麥吉

喺台灣已經好出名 世界各地都有分店嘅麥吉machimachi 終於開到嚟香港開分店！之前喺台灣已經飲過一次 念念不忘～而家唔使飛台灣喺香港就飲到🌟烤布蕾奶茶鍾意食焦糖燉蛋嘅朋友一定要嗌呢杯！上面有厚厚嘅焦糖燉蛋下面再配奶茶。上面有層啱啱燒好嘅焦糖～ 淨係焦糖燉蛋嘅部份已經大約佔咗個杯三份一至¼嘅位置 淨係就咁食上面嘅部份都已經好滿足🤩官方建議係攪勻咁飲 我自己就鍾意一啖上面嘅cream 再飲一啖奶茶。去到最後再試吓攪勻飲。一次過試晒兩種方法✨…查看更多

呢間台灣過江龍Machi Machi，連周杰倫都係忠實fans，今日經過見到唔係好多人，就入咗去排隊試吓🤓整體上係比香港其他奶茶鋪出色好多。另外店入面有自家品牌嘅產品，等奶茶飲品嘅時候可以睇睇。蜂蜜凍檸檬多多 少甜 $33呢杯嘢飲好Fresh，而且佢有少少蜂蜜啫喱喺底，飲落去可以中和返檸檬嘅酸味。呢句嘢飲唔建議叫無糖因為會超酸同埋有啲苦澀。珍珠奶茶 少甜 $33珍珠奶茶係必叫，佢亦都係排行榜裏面第四名，佢嘅珍珠好新鮮，茶底亦都好香，必試🤩烤布蕾奶茶 少甜 $40烤布蕾奶茶係排行榜裏面嘅第一名，Crème Brûlée 嘢飲嘅一半以上，加埋一齊飲幾特別，唔會話太甜，反而好match，好好飲，值得一試😋青莓葡萄柚綠茶 少甜 $35呢杯野飲好適合夏天飲，好清新好解渴。底部仲有少少葡萄柚嘅果肉，飲落好fresh，完全係消暑之物🤓…查看更多

終於等到麥吉在香港開店！周董喜愛的茶飲店，果然好飲好正，試晒所有款式。烤布蕾奶茶不得了，滑滑嘅烤布蕾加在奶茶中，味道原來好夾。梅子凍苿香綠好清新，梅子果凍好食，係可愛嘅瓶裝，瓶裝嘅選擇另外仲有奶酪奶茶同奶酪草莓鮮奶。下次要試吓各種生果茶，仲有多多系列。配料方面，除咗一般嘅珍珠、芋圓同寒天，仲有抹茶凍、咖啡凍、蜂蜜凍。個裝修好乾淨簡約舒服，提一提避免在午飯時候去，實在會多人，又霸到靚位打卡，而且要等嘅時間都比較耐，不過好味係值得等嘅。仲有一啲限定商品，有咖啡杯、手抽袋、杯套、貼紙等⋯⋯ 都幾可愛。…查看更多