鴻福燒鵝海鮮酒家 (已結業)

本人對燒鵝情有觸鍾，會周圍搵燒鵝試，今次就去左屋企附近嘅茶記點左個燒肉燒鵝脾飯，由於燒鵝脾係冇雙拼，所以就$132+$15燒肉=$147.燒肉:皮脆，肉嫩，唔錯。燒鵝脾:薄身唔夠肥，油香唔夠，本身都已經唔夠肥，好明顯因為去唔到貨吊乾左。總結:燒鵝最緊要夠肥大肉厚，有肥膏瀨住滴哂油上枱時暖身咁先為之好食，好抱歉呢間係冇一樣合格，no幫襯at all，唔好浪費金錢與時間，完。

土瓜灣越嚟越繁榮，因為將會有地鐵站嘅開通。所以近期大型嘅酒店，食肆都經常有不同嘅選擇，而且越來越多唔同嘅品種添。今日下午茶好想食燒鵝瀨粉，品味鮮係燒鵝大王，一個必然的決定，一定要入去會一會佢個燒鵝。下午茶時段燒味粉麵要＄30 ；如果要食燒鵝要加＄10。所以我叫左一個燒鵝瀨粉、再加一杯凍鴛鴦走甜小冰，一共42元正。燒鵝瀨粉送上來都聞到好香嘅燒鵝味，因為燒鵝同瀨粉係分開上嘅。服務真窩心。燒鵝保留原汁原味，勁讚👍。而且碟燒鵝唔係啲下欄燒鵝件，裏面有一隻燒鵝髀，再加香味十足的燒鹅腩，色香味都一流：不能錯過。唔講唔知：燒鵝脾單叫要收108元架。我今日賺左啦😁瀨粉都好出色，有熱辣辣上湯，10分鮮味。真係食到舔舔脷，下次再嚟試吓唔同的燒味，睇吓你係咪樣樣都整得咁好食呢😜

一大夥兒聚餐揀左呢間中菜預訂了一隻乳豬，豬皮燒得香脆，肥瘦均勻。可能時間安排關係，如果可以再熱啲上會更好。值得推介既係一口椒鹽豆腐炸得金黃香脆，豆腐超滑，忍唔住要夾多幾粒！其他炸物例如蠔餅，椒鹽魷魚，菠蘿咕嚕肉都ok 蠔餅既蠔既分量略嫌少左啲啲，但蛋勝在夠多而且炸得鬆化香脆。咕嚕肉就切得比較細粒。另外叫左兩個煲 - 荔芋雞煲，大馬站煲(豆腐火腩煲)。煲類就稍為遜色一點，荔芋煲本身味道可以，但汁缺少左椰奶香，略嫌唔夠濃郁。大馬站煲就有點過鹹。今晚叫左四個蔬菜都還可以。特別喜歡瑤柱豆苗同蝦醬芥蘭，前者夠香又帶點麻油既味，後者就鮮嫩多汁。

今日下午 ，去開土瓜灣 ，諗住食個燒味飯 。跟住入咗去呢間食， 坐低之後， 諗住食好啲 ，叫咗個燒鵝飯。飯嚟到之後， 發覺唔多對路， 成碟得一嚿有肉， 其他全部係骨。 同個侍應講，可唔可以換個碟。 個侍應攞咗碟飯入廚房， 過咗一陣， 攞返碟飯出嚟， 玩冇得換係咁㗎啦。 ok, 鬼叫趕時間， 諗住拿拿聲食完就算， 最多冇下次。 埋單時， 諗住畀個溫馨提示個收銀， 叫佢留意一下個情況， 或者同老細講聲。 點知個收銀同我講， 唔通將啲骨掉曬佢咩! 我即時無言, 心諗, 呢間舖頭真係冇得救!

位處於土記區內的茶記"品美鮮"，近一年成了我和小友的早餐飯堂。一個星期內總會有一天，在湊他上學之前都會在此食個港式早餐，幾乎是風雨不改....有一天，看到店門外貼了張告示，道不久後這兒會在附近開分店....心想作為半個熟客的我倆，一定要找天過去撐撐場才行.....怎知身為街坊的舅仔竟已搶先一步去嚐新。經探子回報後，說這兒的燒味做得挺不俗的。立意決定，就找個晚上一家人去食餐飯，試一試她的真功夫.... 打開餐牌look look，發現這兒有不少的多人套餐選擇，彈性是相當的大。一個四人set，包例湯、燒味雙併、三味小菜再送甜品都只是收你二百五十多大洋.... 論抵食度，實是爆晒燈.... 不過試畢後，卻發覺空是抵食有餘，但食物質素就非常的普通.... 呷一口所謂的紅蘿蔔冬瓜豬骨湯，甜味應是源自人工師傅，皆因喝後喉頭不良反應馬上驟然而來。縱然湯內好像有不少的料，但也於事無補.... 稱得自己做燒鵝大皇，少不免當然要點燒鵝來試。同場加映的還有燒腩仔.... 鵝皮沒有預期香脆，肉也未夠嫩。若以此稱自己為皇的話那就未免貽笑大方了吧；燒腩仔無論在咬口以至肉脂分佈上皆跟普通燒肉沒太大分別，幸好皮尚

之前呢度係大快活，年初搬遷之後，曾經有一段時間裝修，早前經過已經改名為品美鮮燒鵝大王，既然燒鵝係主打，自然要試試。今天來到原來下午茶$30，叧加$10就有燒鵝，點了燒鵝瀬及凍央少冰。凍央好甜，之後侍應幫我轉過，稍為好了些，不過都好甜😂😂😂至於燒鵝瀬，燒鵝皮已經不脆，可能出爐太耐了，皮下脂肪都算豐富，肉質就不算太有鵝味，只算合格。由於掛住留意燒鵝，吃了幾口之後，才發現瀬粉俾錯米缐😂😂😂，而米缐偏淋。這裡裝修格局似茶餐廳，而茶牌晚上還有小菜，仲每天有特價優惠，可能下次試試晚飯。

品味鮮燒鵝大皇，由開業至今日，一路都幫襯開，前身係大快活、地方夠大、坐得舒適，燒臘檔嘅燒鵝無得頂👍👍👍，廚房嘅出品夠曬味道，食過返尋味，冰鎮鮑魚、千絲鳳尾蝦無得頂👍👍👍……大酒樓食嘅嘢都有，加上冇茶芥及加一，認真抵食……