麥當勞 (太子匯)

營業中

休息中

呀dee個晚又去開九龍城，咁最近睇廣告知道m記又出多隻shake shake粉，夜晚口痕痕就去左九龍城m記試下。估唔到十一點幾m就都好多人，好多都應該係11點熄燈打完波既人。講多樣野畀大家知，我覺得m記真係好社會，有人會係個到訓教 有好多老人家係個到飲杯免費咖啡磨一日，有時仲會見到人玩card game for example 三國殺。柚子胡椒 加兩包細薯條 11.5我成日都覺得叫兩包細薯加粉感覺上好似最抵食，雖然冇好似坊間咁數下有幾多條，但是覺得大薯加一包粉就唔夠，中薯單買就貴，雖有就兩包細薯。講番先，其實依加有四隻味，包括蜜糖、紫菜、黑松露同柚子。本身對柚子胡椒個期望都幾大，因為個黑松露已經幾失望，聞就香食就一般，原本以為聞就柚子香，食就胡椒味。點知前者岩後者錯，食起上黎，冇咩胡椒味，反而有柚子味，但是又唔夠重口味，所以覺得一般。點都好shake shake同依加柯華田點都係我至愛，shakeshake粉最愛就蜜糖 柯華田梗係麥旋風，下次有機會再分享下。但係我諗呢個m記係地鐵開左後就會冇，就由廣場入邊間取代。

星期日而家都會早早起身, 呢日仲要再早d, 就係陪表妹去九龍城唱k, 我地訂左位10點半就去唱, 咁早真係聲都未開, 10點就到左九龍堿, 見到附近有麥當勞咁就順去食個早餐, 可能假期又太早的關係, 所以未算好多人, 唔駛霸位就去買野食啦 !收銀處開左兩條隊, 但客人的數目好多, 兩條隊都排左7-8人, 再加埋拎食物, 每條隊都有11-12人。眼見咁多人,但職員都掛住傾計,所以進度都幾慢,希望可以改善。我就叫了開心樂園餐 :魚柳包餐鮮橙汁粟米魚柳包餐都正常啦, 至少塊芝士無黏住張包裝紙 ~反而覺得粟米杯幾好味, 以前會叫佢比牛油拎入去,今次覺得粟米好甜, 唔駛加牛油都好好味 !!服務方面 : 係排隊期間有件小插曲, 大家都幾寧靜咁排隊, 忽然係入面的女經理定主任,好大聲同某職員講左幾次: 係啦係啦!乜都係我錯!得啦得啦!(語氣帶憤怒),作為排隊的顧客當然唔知乜事,咪大家周圍望,望下乜事!當然我唔知發生乜事,但面對多位顧客,是否可以處理得更好!

手撕雞漢堡見佢一出已經好想試，因為有別於佢以前既漢堡，就去支持一下新嘗試麵包抵讚，暖暖的好鬆軟，同平時個包皮唔一樣架，好似豬仔包甘，但手撕雞漢堡完全唔覺有雞味既，醬汁就是平常沙律醬，只係覺得食緊一堆炸粉，口感奇怪，唔好食唉……又俾廣告欺騙了

難得早左黎到九龍城，落車行過太子匯地下嗰間麥當勞，好耐無食早餐全餐，但如果慢慢坐低食我就唔夠時間行返去於是買個包餐拎住食就算喇，揀左個新推出嘅芝士雞堡餐雞堡上手熱烘烘，用上英式鬆餅，雞塊好似麥樂雞咁，比麥樂雞嘅炸粉薄啲，而家多左一點胡椒粉，帶微辣配上芝士及沙律醬，打開時芝士還被雞扒嘅熱力溶化一路食到最內心先見到半溶芝士黏緊雞肉，咸香味美沙律醬份量都幾多，味道似魚柳包中嘅沙律醬走酸瓜粒套餐選配鮮橙汁，醒晨開胃=]## 是日進店時間未到七點半，可能太早，人手有點不足。

忙亂o既一日 , 遲左放 lunch , 我仲一心諗住放工去食玉子將軍 , 好在都遲左放工 , 都有肚去食少少下午茶 , 不過成個餐就唔得喇於是行過對面太子匯地下呢個麥當勞 , 黎個 relax tea =)1. 豬柳蛋漢堡 ~ 變返做 $ 8 個之後第一次食 , 味道相信唔使多加介紹 ,只想提一提 , 今日o係呢度食o個個好夠熱 , 芝士溶得好靚 ^^2. 胚芽好立克麥旋風~無意發現新出左呢個 , 好似無o係電視賣廣告 ??老實講都係一個可以想像到o既味道 , 細個都成日拎 d 好立克粉黎食而個麥旋風就將 d 好立克粉拌混左o係雪糕度 , o係面再加左 d 胚芽 , 好香麥味 , 不過多好立克o個 d 位會偏甜胚芽份量足 , 相當唔錯 , 加上返工被人激親 , 食完杯雪糕心情都好返 d## 好立克系列唔似得之前黑森林系列o個 d 咁只係得甜品部先有 , 另外仲有新地同 double 新地 , 不過淨係得好立克粉 , 無胚芽o家 =)