥樂雞meal, 要hot朱古力. 食物方面其實一d問題都冇, 講真, 又可以差得去邊.但係就衰左成間M記d staff service唔好, 又有好多唔係食野的人打"等" , 9成係d睇落去好咸濕的阿伯同埋d放左學冇野做o係度扮溫書的情侶......攪到成間M記都唔知點咁, 食完野坐o係度等人鬼咁難捱....唉....

勁耐冇食m 記....麥旋風都仲會久唔久買嚟食，餐就什少lu!今日lunch 冇得揀就要食啦! 試左新餐...咖喱又唔咖喱, 第一啖覺得似葡汁多d, 因為椰汁味幾重! 日式咖喱? 但唔甜喎! 印度咖喱? 但又唔香唔辣喎! 我都唔知歸納去邊種咖喱, 淨覺得食快餐碟頭飯的咖喱汁都唔會咁失禮lor!個餡就…我一開始唔會期望d 乜囉! 對我嚟講, “鞋”唔會俾我扣好多分, 因為我預左雪藏貨係咁, 問題係嗰件肉有種狂落肉鬆粉整到發脹嗰種淋gigi 的口感! 我諗齋用個包沾上汁去食都冇咁慘情. 印象中, 對上新出嗰個板燒雞腿包對我嚟講都冇咁強差人意. 今日個餐最好的得薯條同個雪糕. ( 係耶! 又雪糕...^^ )

我非常同意豬家的看法，我是大埔居民，由於這鋪的位置方便，我不時都到此鋪光顧，無耐每次都令人失望，薯條從未新鮮過，飽只是暖暖的，味道總是給其他分店差，人流稀疏，買東西吃不太方便，因要上樓梯，不過環境的不錯，大而寧靜，空位又多，最後我還是比較喜歡新達廣場及太和的M記。

唔知點解呢間的確係難食過其他大埔分店相信以TP來說太和那間是最好的了而呢間除service 不太好外食物也不見得好點而且Ｍ記較為駐名的薯條也比想像中難吃奇怪多數購後食物還是凍凍的一點新鮮的感覺也沒有簡直可怕

廿蚊”醒神”雞扒早餐，有蛋，薯餅，飲品。雞扒切唔開，咬唔爛，篤唔入，超級乾身，係我食左咁耐雞扒最難食的一次。雞扒早餐仲要無麵包食，大佬點飽呀？？晨咁早食呢ｄ早餐，真醒神，醒到嚇死人。我要食埋同事兩塊包同半份蛋先夠。