鹿苑粉麵餐廳

營業中

休息中

近日小弟去咗呢間喺大圍屹立9年嘅粉麵餐廳。依家唔少茶餐廳陸續新鮮轉型，務求吸引年輕一代，而呢間仍保留住典型港式茶記風格，白色卡位加上雲石圓枱嘅多人座位，伙計身上個件傳統白色戰衣，舊港風味十足，今次小編揀左好多人都鍾意食嘅常餐，跟餐個碟大大份火腿奄列，諗起都想食！沙嗲牛肉麵 (常餐A) $43牛肉片，厚身，纖維肉質未有被鬆肉粉醃過火，食落仍有咬口。沙嗲醬，唔咸偏少少甜微微辣，沙嗲味淡，偏花生醬味，表面有少量花生碎！🥜麵條，淥得啱啱好，口感爽彈，唔會過腍，嗦埋湯汁！好食！牛油方包+火腿奄列 (跟餐)火腿奄列，好大份、厚身！有驚喜！👍🏻 應該用咗2-3隻雞蛋，size大過半隻碟，有雞蛋香，而且煎至燶邊少少脆，唔太油，絕對值得一試。凍檸茶唔太甜，茶味淡，勝在夠大杯👨🏻‍💻 總括嚟講，水準中規中矩，但份量、用料充足！ CP值高！ 鍾意食粉麵又支持港式人情味嘅話唔好錯過！😁👍🏻_______________鹿苑粉麵餐廳 (大圍)大圍金禧花園7號地下_______________

己幫襯十多年，今天終於被搵笨。以前也聽過很多投訴，不過因為貪就腳，從來不在意。今天心情本來很好，想吃崩沙牛腩，本來想去另外一家，因為本來就感覺這一家只能做最低要求的東西。但因為要買魚皮打邊爐，順便問了一個熟悉的女侍應，問得好淸楚，加錢可以提供崩沙牛腩。結果，切頭切尾一堆垃圾。因為女侍應行開咗，同另一個不認識的男侍應講，佢問我是否未幫襯過。最後，付了錢，垃圾沒有拿走。以後，永遠不再幫襯。

想不到這間在大圍歷史較久的餐廳，這麼多負評，但是我們再走到外邊的美食廣場，看見那個「搵食市集」已經倒閉了於是就隨便行到來這邊看看有什麼餐廳，結果就立馬進入這間舊式餐廳。和妻子每人點了一碗麵，她的牛雜，我的是牛腩，牛腩肥瘦均勻，不會太乾太瘦吃到痴牙，而且賣相功架十足，肥瘦均勻，雖然麵條吃起來比較碎濕濕，不過30多元都不算太差。妻子的牛雜，好像腸的部份，夠肥夠香，都油份十足。另外由於餓了太久，下一餐在友人家作客，不知什麼時間才能夠吃，於是一起吃多一份下午茶就是西多士雞翼，雞翼就只有兩隻中翼，生炸雞翼，因此外皮夠脆夠香，中間的醃料都吃得出那種特別的香茅味道。半份西多士難免感覺比較少，中間的醬不算太多，不過包都算是弄得夠脆，加點糖膠，當然不會太差。鴛鴦的味道也算是不錯，奶茶咖啡味道調配得宜，不會有一款喧賓奪主，這間餐廳的茶味好像都算挺為香濃。大圍係現在很多舊式餐廳都好像已經倒閉了，在最外邊的那間雞粥小菜店亦都關門大吉，就連搵食市集這裏平價的美食廣場都關閉，好像轉了那些中式辣店舖，隨着沙中線、屯馬開通興奮的發展，樓價飆高，會不會大圍這邊遲些也全數轉為連鎖店😕或是大商家旗下的店舖，又或是大集團旗下

目的係食佢個炸魚皮 以前細個食好好食 今日食就有啲唔夠鬆化 炸得偏硬 要浸湯浸耐啲先食點左佢個牛筋米送炸魚皮 加凍奶茶個米粉一泥已經朔晒水 比既湯唔夠多食食下 無着制服嘅一位叔叔（應該係老闆我見佢主要收銀)比多左碗湯我點炸魚皮 算係細心粉麵鋪飲奶茶就預左唔會係好飲既 杯奶茶都飲淨一半

如果你search鹿苑，你只會找到大圍這一家，別無二號，而事實上這是小家街坊小店，我甚至懷疑這是家族經營的，裏面小至餐單，員工服飾，食物配搭，大至座位環境，門面佈局都無規則可言。在這裏，可以見到正在工作的員工食着哈蜜瓜，又可以見到穿着人字拖上菜的厨師。當一枱客人吃着魚蛋米，牛腩河的時候，另一枱客人卻點了火腿通，沙律薯條，食物配搭靈活，種類迴異多變。而今天，我點了炸雞髀燴意粉，燴意粉這食物，是具有濃烈香港的色彩。一般的意大利意粉，煲完後只混入欖油備用，加上肉醬在面，吃時伴均，甚少回鍋再煮。但燴意粉是切合了香港人的口味，把意粉煮得稔些煮得入味些。如圖所見，意粉是燴煮過，再加多一堆醬，味道濃上加濃，但面條質地又不會軟爛，處理算不錯。炸雞髀是現炸的，燙的熱肉汁仍然保存在髀內，雞皮香脆可好，美味！整道菜式，誠意可嘉，這就是人情味。鹿苑雖然草根，服務亦未必及得上連鎖快餐，但卻是鮮活的，熱血的存在。難道要它殆沒在這冷漠的世界中，我們才驚覺失去的可怕嗎？

好耐無食墨魚丸牛腩河(>﹏<)，就揀咗呢間餐廳，入咗去鹿苑粉面餐廳，叫了一碗墨魚丸牛腩河，第一時間試了一口湯，奶白色的湯底係魚湯黎呀！！！河粉幼滑，墨魚丸彈牙同有油墨魚粒，很不錯o(≧v≦)o

我有一日入去食早餐，個餐係寫住白菜配兩個餸的麵，黎到時發現冇左白菜，個侍應冇主動同我交待番，我就同個侍應講，佢話冇白菜，俾番D生菜代替，期間連對唔住都冇講，最谷氣係兩個侍應同埋廚房員工討論起呢件事來，仲要講好耐講左成兩三分钟，一個就話早餐好少人叫菜吃，一個就話晤記得個餐牌的餐D內容，一直都冇客人提返要菜的，(我心林，你個餐牌明明寫住有菜，黎到就冇，唔通係我錯咩) 一個廚房的仲話，下次有人叫呢個餐，直接話冇菜。(總之我就邊食邊聽到佢地講，老闆娘未有察覺他們的行為，未有阻止他們)經過呢次之後，我決定暫時不幫襯他們一段時間。

呢間鹿苑粉麵，的由細個吃到大個！細細個住大圍，所以成日去吃，而家搬了，但教琴時，都會經過大圍，咪必定回去鹿苑吃 「星期一至星期日」意粉餐！我而家仲記得，星期一，星期四，星期六和星期日都會有炸雞脾 🍗 意粉餐！話說係粉麵鋪，有意粉吃，而家很少出現，仲要 provide 炸雞脾意粉😘😘😘意粉煮得好好吃，特別當日的汁是用黑椒汁👍🏼👍🏼牛扒，都不錯的，是有用心去煎的！我今次選擇了雞排火腿黑椒汁意粉樣子都可以接受，不是求其煮出來的！大家不妨下次去大圍時，試試意粉餐評分：環境：8/10食物：9/10態度：8/10我一定會再次幫襯的地址： 大圍道55-65號（近金禧花園）

今日中午行過大圍，又肚餓又唔想食飯，所以搵啲濕濕地嘅嘢入口，就揀咗呢間餐廳，入咗去鹿苑粉面餐廳，叫了一碗墨魚丸河，河粉送到我第一時間試了一口湯，奶白色的湯底是用魚來㷛，河粉幼滑，墨魚丸並非出面食一般彈牙，他是用魚和墨魚打造，食了一啖還有陣陣的胡椒味，都不錯最後我連湯都飲埋

呢間餐廳其實好近大圍火車站，不過唔多起眼，可能佢周圍都係買雜貨，分散了注意力. 佢呢果湯好好味，應該落左唔少腩汁。因為平時食開其他的鋪頭個湯都係淡啲既. 牛腩份量都唔少，一共有七塊，非常合理。不過我嫌佢唔夠腍， 雖然味道都係夠既. 肥瘦都叫適中，少少膏，仲大有好多筋膜，食落會冇咁單調. 河粉的份量正常，感覺有少少難夾起，但仍然是在可以接受的程度。河粉煮得偏軟身，易於入口。每碗麵都有一大湯匙蔥蒜，對於我呢啲蔥蒜愛好者，當然十分喜歡. 不可不提的就是佢個辣椒油，都好夠香和辣. 一定要落一啲送麵呀.到最後就係要講下佢既速度，我叫完只兩三分鐘，河粉就到啦，快到不得了。

收工近近地就嚟咗依度食宵夜啦！我就嗌左碗牛腩河食落單既時候，員工既態度麻麻啦，唔會特別好亦唔會特別差當牛腩河來到時候，一食。。完全唔算係好食囉🤢🤢牛腩係俾幾多既，但係好多筋又好老咁....最重要係!!!陣蘇味真係好重...食落去真係唔係好接受到丫🤢🤮！另外，湯底超重味精又咸又怪，濃味到完全唔覺好食🤮你話重口味但好食我都可以接受，但最重要係重口味都唻都可以唔好食既囉😭😭...😨而河粉都一般吧。總結就係食完碗牛腩河，完全破壞左我不嬲對佢既好食印象😭😭😩可能之後都唔係好敢食了，因為真係諗起返呢個蘇味都唔係好想食..所以呢餐完全真係為食而食既一餐咋🤢份量雖然足夠但真係太重口味了😨連我好中意食重口味既人都頂唔順呢

是日有急事突發要入大圍，搞掂既時間已經係中午十二點幾，全朝未食過野真係超餓。見到路邊有間麵館就衝入去，諗住快快食完就算。內裡一般茶記格局，好污糟，好嘈。算，嗱嗱聲食完就閃。鮮蝦雲呑併豬肉丸麵。先講湯底，怪怪的，只能說好過滾水，小小咸，食唔出乜湯底，更不要期望有乜鮮味可言。麵，還可以，鹼水味不算太重，軟硬度亦適中，不過份量偏小，大約食到5撮。雲呑，好細粒，蝦亦不出色，但起碼正常食到落肚，而且皮薄。豬肉丸，正常冰鮮野，無驚亦無喜。$30一碗，正常質素。不過周圍環境都好污糟，而且啲阿姐態度亦有需要改善

落錯單 員工仲第一時間卸膊 話我落單時我地講錯明明下午茶D餐係 雞全翼拼西多士或薯條$28我：一個下午茶D餐 要拼西多士員工：好（張單都寫左28蚊）西多士嚟左食完 我催雞翼未到員工：你地頭先落西多炸嘛我：下午茶D餐要拼西多 張單都寫住28蚊佢一句都唔講就去叫廚房整雞翼嚟到 一句道歉都無 而且態度差劣

在家工作到凌晨～係大圍凌晨時分一個人又餓餓地，食乜好…其實選擇唔多，去呢間食個餛飩麵吧。一入去坐低，成陣漂白水味…算啦，一個人快快食完就算啦…餛飩都幾大粒，麵質好硬…湯個鹼水味好重…根本求其…唔休做。叫罐可樂，竟然可以唔夠凍…完全不知所謂，與其趕客，不如早d收工，以免食客受罪！

十二點幾飲完酒回家途中突然肚餓想吃碗魚蛋粉，順路就叫碗外賣魚蛋河，十分鐘後回家即急不及待打開快快食，魚蛋非常彈口，河粉亦十分幼細順滑，但越吃就越口渴 ，要一邊吃一邊飲水先得，其實魚蛋粉的湯底真係唔洗咁重手 。