影片
以上資料只供參考, 請與餐廳確認詳情
食家推介
由長髮扎馬尾年約三十幾歲的女人幫我哋落單，我當時口快快講咗佢哋餐單上旁邊嘅數字，佢好粗聲氣咁話唔好講數字我唔識，我即講唔好意思再講馬拉盞通菜，燒烏頭，濕炒海鮮河，芒果沙冰...隔半個鐘度佢走過嚟問我哋（同樣發晦氣粗聲粗氣）仲有咩叫係咪咁多，我話條燒魚仲未嚟，於事繼續等，足足等咗60分鐘條燒魚先出現，但仲要係錯嘅，明明食烏頭變咗條鰂魚，只係問我哋食唔食（毫無半點歉意），我話等咗咁耐是旦都要啦，從未試過食嘢食到一肚氣，真係第一次開闊眼界！！！基本上係個長髮扎馬尾年約三十幾歲女人態度好有問題，我見其他店員都好禮貌，再好食都唔會貼錢買難受，完！
繼續閱讀
宵夜必食😍1️⃣燒豬頸肉好香炭燒味,份量多,肉唔un.醬汁dd辣好香口.🤤💰HKD$602️⃣炭燒魷魚彈牙,唔un,都香炭燒味,份量又係好多,醬較辣🤩💰HKD$65開通宵,岩先收工夜嘅朋友仔.佢仲有新鮮菠蘿賣,姐姐會幫我浸埋鹽水,好大個好甜多汁.😍😍
繼續閱讀
呢日黎九龍城按摩💆搞掂之後想整翻個🇹🇭Thai Day，所以就想係個度食埋泰國菜先走朋友家姐就介紹左呢間小店，佢唔係最出名個幾間，我地7點幾去到唔使排隊直入～其實本身見到冇人仲係度考慮緊入唔入去好，但後尾坐坐下就滿座，所以我地諗應該都ok😂😂~~~🌿飛天通菜($78)🪄7.1/10大份得黎炒得有臒氣食落鹹度啱啱好，辣辣地幾惹味😜.🐂泰式燒牛肉($70)🪄6.9/10呢碟係朋友極力推薦嘅一碟，上網睇都好多人有嗌食第一啖我同朋友都不約而同話：「好似大陸燒烤味😐」，因為上面撒左好多孜然粉完全唔似食緊泰國嘢lol我地就唔係好鍾意呢種味，但口味因人而異嘅🤧牛肉冇乜牛味，唔係燒到全熟所以食落幾腍.🐷泰式燒豬頸肉($58)🪄6.8/10味道一般般，食落有啲乾但佢個汁食落又有少少奇怪，似醋味🤔食泰國嘢醬汁其實好影響食物味道，所以有啲少失望😕.✨泰式黃咖喱配海鮮($118) 🪄7.3/10成餐最鍾意食嘅就係佢❤️食落唔辣好香椰味，見到有啲蛋花而且超足料，唔係淨係配菜多就咁已經見到好多海鮮😍😍大大舊魷魚，蜆就冇乜肉，食到粒有少少沙我地仲加左個薄餅 ($35)點黎食🤤🤤簡直係perfect match🥰.🍍菠蘿🥭芒果沙冰($24) 🪄7.7/10兩杯都好好飲，感覺到係真材實料，唔係個種死甜/假水果味😋但飲到後面好似越飲越甜🤣菠蘿味飲落好似食緊菠蘿冰咁，又甜又鹹好正👍🏻~~~⭐️回頭指數🌕🌕🌕🌗🌑如果想平平地係九龍城食泰國菜，絕對可以考慮下呢間😛嘢食質素ok，而且夠大份，好抵食！完全估唔到人均百幾蚊就可以係九龍塘食到泰國菜，仲要飽到食唔曬要打包翻去😆不過裝修就比較up dup，係普通茶餐廳格局，介意嘅話就要再考慮下👻
繼續閱讀
勁鐘意食生菜包！呢個生菜🥬包勁夠味，唔洗點汁！如果有人包埋餵埋我食就真係幸福到滿瀉。⚠️溫馨提示「用手食既話，食完隻手會好大陣菜汁肉汁味，因為食既時候無可避免會滴到成手都係。」。燒牛肉應該係食肉獸至愛，點埋個汁會好濃味！生蝦好新鮮，夏天食涼浸浸既野都幾爽！個飛天通菜好惹味！希望我將來都煮得一手好菜啦🥬🙈。最後杯芒果沙冰好厚身好creamy，幾乎成間餐廳每張枱都起碼order 1杯，推薦推薦！—#生菜包 #好重口味 #九龍城 #泰國菜 #鴻陞 #foodiehk—
繼續閱讀
九龍城係泰國菜既聚集地，而朋友又係附近返工，唸住是但搵間泰國菜舖頭坐底食，呢間人少又唔洗排隊，點知伏左中叫左半隻雞，但D肉好‘鞋’同好實，成碟得一兩件係滑雞，我地都冇食晒呀椰菜茜，唸住碟菜冇技巧可言啦，炒熟就食得，嘩，咬落去個下，好實正喎⋯⋯要好比牙力，食到牙較都軟埋呀，仲有渣添，味道本來唔錯，可能炒得唔夠熟明爐烏頭，連條魚都係‘鞋’嫁⋯⋯魚控既我覺得唔合，仲要百幾蚊，唔值呢個價我同朋友食完都覺得中伏，同冇下次
繼續閱讀