麥當勞 (柏齡大廈)

營業中

休息中

因為做嘢得20分鐘最怏食個麥當勞餐叫咗魚柳包餐+脆薯皇+zero可樂再加一個紅豆批個包感覺比以前細, 但好味依然脆薯皇夾咗啲普通薯條, 好味, 但佢比漏咗茄汁比我, 買嘢食响地下, 堂食要坐一樓, 懶得行返落去攞一包茄汁可樂佢比錯普通可樂, 因我飲得出,怕肥唔敢飲太多 紅豆批係麥記咁多批之中我嘅至愛, 好好味啲收銀妹妹仔真係要再訓練, 一個餐比錯可樂, 比漏茄汁, 唔知佢想點

知道m記出左新早餐，有傳統既muffin+豬柳+薯餅+蛋再加2塊hotcakes，所以去試，因為我2種野都中意食，宜家合併左，1次過可以食晒，非食不可。叫左take away...點知佢比錯左我!!!比左淨係得3塊hotcakes果隻我...臨走前我宜家check過d野齊唔齊，已經發現佢無比糖漿我，要問佢攞返!!!講真，叫得外賣，你最多會check下d野齊唔齊，唔會打開睇，因為d野包好晒，人又多，而如果你返到去發現唔岩都唔會返轉頭la...真係好嬲lor....唉...食物方面，hotcakes夠熱好味，奶茶苦好難飲!!!不過最嬲都係食唔到自己想食既野，仲要係貴左，點解d員工唔可以上心d...比岩order既食物個客人食???

好耐無食過mc早餐...應該都有3年...哈...前排通完頂突然好想食...6點幾死左落去買左個雞扒早餐...加埋$轉左mc cafe既coffee...蛋都可以...幾香唔老muffin夠熱...咸咸地好味雞扒好好好黑...炸過龍 勁深色 好難食!!!coffee極級差 唔香 帶酸味同苦 真係好差!!! 我加$都係想飲啖好少少既coffee姐....

為左嚐鮮,今日買左麥記的珍寶蝦堡餐返來一試佢究竟有幾滋味先!!紙盒裡面仲有張紙包住個包,打開睇個包都幾大生菜多到漏晒出來,但生菜冇左水分好dry!個醬汁流左落來好似好多,其實食到中間醬汁就變好少,淨係食兩0舊蝦餅又係好dry!蝦餅有蝦漿同幾隻小蝦但蝦味欠奉,今晚快12點先去買可能炸油已唔新鮮食落陣陣油溢味!個麵包食落有D唔知係酒味定係其他味,味道好奇怪整體來講:醬汁太少應該在兩塊蝦餅中間再落多層醬汁,就唔會食到中間覺得好乾爭爭,因為蝦餅裡面一D汁都冇,唔似脆辣雞腿堡既雞扒起碼有D肉汁,我覺得脆辣雞腿堡好食過佢!我本來想俾佢OK!想想下又覺得食完一次就夠,唔會想再買來食,咁應該係要俾喊面至0岩!想起買包個陣店員話今日全日只係賣出6個蝦堡,睇來蝦始終都冇牛咁受歡迎!

23 January 2006 (Mon) - 晚飯去剪頭髮前怕染髮時會個肚餓到咕咕聲，所以是是但但求求祈祈去咗麥記咁又一餐！其實都好耐冇黎，不過都如常叫咗一號魚柳包餐，總係覺得冇咁熱氣同肥，所以叫呢個，而我每次都會情願加$2蚊轉中橙汁，因為我對汽水真係麻麻，尤其是係汽水機’針’出黎嗰啲，除非係罐裝或支裝上，否則咪攪，好鬼甜既！呢間麥記好細間，不過都唔多人去就真，想話去個厠所先都唔得，又係清潔中，有冇咁橋．．．？想食快啲，唔知仲可以揀咩．．．　唉，真係唔想食麥記．．．好辛苦．．食到口都'where'．．

八蚊雞誘惑下，午晚餐我都做左「雙層芝士漢堡」ｏ既奴隸。向老二「介紹」ｏ既時候，佢竟然滿肚子怒火咁彈哩間老麥ｏ既服務態度兼一件趣事：凡外賣ｏ既，哩豎ｏ既員工硬係會比漏野，唔係茄汁、乜醬物醬（雖則我都唔會要），就係漏薯條！有次更離譜到，餐跟「中薯條」，因當時薯條炸唔夠，變成「細薯條」份量！我知道老麥有行「五常」，希望哩間分店努力一點啦！但都要讚一讚員工們Sales技巧，每次老二（同佢ｏ的同事）買「芝士漢堡」ｏ既時候，員工們總會推薦「八蚊誘惑」，奈何永遠遭拒絕。細問原因，原來又係「卡路里」作祟，多一塊芝士多一塊牛肉就多幾磅肉係身咁咯！所以就算八蚊有幾大誘惑，都唔夠「曲線」吸引啦，係咪？！