影片
第一日做生意就俾我寫，我都唔想，只希望你地有待改進。當日門口寫試業，就入去一食咗一次，叫咗乾牛河同埋芙蓉蛋飯，咖啡奶茶，可能係試業關係，一個字「亂」，成門口都係人，又無隊俾你排，又無人問你幾多位，等左10多分鐘後先有人派籌，都已經有幾個打咗尖，對面上菜叫一份就黎兩份，飲品係正常之下，未至於難飲，但食物就非常重油，係極重油，芙蓉蛋無乜料，牙菜得幾條，蝦仁係同蛋分開，我食咗一啖有好多鹽嘅煎蛋，同飲海水無乜分別，碟飯係夾硬食落肚，至於乾牛河就真係不知所謂，重油不特止，仲要係少老抽少豉油去炒，D色淡過咖啡加水，無味道，佢好似係用越南河粉去做，所以沾得仲多油，我食一啖入口就立即吐返出黎，一口都係油，難委太太仲先食咗半碟。呢間鋪我就唔會再食，真係攞錢買難受。
繼續閱讀