鹿巷

營業中

休息中

去咗西灣河附近食呢一間特色嘅水果咖喱，試咗香草火炙鴨胸咖喱丼，口感非常特別鴨胸外皮香脆而且帶着水果嘅甜味咖喱非常之好食，可以撈晒飯黎食😳🤭仲有佢嘅味噌炒腩片，非常入味，如果鍾意食濃味嘅都可以一試蓮藕整得好香脆食落都係傻傻聲，佢嘅口味會比較偏酸啲，如果都鍾意食啲酸酸甜甜嘅嘢就非常之啱食啦，特別係我呢啲鍾意食菜嘅人舖頭仲有茶水供應，日本裝修非常之有特色，啱晒一班人聚會去，我去嗰日都差唔多張張枱都有人，如果想一大班人去可能要早啲

轉角處那間不起眼既日式小店，店外的燈籠隨風輕擺，店內座位不多，牆上貼滿日本雜誌海報，濃濃既昭和風情撲面而來。火炙香料雞胸咖哩丼招牌菜同出面有分别，雞胸經秘製香料醃漬後炙燒，外層微焦仲有蜜糖味，內裡多汁，加埋咖哩醬，甜辣交織。和風牛肉丼薄切牛五花，醬汁鹹甜比例適合。豬扒蛋蓋丼金黃酥脆的炸豬排，加埋滑蛋，超好食。小食也別具巧思雞軟骨有咬口；柚子醋醃漬番茄冰鎮上枱，清新酸甜正好解膩。人均百元有找既價格，卻如似有係京都某條小巷裡既深夜食堂，有feel。鹿巷筲箕灣道48號地下3B號舖#鹿巷 #日式餐廳 #日式料理 #小店 #西灣河美食 #西灣河 #高性價比 #foodie #foodiehk

朋友好少去西灣河，所以今次就同佢去左西灣河揾食啦。除左去出名既太安樓之外，再去左附近既【鹿巷】試下。佢地主打自製水果咖喱、同埋其他日式小食飯類。香草火炙鴨胸丼：焦糖火炙鴨胸鹹鹹甜甜、肉汁軟嫩。最驚喜係旁邊既自製甜水果咖喱，用蘋果同水蜜桃熬煮，撈飯食超開胃！他人丼：將傳統親子丼嘅雞肉換成薄切牛肉，照燒汁入味，蛋液半熟滑溜，洋蔥煮到甜軟。牛肉嫩滑唔韌，蛋香濃郁。特製雞軟骨：雞軟骨炸到金黃脆身，撒上日本山椒粉，麻香微辛。自製淺漬燒蓮藕：蓮藕片漬得爽脆入味，帶淡淡昆布柴魚香，表面輕輕燒過增添焦香。作為小菜清新解膩，配丼飯絕佳！

呢間日式小店喺西灣河 主要做外賣 🤣 啲裝修幾特別 好有日本風情 😂 嘢食都唔錯 值得一試☺️我地都會諗住下次再嚟幫襯😗 -🍜洋式清酒煮蜆烏冬 $95湯底好creamy 濃厚 我哋飲晒成個湯 😍 蜆肉鮮甜 份量唔算多 不過好大隻 🤣 烏冬口感煙靭 吸左湯嘅甜味 😆 正呀-😆淺漬燒蓮藕 $40蓮藕好爽口 酸酸地 幾開胃😍-🍲凍柚子湯鴨胸蕎麥麵$80 柚子湯好清新 味道酸酸甜甜 啱晒夏天😆 鴨胸幾厚 煎得好香 🤣 蕎麥麵同柚子湯好夾 ☺️

於西灣河近警署附近的横巷(前華記士多位置)，有間特色日式小店。雖然店子細細，但充滿日本小店風格。🍅柚子醋藤茄~顏色鮮豔，又圓又大粒的籐茄，吸收了柚子醋的酸甜味道，清新醒胃。🐔特制雞軟骨~軟骨口感香脆，加入了山椒調味令味道更有層次，既香又麻，非常惹味。🍲法式清酒煮蜆配烏冬~湯頭濃厚中帶鮮甜，十分creamy。每隻蜆均肉厚味鮮，烏冬吸收了湯頭的甜味，完全做到掛湯效果。🦢日式咖喱鴨胸飯~自家特別調制的水果咖喱，用了洋蔥再配合蘋果、水蜜桃及蜂蜜，濃香咖喱帶水果甜味，完全沒有辛辣感；鴨胸又厚又大片，煎得既香且軟，與咖喱十分配合。鹿巷筲箕灣道48號地下3B號舖

呢間餐廳不太起眼，但正正喜歡它不起眼，唔洗同人迫👍🏻。叫「鹿巷」因餐廳真係喺條巷入面。有飯又有麵食，不錯👍🏻。❤️火炙香料鴨胸咖哩飯 ×1好大碗！鴨胸切得厚薄適中有口感～咖哩多唔太辣好香口～❤️法式清酒煮蜆×1加錢配：烏冬店員話呢款唔同平時果d，除左清酒重落左忌廉和牛油🧈，入口酒超濃超香！蜆份量多，加上大量甜甜的洋蔥🧅和爽滑烏冬，超正👍🏻！❤️淺漬燒蓮藕 x1蓮藕十分爽脆！❤️柚子漬大根×1有柚子的清香和甜味～

嚟到華記士多舊舖，見到頂手嘅呢一間小店，本身諗住同阿哥買外賣返屋企，點知原來有堂食😋🌟香草火炙鴨胸咖喱烏冬 $80一上枱就聞到濃郁咖喱香～烏冬用咗粗身讚岐款，掛汁能力一流，每條都沾滿微辣嘅日式咖喱汁💕唔知點解覺得個咖喱汁有少少藥材香😂湯底濃稠度剛好，唔會太稀或太杰☺️鴨胸外皮沾咗蜜糖，煎到焦糖脆皮，肉質保持勁粉嫩，好食😋🌟柚子醋番茄 $40冰鎮過嘅車厘茄一咬爆汁，柚子醋酸甜清新，好開胃🤤🌟特製雞軟骨 $40呢個雞軟骨唔係有厚炸粉嗰一隻，咬落去油香加埋醬油香好惹味，好食😋送啤酒一流～ ⭐️豚肉生薑燒 $65薄切豚肉片煮到剛好熟透，洋蔥炒到軟腍，生薑醬汁勁濃，好似食緊薑汁撈飯咁，整體口味比較清淡😌整體嚟講覺得餐廳嘅裝修都幾特別，好有日式風格，食物方面大推鴨胸！好好食💕

/梅子醋蕃茄$40/真係好開胃-又入味，每咬一次，都逼曬啲酸爽嘅蕃茄汁出來🍅/特製雞軟骨$40/加入日本山椒粉同特製醬汁，味道辛而不辣，而且幾有口感🌶️/凍柚子湯鴨胸蕎麥麵$80/呢個天氣食真係gur曬～柚子湯口味酸酸地，而且好清涼🆒鴨胸薄薄地又涼涼地，少許嘅鹹味，口感超嫩！🥩/火炙香料鴨胸咖哩飯$80/壓軸登場-是日主角🔥招牌水果甜咖喱飯-由蘋果、蜜桃、洋蔥同紅蘿蔔熬煮而成，極度濃郁👃🏻飯內仲有原塊煮過嘅蜜桃🍑配上炙燒過嘅鴨胸，面層仲有份焦糖嘅感覺，好食到想獨食🤤

呢度氛圍真係好似日本小巷牆上掛著日式菜單同插畫忍唔住影多幾張相入夜後仲靚有人帶可愛寵物一齊用餐睇到都開心外賣堂食都ok洋式清酒煮蜆烏冬真係食唔停成個碗好重稱可見好足料Cream同sake crossover洋蔥與蒜蓉回味無窮水果咖哩重點係超厚鴨肉燒到表皮焦糖化最驚喜係咖哩真係有果肉有黃桃肉等等搭配醃菜同食效果幾好小食有特製雞軟骨肉質多汁外皮香酥淺漬燒蓮藕爽口到好似食生果甘以酸做調味嘅蓮藕都係第一次試

走過西灣河橫巷，看到巷尾開了間日式小店，飄來陣陣食物香氣，主力做外賣，但亦有堂食的桌子，決定進去試試火炙香料鴨胸咖喱飯 $80我絕對會為了鴨胸再來，厚切外脆內嫩，鴨皮灑了砂糖後燒得脆皮，甜味中和煙鴨胸本身的咸味，非常出色日式咖喱亦帶香濃的煙燻味道，份量很足，性價比高法式清酒煮蜆 $95+讚岐烏冬 $15以牛油將洋蔥炒香加入清酒，高湯帶海鮮的鮮甜味，蜆肉嫩滑無沙，一碗最少有20隻，份量超多，烏冬口感軟韌，配海鮮湯一流淺漬燒蓮藕 $40帶酸酸的日本梅子味道，冷凍蓮藕口感爽脆，開胃的小菜食物質素高，值得支持的小店

日式路邊攤風格非常闊落日式圖案打卡枱日式動漫雜誌牆壁好適合cosplay過去打卡餐廳主要食日式菜飯類烏冬仲有多款居酒屋小食平台外賣自取優惠好多選擇了🍚日式甜咖哩煙鴨胸飯煙鴨胸焦糖脆皮處理保持到肉質嫩滑第一次嘗試這種食法日式咖哩飯甜甜地配薯仔蘿蔔好開胃睇落去唔係好大兜 珍珠米好快就飽肚🍚法式清酒煮蜆清酒香 蜆鮮甜清甜湯味配烏冬非常開胃 湯飲清光主食份量剛剛好只嘗試2款小食🍚特制雞軟骨熏香味好重簡單小食極緻處理作為雞軟骨愛好者讚！🍚淺漬燒蓮藕 酸蘿蔔味道清爽口感適合夏天解喝

開胃菜先來個柚子醋蕃茄，車厘茄甜甜酸酸，非常醒胃😙煙薰特製雞軟骨卜卜脆，煙薰後再上孜然粉同醬汁，十分惹味，喚醒晒專食好西既味蕾！日式甜咖哩香料火炙鴨胸飯，甜咖哩調味非常好，撈飯一流！而且鴨胸皮加左焦糖一齊燒到脆口，食落去唔會覺得好油膩，甜甜地脆脆地，唔食皮就嘥左啦 😝法式清酒煮蜆併烏冬，蜆嘅份量勁多，蜆肉肥嘟嘟，用左牛油同清酒煮既湯，一上枱就已經香氣濃郁，食指大動，烏冬又爽又滑，配埋湯一起吃，配搭得好好呀！估唔到橫街細舖，可以有咁多好野食😌

喺個巷度隱藏咗間寶藏外賣餐廳。我喺出邊兜咗幾次先知道道原來要轉入個巷仔。裝修好特別，好似日本嗰啲屋台經過坐低飲杯酒嗰種感覺。柚子醋為調味，搭配新鮮的番茄，帶來清爽的口感和獨特的酸甜味道，好開胃。雞軟骨經過特殊處理以確保軟嫩多汁，是一道獨特而美味的菜品。感覺好似有炸過，外皮挺酥脆的，被醬汁包裹着，醬汁微酸，令人食唔停口。以自家制的日式甜咖喱香料火炙鴨胸搭配米飯，帶來濃厚的咖喱香氣和烤鴨胸的鮮嫩口感，是一道豐盛而美味的餐點。鴨胸好厚好嫩滑。將法式清酒煮熟的蛤蜊和烏冬面結合在一起，融合了法式烹飪和意式麵食的風味，散髮出獨特而豐富的味道。

以前西灣河好出名嘅蛋包飯依家原位開咗間勁隱世嘅和食料理屋 - 鹿巷~不過比以前更加好係佢承包埋隔離嘅地方，依家唔使坐街舒服好多~鹿巷唔只裝飾滿滿日式風情，連食物都係主打日式咖哩🥘，關東煮🍢同埋和式小食~日式甜咖哩牛肉飯 - 佢哋嘅咖哩用上蘋果🍎洋蔥同紅蘿蔔做基底熬煮3小時，食落有豐富的香氣和甜味~真係小朋友都食得~ 仲有日本飯素，漬物拎味道更加豐富好送飯！甜甜嘅咖哩配佢哋自家製嘅洋甘菊蘋果肉桂茶就啱曬~都係好香嘅果味，而且不含咖啡因，夜晚飲都唔怕啦~豬扒蛋蓋飯 豬扒金黃酥脆，口感鬆軟混合滑溜溜蛋汁洋葱~熱辣辣即刻食簡簡單單就係美味法式清酒煮蜆 - 必叫！有清酒香嘅蜆本身已經好吸引，呢度仲用上牛油收汁簡直係香得不得了！🧈🧈🧈蜆嘅份量都唔少，個湯正到可以飲埋~真係唔好曬料特製雞軟骨 - 唔會乾柴硬，口感爽彈，食落鹹香有少少麻味感覺如果用嚟送啤酒會更加正😂 老闆話佢哋仲可以加蘋果木嚟煙燻味道會更加濃🔥呢個夠特別下次再嚟試吓先得！

講起西灣河美食一定會諗起太安樓，行過少少有間隱世小店，呢條巷平時好少行過，舖面似是間外賣店，轉角橫巷則設有用餐區，認真隱秘！餐廳佈置有不少日式海報及貼紙增添東瀛風，更有個哥斯拉小區。而餐枱以飲品膠盆砌成，幾有特色。① 日式甜咖哩炸豬扒飯 $80② 日式甜咖哩香料火炙鴨胸飯 $80店主以傳統煮法製日式咖喔，用洋蔥，紅蘿蔔，蘋果及水蜜桃熬煮4小時。咖哩味道帶微甜，好拌飯，配料真係食到有水蜜桃。炸豬扒外脆肉嫩，炸粉唔厚，食落唔膩。鴨胸厚切，肉質鮮嫩，而且用香料火炙過十分惹味！好食！③ 法式清酒煮蜆 $80大推！！真材實料，用超過廿隻蜆煮成，蜆肉大隻肥美，清甜帶有酒香，仲有洋蔥同蒜粒，成碗清晒！④ 特製雞軟骨$35好多地方食到既雞軟骨都係軟脆，呢度個雞軟骨有醬汁包住，口感爽脆而不乾，好味。價錢唔算好平民價，但每份食物份量及味道都對得住個價錢