影片
以上資料只供參考, 請與餐廳確認詳情
是日經過深水埗 晚餐好想食炒小菜 就求其搵間門口有少少人排隊既茶餐廳開飯 一入門口就見到好幾檯都係一個人食飯 就知哩間應該係街坊食堂 即係質素一定有保証 本身係想食炒小菜 但係見到飯餐款式好吸引 價錢又經濟 所以就轉左食飯餐～今次就叫左咖喱鴛鴦扒飯同埋金牌鹽焗雞飯 先來兩碗例湯 係青紅蘿蔔瘦肉湯 通常我都唔會飲 因為夜晚茶餐廳既例湯通常都變左味精湯 但係男朋友話好好味 甘就試一啖 點知真係勁有驚喜 除左無味精 仲要係新鮮煲起 以茶餐廳既質素 確係唔錯☺️大家如果叫飯餐一定要飲 最後全碗飲哂😂咖喱鴛鴦扒飯既咖哩係唔辣既咖哩 係好濃既咖哩加埋炆到軟淋淋既薯仔(超鍾意❤️)真係好正 豬扒同牛扒都夠厚 味道唔錯👍🏻金牌鹽焗雞飯配有一碟沙薑醬 雞肉夠厚肉 同埋雞肉都幾滑 雞肉雖然唔係好多件 但係襯一個飯都岩岩好～今次意外收穫係飲左碗靚既老火湯❤️
繼續閱讀
今日在深水埗遊走，網上找找有咩推介餐廳，最後找到附近的茶餐廳。簡單的椰菜花肉片飯，一碗老火湯（木瓜豬骨），凍飲，只需45元，相信深水埗區中算係抵食，先講個飯，椰菜比較少肉比較多，當然性價比高，但如果多點菜會好點，味道正常缺點鑊氣，飯正常唔會過爛，老火湯足料好飲，凍飲大杯。值得一讚是員工的服務態度十分良好，小弟因為唔食辣所以問多幾句，但員工無厭我煩，仲介紹我食咩好，今餐雖然簡單但食得開心，性價比算高，純飽肚之選。
繼續閱讀
鴻昌 係我喺深水埗其中一間 食堂之一不過都唔係好常黎 因為我唔係住深水埗呢一邊 但係要讚嘅就係 佢係做碟頭飯做得比較有heart嘅一間 今日我叫咗肉餅飯老婆就食 涼瓜鮮魷飯都係有飯有湯有嘢飲 湯好大碗，但係就一粒湯渣都冇肉餅就正正常常一碟肉餅好送飯嗰隻啦而老婆個涼瓜鮮魷就等咗好耐我諗都有十幾分鐘 跟住佢話要即刻炒架 嚟到就知佢真係即刻炒食得出鑊氣同埋嗰啲熱度 係即炒嘅檸茶檸水正正常常 89蚊食個飯正正常常呢個份量係偏少嘅 但係認真 佢做出嚟嘅食物質素我覺得係算高 所以間唔中如果想食好少少都會嚟呢間茶記 不過呢間啲抽氣就比較差食完全身都會係油煙味
繼續閱讀
終於提起決心食湯飯啦（原因病鬼左＋唔想食粥＋唔想行咁遠＋心念成年幾）～ 黎親鴻昌不停loop它個d常餐（day day different) ，叫左個蛋花鮮茄肉片湯飯，承惠$43連野飲。首先個湯鮮甜的豬肉味濃又唔油，肉片多得黎又熟得黎又滑溜溜wo～送少少磨菇湯d磨菇片比你食食～蛋花簡值my 非佛（本人喜蛋類製品）配埋番茄切到岩一口食，酸酸甜甜都幾好食架～ 起碼下次會想再黎試湯飯先啦～
繼續閱讀
有天工程之後，又有點空餘時間，因此可以在這邊先吃個早餐。無端端突然可以在深水埗吃早餐，也算是小確幸。發現這間近西九龍中心的港式茶餐廳，原來一直也沒有來過😯。記得新年期間，很多餐廳沒有開，但它仍然有開門做生意。早餐可以去到12點，都算不錯。內容差不多，就是多了一片多士，或即是沒有麵條之分別吧。點了餐肉煎蛋，以及沙嗲牛肉麵。想不到，店方直接將餐肉以及煎蛋放在沙嗲牛肉麵上邊。用正方的碟子裝起，麵條好似是福麵的質地，因此都保留少許嚼勁；牛肉味就當然是醃肉粉醃鬆，普普通通，不太濃郁。隨便放在湯裏面的餐肉，當然我不會有什麼煎香了的感覺。煎蛋尚保持少許留心，味道還好。麵條的湯底夠熱，味道還算香濃，有輕微沙嗲牛肉的辣味。鴛鴦走，煉奶應該不算太多，因此不會顯得過甜，奶茶味道明顯不夠濃；港式咖啡，亦都沒有喝到酸味，味道正正常常。看見不少人士都會在臨近12時前，進來吃個早餐，也挺休閒。
繼續閱讀